കു​റി​ഞ്ഞി സ​ങ്കേ​തം: അ​ടി​യ​ന്ത​ര യോ​ഗം വി​ളി​ക്കും-മ​ന്ത്രി
Wednesday, October 16, 2024 6:20 AM IST
ഇ​ടു​ക്കി: ദേ​വി​കു​ളം കു​റി​ഞ്ഞി സ​ങ്കേ​ത​വു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ൾ പ​രി​ഹ​രി​ക്കു​ന്ന​തി​ന് റ​വ​ന്യു, ഫോ​റ​സ്റ്റ്, സ​ർ​വേ ഉ​ദ്യോ​ഗ​സ്ഥ​രെ പ​ങ്കെ​ടു​പ്പി​ച്ച് സ്ഥ​ലം എം​എ​ൽ​എ​യു​ടെ സാ​ന്നി​ധ്യ​ത്തി​ൽ അ​ടി​യ​ന്ത​ര​മാ​യി യോ​ഗം വി​ളി​ച്ചു ചേ​ർ​ക്കു​മെ​ന്ന് മ​ന്ത്രി കെ.​ രാ​ജ​ൻ.​

ദേ​വി​കു​ളം താ​ലൂ​ക്കി​ലെ വ​ട്ട​വ​ട വി​ല്ലേ​ജി​ലെ ബ്ലോ​ക്ക് ന​ന്പ​ർ- 62, കൊ​ട്ട​ക്കാ​ന്പൂ​ർ വി​ല്ലേ​ജി​ലെ ബ്ലോ​ക്ക് ന​ന്പ​ർ-58, എ​ന്നി​വ​യി​ൽപ്പെ​ട്ട പ​ട്ട​യ​ഭൂ​മി ഒ​ഴി​വാ​ക്കി​യു​ള്ള 3,200 ഹെ​ക്ട​ർ ഭൂ​മി​യാ​ണ് കു​റി​ഞ്ഞി​മ​ല ഉ​ദ്യാ​നം രൂ​പീ​ക​രി​ക്കു​ന്ന​തി​നാ​യി 1972-ലെ ​വ​നം വ​ന്യ​ജീ​വി സം​ര​ക്ഷ​ണ നി​യ​മ​പ്ര​കാ​രം 2006-ൽ ​വ​നം വ​കു​പ്പ് വി​ജ്ഞാ​പ​നം പു​റ​പ്പെ​ടു​വി​ച്ച​ത്.

ഫോ​റ​സ്റ്റ് സെ​റ്റി​ൽ​മെ​ന്‍റ് ഓ​ഫീ​സ​റാ​യി ദേ​വി​ക്കു​ളം ആ​ർ​ഡി​ഒ​യെ 2015-ൽ ​നി​യ​മി​ച്ചു. വി​ജ്ഞാ​പ​നം പു​റ​പ്പെ​ടു​വി​ച്ച പ്ര​ദേ​ശ​ത്തെ ജ​ന​ങ്ങ​ളു​ടെ ഭൂ​മി​സം​ബ​ന്ധ​മാ​യ അ​വ​കാ​ശ​ങ്ങ​ൾ പ​രി​ശോ​ധി​ക്കാ​നും കൈ​യേ​റ്റം ഒ​ഴി​പ്പി​ക്കു​ന്ന​തി​നും ഓ​രോ ത​ണ്ട​പ്പേ​ർ ക​ക്ഷി​യേ​യും നേ​രി​ൽ കേ​ട്ട് രേ​ഖ​ക​ൾ പ​രി​ശോ​ധി​ച്ച് കൈ​വ​ശ​ക്കാ​രു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​നു​ള്ള ചു​മ​ത​ല​ക​ൾ സെ​റ്റി​ൽ​മെ​ന്‍റ് ഓ​ഫീ​സ​ർ​ക്ക് ന​ൽ​കി​യി​രു​ന്നു. വ​നംവ​കു​പ്പി​ന്‍റെ വി​ജ്ഞാ​പ​ന​ത്തി​ൽ ഉ​ൾ​പ്പെ​ട്ട മേ​ൽ​പ​റ​ഞ്ഞ വി​ല്ലേ​ജു​ക​ളി​ലെ പ​ട്ട​യ​ഭൂ​മി​ക​ൾ ഒ​ഴി​വാ​ക്കി​യു​ള്ള ഭൂ​മി​യു​ടെ അ​തി​രു​ക​ൾ പു​ന​ർ നി​ർ​ണ​യം ചെ​യ്ത് കു​റി​ഞ്ഞി​മ​ല സ​ങ്കേ​ത​ത്തി​ന്‍റെ അ​തി​രു​ക​ൾ നി​ശ്ച​യി​ക്കാ​ൻ 2018 ലും 2020 ​ലും റ​വ​ന്യു വ​കു​പ്പ് ഉ​ത്ത​ര​വ് പു​റ​പ്പെ​ടു​വി​ച്ചി​ട്ടു​ണ്ട്.


കു​റി​ഞ്ഞി​മ​ല സ​ങ്കേ​ത​ത്തി​ന്‍റെ കാ​ര്യ​നി​ർ​വ​ഹ​ണ​ത്തി​നാ​യി ദേ​വി​കു​ളം സ​ബ് ക​ള​ക്ട​ർ​ക്ക് അ​ധി​ക ചു​മ​ത​ല ന​ൽ​കി 2022-ൽ ​ഉ​ത്ത​ര​വാ​യി.

ആ​ധു​നി​ക സാ​ങ്കേ​തി​കവി​ദ്യ ഉ​പ​യോ​ഗി​ച്ച് വ​ന​ഭൂ​മി​യും പ​ട്ട​യ​ഭൂ​മി​യും തി​ട്ട​പ്പെ​ടു​ത്തേ​ണ്ട​തു​ണ്ട്. ഈ ​പ്ര​ശ്ന​ങ്ങ​ളെ​ല്ലാം പ​രി​ഹ​രി​ക്കു​ന്ന​തി​ന് കു​റി​ഞ്ഞി​മ​ല ഉ​ദ്യാ​ന​ത്തി​ന്‍റെ സെ​റ്റി​ൽ​മെ​ന്‍റ് ഓ​ഫീ​സ​റാ​യി പ്ര​ത്യേ​ക ചു​മ​ത​ല ന​ൽ​കി ഉ​ദ്യോ​ഗ​സ്ഥ​നെ നി​യ​മി​ക്കു​ന്ന കാ​ര്യ​വും സ​ർ​ക്കാ​രി​ന്‍റെ പ​രി​ഗ​ണ​ന​യി​ലാ​ണ്.

ഇ​തോ​ടൊ​പ്പം വി​ജ്ഞാ​പ​ന​വു​മാ​യി ബ​ന്ധ​പ്പെ​ട്ട ചി​ല നി​യ​മ പ്ര​ശ്ന​ങ്ങ​ളി​ൽ അ​ഡ്വ​ക്കേ​റ്റ് ജ​ന​റ​ലി​നോ​ട് നി​യ​മോ​പ​ദേ​ശം സ്പെ​ഷ​ൽ ഓ​ഫീ​സ​ർ ആ​വ​ശ്യ​പ്പെ​ട്ടി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ അ​ഡ്വ​ക്കേ​റ്റ് ജ​ന​റ​ൽ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ൻ​മാ​രു​ടെ ഒ​രു യോ​ഗം ന​ട​ത്തി​യെ​ങ്കി​ലും നി​യ​മോ​പ​ദേ​ശം ല​ഭ്യ​മാ​ക്കി​യി​ട്ടി​ല്ല.

നി​യ​മോ​പ​ദേ​ശം ല​ഭ്യ​മാ​ക്കു​ന്ന​തി​നു​ള്ള അ​ടി​യ​ന്തര ന​ട​പ​ടി​ക​ൾ സ്വീ​ക​രി​ക്കാ​ൻ സ്പെ​ഷ​ൽ ഓ​ഫീ​സ​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്. കൂ​ടാ​തെ സ​ങ്കേ​ത​ത്തി​ന്‍റെ അ​തി​രു​ക​ൾ തി​ട്ട​പ്പെ​ടു​ത്തുന്നതി​ന് ഈ ​വി​ല്ലേ​ജു​ക​ളി​ൽ ഡി​ജി​റ്റ​ൽ സ​ർ​വെ ന​ട​ത്തു​ന്ന കാ​ര്യ​വും സ​ർ​ക്കാ​രി​ന്‍റെ പ​രി​ഗ​ണ​ന​യി​ലാ​ണെ​ന്നും നി​യ​മ​സ​ഭ​യി​ൽ എ.​ രാ​ജ എം​എ​ൽ​എ യു​ടെ സ​ബ്മി​ഷ​ന് മ​റു​പ​ടി​യാ​യി മ​ന്ത്രി പ​റ​ഞ്ഞു.