കരുനാഗപ്പള്ളി: മോദി കോർപറേറ്റുകൾക്ക് വേണ്ടി ഭരണം നടത്തുമ്പോൾ പിണറായി വിജയൻ മകനെയും മകളെയും കോർപറേറ്റുകളാക്കുവാൻ വേണ്ടിയുള്ള ഭരണമാണ് നടത്തുന്നതെന്ന് അൺ ഓർഗനൈസ്ഡ് വർക്കേഴ്സ് ആന്റ് എംപ്ലോയിസ് കോൺഗ്രസ് സംഘടനാ ചുമതലയുള്ള സംസ്ഥാന ജനറൽ സെക്രട്ടറി ബോബൻ ജി നാഥ് അഭിപ്രായപ്പെട്ടു.
യുഡബ്ല്യുഇസി കരുനാഗപ്പള്ളി നിയോജകമണ്ഡലം സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കേരളത്തിൽ അംശാദായം അടച്ച ലക്ഷക്കണക്കിന് തൊഴിലാളികൾക്ക് പെൻഷൻ പോലും ലഭിക്കുന്നില്ലെന്ന് ബോബൻ ജി നാഥ് പറഞ്ഞു. നിയോജക മണ്ഡലം പ്രസിഡന്റ് ബി. മോഹൻദാസ് അധ്യക്ഷത വഹിച്ചു. ബാബുജി. പട്ടത്താനം, ജി.കൃഷ്ണപിള്ള, പെരുമാനൂർ രാധാകൃഷ്ണൻ, ബിനോയി കരിമ്പാലിൽ, അമ്പിളി ശ്രീകുമാർ, മോളി എസ്, രാജൻ കൊപ്പാറയിൽ, ലാലാ രാജൻ, ഗിരിജ, എന്നിവർ പ്രസംഗിച്ചു.