കൊട്ടാരക്കര : വിവിധ ആവശ്യങ്ങളുന്നയിച്ച് കെഎസ്എഫ്ഇ ഓഫീസേഴ്സ് യൂണിയൻ കൊട്ടാരക്കര റീജിയണൽ ഓഫീസ് പടിക്കൽ പ്രകടനവും യോഗവും നടത്തി പ്രതിഷേധദിനം ആചരിച്ചു. യൂണിയൻ സംസ്ഥാന കമ്മിറ്റിയംഗം പി .ജി .അഞ്ജലി ഉദ്ഘാടനം ചെയ്തു.
ജില്ലാ ജോയിന്റ് സെക്രട്ടറി പി .ആർ. ഹരി അധ്യക്ഷനായി. സംസ്ഥാന കമ്മിറ്റിയംഗം സി .രാധാകൃഷ്ണപിള്ള, സമീൻ എന്നിവർ പ്രസംഗിച്ചു. ശമ്പള പരിഷ്കരണ ചർച്ച ആരംഭിക്കുക, ഇടക്കാല ആശ്വാസം അനുവദിക്കുക, വിരമിക്കുന്ന ഓഫീസർമാരുടെ ആനുകൂല്യങ്ങൾ തടഞ്ഞുവെയ്ക്കുന്ന നടപടി പിൻവലിക്കുക, തുടങ്ങിയ ആവശ്യങ്ങളുന്നയിച്ചാണ് പ്രകടനവും യോഗവും നടത്തിയത്.