അവധിദിനങ്ങൾ ആഘോഷിക്കാൻ സ​ഞ്ചാ​രി​ക​ൾ ഒ​ഴു​കി​യെ​ത്തി
Tuesday, October 15, 2024 12:37 AM IST
തൊ​ടു​പു​ഴ: ന​വ​രാ​ത്രി​യോ​ട​നു​ബ​ന്ധി​ച്ചു​ള്ള അ​വ​ധി ദി​ന​ങ്ങ​ളി​ൽ ജി​ല്ല​യി​ലെ വി​നോ​ദസ​ഞ്ചാ​ര കേ​ന്ദ്ര​ങ്ങ​ളി​ൽ സ​ഞ്ചാ​രി​ക​ളു​ടെ വ​ൻ പ്ര​വാ​ഹം. ഇ​ത​ര സം​സ്ഥാ​ന​ങ്ങ​ളി​ൽനി​ന്നു​ൾ​പ്പെ​ടെ ഒ​ട്ടേ​റെ വി​നോ​ദസ​ഞ്ചാ​രി​ക​ൾ പൂ​ജാ അ​വ​ധി​യോ​ട​നു​ബ​ന്ധി​ച്ച് ജി​ല്ല​യി​ലെ ടൂ​റി​സം കേ​ന്ദ്ര​ങ്ങ​ളി​ൽ എത്തി.

11 മു​ത​ൽ 13 വ​രെ​യു​ള്ള അ​വ​ധിദി​വ​സ​ങ്ങ​ളി​ൽ ജി​ല്ല​യി​ൽ ഡി​ടി​പി​സി​യു​ടെ കീ​ഴി​ലു​ള്ള പ്ര​ധാ​ന ടൂ​റി​സം കേ​ന്ദ്ര​ങ്ങ​ളി​ൽ മാ​ത്രം 76,913 പേ​രാ​ണ് സ​ന്ദ​ർ​ശ​നം ന​ട​ത്തി​യ​ത്. 11ന് 17,359 ​പേ​രും മ​ഹാ​ന​വ​മി ദി​ന​ത്തി​ൽ 35,270 പേ​രും വി​ജ​യ​ദ​ശ​മി ദി​ന​ത്തി​ൽ 24,284 പേ​രു​മാ​ണ് വി​വി​ധ ഇ​ട​ങ്ങ​ൾ സ​ന്ദ​ർ​ശി​ച്ച​ത്. മ​ഴ മു​ന്ന​റി​യി​പ്പ് ഉ​ണ്ടാ​യി​രു​ന്നെ​ങ്കി​ലും അ​നു​കൂ​ല​മാ​യ കാ​ലാ​വ​സ്ഥ​യാ​ണ് സ​ന്ദ​ർ​ശ​ക​ർ​ക്ക് ഗു​ണ​ക​ര​മാ​യ​ത്.

ജി​ല്ല​യി​ൽ ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ എ​ത്തി​യ​ത് വാ​ഗ​മ​ണ്‍ മൊ​ട്ട​ക്കു​ന്നി​ലാ​ണ്. 23,516 പേ​രാ​ണ് ഇ​വി​ടെ സ​ന്ദ​ർ​ശ​നം ന​ട​ത്തി​യ​ത്. അ​ഡ്വ​ഞ്ച​ർ പാ​ർ​ക്കി​ൽ 22,038 പേ​രു​മെ​ത്തി.

മാ​ട്ടു​പ്പെ​ട്ടി- 1835, രാ​മ​ക്ക​ൽ​മേ​ട് - 6550, അ​രു​വി​ക്കു​ഴി - 837, ശ്രീ​നാ​രാ​യ​ണ​പു​രം - 3600, പാ​ഞ്ചാ​ലി​മേ​ട് - 5972, ഇ​ടു​ക്കി ഹി​ൽ​വ്യൂ പാ​ർ​ക്ക് - 4103, മൂ​ന്നാ​ർ ബൊ​ട്ടാ​ണി​ക്ക​ൽ ഗാ​ർ​ഡ​ൻ - 5327, ആ​മ​പ്പാ​റ- 3135 എ​ന്നി​ങ്ങ​നെ​യാ​ണ് മ​റ്റ് വി​നോ​ദസ​ഞ്ചാ​ര കേ​ന്ദ്ര​ങ്ങ​ളി​ൽ എ​ത്തി​യ​വ​രു​ടെ ക​ണ​ക്ക്.

ഏ​താ​നും മാ​സ​ങ്ങ​ളാ​യി അ​ട​ച്ചി​ട്ടി​രു​ന്ന വാ​ഗ​മ​ണ്ണി​ലെ ഗ്ലാ​സ് ബ്രി​ഡ്ജ് വീ​ണ്ടും തു​റ​ന്ന​തും ഇ​വി​ടെ തി​ര​ക്ക് കൂ​ടാ​ൻ കാ​ര​ണ​മാ​യി. മൂ​ന്നു ദി​വ​സ​ങ്ങ​ളി​ലാ​യി 4,280 പേ​രാ​ണ് ഇ​ന്ത്യ​യി​ലെ ഏ​റ്റ​വും വ​ലി​യ കാ​ൻ​ഡി ലി​വ​ർ ക​ണ്ണാ​ടി​പ്പാ​ല​ത്തി​ൽ ക​യ​റി കാ​ഴ്ച​ക​ൾ ആ​സ്വ​ദി​ച്ച​ത്. പാ​ല​ത്തി​ൽ ക​യ​റു​ന്ന​വ​രു​ടെ എ​ണ്ണം പ​രി​മി​ത​പ്പെ​ടു​ത്തി​യി​രി​ക്കു​ന്ന​തി​നാ​ൽ ഒ​ട്ടേ​റെ പേ​ർ​ക്ക് ഇ​തി​ൽ ക​യ​റാ​നാ​വാ​തെ നി​രാ​ശ​രാ​യി മ​ട​ങ്ങേ​ണ്ടിവ​ന്നു.


ഇ​തി​നു ു​റ​മേ ജി​ല്ല​യി​ലെ വ​നം​വ​കു​പ്പി​ന്‍റെ കീ​ഴി​ലു​ള്ള കേ​ന്ദ്ര​ങ്ങ​ളി​ലും ഹൈ​ഡ​ൽ ടൂ​റി​സം കേ​ന്ദ്ര​ങ്ങ​ളി​ലും എ​ത്തി​യ സ​ഞ്ചാ​രി​ക​ളും ഏ​റെ​യാണ്. അ​വ​ധി ദി​വ​സ​ങ്ങ​ൾ​ക്കു ശേ​ഷ​വും സം​സ്ഥാ​ന​ത്തി​ന​ക​ത്തും പു​റ​ത്തു​നി​ന്നു​മു​ള്ള സ​ഞ്ചാ​രി​ക​ളു​ടെ ഒ​ഴു​ക്ക് തു​ട​രു​ന്നു​ണ്ട്. ഇ​തി​നി​ടെ മൂ​ന്നാ​ർ, വാ​ഗ​മ​ണ്‍ തു​ട​ങ്ങി​യ പ്ര​ധാ​ന കേ​ന്ദ്ര​ങ്ങ​ളി​ലേ​ക്കു​ള്ള പാ​ത​ക​ളി​ൽ ഗ​താ​ഗ​ത​ക്കു​രു​ക്കും അ​നു​ഭ​വ​പ്പെ​ട്ടു. വാ​ഗ​മ​ണ്ണി​ലേ​യ്ക്കു​ള്ള പാ​ത​ക​ളി​ലാ​ണ് ഏ​റെ ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ട്ട​ത്. വാ​ഗ​മ​ണ്ണി​ലേക്കു​ള്ള ഈ​രാ​റ്റു​പേ​ട്ട -വാ​ഗ​മ​ണ്‍, കാ​ഞ്ഞാ​ർ -പു​ള്ളി​ക്കാ​നം -വാ​ഗ​മ​ണ്‍, മൂ​ല​മ​റ്റം -പു​ള്ളി​ക്കാ​നം -വാ​ഗ​മ​ണ്‍, ഏ​ല​പ്പാ​റ -വാ​ഗ​മ​ണ്‍ എ​ന്നി റൂ​ട്ടു​ക​ളി​ൽ ഏ​റെ സ​മ​യ​മെ​ടു​ത്താ​ണ് വാ​ഹ​ന​ങ്ങ​ൾ ക​ട​ന്നു പോ​യ​ത്.

അ​തേ​സ​മ​യം ഇ​ത്ത​വ​ണ ശ​നി, ഞാ​യ​ർ ഉ​ൾ​പ്പെ​ടെ മൂ​ന്നു ദി​വ​സം മാ​ത്ര​മാ​ണ് പൂ​ജാ അ​വ​ധി ഉ​ണ്ടാ​യി​രു​ന്ന​ത്. വെ​ള്ളി​യാ​ഴ്ച പൊ​തു അ​വ​ധി ന​ൽ​കി​യി​രു​ന്നെ​ങ്കി​ലും പ്ര​ഖ്യാ​പ​നം വൈ​കി​യാ​യ​തി​നാ​ൽ പ​ല​ർ​ക്കും യാ​ത്ര പ്ലാ​ൻ ചെ​യ്യാ​നാ​യി​ല്ല. മ​ഹാ​ന​വ​മി ദി​ന​മാ​യി​രു​ന്ന ശ​നി​യാ​ഴ്ച​യാ​ണ് കൂ​ടു​ത​ൽ തി​ര​ക്ക് അ​നു​ഭ​വ​പ്പെ​ട്ട​ത്. ഇ​നി ദീ​പാ​വ​ലി​യോ​ട​നു​ബ​ന്ധി​ച്ചും ജി​ല്ല​യി​ലേ​ക്ക് മ​റ്റ് സം​സ്ഥാ​ന​ങ്ങ​ളി​ൽ നി​ന്നു​ൾ​പ്പെ​ടെ സ​ഞ്ചാ​രി​ക​ളു​ടെ വ​ലി​യ ഒ​ഴു​ക്ക് പ്ര​തീ​ക്ഷി​ക്കു​ന്ന​താ​യി ഡി​ടി​പി​സി സെ​ക്ര​ട്ട​റി ജി​തീ​ഷ് ജോ​സ് പ​റ​ഞ്ഞു.