കൊല്ലം: കുളിക്കുന്നതിനിടെ കാൽ വഴുതി പള്ളിക്കലാറ്റിൽ വീണ വയോധികൻ മരിച്ചു. ശൂരനാട് വടക്ക് പടിഞ്ഞാറ്റംമുറി വയലിറമ്പിൽ വീട്ടിൽ സദാശിവൻ (72) ആണ് മരിച്ചത്.
ശനിയാഴ്ച ഉച്ചയ്ക്ക് 12.30ന് നരിക്കാട്ടിൽ കടവിലായിരുന്നു സംഭവം. ശാസ്താംകോട്ട അഗ്നിരക്ഷാസേനയെത്തി പുറത്തെടുത്ത മൃതദേഹം താലൂക്ക് ആശുപത്രി മോർച്ചറിയിലേക്ക് മാറ്റി. സംസ്കാരം ഇന്നുമൂന്നിന് വീട്ടുവളപ്പിൽ. ഭാര്യ ഇന്ദിര. മക്കൾ:അനിൽകുമാർ, മനോജ്. മരുമക്കൾ: എസ്.അനിത, ആർ.അനിത.