പു​ൽ​പ്പ​ള്ളി സ​ഹ​ക​ര​ണ ബാ​ങ്ക് വാ​യ്പ ത​ട്ടി​പ്പ്: ഇ​ഡി കേ​സി​ൽ മാ​സ​ങ്ങ​ൾ ക​ഴി​ഞ്ഞി​ട്ടും ഏ​ബ്ര​ഹാ​മി​നും സ​ജീ​വ​നും ജാ​മ്യം ലഭിച്ചി​ല്ല
Thursday, July 25, 2024 5:41 AM IST
ക​ൽ​പ്പ​റ്റ: പു​ൽ​പ്പ​ള്ളി സ​ർ​വീ​സ് സ​ഹ​ക​ര​ണ ബാ​ങ്ക് വാ​യ്പ ത​ട്ടി​പ്പു​മാ​യി ബ​ന്ധ​പ്പെ​ട്ട് എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് ര​ജി​സ്റ്റ​ർ ചെ​യ്ത കേ​സി​ൽ ഉ​ൾ​പ്പെ​ട്ട ബാ​ങ്ക് മു​ൻ പ്ര​സി​ഡ​ന്‍റ് കെ.​കെ. ഏ​ബ്ര​ഹാ​മി​നും ക​രാ​റു​കാ​ര​ൻ സ​ജീ​വ​ൻ കൊ​ല്ല​പ്പ​ള്ളി​ക്കും മാ​സ​ങ്ങ​ൾ ക​ഴി​ഞ്ഞി​ട്ടും പു​റ​ത്തി​റ​ങ്ങാ​ൻ ക​ഴി​ഞ്ഞി​ല്ല. കോ​ഴി​ക്കോ​ട് ജി​ല്ലാ ജ​യി​ലി​ൽ റി​മാ​ൻ​ഡി​ലു​ള്ള ഇ​രു​വ​രും പ​ല​വ​ട്ടം അ​പേ​ക്ഷി​ച്ചെ​ങ്കി​ലും കോ​ട​തി ജാ​മ്യം അ​നു​വ​ദി​ച്ചി​ല്ല.

ജാ​മ്യം ന​ൽ​കു​ന്ന​തി​നെ ഇ​ഡി നി​ര​ന്ത​രം എ​തി​ർ​ക്കു​ക​യാ​ണ്. കോ​ഴി​ക്കോ​ട് പി​എം​എ​ൽ​എ സ്പെ​ഷ​ൽ കോ​ട​തി​യി​ലാ​ണ് ഇ​വ​ർ​ക്കെ​തി​രാ​യ കേ​സ്. സ​ജീ​വ​ൻ കൊ​ല്ല​പ്പ​ള്ളി​യെ 2023 സെ​പ്റ്റം​ബ​ർ 27നും ​കെ​പി​സി​സി മു​ൻ ജ​ന​റ​ൽ സെ​ക്ര​ട്ട​റി​യു​മാ​യ ഏ​ബ്ര​ഹാ​മി​നെ ന​വം​ബ​ർ എ​ട്ടി​നു​മാ​ണ് ഇ​ഡി കോ​ഴി​ക്കോ​ട് യൂ​ണി​റ്റ് അ​റ​സ്റ്റു​ചെ​യ്ത​ത്.

ഇ​രു​വ​രെ​യും ഓ​ഫീ​സി​ലേ​ക്ക് വി​ളി​പ്പി​ച്ച് ചോ​ദ്യം ചെ​യ്ത​തി​നു​ശേ​ഷ​മാ​ണ് ഇ​ഡി അ​റ​സ്റ്റ് രേ​ഖ​പ്പെ​ടു​ത്തി​യ​ത്. കേ​സി​ൽ ഇ​ഡി കു​റ്റ​പ​ത്രം സ​മ​ർ​പ്പി​ച്ചി​ട്ടു​ണ്ട്. വാ​യ്പ ത​ട്ടി​പ്പു​മാ​യി ബ​ന്ധ​പ്പെ​ട്ട് ത​ല​ശേ​രി വി​ജി​ല​ൻ​സ് കോ​ട​തി​യി​ലു​ള്ള കേ​സ് കോ​ഴി​ക്കോ​ട് കോ​ട​തി​യി​ലേ​ക്ക് മാ​റ്റാ​ൻ ഇ​ഡി നീ​ക്കം ന​ട​ത്തു​ന്ന​താ​യാ​ണ് വി​വ​രം.

വാ​യ്പ ത​ട്ടി​പ്പി​ൽ വി​ജി​ല​ൻ​സ് കു​റ്റ​പ​ത്രം സ​മ​ർ​പ്പി​ച്ച കേ​സി​ൽ ഏ​ബ്ര​ഹാ​മി​നും സ​ജീ​വ​നും പു​റ​മേ എ​ട്ട് പ്ര​തി​ക​ൾ കൂ​ടി​യു​ണ്ട്. ബാ​ങ്ക് മു​ൻ സെ​ക്ര​ട്ട​റി കെ.​ടി. ര​മാ​ദേ​വി, ഡ​യ​റ​ക്ട​ർ​മാ​രാ​യി​രു​ന്ന ടി.​എ​സ്. കു​ര്യ​ൻ, മ​ണി പാ​ന്പ​നാ​ൽ, ബി​ന്ദു ച​ന്ദ്ര​ൻ, സി.​വി. വേ​ലാ​യു​ധ​ൻ, വി.​എം. പൗ​ലോ​സ്, സു​ജാ​ത ദി​ലീ​പ്, ലോ​ണ്‍ ഓ​ഫീ​സ​ർ ആ​യി​രു​ന്ന പി.​യു. തോ​മ​സ് എ​ന്നി​വ​രാ​ണ് മ​റ്റു പ്ര​തി​ക​ൾ.

ഏ​ബ്ര​ഹാം, ര​മാ​ദേ​വി, പി.​യു. തോ​മ​സ്, സ​ജീ​വ​ൻ കൊ​ല്ല​പ്പ​ള്ളി എ​ന്നി​വ​രു​ടെ വ​സ​തി​ക​ളി​ൽ ഇ​ഡി കൊ​ച്ചി, കോ​ഴി​ക്കോ​ട് യൂ​ണി​റ്റു​ക​ളി​ൽ​നി​ന്നു​ള്ള സം​ഘം ജൂ​ണ്‍ ഒ​ന്പ​തി​ന് പ​രി​ശോ​ധ​ന ന​ട​ത്തി രേ​ഖ​ക​ൾ പി​ടി​ച്ചെ​ടു​ത്തി​രു​ന്നു. കേ​സി​ൽ 10 പേ​രു​ടേ​തു​മാ​യി 4.34 കോ​ടി രൂ​പ​യു​ടെ സ്ഥാ​വ​ര സ്വ​ത്ത് ഇ​ഡി താ​ത്കാ​ലി​ക​മാ​യി ക​ണ്ടു​കെ​ട്ടി​യി​ട്ടു​ണ്ട്.


2002ലെ ​പ്രി​വ​ൻ​ഷ​ൻ ഓ​ഫ് മ​ണി ലാ​ൻ​ഡ​റിം​ഗ് ആ​ക്ട് പ്ര​കാ​ര​മാ​യി​രു​ന്നു ന​ട​പ​ടി. ഇ​തി​നു മു​ന്നോ​ടി​യാ​യി കേ​സി​ൽ ഉ​ൾ​പ്പെ​ട്ട മു​ഴു​വ​ൻ ആ​ളു​ക​ളു​ടെ​യും ഉ​ട​മ​സ്ഥ​ത​യി​ലു​ള്ള സ്ഥാ​വ​ര സ്വ​ത്തു​ക്ക​ളു​ടെ മൂ​ല്യം റ​വ​ന്യു ഉ​ദ്യോ​ഗ​സ്ഥ​ർ മു​ഖേ​ന ഇ​ഡി ക​ണ​ക്കാ​ക്കി​യി​രു​ന്നു. ക​ള്ള​പ്പ​ണ​ക്കേ​സി​ൽ ഇ​ഡി താ​ത്കാ​ലി​ക​മാ​യി ക​ണ്ടു​കെ​ട്ടി​യ സ്ഥാ​വ​ര സ്വ​ത്തു​ക്ക​ളി​ൽ ഏ​റെ​യും സ​ജീ​വ​ൻ കൊ​ല്ല​പ്പ​ള്ളി​യു​ടെ​യും കു​ടും​ബാം​ഗ​ങ്ങ​ളു​ടെ​യും പേ​രി​ലു​ള്ള​താ​ണ്.

വാ​യ്പ ത​ട്ടി​പ്പു സം​ബ​ന്ധി​ച്ച സ്വ​കാ​ര്യ പ​രാ​തി​യി​ൽ വ​യ​നാ​ട് വി​ജി​ല​ൻ​സ് ആ​ൻ​ഡ് ആ​ന്‍റി ക​റ​പ്ഷ​ൻ ബ്യൂ​റോ ര​ജി​സ്റ്റ​ർ ചെ​യ്ത എ​ഫ്ഐ​ആ​റി​ന്‍റെ അ​ടി​സ്ഥാ​ന​ത്തി​ലാ​ണ് ഇ​ഡി കോ​ഴി​ക്കോ​ട് യൂ​ണി​റ്റ് വി​ഷ​യ​ത്തി​ൽ ഇ​ട​പെ​ട്ട​ത്. അ​പേ​ക്ഷ​ക​ർ അ​റി​യാ​തെ​യും അ​വ​രു​ടെ പേ​രി​ലു​ള്ള സ്വ​ത്തി​ന്‍റെ മൂ​ല്യം പെ​രു​പ്പി​ച്ചു​കാ​ട്ടി​യും ബാ​ങ്ക് ഭ​ര​ണ​സ​മി​തി​യും ഉ​ദ്യോ​ഗ​സ്ഥ​രും ഒ​ത്തു​ക​ളി​ച്ച് വ​ൻ​തു​ക വാ​യ്പ അ​നു​വ​ദി​ച്ച​താ​യി ഇ​ഡി അ​ന്വേ​ഷ​ണ​ത്തി​ൽ ക​ണ്ടെ​ത്തി.

നി​യ​മ​വി​രു​ദ്ധ​മാ​യി വി​വി​ധ വ്യ​ക്തി​ക​ളു​ടെ പേി​രി​ൽ അ​നു​വ​ദി​ച്ച വാ​യ്പ സ​ജീ​വ​ൻ കൊ​ല്ല​പ്പ​ള്ളി​യു​ടെ അ​ക്കൗ​ണ്ടി​ൽ ല​ഭ്യ​മാ​ക്കി​യ​താ​യി സ്ഥി​രീ​ക​രി​ച്ചു. വാ​യ്പ ത​ട്ടി​പ്പി​ലൂ​ടെ ബാ​ങ്കി​ന് 5.62 കോ​ടി രൂ​പ​യു​ടെ ന​ഷ്ട​മു​ണ്ടാ​യ​താ​യി ക​ണ​ക്കാ​ക്കി.

2019ൽ ​വി​ജി​ല​ൻ​സ് ര​ജി​സ്റ്റ​ർ ചെ​യ്ത​താ​ണ് കേ​സ്. അ​ന്വേ​ഷ​ണം സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കി​യെ​ങ്കി​ലും വാ​യ്പ ത​ട്ടി​പ്പ് ഇ​ര പു​ൽ​പ്പ​ള്ളി കേ​ള​ക്ക​വ​ല ചെ​ന്പ​ക​മൂ​ല​യി​ലെ ക​ർ​ഷ​ക​ൻ രാ​ജേ​ന്ദ്ര​ൻ നാ​യ​രു​ടെ ആ​ത്മ​ഹ​ത്യ​യു​ടെ പ​ശ്ചാ​ത്ത​ല​ത്തി​ൽ 2023 ജൂ​ണ്‍ ര​ണ്ടി​നാ​ണ് കു​റ്റ​പ​ത്രം സ​മ​ർ​പ്പി​ച്ച​ത്.

മേ​യ് 30നാ​ണ് രാ​ജേ​ന്ദ്ര​ൻ നാ​യ​രെ വി​ഷം അ​ക​ത്തു​ചെ​ന്നു മ​രി​ച്ച നി​ല​യി​ൽ വീ​ടി​നു സ​മീ​പം മ​റ്റൊ​രാ​ളു​ടെ കൃ​ഷി​യി​ട​ത്തി​ൽ ക​ണ്ടെ​ത്തി​യ​ത്. രാ​ജേ​ന്ദ്ര​ൻ നാ​യ​രു​ടെ മ​ര​ണം വി​വാ​ദ​മാ​യ പ​ശ്ചാ​ത്ത​ല​ത്തി​ലാ​യി​രു​ന്നു കു​റ്റ​പ​ത്ര സ​മ​ർ​പ്പ​ണം. വാ​യ്പ വി​ത​ര​ണ​ത്തി​ൽ 8.64 കോ​ടി രൂ​പ​യു​ടെ ക്ര​മ​ക്കേ​ടാ​ണ് വി​ജി​ല​ൻ​സ് അ​ന്വേ​ഷ​ണ​ത്തി​ൽ ക​ണ്ടെ​ത്തി​യ​ത്.