പി​ള്ള​യു​ടെ പ്ര​തി​മാ വിവാദം : കേ​ര​ളാ കോ​ൺ​ഗ്ര​സ് കൗ​ൺ​സി​ലർമാർ രാ​ജി​ ഭീഷണി മുഴക്കി
Friday, August 23, 2024 6:53 AM IST
കൊ​ട്ടാ​ര​ക്ക​ര: മു​ൻ മ​ന്ത്രി ആ​ർ. ബാ​ല​കൃ​ഷ്ണ​പി​ള്ള​യു​ടെ പ്ര​തി​മ സ്ഥാ​പി​ക്കാ​ൻ സ്ഥ​ലം ല​ഭ്യ​മാ​യി​ല്ലെ​ങ്കി​ൽ ന​ഗ​ര​സ​ഭാ കൗ​ൺ​സി​ലി​ൽ നി​ന്ന് കേ​ര​ളാ കോ​ൺ​ഗ്ര​സ് -ബി ​അം​ഗ​ങ്ങ​ൾ രാ​ജി​വ​യ്ക്കു​മെ​ന്ന് ഭീ​ഷ​ണി.

നേ​ര​ത്തേ​യും ഇ​ത്ത​രം ഭീ​ഷ​ണി ഉ​യ​ർ​ത്തു​ക​യും കൗ​ൺ​സി​ൽ യോ​ഗ​ങ്ങ​ളി​ൽ നി​ന്ന് ഇ​വ​ർ വി​ട്ടു നി​ൽ​ക്കു​ക​യും ചെ​യ്തി​രു​ന്നു. എ​ന്നാ​ൽ കെ.​ബി. ഗ​ണേ​ഷ് കു​മാ​ർ മ​ന്ത്രി​യാ​കു​മെ​ന്ന് ഉ​റ​പ്പാ​യ​തോ​ടെ അ​ന്ന​ത്തെ പ്ര​തി​ഷേ​ധം യാ​തൊ​രു വി​ധ ച​ർ​ച്ച​ക​ളു​മി​ല്ലാ​തെ പി​ൻ​വ​ലി​ക്കു​ക​യാ​യി​രു​ന്നു.

ബാ​ല​കൃ​ഷ്ണ​പി​ള്ള​യു​ടെ പ്ര​തി​മ കൊ​ട്ടാ​ര​ക്ക​ര ന​ഗ​ര​ത്തി​ന്‍റെ ഹൃ​ദ​യ​ഭാ​ഗ​ത്ത് സ്ഥാ​പി​ക്ക​ണ​മെ​ന്നാ​ണ് കേ​ര​ളാ കോ​ൺ​ഗ്ര​സ് ആ​വ​ശ്യം. ഇ​തി​നാ​യി റ​വ​ന്യൂ​ഭൂ​മി അ​നു​വ​ദി​ക്ക​ണം. ഭൂ​മി ല​ഭി​ച്ചാ​ൽ പ്ര​തി​മ ത​ങ്ങ​ൾ നി​ർ​മി​ച്ച് സ്ഥാ​പി​ക്കാ​മെ​ന്നാ​ണ് കേ​ര​ളാ കോ​ൺ​ഗ്ര​സ് പ​റ​യു​ന്ന​ത്.

ഇ​തി​നാ​യി സി​പി​എം നേ​തൃ​ത്വ​വു​മാ​യി പ​ല ഘ​ട്ട​ങ്ങ​ളി​ലും ച​ർ​ച്ച ന​ട​ത്തി​യി​രു​ന്നു. ഉ​ചി​ത​മാ​യ ഭൂ​മി ല​ഭ്യ​മ​ല്ലെ​ന്നാ​ണ് സി​പി​എം പ്ര​തി​ക​ര​ണം. ക​ഴി​ഞ്ഞ ദി​വ​സ​വും കൊ​ട്ടാ​ര​ക്ക​ര​യി​ലെ കേ​ര​ളാ കോ​ൺ​ഗ്ര​സ് നേ​താ​ക്ക​ൾ മ​ന്ത്രി കെ.​എ​ൻ. ബാ​ല​ഗോ​പാ​ലി​നെ ക​ണ്ട് നി​വേ​ദ​നം ന​ൽ​കു​ക​യു​ണ്ടാ​യി.

കൊ​ട്ടാ​ര​ക്ക​ര ച​ന്ത​മു​ക്കി​ലെ മു​നി​സി​പ്പ​ൽ ഗ്രൗ​ണ്ടി​ൽ സ്ഥ​ലം അ​നു​വ​ദി​ക്ക​ണ​മെ​ന്നാ​ണ് കേ​ര​ളാ കോ​ൺ​ഗ്ര​സ് ആ​വ​ശ്യ​പ്പെ​ടു​ന്ന​ത്. രാ​ജി ഭീ​ഷ​ണി മു​ഴ​ക്കി​യ​ശേ​ഷം ഇ​ന്ന​ലെ കേ​ര​ളാ കോ​ൺ​ഗ്ര​സ് നേ​താ​ക്ക​ളും കൗ​ൺ​സി​ല​ർ​മാ​രും ഇ​വി​ടം സ​ന്ദ​ർ​ശി​ക്കു​ക​യു​ണ്ടാ​യി.


എ​ന്നാ​ൻ ഈ ​സ്ഥ​ല​ത്ത് സാം​സ്കാ​രി​ക സ​മു​ച്ച​യം നി​ർ​മി​ക്കാ​ൻ സ​ർ​ക്കാ​ർ ത​ല​ത്തി​ൽ തീ​രു​മാ​ന​മെ​ടു​ത്തി​രി​ക്കു​ക​യാ​ണ്. ഇ​തി​നാ​യി ര​ണ്ടു കോ​ടി രൂ​പ​യും അ​നു​വ​ദി​ച്ചി​ട്ടു​ണ്ട്. ഓ​ഡി​റ്റോ​റി​യ മു​ൾ​പ്പെ​ടെ​യാ​ണ് നി​ർ​മി​ക്കു​ക.

പ്ര​തി​മ സ്ഥാ​പി​ക്കു​ക​യ​ല്ല, ചി​ല കാ​ര്യ​സാ​ധ്യ​ത​ക്കു വേ​ണ്ടി പ്ര​തി​മ​യെ ആ​യു​ധ​മാ​ക്കു​ക​യാ​ണ് കേ​ര​ളാ കോ​ൺ​ഗ്ര​സ് നേ​താ​ക്ക​ൾ ചെ​യ്യു​ന്നു​വെ​ന്നാ​ണ് ആ​ക്ഷേ​പ​മു​യ​രു​ന്ന​ത്. ഇ​പ്പോ​ഴ​ത്തെ പ്ര​തി​മാ വി​വാ​ദ​ത്തി​നു പി​ന്നി​ൽ താ​ലൂ​ക്കാ​ശു​പ​ത്രി​യി​ലെ താ​ൽ​ക്കാ​ലി​ക നി​യ​മ​ന​ങ്ങ​ളെ​ന്നാ​ണ് ആ​ക്ഷേ​പം.

സി​പി​എം ഏ​ക​പ​ക്ഷീ​യ​മാ​യി തീ​രു​മാ​ന​മെ​ടു​ത്ത് അ​വ​രു​ടെ ആ​ളു​ക​ൾ​ക്ക് മാ​ത്രം നി​യ​മ​നം ന​ൽ​കു​ന്ന​താ​യി കേ​ര​ളാ കോ​ൺ​ഗ്ര​സ് നേ​താ​ക്ക​ൾ പ​രാ​തി​പ്പെ​ടു​ന്നു. ആ​ശു​പ​ത്രി വി​ക​സ​ന സ​മി​തി​യി​ൽ കേ​ര​ളാ കോ​ൺ​ഗ്ര​സ് പ്ര​തി​നി​ധി​യു​ണ്ടെ​ങ്കി​ലും ഒ​ന്നും അ​റി​യി​ക്കു​ന്നി​ല്ലെ​ന്നാ​ണ് പ​രാ​തി.
നാ​ളെ ന​ഴ്സു​മാ​ര​ട​ക്കം ചി​ല ത​സ്തി​ക​ക​ളി​ലേ​ക്ക് ഇ​ന്‍റ​ർ​വ്യൂ ഉ​ണ്ട്.

ഇ​ത് കേ​ര​ളാ കോ​ൺ​ഗ്ര​സി​നെ അ​റി​യി​ച്ചി​ട്ടി​ല്ല. ഇ​താ​ണ് ഇ​പ്പോ​ഴ​ത്തെ പ്ര​തി​മ വി​വാ​ദ​ത്തി​നും രാ​ജി ഭീ​ഷ​ണി​ക്കും പി​ന്നി​ലെ​ന്നാ​ണ് സൂ​ച​ന​ക​ൾ. ന​ഗ​ര​സ​ഭാ കൗ​ൺ​സി​ലി​ൽ ആ​റ് കൗ​ൺ​സി​ല​ർ​മാ​രാ​ണ് കേ​ര​ളാ കോ​ൺ​ഗ്ര​സ് -ബി ​ക്കു​ള്ള​ത്.