സുൽത്താൻബത്തേരി: ദേശീയപാതയോരത്തെ വൻമരങ്ങൾ വീടിനു ഭീഷണിയായി. തിരുനെല്ലി പാലമൂട്ടിൽ ജയശ്രീയുടെ വീടിനാണ് സമീപത്തെ മരങ്ങൾ ഭീഷണിയായത്. പാതയോരത്തെ വൻ പൂമരം വീടിനു മുകളിലേക്കു ചാഞ്ഞാണ് നിൽക്കുന്നത്.
ചുവട്ടിലെ മണ്ണിളകി വേരുകൾ പുറത്തുകാണുന്ന നിലയിലാണ് മരം. ഇത് മുറിച്ചുമാറ്റുന്നതിന് അപേക്ഷ നൽകിയെങ്കിലും നടപടിയില്ലെന്ന് വീട്ടുകാർ പറഞ്ഞു. കാറ്റും മഴയും വരുന്പോൾ ആളുകൾ ഭയന്നാണ് വീട്ടിൽ കഴിയുന്നത്.