പെരുവണ്ണാമൂഴി: വഴി വിളക്കുകളിൽ കാടു മൂടി. പെരുവണ്ണാമൂഴി ടൂറിസ്റ്റ് കേന്ദ്രം പ്രവേശന കവാട മേഖലയിലെ തെരുവുവിളക്കുകളിലാണ് കാടുകയറിയത്. ബസ് കാത്തിരുപ്പ് കേന്ദ്രം, ഓട്ടോ സ്റ്റാൻഡ് എന്നിവ സ്ഥിതി ചെയ്യുന്ന സ്ഥലത്തെ വിളക്കുകളുടെ തൂണുകളിലാണ് കാടുകയറി മൂടിയിരിക്കുന്നത്.
ബൾബ് പ്രകാശിക്കുന്നതു കാണാൻ പോലും പറ്റാത്ത രീതിയിലാണ് കാടു മൂടിയിരിക്കുന്നത്. കുറ്റ്യാടി ജലസേചന പദ്ധതിയുടെ അധീനതയിലാണ് വിളക്കുകൾ. ജലസേചന പദ്ധതി അധികൃതരാണ് കാട് നീക്കേണ്ടത്.