ആക്കപ്പറമ്പ്: കേരള സ്റ്റേറ്റ് സര്‍വീസ് പെന്‍ഷനേഴ്സ് യൂണിയന്‍ (കെഎസ്എസ്പിയു)കീഴാറ്റൂര്‍ യൂണിറ്റിന്‍റെ ആഭിമുഖ്യത്തില്‍ യൂണിറ്റ് കണ്‍വന്‍ഷനും നവാഗതര്‍ക്കുള്ള സ്വീകരണവും നടത്തി. ജില്ലാ ജോയിന്‍റ് സെക്രട്ടറി ഇ. ഉണ്ണികൃഷ്ണന്‍ നമ്പൂതിരി യോഗം ഉദ്ഘാടനം ചെയ്തു. യൂണിറ്റ് പ്രസിഡന്‍റ് ഇ. ജനാര്‍ദ്ദനന്‍ അധ്യക്ഷത വഹിച്ചു.
ജില്ലാ വൈസ് പ്രസിഡന്‍റ് എല്‍. ജെ. ആന്‍റണി, ബ്ലോക്ക് പ്രസിഡന്‍റ് കിഴാറ്റൂര്‍ അനിയന്‍, യൂണിറ്റ് സെക്രട്ടറി നല്ലൂര്‍ രാമചന്ദ്രന്‍, കെ. ഗോപാലകൃഷ്ണന്‍, പി. ജി. നാഥ്, യു. സന്തോഷ്, കെ. പി. രാജന്‍, എ.ഹരിദാസ്, ഇ. ബാലസുബ്രഹ്മണ്യന്‍, എ. ബാബുരാജ്, എ. നാരായണന്‍, ഡോ. എന്‍.ദേവദാസ്, ബി.സുഷമ എന്നിവര്‍ പ്രസംഗിച്ചു. നീറ്റ് പരീക്ഷയില്‍ ഉന്നത വിജയം കരസ്ഥമാക്കിയ എം. ആനന്ദ് രാജിനെ യോഗം അനുമോദിച്ചു.