പെരിന്തല്മണ്ണ: കവി പി.പി. ജാനകിക്കുട്ടിയുടെ ഓര്മയ്ക്കായി ഏര്പ്പെടുത്തിയ കവിതാ പുരസ്കാരത്തിന്റെ സമര്പ്പണവും മുതിര്ന്ന സിപിഎം നേതാവ് പി.പി. വാസുദേവന്റെ ചെറുകഥാ സമാഹാരത്തിന്റെ പ്രകാശനവും 23ന് വൈകുന്നേരം നാലിന് പെരിന്തല്മണ്ണ അര്ബന് ബാങ്ക് ഓഡിറ്റോറിയത്തില് മുന് സാംസ്കാരിക മന്ത്രി എം.എ. ബേബി നിര്വഹിക്കും.
ചെങ്ങന്നൂരിനടുത്ത് തിരുവന്വണ്ടൂര് സ്കൂളിലെ ഹയര് സെക്കന്ഡറി വിദ്യാര്ഥിനിയായ അക്ഷയ രാജീവിനാണ് ഈ വര്ഷത്തെ കവിതാപുരസ്കാരം. 10000 രൂപയും പ്രശസ്തി ഫലകവുമടങ്ങുന്നതാണ് പുരസ്കാരം. പി.പി. വാസുദേവന്റെ പ്രഥമ കഥാസമാഹാരമായ ’ഇഡ്ഡലി പാത്രവും കുപ്പിവളകളും’ മാണ് പ്രകാശിതമാകുന്നത്. മുന് മന്ത്രി പാലോളി മുഹമ്മദ്കുട്ടി പുസ്തകം ഏറ്റുവാങ്ങും. വി. ശശികുമാര് അധ്യക്ഷനായിരിക്കും. മുന് സ്പീക്കര് പി. ശ്രീരാമകൃഷ്ണന് മുഖ്യാതിഥിയായിരിക്കും.