പൊ​ന്നാ​നി ഹാ​ര്‍​ബ​റി​ല്‍ വാ​ര്‍​ഫ് നി​ര്‍​മാ​ണ​ത്തി​ന് തു​ട​ക്ക​മാ​യി
Tuesday, October 15, 2024 1:44 AM IST
പൊ​ന്നാ​നി: പൊ​ന്നാ​നി മ​ത്സ്യ​ബ​ന്ധ​ന തു​റ​മു​ഖ വി​ക​സ​ന​ത്തി​ന്‍റെ ഭാ​ഗ​മാ​യി പു​തി​യ വാ​ര്‍​ഫും വ​ള്ള​ങ്ങ​ള്‍​ക്കാ​യി ലോ ​ലെ​വ​ല്‍ ജെ​ട്ടി​യും ലേ​ല ഹാ​ളും പാ​ര്‍​ക്കിം​ഗ് ഏ​രി​യ​യും പ​ണി​യു​ന്നു. വാ​ര്‍​ഫ് നി​ര്‍​മാ​ണ​ത്തി​ന് മു​ന്നോ​ടി​യാ​യി ബാ​ര്‍​ജ് എ​ത്തി.

നി​ല​വി​ലെ പു​തി​യ വാ​ര്‍​ഫി​നോ​ട് ചേ​ര്‍​ന്ന് തെ​ക്ക് ഭാ​ഗ​ത്താ​യി 50 മീ​റ്റ​ര്‍ നീ​ള​ത്തി​ലാ​ണ് വാ​ര്‍​ഫ് നി​ര്‍​മി​ക്കു​ന്ന​ത്. ഈ ​വാ​ര്‍​ഫി​ന്‍റെ നി​ര്‍​മാ​ണം കൂ​ടി പൂ​ര്‍​ത്തി​യാ​യാ​ല്‍ 20 ബോ​ട്ടു​ക​ള്‍​ക്ക് കൂ​ടി ഇ​വി​ടെ കെ​ട്ടി​യി​ടാ​നാ​കും. നി​ല​വി​ല്‍ പ​ടി​ഞ്ഞാ​റ് ഭാ​ഗ​ത്ത് 100 മീ​റ്റ​ര്‍ വാ​ര്‍​ഫാ​ണ് ഉ​ള്ള​ത്. ഇ​തോ​ടൊ​പ്പം ഈ ​ഭാ​ഗ​ത്തെ ആ​ഴം വ​ര്‍​ധി​പ്പി​ക്കു​ന്ന പ്ര​വൃ​ത്തി​ക​ളും ന​ട​ക്കും.


കൂ​ടാ​തെ വ​ള്ള​ങ്ങ​ള്‍ മ​ത്സ്യം ഇ​റ​ക്കു​ന്ന ഭാ​ഗ​ത്താ​യി ലോ ​ലെ​വ​ല്‍ ജെ​ട്ടി​യു​ടെ നി​ര്‍​മാ​ണം പു​രോ​ഗ​മി​ക്കു​ക​യാ​ണ്. വ​ള്ള​ങ്ങ​ള്‍​ക്ക് സു​ഗ​മ​മാ​യി മ​ത്സ്യം എ​ത്തി​ക്കു​ന്ന​തി​നും യാ​ന​ങ്ങ​ള്‍ സു​ര​ക്ഷി​ത​മാ​യി കെ​ട്ടി​യി​ടു​ന്ന​തി​നു​മാ​യാ​ണ് ജെ​ട്ടി നി​ര്‍​മി​ക്കു​ന്ന​ത്.

140 മീ​റ്റ​ര്‍ നീ​ള​ത്തി​ലാ​ണ് ജെ​ട്ടി​യു​ടെ നി​ര്‍​മാ​ണം.​ആ​റ് കോ​ടി 30 ല​ക്ഷം രൂ​പ ചെ​ല​വി​ലാ​ണ് പ്ര​വൃ​ത്തി​ക​ള്‍ ന​ട​ക്കു​ന്ന​ത്. പ്ര​ധാ​ന​മ​ന്ത്രി മ​ത്സ്യ​സ​മ്പ​ത്ത് യോ​ജ​ന പ​ദ്ധ​തി പ്ര​കാ​ര​മാ​ണ് പ​ദ്ധ​തി ന​ട​പ്പാ​ക്കു​ന്ന​ത്.