സുൽത്താൻ ബത്തേരി: പട്ടികജാതി-വർഗ, പിന്നാക്ക ക്ഷേമ മന്ത്രി ഒ.ആർ. കേളുവിന് സെന്‍റർ ഫോർ പൊളിറ്റിക്കൽ സയൻസ് കേരളയുടെ ആഭിമുഖ്യത്തിൽ 26ന് ഉച്ചകഴിഞ്ഞ് രണ്ടിന് ലയണ്‍സ് ഹാളിൽ സ്വീകരണം നൽകും. ഇതോടനുബന്ധിച്ചു പൊതുസമ്മേളനം നടത്തും.
വിവിധ തുറകളിൽ വ്യക്തിമുദ്ര പതിച്ച പ്രഫ.ടി. മോഹൻബാബു, സിസ്റ്റർ ലിറ്റിൽ ട്രീസ എസ്എച്ച്, ഡോ.കെ. മൊയ്തീൻ, ഐസക് ജോസ്, പി.സി. മോഹനൻ, ഡോ. റാഷിദ് ഗസാലി എന്നിവരെ മന്ത്രി ആദരിക്കും. ബത്തേരി രൂപതാധ്യക്ഷൻ ഡോ. ജോസഫ് മാർ തോമസ് അനുഗ്രഹ പ്രഭാഷണം നടത്തും. പരിപാടി വിജയിപ്പിക്കാൻ സെന്‍റർ കേന്ദ്ര കമ്മിറ്റി യോഗം തീരുമാനിച്ചു. എക്സിക്യുട്ടീവ് ഡയറക്ടർ കെ.ജെ. ദേവസ്യ അധ്യക്ഷത വഹിച്ചു. വി. മുഹമ്മദലി, എം.ഡി. ജോസ്, പി.എം. വേണുനാഥൻ, ടി.എസ്. ജോർജ്, ആന്റോ ജോർജ് എന്നിവർ പ്രസംഗിച്ചു.