കൊല്ലം: സർക്കാരിന്റെ നിലപാടുകൾ തൊഴിലാളികളെ ബുദ്ധിമുട്ടിലാക്കുന്നതിന്റെ തെളിവാണ് ക്ഷേമ പെൻഷനുകൾ മാസങ്ങളായി മുടങ്ങിക്കിടക്കുന്നതെന്ന് എസ്ടിയു ജില്ലാ സെക്രട്ടേറിയറ്റ് യോഗം ഉദ്ഘാടനം ചെയ്ത മുസ്ലിം ലീഗ് ജില്ലാ ജനറൽ സെക്രട്ടറി സുൽഫിക്കർ സലാം പറഞ്ഞു .
എസ് ടി യു ജില്ലാ പ്രസിഡന്റ് താഷ്കന്റ് കാട്ടുശേരി അധ്യക്ഷത വഹിച്ചു, എസ്ടിയു സംസ്ഥാന പ്രസിഡന്റ് അഡ്വ. എം. റഹ്മത്തുള്ള മുഖ്യപ്രഭാഷണം നടത്തി. സലിം പാലയ്ക്കൽ,കെ.പി. മുഹമ്മദ് അഷറഫ്, ജി. മാഹീൻ അബൂബക്കർ, പോളയത്തോട് ഷാജഹാൻ, എസ്. മുഹമ്മദ് സുഹൈൽ, എസ്. അനസ്, ചക്കാല നാസർ, ബി. ഷമീർ തുടങ്ങിയവർ പ്രസംഗിച്ചു.