മലപ്പുറം: ബംഗളുരൂവില് നടക്കുന്ന സുബ്രതോ കപ്പ് അന്തര്ദേശീയ ഫുട്ബോള് ടൂര്ണമെന്റ് അണ്ടര് 15 വിഭാഗത്തില് കേരളത്തെ പ്രതിനിധീകരിക്കുന്ന ചേലേമ്പ്ര എന്എന്എംഎച്ച്എസ്എസിന് ആദ്യമത്സരത്തില് ഉജ്വല വിജയം.
എതിരില്ലാത്ത നാലു ഗോളുകള്ക്ക് കരുത്തരായ എന്സിസി (ഗോവ, കര്ണാടക)ടീമിനെയാണ് തകര്ത്തത്. രണ്ടാം മിനിറ്റില് തന്നെ മുഹമ്മദ് ആരിഷ് ഖാന്റെ ഹെഡറിലൂടെ കേരളം ലീഡ് നേടി.
മുഹമ്മദ് ഫെസിന് രണ്ടു ഗോളുകളും അസുമല്, മുഹമ്മദ് ഹാരിഷ് ഖാന് എന്നിവര് ഓരോ ഗോളുകളും നേടി. ഗ്രൂപ്പിലെ രണ്ടാം മത്സരത്തില് ഇന്ന് രാവിലെ ഒമ്പതിന് ചേലേമ്പ്ര സ്കൂള്, ആര്മി ബോയ്സിനെ നേരിടും. കഴിഞ്ഞ 11 വര്ഷമായി അണ്ടര് 17 അല്ലെങ്കില് അണ്ടര് 14 ഇനങ്ങളില് സംസ്ഥാനത്തെ പ്രതിനിധീകരിച്ച് പലതവണ സുബ്രതോ കപ്പില് ചേലേമ്പ്ര സ്കൂള് പങ്കെടുത്തിട്ടുണ്ട്. ഈ വര്ഷം മുതലാണ് അണ്ടര് 15 വിഭാഗമാക്കിയത്. മന്സൂര് അലിയാണ് പരിശീലകന്.