മാനന്തവാടി: ബലിതർപ്പണത്തിന് തിരുനെല്ലിയിൽ എത്തുന്ന ഭക്തരുടെ വാഹനങ്ങൾക്ക് അന്പലം വരെ എത്തുന്നതിനു സൗകര്യം ഒരുക്കണമെന്ന് വിശ്വഹിന്ദു പരിഷത്ത് ഭാരവാഹികൾ വാർത്താസമ്മേളനത്തിൽ ആവശ്യപ്പെട്ടു. ഓരോ വർഷവും ഭക്തജനത്തിരക്ക് കൂടുകയാണ്. ഇതനുസരിച്ച് അടിസ്ഥാന സൗകര്യം മെച്ചപ്പെടുത്തണം.
തിരക്കിന്റെയും ഗതാഗതക്കുരുക്കിന്റെയും പേരിൽ കഴിഞ്ഞ വർഷങ്ങളിൽ ഭക്തരുടെ വാഹനങ്ങൾ കാട്ടിക്കുളത്ത് തടഞ്ഞു. കാട്ടിക്കുളത്തുനിന്നു തിരുനെല്ലിക്കും തിരിച്ചും കെഎസ്ആർടിസി ബസുകളിൽ യാത്ര ചെയ്യാൻ ഭക്തർ നിർബന്ധിതരാകുകയാണ്. അമിത ചാർജാണ് കോർപറേഷൻ ഈടാക്കുന്നത്. ഈ ചൂഷണം അനുവദിക്കാനാകില്ലെന്നും ഭാരവാഹികൾ പറഞ്ഞു.