കോള​ജ് സ്വി​മ്മിം​ഗ്പൂ​ളി​ന് നി​ബ​ന്ധ​ന​ക​ളോ​ടെ സ​ര്‍​ട്ടി​ഫി​ക്ക​റ്റ്
Saturday, August 24, 2024 6:00 AM IST
കൊ​ല്ലം: ടി​കെ​എം ആ​ര്‍​ട്‌​സ് ആ​ന്‍​ഡ് സ​യ​ന്‍​സ് കോ​ള​ജി​ന്‍റെ സ്വി​മ്മിം​ഗ് പൂ​ളി​ന് നി​ബ​ന്ധ​ന​ക​ളോ​ടെ ഒ​ക്യു​പ​ന്‍​സി സ​ര്‍​ട്ടി​ഫി​ക്ക​റ്റ് ന​ല്‍​കാ​ന്‍ ത​ദ്ദേ​ശ അ​ദാ​ല​ത്തി​ല്‍ മ​ന്ത്രി എം.​ബി. രാ​ജേ​ഷ് നി​ര്‍​ദേ​ശി​ച്ചു.

ന​ട​പ​ടി ക്ര​മ​ങ്ങ​ള്‍ പാ​ലി​ക്കു​ന്ന​തി​ല്‍ കോ​ള​ജി​ന്‍റെ ഭാ​ഗ​ത്തു​നി​ന്ന് വീ​ഴ്ച​യു​ണ്ടാ​യി​ട്ടു​ണ്ട്. യു​ജി​സി​യു​ടെ ഒ​രു കോ​ടി രൂ​പ​യു​ടെ ഗ്രാ​ന്‍റ് ന​ഷ്ട​പ്പെ​ടു​ന്ന അ​ടി​യ​ന്ത​ര സാ​ഹ​ച​ര്യം പ​രി​ഗ​ണി​ച്ചാ​ണ് തീ​രു​മാ​നം.

ചീ​ഫ് ടൗ​ണ്‍ പ്ലാ​ന​ര്‍ നി​ര്‍​ദേ​ശി​ക്കു​ന്ന ലേ ​ഔ​ട്ട് അ​പ്രൂ​വ​ല്‍ ഉ​ള്‍​പ്പെ​ടെ​യു​ള്ള ച​ട്ട നി​ബ​ന്ധ​ന​ക​ള്‍ ആ​റു​മാ​സ​ത്തി​ന​കം ടി​കെ​എം കോ​ള​ജ് പാ​ലി​ക്ക​ണം. ന​ട​പ​ടി സ്വീ​ക​രി​ക്കു​ന്ന​തി​ന് മ​ന്ത്രി കൊ​റ്റ​ങ്ക​ര പ​ഞ്ചാ​യ​ത്ത് സെ​ക്ര​ട്ട​റി​യെ ചു​മ​ത​ല​പ്പെ​ടു​ത്തി.

ബെ​ന്‍​സി​ഗ​റിന് ആ​ശ്വാ​സം

ദൂ​ര​പ​രി​ധി​യു​ടെ പേ​രി​ല്‍ ഓ​ട്ടി​സം ബാ​ധി​ത​നാ​യ കു​ട്ടി ഉ​പ​യോ​ഗി​ക്കു​ന്ന ടോ​യ് ല​റ്റ് പൊ​ളി​ക്കാ​നു​ള്ള നി​ര്‍​ദേ​ശം റ​ദ്ദാ​ക്കി ത​ദ്ദേ​ശ അ​ദാ​ല​ത്ത്. വീ​ടി​ന് പി​ന്നി​ല്‍ അ​തി​ര്‍​ത്തി​യു​മാ​യി അ​ക​ലം പാ​ലി​ക്കാ​ത്ത ഭാ​ഗം പൊ​ളി​ക്കാ​ന്‍ ഒ​ന്ന​ര വ​ര്‍​ഷം മു​ന്‍​പ് ബെ​ന്‍​സി​ഗ​ര്‍ ജോ​സ​ഫി​നു നി​ര്‍​ദേ​ശം ല​ഭി​ച്ച​താ​ണ്. ഇ​ത് ചെ​യ്യാ​ത്ത​തി​നാ​ല്‍ വീ​ടി​ന് ന​മ്പ​ര്‍ ല​ഭി​ച്ചി​ല്ല.

ഓ​ട്ടി​സം ബാ​ധി​ത​നാ​യ മ​ക​ന്‍ ഉ​പ​യോ​ഗി​ക്കു​ന്ന ടോ​യ് ല​റ്റ് ആ​ണ് ഈ ​ഭാ​ഗ​ത്ത്. ടോ​യ് ല​റ്റ് പൊ​ളി​ച്ചു​ക​ള​യാ​നു​ള്ള നി​ര്‍​ദേ​ശം ചോ​ദ്യം ചെ​യ്താ​ണ് മ​ത്സ്യ​തൊ​ഴി​ലാ​ളി​യാ​യ ബെ​ന്‍​സി​ഗ​ര്‍ ജോ​സ​ഫ് ത​ദ്ദേ​ശ അ​ദാ​ല​ത്തി​ലെ​ത്തി​യ​ത്.

കൊ​ല്ലം കോ​ര്‍​പ്പ​റേ​ഷ​നി​ലെ ജ്യോ​തി​സ് ന​ഗ​ര്‍ നി​വാ​സി​യാ​ണ് ബെ​ന്‍​സി​ഗ​ര്‍. മ​ന്ത്രി എം.​ബി. രാ​ജേ​ഷ് പ​രാ​തി വി​ശ​ദ​മാ​യി ചോ​ദി​ച്ചു മ​ന​സി​ലാ​ക്കി. മാ​നു​ഷി​ക പ​രി​ഗ​ണ​ന​യും മ​ക​ന്‍റെ രോ​ഗാ​വ​സ്ഥ​യും പ​രി​ഗ​ണി​ച്ച് പ്ര​ശ്നം പ​രി​ഹ​രി​ക്കാ​ന്‍ മ​ന്ത്രി ഉ​ദ്യോ​ഗ​സ്ഥ​രോ​ട് നി​ര്‍​ദേ​ശി​ച്ചു. തു​ട​ർ​ന്ന് വാ​ര്‍​ഡ് കൗ​ണ്‍​സി​ല​ര്‍ മി​നി​മോ​ളും ഉ​ദ്യോ​ഗ​സ്ഥ​രു​മാ​യി ച​ർ​ച്ച ന​ട​ത്തി.

ആ​ക്ഷേ​പ​മി​ല്ലെ​ന്ന സ​മ്മ​ത​പ​ത്രം സ​മ​ര്‍​പ്പി​ക്കാ​ന്‍ അ​യ​ല്‍​വാ​സി ത​യാ​റാ​യി. അ​തി​ന്‍റെ അ​ടി​സ്ഥാ​ന​ത്തി​ല്‍ ടോ​യ‌് ല​റ്റ് പൊ​ളി​ക്കാ​തെ ത​ന്നെ ന​മ്പ​ര്‍ ന​ല്‍​കാ​ന്‍ മ​ന്ത്രി കോ​ര്‍​പ്പ​റേ​ഷ​ന് നി​ര്‍​ദേ​ശം ന​ല്‍​കി.

ക്ഷേ​ത്ര​ത്തി​ന് പെ​ര്‍​മി​റ്റ് നൽകും

ഓ​ട​യു​ടെ മു​ക​ളി​ല്‍ സ്ലാ​ബ് ഇ​ട്ട് ന​ട​പ്പാ​ത​യാ​ക്കി​യ​തി​നാ​ല്‍ പെ​ര്‍​മി​റ്റ് ന​ൽ​കാ​ത്ത പ്ര​ശ്ന​ത്തി​ന് പ​രി​ഹാ​രം ക​ണ്ട് ത​ദ്ദേ​ശ അ​ദാ​ല​ത്ത്. കൊ​ല്ലം കോ​ര്‍​പ്പ​റേ​ഷ​നി​ലെ ക​ട​പ്പാ​ക്ക​ട ശ്രീ​ധ​ര്‍​മ ശാ​സ്താ ക്ഷേ​ത്ര ഭാ​ര​വാ​ഹി​ക​ളാ​ണ് കെ​ട്ടി​ട നി​ര്‍​മാ​ണ പെ​ര്‍​മി​റ്റ് നി​ഷേ​ധി​ച്ച​തി​നെ​ക്കു​റി​ച്ചു​ള്ള പ​രാ​തി​യു​മാ​യി അ​ദാ​ല​ത്തി​ല്‍ എ​ത്തി​യ​ത്.


സ​മീ​പ​ത്തെ വ​ഴി​യി​ല്‍ നി​ന്നു​ള്ള അ​ക​ലം ര​ണ്ട് മീ​റ്റ​ര്‍ വേ​ണ്ട​യി​ട​ത്ത് 40 സെ​ന്‍റി​മീ​റ്റ​ര്‍ കു​റ​വാ​യ​തി​നാ​ലാ​ണ് പെ​ര്‍​മി​റ്റ് നി​ഷേ​ധി​ച്ച​ത്. പ​രാ​തി മ​ന്ത്രി എം.​ബി.​രാ​ജേ​ഷ് പ​രി​ശോ​ധി​ച്ചു. പ​രി​ശോ​ധ​ന​യി​ല്‍ ഓ​ട​യു​ടെ മു​ക​ളി​ല്‍ സ്ലാ​ബ് ഇ​ട്ട് വ​ഴി​യാ​യി ഉ​പ​യോ​ഗി​ക്കു​ക​യാ​യി​രു​ന്ന​താ​യി മ​ന​സി​ലാ​യി.

കെ​ട്ടി​ട നി​ര്‍​മാ​ണ ച​ട്ടം 2 പ്ര​കാ​രം തെ​രു​വ് ആ​യോ റോ​ഡ് ആ​യോ ഇ​തി​നെ പ​രി​ഗ​ണി​ക്കാ​നാ​വി​ല്ല. അ​തി​നാ​ല്‍ ഭാ​വി വി​ക​സ​നം മു​ന്നി​ല്‍ ക​ണ്ട്, 23 -ാം ച​ട്ടം പ്ര​കാ​രം റോ​ഡ​തി​ര് അ​ല്ലെ​ങ്കി​ല്‍ തെ​രു​വ് അ​തി​രു​മാ​യു​ള്ള അ​ക​ലം ഈ ​കെ​ട്ടി​ട​ത്തി​ന് ബാ​ധ​ക​മി​ല്ലെ​ന്നും മ​ന്ത്രി തീ​ര്‍​പ്പ് ക​ല്പി​ച്ചു. അ​തി​നാ​ല്‍ അ​പേ​ക്ഷ​ക​ന് പെ​ര്‍​മി​റ്റ് അ​നു​വ​ദി​ക്കാ​ന്‍ മ​ന്ത്രി നി​ര്‍​ദേ​ശി​ച്ചു.

പ​ലി​ശ എ​ഴു​തി​ത്ത​ള്ളും‍

കൊ​ല്ലം കോ​ര്‍​പ​റേ​ഷ​നി​ലു​ള്ള പ്ര​മാ​ണം തി​രി​കെ ല​ഭി​ക്കു​ക​യാ​യി​രു​ന്നു കൊ​ല്ലം കോ​ര്‍​പ്പ​റേ​ഷ​നി​ലെ ശ​ക്തി​കു​ള​ങ്ങ​ര സ്വ​ദേ​ശി ജോ​സ​ഫി​ന്‍റെ അ​പേ​ക്ഷ.

26 വ​ര്‍​ഷ​ത്തെ 21.55 ല​ക്ഷം രൂ​പ​യു​ടെ പ​ലി​ശ​യാ​ണ് എ​ഴു​തി​ത​ള്ളു​ക. പ​ലി​ശ​യ്ക്ക് മേ​ലു​ള്ള ജ​പ്തി ന​ട​പ​ടി​ക​ളും അ​വ​സാ​നി​പ്പി​ക്കും. കൊ​ല്ലം ഡെ​വ​ല​പ്പ്‌​മെ​ന്‍റ് അ​തോ​റി​റ്റി​യി​ല്‍ നി​ന്ന് 20,400 രൂ​പ വാ​യ്പ എ​ടു​ത്തി​രു​ന്ന​ത്.

പ​ണ​യം വ​ച്ച പ്ര​മാ​ണ​മാ​ണ് ജോ​സ​ഫ് ആ​വ​ശ്യ​പ്പെ​ട്ട​ത്. വി​ഷ​യം റ​വ​ന്യൂ റി​ക്ക​വ​റി ന​ട​പ​ടി​യി​ലേ​ക്കു ക​ട​ന്നി​രു​ന്നു.രോ​ഗി​യാ​യ ജോ​സ​ഫി​ന് വേ​ണ്ടി മ​ത്സ്യ​ക്ക​ച്ച​വ​ടം ന​ട​ത്തു​ന്ന ഭാ​ര്യ​യാ​ണ് അ​ദാ​ല​ത്തി​ലെ​ത്തി​യ​ത്. ജോ​സ​ഫി​ന്‍റെ വാ​യ്പ​യു​ടെ പ​ലി​ശ പൂ​ര്‍​ണ​മാ​യി ഒ​ഴി​വാ​ക്കി.

മു​ത​ല്‍ മാ​ത്രം ഈ​ടാ​ക്കി ഒ​റ്റ​ത്ത​വ​ണ തീ​ര്‍​പ്പാ​ക്ക​ലി​ന് കോ​ര്‍​പ്പ​റേ​ഷ​ന്‍ കൗ​ണ്‍​സി​ല്‍ തീ​രു​മാ​നി​ക്കാ​ൻ മ​ന്ത്രി നി​ര്‍​ദേ​ശി​ച്ചു. ത​ന്‍റേ​യും ഭ​ര്‍​ത്താ​വി​ന്‍റേ​യും പ​രാ​തി​യി​ലൂ​ടെ 51 പേ​ര്‍​ക്ക് കൂ​ടി ആ​നു​കൂ​ല്യം ല​ഭ്യ​മാ​യ​തി​ന്‍റെ സ​ന്തോ​ഷ​ത്തി​ലാ​ണ് ജോ​സ​ഫി​ന്‍റെ ഭാ​ര്യ പൊ​ന്ന​മ്മ അ​ദാ​ല​ത്ത് വേ​ദി​യി​ല്‍ നി​ന്ന് മ​ട​ങ്ങി​യ​ത്.