കൊട്ടാരക്കര: വൈദ്യുതി മോഷണം നടത്തിവന്ന കൊട്ടാരക്കര നഗരസഭ വനിതാ കൗൺസിലറുടെ വീട്ടിലേക്കുള്ള വൈദ്യുതി ബന്ധം വൈദ്യുതി വകുപ്പു ജീവനക്കാർ വിഛേദിക്കുകയും കേസെടുക്കുകയും ചെയ്തു. കൊട്ടാരക്കര നഗരസഭയിലെ അമ്പലപ്പുറം ഡിവിഷൻ പ്രതിനിധി ഷീലയുടെ വീട്ടിലാണ് വൈദ്യുതി മോഷണം കണ്ടെത്തിയത്.
സിപിഎം പ്രതിനിധിയാണ് ഇവർ. രഹസ്യവിവരം ലഭിച്ചതിനെ തുടർന്നാണ് അസിസ്റ്റന്റ് എഞ്ചിനീയറുടെ നേതൃത്വത്തിൽ ഇന്നലെ പരിശോധന നടത്തിയത്. വൈദ്യുതി മീറ്റർ വഴിയല്ലാതെ വയർ വലിച്ച് നേരിട്ട് വൈദ്യുതി എടുക്കുകയായിരുന്നു. ബുധനാഴ്ചയാണ് വൈദ്യുതി ബന്ധം വിഛേദിച്ചത്. ഇന്നലെ 2,48,000 രൂപ പിഴ ഈടാക്കി വൈദ്യുതി ബന്ധം പുനഃസ്ഥാപിച്ചു.