കൂരാച്ചുണ്ട്: കൂരാച്ചുണ്ട് പഞ്ചായത്ത് മൂന്ന്, ഏഴ് വാർഡുകൾ ഉൾപ്പെടുന്ന പൂവ്വത്തുംചോല - മണ്ടോപ്പാറ കോളനി റോഡിന്റെ ടാറിംഗ് തകർന്ന് യാത്ര ദുഷ്കരമായി. ആദിവാസി ഊരിലെ അടക്കം ഒട്ടേറെ കുടുംബങ്ങൾ ഉപയോഗിക്കുന്ന റോഡാണിത്.
കൂടാതെ കക്കയം ആരോഗ്യ കേന്ദ്രത്തിന്റെ കീഴിലുള്ള ജനകീയ ആരോഗ്യ കേന്ദ്രവും മണ്ടോപ്പാറയിൽ സ്ഥിതി ചെയ്യുന്നുണ്ട്. ഏകദേശം മുന്നൂറു മീറ്റർ ദൂരമാണ് പാടെ തകർന്നത്. കാൽനടയാത്ര പോലും ദുഷ്കരമായ റോഡ് നന്നാക്കണമെന്നാണ് നാട്ടുകാർ ആവശ്യപ്പെടുന്നത്.