ആലത്തൂർ: താലൂക്കിന്‍റെ വിവിധ ഭാഗങ്ങളിൽ ഇന്നലെയുണ്ടായ കാറ്റിൽ 14 വീടുകൾ ഭാഗികമായി തകർന്നു. കോട്ടായി ഇറവൻകോട് സതീശന്‍റെ വീടിന്‍റെ മേൽക്കൂര പൂർണമായി തകർന്നു. കാവശ്ശേരി കഴനി എസ്ആർവി എൽപി സ്കൂളിന്‍റെ മുകളിലേക്കു റബർമരം കടപുഴകിവീണു ഭാഗികമായി കേടുപാടുണ്ടായി. ഉച്ച സമയമായിരുന്നതിനാൽ കുട്ടികളാരും ക്ലാസ്മുറിയിലുണ്ടായിരുന്നില്ല. ആലത്തൂർ, വെങ്ങന്നൂർ, കുനിശേരി, തേങ്കുറിശ്ശി തുടങ്ങിയ ഭാഗങ്ങളിലും വീടുകൾക്കു കേടുപാടുകൾ സംഭവിച്ചിട്ടുണ്ട്.