എടക്കര: മദ്യപിച്ച് വാഹനം ഓടിക്കുന്നവരെ കൈയോടെ പിടികൂടാന് വ്യാപക പരിശോധനയുമായി പോലീസ്. സ്വകാര്യബസുകളിലെ ഡ്രൈവര്മാര് മദ്യപിച്ച് വാഹനമോടിക്കുന്നുവെന്ന് കാണിച്ച് ജില്ലാ പോലീസ് മേധാവിക്ക് ലഭിച്ച പരാതിയെ തുടര്ന്നാണ് എടക്കരയില് പരിശോധന കര്ശനമാക്കിയത്.
എടക്കര പോലീസ് ഇന്സ്പെക്ടര് എന്.ബി. ഷൈജുവിന്റെ നേതൃത്വത്തില് കഴിഞ്ഞദിവസം ഇരുപതോളം ബസുകളില് പരിശോധന നടത്തി. എന്നാല് മദ്യപിച്ച് വാഹനമോടിക്കുന്നവരെ കണ്ടെത്തിയില്ല. വരും ദിവസങ്ങളിലും പരിശോധന തുടരുമെന്ന് പോലീസ് അറിയിച്ചു. സീനിയര് സിപിഒമാരായ സി.എ. മുജീബ്, വിനോദ് എന്നിവര് പരിശോധനക്ക് നേതൃത്വം നല്കി.