ചവറ: വയനാട്ടിലെ ദുരിതബാധിതരെ സഹായിക്കാനായി കരുനാഗപ്പള്ളി താലൂക്ക് ലൈബ്രറി കൗൺസിൽ നിർമിക്കുന്ന വീടിനും ലൈബ്രറിയ്ക്കുമായി പൊന്മന പ്രോഗ്രസീവ് ലൈബ്രറി സമാഹരിച്ച തുക ലൈബ്രറി താലൂക്ക് കൗൺസിൽ ഭാരവാഹികളായ പി.ബി. ശിവനും വി. വിജയകുമാറും ഏറ്റുവാങ്ങി.
ലൈബ്രറിയിൽ നടന്ന ചടങ്ങിൽ ഗ്രന്ഥശാല പ്രസിഡന്റ് പൊന്മന നിശാന്ത് അധ്യക്ഷനായി. ഭാരവാഹികളായ ബി. അനിൽ, ടി. വിശ്വനാഥൻ, ടി. ബിജു, പുഷ്പജ, രമ്യ സുനിത്ത്, ശാലിനി, സന്ധ്യ, ലീന, അനീഷ, അനിതഎന്നിവർ പ്രസംഗിച്ചു.