ബ​സ് ഓ​ടി​ക്കു​ന്ന​തി​നി​ടെ ദേ​ഹാ​സ്വാ​സ്ഥ്യം; ര​ക്ഷ​ക​രാ​യ​ത് പാ​ലി​യേ​റ്റീ​വ് ജീ​വ​ന​ക്കാ​ർ
Tuesday, October 15, 2024 12:37 AM IST
ഉ​പ്പു​ത​റ: ബ​സ് ഓ​ടി​ക്കു​ന്ന​തി​നി​ടെ ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട ഡ്രൈ​വ​ർ​ക്ക് പ്ര​ഥ​മ ശു​ശ്രൂ​ഷ ന​ൽ​കി പാ​ലി​യേ​റ്റീ​വ് ജീ​വ​ന​ക്കാ​ർ ആ​ശു​പ​ത്രി​യി​ലെ​ത്തി​ച്ചു.

കോ​ട്ട​യം-​ക​ട്ട​പ്പ​ന റൂ​ട്ടി​ൽ സ​ർ​വീ​സ് ന​ട​ത്തു​ന്ന നീ​ലാം​ബ​രി ബ​സി​ലെ ഡ്രൈ​വ​ർ അ​നീ​ഷ് മാ​ത്യു​വി​നെ​യാ​ണ് ആ​ല​ടി പി​എ​ച്ച്സി​യി​ലെ പാ​ലി​യേ​റ്റീ​വ് ന​ഴ്സ് അ​മ​ൽ ആ​ന്‍റ​ണി​യും ഡ്രൈ​വ​ർ പി.​എ.​അ​ജേ​ഷും ചേ​ർ​ന്ന് ര​ക്ഷി​ച്ച​ത്.​

തി​ങ്ക​ളാ​ഴ്ച ഉ​ച്ച​ക​ഴി​ഞ്ഞ് 2.30നാ​ണ് ബ​സ് ആ​ല​ടി​യി​ൽ എ​ത്തി​യ​ത്. അ​ജേ​ഷും അ​മ​ലും ബ​സി​ൽ ക​യ​റി. ബ​സ് അ​ൽ​പ​ദൂ​രം മു​ന്നോ​ട്ടു നീ​ങ്ങി​യ​പ്പോ​ൾ ഡ്രൈ​വ​ർ​ക്ക് ശാ​രീ​രി​ക ബു​ദ്ധി​മു​ട്ട​നു​ഭ​വ​പ്പെ​ട്ടു. ക​ല​ശ​ലാ​യ ശ്വാ​സ ത​ട​സം ഉ​ണ്ടാ​യ​തോ​ടെ ബ​സ് നി​ർ​ത്തി അ​നീ​ഷ് പു​റ​ത്തി​റ​ങ്ങി. ഈ ​സ​മ​യം നി​ര​വ​ധി വാ​ഹ​ന​ങ്ങ​ൾ ഇ​വി​ടെ ഉ​ണ്ടാ​യി​രു​ന്നെ​ങ്കി​ലും ആ​രും ആ​ശു​പ​ത്രി​യി​ൽ കൊ​ണ്ടു പോ​കാ​ൻ ത​യാ​റാ​യി​ല്ല. അപ്പോഴേ ക്കും അ​ജേ​ഷും അ​മ​ലും സ​ഹാ​യ​വു​മാ​യെ​ത്തി. അ​മ​ൽ പ്ര​ഥ​മ ശു​ശ്രൂ​ഷ ന​ൽ​കു​ന്ന​തി​നി​ടെ അ​ജേ​ഷ് ആ​ശു​പ​ത്രി​യി​ൽ പോ​യി പാ​ലി​യേ​റ്റീ​വ് വാ​ഹ​ന​വു​മാ​യി എ​ത്തി. ഉ​ട​ൻത​ന്നെ മാ​ട്ടു​ക്ക​ട്ട​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചു.

വി​ദ​ഗ്ധ ചി​കി​ത്സ വേ​ണ​മെ​ന്ന് ഡോ​ക്ട​ർ നി​ർ​ദേ​ശി​ച്ച​തോ​ടെ ക​ട്ട​പ്പ​ന​യി​ലെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചു. ശ്വാ​സംമു​ട്ട​ലും ര​ക്തസ​മ്മ​ർ​ദ​വും കൂ​ടി​യ ​നി​ല​യി​ലാ​യി​രു​ന്നെ​ങ്കി​ലും അ​പ​ക​ടനി​ല ത​ര​ണം ചെ​യ്തു. അ​മ​ലി​ന്‍റെ​യും അ​ജേ​ഷി​ന്‍റെ​യും അ​വ​സ​രോ​ചി​ത​മാ​യ ഇ​ട​പ​ട​ൽ​മൂ​ല​മാ​ണ് അ​നീ​ഷി​നെ വേ​ഗ​ത്തി​ൽ ആ​ശു​പ​ത്രി​യി​ലെ​ത്തി​ക്കാ​നാ​യ​ത്.