മ​ഞ്ചേ​രി: മ​ഞ്ചേ​രി ഗ​വ. മെ​ഡി​ക്ക​ല്‍ കോ​ള​ജി​ല്‍ ഒ​പി കെ​ട്ടി​ട​വും ഇ​ന്‍റ​ര്‍​വെ​ന്‍​ഷ​ണ​ല്‍ റേ​ഡി​യോ​ള​ജി ബ്ലോ​ക്കും ബ​ന്ധി​പ്പി​ച്ച് അ​ടി​യ​ന്ത​ര​മാ​യി റാ​മ്പ് നി​ര്‍​മി​ക്ക​ണ​മെ​ന്ന് ആ​രോ​ഗ്യ​വ​കു​പ്പ് മ​ന്ത്രി വീ​ണാ​ജോ​ര്‍​ജ് നി​ര്‍​ദേ​ശം ന​ല്‍​കി. മ​ഞ്ചേ​രി മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ​ത്തു​ന്ന രോ​ഗി​ക​ളെ എ​ക്‌​സ്‌​റേ, സ്‌​കാ​നിം​ഗ് എ​ന്നി​വ​യെ​ടു​ക്കാ​ന്‍ 200 മീ​റ്റ​റോ​ളം ട്രോ​ളി​യി​ല്‍ കൊ​ണ്ടു​പോ​കേ​ണ്ട അ​വ​സ്ഥ​യാ​ണു​ള്ള​ത്.

ഇ​രു കെ​ട്ടി​ട​ങ്ങ​ളും ത​മ്മി​ല്‍ ബ​ന്ധി​പ്പി​ക്കു​ന്ന വ​ഴി​യി​ല്ലാ​ത്ത​തി​നാ​ല്‍ അ​ത്യാ​ഹി​ത വി​ഭാ​ഗ​ത്തി​ലെ​ത്തു​ന്ന രോ​ഗി​ക​ളെ​പ്പോ​ലും സ്‌​ട്രെ​ക്ച​റി​ലോ ച​ക്ര ക​സേ​ര​ക​ളി​ലോ ആ​ശു​പ​ത്രി​മു​റ്റം വ​ഴി കൊ​ണ്ടു​പോ​കേ​ണ്ട അ​വ​സ്ഥ​യാ​ണ്. പൊ​ള്ളു​ന്ന വെ​യി​ല​ത്തും കോ​രി​ച്ചൊ​രി​യു​ന്ന മ​ഴ​യ​ത്തും ഇ​ത്ത​ര​ത്തി​ല്‍ രോ​ഗി​ക​ളെ കൊ​ണ്ടു​പോ​കു​ന്ന​ത് രോ​ഗി​യു​ടെ ജീ​വ​നു​ത​ന്നെ ഭീ​ഷ​ണി​യാ​കും.

അ​ത്യാ​ഹി​ത വി​ഭാ​ഗം മാ​ത്ര​മ​ല്ല ഓ​പ​റേ​ഷ​ന്‍ തി​യേ​റ്റ​റു​ക​ള്‍, ഗൈ​ന​ക്കോ​ള​ജി, ഓ​ര്‍​ത്തോ​പീ​ഡി​ക്, പാ​ത്തോ​ള​ജി, ന്യൂ​റോ​ള​ജി വാ​ര്‍​ഡു​ക​ളി​ല്‍ നി​ന്നു​ള്ള രോ​ഗി​ക​ളെ​യെ​ല്ലാം ഇ​ത്ത​ര​ത്തി​ല്‍ റേ​ഡി​യോ​ള​ജി വി​ഭാ​ഗ​ത്തി​ലും മ​റ്റും എ​ത്തി​ക്കാ​ന്‍ സാ​ഹ​സ​പ്പെ​ടേ​ണ്ടി വ​രി​ക​യാ​ണ്.

ഇ​ക്കാ​ര്യ​ങ്ങ​ള്‍ ചൂ​ണ്ടി​ക്കാ​ട്ടി പൊ​തു​പ്ര​വ​ര്‍​ത്ത​ക​നാ​യ എ​ല്മ്പ്ര തേ​ന​ത്ത് മു​ഹ​മ്മ​ദ് ഫൈ​സി ഇ​ക്ക​ഴി​ഞ്ഞ ജൂ​ലൈ 16ന് ​ആ​രോ​ഗ്യ​വ​കു​പ്പി​ന് പ​രാ​തി ന​ല്‍​കി​യി​രു​ന്നു. പ​രാ​തി പ​രി​ശോ​ധി​ച്ച മ​ന്ത്രി വ​സ്തു​ത ബോ​ധ്യ​പ്പെ​ട്ട​തി​ന്‍റെ അ​ടി​സ്ഥാ​ന​ത്തി​ല്‍ അ​ടി​യ​ന്ത​ര ന​ട​പ​ടി​ക്ക് നി​ര്‍​ദേ​ശം ന​ല്‍​കു​ക​യാ​യി​രു​ന്നു.ഒ​പി കെ​ട്ടി​ട​വും റേ​ഡി​യോ​ള​ജി ബ്ലോ​ക്കും ത​മ്മി​ല്‍ ബ​ന്ധി​പ്പി​ച്ച് റാ​മ്പ് നി​ര്‍​മി​ക്കാ​ന്‍ 2021ല്‍ ​ര​ണ്ട​ര കോ​ടി രൂ​പ​യു​ടെ പ​ദ്ധ​തി ത​യാ​റാ​ക്കി​യി​രു​ന്നു.

എ​ന്നാ​ല്‍ ആ​ശു​പ​ത്രി​യി​ലെ ത​ന്നെ അ​ടി​യ​ന്ത​ര ഇ​ല​ക്ട്രി​ക്ക​ല്‍ ജോ​ലി​ക​ള്‍​ക്കാ​യി 95.72 ല​ക്ഷം രൂ​പ ഇ​തി​ല്‍ നി​ന്ന് ചെ​ല​വ​ഴി​ക്കേ​ണ്ടി വ​ന്നു. ഇ​തോ​ടെ റാ​മ്പ് പാ​തി​വ​ഴി​യി​ല്‍ മു​ട​ങ്ങു​ക​യാ​യി​രു​ന്നു.

പു​തു​ക്കി​യ ഭ​ര​ണാ​നു​മ​തി ല​ഭി​ച്ച സാ​ഹ​ച​ര്യ​ത്തി​ലാ​ണ് ടെ​ൻ​ഡ​ര്‍ ന​ട​പ​ടി​ക​ള്‍ പൂ​ര്‍​ത്തി​യാ​ക്കി റാ​മ്പ് പ്ര​വൃ​ത്തി ഉ​ട​ന്‍ ആ​രം​ഭി​ക്കാ​ന്‍ മ​ന്ത്രി പൊ​തു​മ​രാ​മ​ത്ത് അ​ധി​കൃ​ത​ര്‍​ക്ക് നി​ര്‍​ദേ​ശം ന​ല്‍​കി​യ​ത്. നി​ല​വി​ല്‍ രോ​ഗി​ക​ള്‍ അ​നു​ഭ​വി​ക്കു​ന്ന പ്ര​യാ​സ​ത്തി​ന് താ​ത്കാ​ലി​ക ആ​ശ്വാ​സ​മെ​ന്ന നി​ല​യി​ല്‍ റൂ​ഫിം​ഗ് ട്രോ​ളി സ​ജ്ജ​മാ​ക്കി​യ​താ​യും മ​റു​പ​ടി​യി​ലു​ണ്ട്.

അ​ത്യാ​ഹി​ത വി​ഭാ​ഗ​ത്തി​ല്‍ സീ​നി​യ​ര്‍ ഡോ​ക്ട​റു​ടെ അ​ഭാ​വം രോ​ഗി​ക​ള്‍​ക്ക് പ്ര​യാ​സം സൃ​ഷ്ടി​ക്കു​ന്നു​വെ​ന്നും മു​ഹ​മ്മ​ദ് ഫൈ​സി പ​രാ​തി​യി​ല്‍ ചൂ​ണ്ടി​ക്കാ​ട്ടി​യി​രു​ന്നു. അ​ത്യാ​ഹി​ത വി​ഭാ​ഗ​ത്തി​ല്‍ 24 മ​ണി​ക്കൂ​റും എ​ല്ലാ വി​ഭാ​ഗ​ത്തി​ലെ​യും സീ​നി​യ​ര്‍ ഡോ​ക്ട​ര്‍​മാ​രു​ടെ മേ​ല്‍​നോ​ട്ട​മു​ണ്ടെ​ന്നും രോ​ഗീ​പ​രി​ച​ര​ണം മി​ക​ച്ച രീ​തി​യി​ല്‍ ന​ല്‍​കാ​നാ​വു​ന്നു​ണ്ടെ​ന്നും മ​റു​പ​ടി​യി​ല്‍ വ്യ​ക്ത​മാ​ക്കി.