കായംകുളം: സബ്ജില്ലാ കലോത്സവം നവംബർ നാലു മുതൽ എട്ടു വരെ കായംകുളം എംഎസ്എം എച്ച്എസ്എസ് സ്കൂളിൽ നടക്കും. സബ് ജില്ലാ കലോത്സവത്തിന്റെ സ്വാഗതസംഘം രൂപീകരിച്ചു. യു. പ്രതിഭ എംഎൽഎ യോഗം ഉദ്ഘാടനം ചെയ്തു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ഷാമില അനിമോൻ അധ്യക്ഷത വഹിച്ചു.
മുതുകുളം ബ്ലോക്ക് പഞ്ചായത്ത് പ്രസിഡന്റ് ഡി. അംബുജാക്ഷി, കായംകുളം നഗരസഭാ വൈസ് ചെയർമാൻ ജെ. ആദർശ് എന്നിവർ മുഖ്യപ്രഭാഷണം നടത്തി. ഉപജില്ലാ വിദ്യാഭ്യാസ ഓഫീസർ എ. സിന്ധു, ജില്ലാ പഞ്ചായത്തംഗം കെ.ജി. സന്തോഷ്, ഷീജ റഷീദ്, പ്രവീൺ, രാജശ്രീ കമ്മത്ത്, പ്രഫ. ആമിന, സുധീർ ഫർസാന, നവാസ്. എച്ച്, എംഎസ്എം എച്ച്എസ്എസ് പ്രിൻസിപ്പൽ ടി. സിദ്ദീഖ് എംഎസ്എം സ്കൂൾ എച്ച്എം സുൽഫത്ത് എന്നിവർ പ്രസംഗിച്ചു.