എച്ച് വൺ എൻ വൺ: ജാ​ഗ്ര​ത വേ​ണമെന്ന് ആ​രോ​ഗ്യ​വ​കു​പ്പ്
Thursday, July 25, 2024 6:15 AM IST
കൊല്ലം: എച്ച് വൺ എൻ വൺ പ​നി പകരുന്ന സാഹചര്യത്തിൽ ജാ​ഗ്ര​ത വേ​ണമെന്ന് ആ​രോ​ഗ്യ​വ​കു​പ്പ്. രോ​ഗ​ബാ​ധ​യു​ള്ള​വ​ര്‍ മൂ​ക്കും വാ​യും മ​റ​യ്ക്കാ​തെ തു​മ്മു​ക​യും ചു​മ​യ്ക്കു​ക​യും ചെ​യ്യു​മ്പോ​ഴും മ​റ്റു​ള്ള​വ​രു​മാ​യി അ​ടു​ത്തി​ട​പ​ഴ​കു​മ്പോ​ഴും രോ​ഗി​യു​ടെ സ്ര​വ​ങ്ങ​ള്‍ പു​ര​ളാ​നി​ട​യു​ള്ള പ്ര​ത​ല​ങ്ങ​ളി​ല്‍ സ്പ​ര്‍​ശി​ക്കു​മ്പോ​ഴും രോ​ഗം മ​റ്റു​ള്ള​വ​രി​ലേ​ക്ക് പ​ക​രാ​നി​ട​യു​ണ്ട്. പ​നി, തു​മ്മ​ല്‍, തൊ​ണ്ട​വേ​ദ​ന, മൂ​ക്കൊ​ലി​പ്പ്, ചു​മ ശ്വാ​സ​ത​ട​സം, ഛര്‍​ദ്ദി എ​ന്നി​വ ല​ക്ഷ​ണ​ങ്ങ​ളാ​ണ്.

രോ​ഗ​ല​ക്ഷ​ണ​ങ്ങ​ള്‍ തു​ട​ക്ക​ത്തി​ലേ തി​രി​ച്ച​റി​ഞ്ഞ് കൃ​ത്യ​സ​മ​യ​ത്ത് ചി​കി​ത്സ തേ​ട​ണം. എച്ച് വൺ എൻ വൺ പ​നി​യ്ക്ക് സ​ര്‍​ക്കാ​ര്‍ ആ​ശു​പ​ത്രി​ക​ളി​ല്‍ പ​രി​ശോ​ധ​ന​യും ചി​കി​ത്സ​യും ല​ഭ്യ​മാ​ണ്. രോ​ഗ​പ്പ​ക​ര്‍​ച്ച ഒ​ഴി​വാ​ക്കാ​ന്‍ വ്യ​ക്തി ശു​ചി​ത്വ​വും സാ​മൂ​ഹി​ക ശു​ചി​ത്വ​വും പാ​ലി​ക്ക​ണ​മെ​ന്ന് ആ​രോ​ഗ്യ​വ​കു​പ്പ് നി​ര്‍​ദേ​ശി​ച്ചു.

അകലം പാലിക്കുക

നി​ര്‍​ബ​ന്ധ​മാ​യും മാ​സ്‌​ക് ധ​രി​ക്ക​ണം. മ​റ്റു​ള്ള​വ​രി​ല്‍ നി​ന്ന് അ​ക​ലം പാ​ലി​ക്ക​ണം. പൊ​തു​സ്ഥ​ല​ങ്ങ​ള്‍, ജോ​ലി സ്ഥ​ല​ങ്ങ​ള്‍ എ​ന്നി​വി​ട​ങ്ങ​ളി​ല്‍ നി​ന്നു വി​ട്ടു നി​ല്‍​ക്ക​ണം.

പ​നി​യു​ള്ള​പ്പോ​ള്‍ കു​ഞ്ഞു​ങ്ങ​ളെ സ്‌​കൂ​ള്‍, അ​ങ്ക​ണ​വാ​ടി​ക​ള്‍, ക്ര​ഷ് എ​ന്നി​വി​ട​ങ്ങ​ളി​ല്‍ വി​ട​രു​ത്. രോ​ഗ​മു​ള്ള​വ​ര്‍ ന​ന്നാ​യി വി​ശ്ര​മി​ക്ക​ണം. ക​ഞ്ഞി​വെ​ള്ളം, തി​ള​പ്പി​ച്ചാ​റി​യ വെ​ള്ളം തു​ട​ങ്ങി​യ പാ​നീ​യ​ങ്ങ​ള്‍ കു​ടി​ക്കു​ക​യും പോ​ഷ​ക​പ്ര​ദ​മാ​യ ഭ​ക്ഷ​ണം ക​ഴി​ക്കു​ക​യും വേ​ണം. കൈ​ക​ള്‍ സോ​പ്പ് ഉ​പ​യോ​ഗി​ച്ച് ക​ഴു​ക​ണം. പൊ​തു ഇ​ട​ങ്ങ​ളി​ല്‍ തു​പ്പ​രു​ത്. മൂ​ക്കു ചീ​റ്റി​യ ശേ​ഷം ഉ​ട​നെ കൈ​ക​ള്‍ സോ​പ്പ് ഉ​പ​യോ​ഗി​ച്ച് ക​ഴു​ക​ണം. തു​മ്മു​മ്പോ​ഴും ചു​മ​യ്ക്കു​മ്പോ​ഴും മാ​സ്‌​ക് മാ​റ്റ​രു​ത്.

ചു​മ​യ്ക്കു​മ്പോ​ള്‍ ശ്രദ്ധി​ക്കു​ക

രോ​ഗ​ബാ​ധി​ത​നാ​യ ഒ​രാ​ള്‍ ചു​മ​യ്ക്കു​മ്പോ​ഴോ തു​മ്മു​മ്പോ​ഴോ പു​റ​ന്ത​ള്ളു​ന്ന ശ്വ​സ​ന ക​ണി​ക​ക​ളി​ലൂ​ടെ​യാ​ണ് ശ്വാ​സ​കോ​ശ സം​ബ​ന്ധ​മാ​യ അ​ണു​ബാ​ധ​ക​ള്‍ പ്ര​ധാ​ന​മാ​യും പ​ക​രു​ന്ന​ത്. അ​തി​നാ​ല്‍ ചു​മ​യ്ക്കു​മ്പോ​ള്‍ മൂ​ക്കും വാ​യും മ​റ​യ്ക്ക​ണം.

ചു​മ​യ്ക്കു​മ്പോ​ഴും തു​മ്മു​മ്പോ​ഴും വാ​യും മൂ​ക്കും മ​റ​യ്ക്കാ​ന്‍ തൂ​വാ​ല, ടി​ഷ്യു പേപ്പർ എന്നിവ ഉ​പ​യോ​ഗി​ക്ക​ണം. കൈ​ക​ളി​ല്‍ മു​ഖം അ​മ​ര്‍​ത്തി ചു​മ​യ്ക്ക​രു​ത്. ഉ​പ​യോ​ഗി​ച്ച ടി​ഷ്യൂ വ​ലി​ച്ചെ​റി​യാ​തെ അ​ട​പ്പു​ള്ള ഒ​രു വേ​സ്റ്റ് ബി​ന്നി​ല്‍ നി​ക്ഷേ​പി​ക്ക​ണം.


ചു​മ​ച്ചശേ​ഷം കു​റ​ഞ്ഞ​ത് 20 സെ​ക്ക​ന്‍​ഡ് നേ​ര​ത്തേ​ക്ക് സോ​പ്പും വെ​ള്ള​വും ഉ​പ​യോ​ഗി​ച്ച് കൈ​ക​ള്‍ ക​ഴു​ക​ണം. ക​ഴു​കാ​ത്ത കൈ​ക​ള്‍ കൊ​ണ്ട് ക​ണ്ണു​ക​ള്‍, മൂ​ക്ക്, വാ​യ എ​ന്നി​വ​യി​ല്‍ സ്പ​ര്‍​ശി​ക്ക​രു​ത്. പൊ​തു​സ്ഥ​ല​ങ്ങ​ളി​ലും ആ​ശു​പ​ത്രി​ സ​ന്ദ​ര്‍​ശ​ന വേ​ള​ക​ളി​ലും മാ​സ്‌​ക് ഉ​പ​യോ​ഗി​ക്ക​ണം.

പ്ര​തി​രോ​ധം ഉ​റ​പ്പാ​ക്കു​ക

വ്യ​ക്തി ശു​ചി​ത്വ​വും സാ​മൂ​ഹി​ക ശു​ചി​ത്വ​വും ഉ​റ​പ്പാ​ക്ക​ണം. പൊ​തു ഇ​ട​ങ്ങ​ളി​ലും തി​ര​ക്കു​ള്ള സ്ഥ​ല​ങ്ങ​ളി​ലും മാ​സ്‌​ക് ധ​രി​ക്ക​ണം. കൈ ​ക​ഴു​കാ​തെ ക​ണ്ണി​ലോ മൂ​ക്കി​ലോ വാ​യി​ലോ സ്പ​ര്‍​ശി​ക്ക​രു​ത്. കൈ​ക​ള്‍ സോ​പ്പ് ഉ​പ​യോ​ഗി​ച്ച് ക​ഴു​കു​ക​യോ ഇ​ട​യ്ക്കി​ടെ സാ​നി​റ്റൈ​സ​ര്‍ ഉ​പ​യോ​ഗി​ച്ച് അ​ണു​വി​മു​ക്ത​മാ​ക്കു​ക​യും ചെ​യ്യ​ണം.

ഗ​ര്‍​ഭി​ണി​ക​ള്‍​ക്ക് രോ​ഗ​ബാ​ധ​യു​ണ്ടാ​യാ​ല്‍ രോ​ഗം ഗു​രു​ത​ര​മാ​കാ​നും മ​ര​ണ​ ക​ര​ണ​മാ​കാ​നും സാ​ധ്യ​ത​യു​ണ്ട്. അ​തി​നാ​ല്‍ ഗ​ര്‍​ഭി​ണി​ക​ള്‍ ജ​ല​ദോ​ഷം പോ​ലെ​യു​ള്ള രോ​ഗ​ല​ക്ഷ​ണ​ങ്ങ​ള്‍ ഉ​ണ്ടാ​യാ​ല്‍ പോ​ലും എ​ത്ര​യും പെ​ട്ടെ​ന്ന് ചി​കി​ത്സ തേ​ട​ണം.

പ്ര​തി​രോ​ധ​ ശീ​ല​ങ്ങ​ള്‍ വി​ട്ടു​വീ​ഴ്ച​യി​ല്ലാ​തെ പാ​ലി​ക്ക​ണം. ശ്വാ​സ​കോ​ശ രോ​ഗ​ങ്ങ​ള്‍, ഹൃ​ദ്രോ​ഗ​ങ്ങ​ള്‍, ക​ര​ള്‍ രോ​ഗ​ങ്ങ​ള്‍, കി​ഡ്‌​നി രോ​ഗ​ങ്ങ​ള്‍, നാ​ഡീ സം​ബ​ന്ധ​മാ​യ രോ​ഗ​ങ്ങ​ള്‍, ര​ക്താ​തി​മ​ര്‍​ദം പ്ര​മേ​ഹം, കാ​ന്‍​സ​ര്‍ തു​ട​ങ്ങി​യ രോ​ഗ​ങ്ങ​ള്‍, സ്റ്റി​റോ​യ്ഡ് മ​രു​ന്ന് ക​ഴി​ക്കു​ന്ന​വ​ര്‍, പ്ര​തി​രോ​ധ ശ​ക്തി കു​റ​യ്ക്കു​ന്ന മ​രു​ന്നു​ക​ള്‍ (ഇ​മ്യൂ​ണോ സ​പ്പ്ര​സ​ന്‍റുക​ള്‍) ക​ഴി​ക്കു​ന്ന​വ​ര്‍ കു​ഞ്ഞു​ങ്ങ​ള്‍ എ​ന്നി​വ​ര്‍ കൂ​ടു​ത​ല്‍ ശ്ര​ദ്ധ പു​ല​ര്‍​ത്ത​ണം.

രോ​ഗ​ല​ക്ഷ​ണ​ങ്ങ​ള്‍ ഉ​ണ്ടാ​യാ​ല്‍ ആ​രോ​ഗ്യ പ്ര​വ​ര്‍​ത്ത​ക​രെ വി​വ​രം അ​റി​യി​ക്ക​ണം. രോ​ഗ​പ്ര​തി​രോ​ധ പ്ര​വ​ര്‍​ത്ത​ന​ങ്ങ​ളു​ടെ ഭാ​ഗ​മാ​യി പ​നി​ നീ​രീ​ക്ഷ​ണം ശ​ക്ത​മാ​ക്കാ​നും എച്ച്വൺ എൻവൺ ചി​കി​ത്സാ മാ​ന​ദ​ണ്ഡ​ങ്ങ​ള്‍ പാ​ലി​ക്കു​ന്ന​തി​ന് സ്വ​കാ​ര്യ ആ​ശു​പ​ത്രി​ക​ള്‍​ക്ക് ഉ​ള്‍​പ്പെ​ടെ നി​ര്‍​ദേ​ശം ന​ല്‍​കി​യി​ട്ടു​ണ്ടെന്നും വ്യ​ക്ത​മാ​ക്കി.