മൂ​ന്നാ​ർ: നൂ​റു​ക​ണ​ക്കി​നു കു​ടും​ബ​ങ്ങ​ൾ അ​ധി​വ​സി​ക്കു​ന്ന ജ​ന​വാ​സ മേ​ഖ​ല​യി​ൽ മാ​ലി​ന്യ നി​ക്ഷേ​പം പ​തി​വാ​യി​ട്ടും ന​ട​പ​ടി​യെ​ടു​ക്കാ​തെ അ​ധി​കൃ​ത​ർ. ഭ​വ​ന​ര​ഹി​ത​ർ​ക്കാ​യി സ​ർ​ക്കാ​ർ ഭൂ​മി അ​നു​വ​ദി​ച്ചു ന​ൽ​കി​യ മൂ​ന്നാ​ർ -സൈ​ല​ന്‍റ്‌വാ​ലി റോ​ഡി​ലെ കു​റ്റി​യാ​ർ​വാ​ലി​യി​ലെ മാ​ലി​ന്യ​നി​ക്ഷേ​പ​മാ​ണ് പ്ര​ദേ​ശ​വാ​സി​ക​ൾ​ക്ക് ദു​രി​ത​മാ​യിരിക്കു​ന്ന​ത്.

റോ​ഡ​രി​കി​ൽ നി​ക്ഷേ​പി​ക്കു​ന്ന മാ​ലി​ന്യം നാ​യ്ക്ക​ൾ റോ​ഡി​ലേ​ക്കു വ​ലി​ച്ചി​ഴ​യ്ക്കു​ന്ന​തുമൂ​ലം കാ​ൽ​ന​ട​യാ​ത്ര​ക്കാ​ർ​ക്കുൾ​പ്പെ​ടെ ദു​രി​ത​മാ​യിട്ടും പ​ഞ്ചാ​യ​ത്ത​ധി​കൃ​ത​ർ ക​ണ്ട മ​ട്ടി​ല്ല. മാ​ലി​ന്യം നീ​ക്കം ചെ​യ്യ​ണ​മെ​ന്നാ​വ​ശ്യ​പ്പെ​ട്ട് പ്ര​ദേ​ശ​വാ​സി​ക​ൾ ബ​ന്ധ​പ്പെ​ട്ട​വ​ർ​ക്ക് നി​ര​വ​ധിത്ത​വ​ണ പ​രാ​തി ന​ൽ​കി​യെങ്കിലും ഇ​ക്കാ​ര്യ​ത്തി​ൽ അ​ലം​ഭാ​വം തു​ട​രു​ക​യാ​ണ്. പ്ര​ദേ​ശ​ത്ത് ദു​ർ​ഗ​ന്ധ​വും രൂ​ക്ഷ​മാ​ണ്.

കൊ​തു​കും ഈ​ച്ച​യും പെ​രു​കി​യ​തോ​ടെ പ്ര​ദേ​ശ​വാ​സി​ക​ളിൽ സാം​ക്ര​മി​ക രോ​ഗ​ങ്ങ​ളും റി​പ്പോ​ർ​ട്ട് ചെ​യ്തി​ട്ടു​ണ്ട്. പ്ര​ദേ​ശ​ത്തുനി​ന്നു​ള്ള മാ​ലി​ന്യ​ത്തി​നു പു​റ​മേ പ​ഞ്ചാ​യ​ത്ത് പ​രി​ധി​യി​ൽ വ​രു​ന്ന വി​വി​ധ പ്ര​ദേ​ശ​ങ്ങ​ളി​ൽ നി​ന്നു ശേ​ഖ​രി​ച്ച മാ​ലി​ന്യ​വും ഇ​ക്കൂ​ട്ട​ത്തി​ലു​ണ്ട്.

സം​ഭ​വ​ത്തി​ൽ ന​ട​പ​ടിയെ​ടു​ക്കേ​ണ്ട ദേ​വി​കു​ളം പ​ഞ്ചാ​യ​ത്തി​ന്‍റെ നി​സം​ഗ​ത​യാ​ണ് പ്ര​ശ്നം രൂ​ക്ഷ​മാ​കു​ന്ന​തി​ന് കാ​ര​ണ​മാ​കു​ന്ന​ത്. പ്ലാ​സ്റ്റി​ക് മാ​ലി​ന്യ​ങ്ങ​ൾ ഉ​ൾ​പ്പെ​ടെ ഇ​വി​ടെ അ​ടി​ഞ്ഞു​കൂ​ടി​യി​ട്ട് നാ​ളു​കളായി. ജ​ന​വാ​സ മേ​ഖ​ല​യാ​യ​തോ​ടെ മാ​ലി​ന്യ​ങ്ങ​ൾ കു​റ്റി​യാ​ർവാ​ലി ക​വ​ല​യി​ലെ റോ​ഡ​രി​കി​ലാ​ണ് നി​ക്ഷേ​പ്പി​ച്ചി​രി​ക്കു​ന്ന​ത്. എ​ന്നാ​ൽ ഇ​വി​ടെ താ​മ​സി​ക്കു​ന്ന കു​ടും​ബ​ങ്ങ​ളു​ടെ എ​ണ്ണ​മേ​റി​യ​തോ​ടെ മാ​ലി​ന്യ​ത്തി​ന്‍റെ തോ​തും ഉ​യ​ർ​ന്നു. ഈ ​സാ​ഹ​ച​ര്യം പ​രി​ഗ​ണി​ക്കാ​തെ​യാ​ണ് മ​റ്റി​ട​ങ്ങ​ളി​ൽനി​ന്നു​ള്ള മാ​ലി​ന്യ​വും പ​ഞ്ചാ​യ​ത്ത് ഇ​വി​ടെ നി​ക്ഷേ​പി​ക്കു​ന്ന​ത്.

മാ​ലി​ന്യം നി​ക്ഷേ​പി​ക്കു​ന്ന​തി​നും ഇ​വ സം​സ്ക​രി​ക്കു​ന്ന​തി​നും പ​ഞ്ചാ​യ​ത്ത് അ​നു​യോ​ജ്യ​മാ​യ സ്ഥ​ലം ക​ണ്ടെ​ത്ത​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്. അ​ധി​കൃ​ത​ർ ആ​വ​ശ്യ​മാ​യ ന​ട​പ​ടി എ​ടു​ക്കാ​ത്ത പ​ക്ഷം ശ​ക്ത​മാ​യ പ്ര​തി​ഷേ​ധ​വു​മാ​യി രം​ഗ​ത്തു​വ​രു​മെ​ന്ന് നാ​ട്ടു​കാ​ർ മു​ന്ന​റി​യി​പ്പു ന​ൽ​കി.