കൊല്ലം: തൃക്കരുവ ഭദ്രകാളി ദേവീ ക്ഷേത്രത്തിൽ മോഷണം നടന്നു. ക്ഷേത്രത്തിലെ സിസി ടിവി കാമറ പരിശോധിച്ചപ്പോൾ രാത്രി കഴിഞ്ഞ ദിവസം 12. 30 നും ഒന്നിനും മധ്യേയാണ് മോഷണം നടന്നതെന്ന് വ്യക്തമായി.
ചുറ്റമ്പലത്തിന്‍റെ ഉള്ളിൽ പ്രവേശിച്ച മോഷ്ടാവ് രണ്ട് കാണിക്ക വഞ്ചികൾ കുത്തിപ്പൊളിച്ച് പണം മോഷ്ടിച്ചു. ഓഫീസ് കൗണ്ടറിന്‍റെ ഗ്രിൽ പൊളിച്ച് അകത്തു കടന്ന മോഷ്ടാവ് ഓഫീസിൽ സൂക്ഷിച്ചിരുന്ന 15,000 രൂപ അപഹരിച്ചു. അഞ്ചാലുംമൂട് പോലീസ് സ്റ്റേഷനിൽ പരാതി നൽകി.