എടക്കര: പോത്തുകല് കാതോലിക്കേറ്റ് ഹയര് സെക്കൻഡറി സ്കൂള് സ്കൗട്ട് ആൻഡ് ഗൈഡ്സും ശാസ്ത്ര സാഹിത്യ പരിഷത്തും സംയുക്തമായി മഴ മാപിനി നിര്മാണ പരിശീലനം സംഘടിപ്പിച്ചു. പഞ്ചായത്ത് പ്രസിഡന്റ് വിദ്യാരാജന് ഉദ്ഘാടനം ചെയ്തു.
ഹെഡ്മാസ്റ്റര് ബിജു അധ്യക്ഷത വഹിച്ചു. മഴ മാപിനി നിര്മാണ പരിശീലനത്തെക്കുറിച്ച് കെ. രാജേന്ദ്രന് വിശദീകരിച്ചു. മുജീബ് റഹ്മാന്, സി. എച്ച്. ഇക്ബാല്, ജോസഫ് ജോണ്, ദിലീപ് സ്രാമ്പിക്കല്, സി.കെ. ബാബു, യു. സമീര്, ഫെമി ജേക്കബ് എന്നിവര് സംസാരിച്ചു.