കൊ​ട്ടി​യം- മൈ​ലാ​പ്പൂ​ർ റോ​ഡ് യാ​ത്ര ദു​രി​ത​മാ​യി
Thursday, July 25, 2024 6:15 AM IST
കൊ​ട്ടി​യം: റോ​ഡ് തോ​ടാ​യി ത​ക​ർ​ന്നു കി​ട​ന്നി​ട്ടും ന​ട​പ​ടി​യെ​ടു​ക്കാ​തെ ജ​ന​പ്ര​തി​നി​ധി​ക​ൾ. കാ​ൽ​ന​ട​യാ​ത്ര പോ​ലും പ്ര​യാ​സ​മാ​ക്കി​യി​ട്ടും അ​വ​ഗ​ണ​ന തു​ട​രു​ന്നു.

കൊ​ട്ടി​യം ഡോ​ൺ ബോ​സ്കോ ജം​ഗ്ഷ​ൻ - പേ​ര​യം - മൈ​ലാ​പ്പൂ​ർ -പി​കെ ജം​ഗ്ഷ​ൻ റോ​ഡ് യാ​ത്ര ദു​രി​ത​മാ​യി. റോ​ഡ് ന​വീ​ക​രി​ച്ചി​ട്ട് 15 വ​ർ​ഷം ക​ഴി​ഞ്ഞെ​ന്നാ​ണ് ആ​ക്ഷേ​പ​മു​യ​രു​ന്ന​ത്.
റോ​ഡി​ലെ കു​ഴി​ക​ളി​ൽ​പ്പെ​ട്ട് അ​പ​ക​ട​ങ്ങ​ളും വാ​ഹ​ന​ങ്ങ​ൾ​ക്ക് ത​ക​രാ​റും സം​ഭ​വി​ക്കു​ന്ന​ത് പ​തി​വാ​യി. ചെ​റു​വാ​ഹ​ന​ങ്ങ​ൾ​ക്ക് ക​ട​ന്നു​പോ​കാ​ൻ പ​റ്റാ​ത്ത അ​വ​സ്ഥ​യാ​ണ്.

റോ​ഡി​ൽ പ​ല​യി​ട​ത്തും വ​ലി​യ കു​ഴി​ക​ളാ​ണ്. മ​ഴ​പെ​യ്ത‌ാ​ൽ റോ​ഡ് ചെ​ളി​ക്കു​ള​മാ​കു​ന്ന സ്ഥി​തി​യാ​ണു​ള്ള​ത്.ഡോ​ൺ​ബോ​സ്കോ ജം​ഗ്ഷ​നി​ൽ നി​ന്നാ​രം​ഭി​ച്ച് പേ​ര​യം, മൈ​ലാ​പ്പൂ​ര് വ​ഴി പി​കെ ജം​ഗ്ഷ​നി​ൽ എ​ത്തു​ന്ന ഈ ​റോ​ഡ് കു​ണ്ട​റ -ഇ​ര​വി​പു​രം നി​യോ​ജ​ക മ​ണ്ഡ​ല​ങ്ങ​ളെ ബ​ന്ധി​പ്പി​ക്കു​ന്നു. റോ​ഡി​ന്‍റെ ശോ​ച്യാ​വ​സ്ഥ​യെ​ക്കു​റി​ച്ച് പ​ല​ത​വ​ണ അ​ധി​കൃ​ത​രെ ബോ​ധ്യ​പ്പെ​ടു​ത്തി​യി​ട്ടും ന​ട​പ​ടി​യി​ല്ലെ​ന്നാ​ണ് പ​രാ​തി.


തെ​ര​ഞ്ഞെ​ടു​പ്പ് പ്ര​ചാ​ര​ണ വേ​ള​യി​ൽ എ​ൻ.​കെ. പ്രേ​മ​ച​ന്ദ്ര​ൻ എം​പി​യേ​യും, പി.​സി. വി​ഷ്ണു​നാ​ഥ് എം​എ​ൽ​എ​യേ​യും ഇ​വി​ടെ നാ​ട്ടു​കാ​ർ ത​ട​ഞ്ഞി​രു​ന്നു.

സ്കൂ​ൾ കു​ട്ടി​ക​ളാ​ണ് ഇ​തു​വ​ഴി ഏ​റ്റ​വും കൂ​ടു​ത​ൽ യാ​ത്ര ചെ​യ്യു​ന്ന​ത്. നി​ര​വ​ധി സ്കൂ​ൾ വാ​ഹ​ന​ങ്ങ​ളും ഇ​തു​വ​ഴി പോ​കു​ന്നു. കെ​എ​സ്ആ​ർ​ടി​സി​യും സ്വ​കാ​ര്യ​ബ​സു​ക​ളും സ​ർ​വീ​സ് ന​ട​ത്തു​ന്നു​ണ്ട്.

റോ​ഡി​ന്‍റെ ശോ​ച്യാ​വ​സ്ഥ കാ​ര​ണം ബ​സ് സ​ർ​വീ​സ് നി​ർ​ത്തി​വ​യ്ക്കു​മോ​യെ​ന്ന ആ​ശ​ങ്ക​യി​ലാ​ണ് പ്ര​ദേ​ശ​വാ​സി​ക​ൾ. റോ​ഡ് ന​ന്നാ​ക്ക​ണ​മെ​ന്നാ​വ​ശ്യ​പ്പെ​ട്ട് പ​ല ത​വ​ണ അ​ധി​കൃ​ത​ർ​ക്ക് പ​രാ​തി ന​ൽ​കി​യി​ട്ടും ന​ട​പ​ടി​യു​ണ്ടാ​കാ​ത്ത​തി​നാ​ൽ പ്ര​ഷോ​ഭ​ത്തി​ന് ഒ​രു​ങ്ങു​ക​യാ​ണ് നാ​ട്ടു​കാ​ർ.