നി​ല​മ്പൂ​ര്‍ ജി​ല്ലാ ആ​ശു​പ​ത്രി​യി​ല്‍ ഒ​പി ടി​ക്ക​റ്റ് ഓ​ണ്‍​ലൈ​നി​ല്‍
Thursday, August 22, 2024 4:51 AM IST
നി​ല​മ്പൂ​ര്‍: നി​ല​മ്പൂ​ര്‍ ജി​ല്ലാ ആ​ശു​പ​ത്രി​യി​ല്‍ സെ​പ്റ്റം​ബ​ര്‍ ഒ​ന്നു​മു​ത​ല്‍ രോ​ഗി​ക​ള്‍​ക്ക് ഡോ​ക്ട​റെ കാ​ണാ​നു​ള്ള ഒ​പി ടി​ക്ക​റ്റ് ഓ​ണ്‍​ലൈ​നി​ല്‍ എ​ടു​ക്കാ​നു​ള്ള സൗ​ക​ര്യ​മേ​ര്‍​പ്പെ​ടു​ത്തും. വീ​ട്ടി​ലെ കം​പ്യൂ​ട്ട​ര്‍ ഉ​പ​യോ​ഗി​ച്ചോ മൊ​ബൈ​ല്‍ ഫോ​ണ്‍ വ​ഴി​യോ ഇ​ത്ത​ര​ത്തി​ല്‍ ഒ​പി ടി​ക്ക​റ്റ് എ​ടു​ക്കു​മ്പോ​ള്‍ ആ​ശു​പ​ത്രി​യി​ലെ കൗ​ണ്ട​റി​ന് മു​ന്നി​ലു​ള്ള വ​രി ഒ​ഴി​വാ​ക്കാ​മെ​ന്ന​താ​ണ് രോ​ഗി​ക​ള്‍​ക്കു​ള്ള ആ​ശ്വാ​സം.

ര​ണ്ട് ദി​വ​സം മു​മ്പ് ത​ന്നെ ഇ​ത്ത​ര​ത്തി​ല്‍ ടി​ക്ക​റ്റെ​ടു​ക്കാം. ഇ​ഹെ​ല്‍​ത്ത് പോ​ര്‍​ട്ട​ല്‍ വ​ഴി​യാ​ണ് ഇ​തി​നു​ള്ള സൗ​ക​ര്യ​മൊ​രു​ക്കു​ക. ജി​ല്ലാ ആ​ശു​പ​ത്രി​യി​ല്‍ ഇ​ന്ന​ലെ ചേ​ര്‍​ന്ന ആ​ശു​പ​ത്രി മാ​നേ​ജ്മ​ന്‍റ് ക​മ്മി​റ്റി (എ​ച്ച്എം​സി) യോ​ഗ​ത്തി​ലാ​ണ് തീ​രു​മാ​നം. സം​സ്ഥാ​ന​ത്ത് ര​ണ്ടാ​മ​ത്തെ മി​ക​ച്ച ആ​ശു​പ​ത്രി​യാ​യി തെ​ര​ഞ്ഞെ​ടു​ത്ത് കാ​യ​ക​ല്‍​പം അ​വാ​ര്‍​ഡ് നേ​ടി​യ​തി​ല്‍ യോ​ഗം ആ​ശു​പ​ത്രി ജീ​വ​ന​ക്കാ​രെ അ​നു​മോ​ദി​ച്ചു.


വ​യ​നാ​ട് ദു​ര​ന്ത​ത്തി​ല്‍ മി​ക​ച്ച സേ​വ​നം ചെ​യ്ത നി​ല​മ്പൂ​ര്‍ ജി​ല്ലാ ആ​ശു​പ​ത്രി​യി​ലെ ഡോ​ക്ട​ര്‍​മാ​ര്‍, ന​ഴ്സു​മാ​ര്‍ ഉ​ള്‍​പ്പെ​ടെ​യു​ള്ള മു​ഴു​വ​ന്‍ ജീ​വ​ന​ക്കാ​രെ​യും യോ​ഗ​ത്തി​ല്‍ അ​നു​മോ​ദി​ച്ചു. ഹ​ബ്ബ് ലാ​ബി​ന്‍റെ പ്ര​വ​ര്‍​ത്ത​ന​വും അ​ധി​കം വൈ​കാ​തെ ആ​ശു​പ​ത്രി​യി​ല്‍ തു​ട​ങ്ങാ​നാ​കും. യോ​ഗ​ത്തി​ല്‍ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് എം.​കെ. റ​ഫീ​ഖ അ​ധ്യ​ക്ഷ​ത വ​ഹി​ച്ചു.

ജി​ല്ലാ പ​ഞ്ചാ​യ​ത്ത് ഉ​പാ​ധ്യ​ക്ഷ​ന്‍ ഇ​സ്മാ​യി​ല്‍ മൂ​ത്തേ​ടം, ന​ഗ​ര​സ​ഭാ ഉ​പാ​ധ്യ​ക്ഷ അ​രു​മ ജ​യ​കൃ​ഷ്ണ​ന്‍, പാ​ലോ​ളി മെ​ഹ​ബൂ​ബ്, കെ.​ടി. കു​ഞ്ഞാ​ന്‍, ആ​ശു​പ​ത്രി സൂ​പ്ര​ണ്ട് ഡോ. ​ഷി​നാ​സ് ബാ​ബു, ഡോ. ​കെ.​കെ. പ്ര​വീ​ണ, മ​റ്റ് എ​ച്ച്എം​സി അം​ഗ​ങ്ങ​ള്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.