വി.എസ് ജ​ന​ങ്ങ​ൾ​ക്കുവേ​ണ്ടി പോ​രാ​ടി​യ നേതാവ്: ജി.​ സു​ധാ​ക​ര​ൻ
Monday, October 21, 2024 4:51 AM IST
അന്പല​പ്പു​ഴ: ഇ​ച്ഛാ​ശ​ക്തി​യും വി​ട്ടു​വീ​ഴ്ച​യി​ല്ലാ​ത്ത നി​ല​പാ​ടുമെടു​ത്ത്‌ ജ​ന​ങ്ങ​ൾ​ക്കുവേ​ണ്ടി പോ​രാ​ടി​യ ക​മ്യൂ​ണി​സ്റ്റ് നേ​താ​വാ​യി​രു​ന്നു വി.എ​സ്. അ​ച്യു​താ​ന​ന്ദ​ൻ എ​ന്ന് മു​ൻ മ​ന്ത്രി ജി.​ സു​ധാ​ക​ര​ൻ. ജ​ന​നാ​യ​ക​ൻ വി​.എ​സ് ന​വ​മാ​ധ്യ​മ കൂ​ട്ടാ​യ്മ പു​ന്ന​പ്ര പ​റ​വൂ​ർ അ​സം​ബ്ലി ജം​ഗ്ഷ​നി​ൽ സം​ഘ​ടി​പ്പി​ച്ച വി.​എ​സി​ന്‍റെ 101-ാം ജ​ന്മ​ദി​ന ആ​ഘോ​ഷ പ​രി​പാ​ടി ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അദ്ദേഹം.

1964ൽ ​സി​പി​എം രൂ​പീക​രി​ച്ച നേ​താ​ക്ക​ളി​ൽ ജീ​വി​ച്ചി​രി​ക്കു​ന്ന​വ​രി​ൽ വി​.എ​സ് മാ​ത്ര​മാ​ണ് ഇ​ന്നു​ള്ള​ത്. സാ​ധാ​ര​ണ കു​ടും​ബ​ത്തി​ൽ​നി​ന്ന് തൊ​ഴി​ലാ​ളി പ്ര​വ​ർ​ത്ത​ന​ത്തി​ലൂ​ടെ ദേ​ശീ​യ നേ​താ​വാ​യി​ മാ​റി. വി.എ​സി​ന്‍റെ ജീ​വി​ത​ത്തി​ലെ ഏ​റ്റ​വും വ​ലി​യ​പോ​രാ​ട്ടസ​മ​ര​മാ​യ​യി​രു​ന്നു പു​ന്ന​പ്ര​ വ​യ​ലാ​ർ. സ​മ​ര​ത്തി​ൽ പ​ങ്കെ​ടു​ത്ത് ജ​യി​ൽവാ​സം ഉ​ൾ​പ്പെ​ടെ ഏ​റെ​ ത്യാ​ഗം സ​ഹി​ക്കേ​ണ്ടി​വ​ന്നു. ഇ​എം​എ​സ്, എ​കെ​ജി എ​ന്നി​വ​രെ പോ​ലെ വി.എ​സും ദേ​ശീ​യ നേ​താ​വാ​യി​രു​ന്നു.

ആ​ധു​നി​ക ന​വ​കേ​ര​ള സൃ​ഷ്ടി​ക്കാ​യു​ള്ള പോ​രാ​ട്ട​മാ​യി​രു​ന്നു മി​ച്ച​ഭൂ​മി, കു​ടി​കി​പ്പു സ​മ​ര​ങ്ങ​ൾ. എ​ല്ലാ​വ​ർ​ക്കും സ്വ​ന്ത​മാ​യി ഭൂ​മി എ​ന്ന സ്വ​പ്നം സ​ഫ​ല​മാ​ക്കാ​ൻ നി​യ​മ​സ​ഭ​യി​ലും പു​റ​ത്തും ന​ട​ത്തി​യ പോ​രാ​ട്ട​ത്തി​ലൂ​ടെ യാ​ഥാ​ർഥ്യ​മാ​ക്കി. എം​എ​ൽ​എ, പ്ര​തി​പ​ക്ഷ​നേ​താ​വ്, മു​ഖ്യ​മ​ന്ത്രി, പാ​ർ​ട്ടി സെ​ക്ര​ട്ട​റി, പോ​ളി​റ്റ് ബ്യൂ​റോ അം​ഗം എ​ന്നീ നി​ല​ക​ളി​ൽ പ്ര​വ​ർ​ത്തി​ച്ച വി​.എ​സ് സാ​ധാ​ര​ണ ജ​ന​വി​ഭാ​ഗ​ങ്ങ​ളു​ടെ ഉ​യ​ർ​ച്ച​യ്ക്കാ​യു​ള്ള നി​ല​പാ​ടു​ക​ളാ​ണ് സ്വീ​ക​രി​ച്ച​ത്.


അ​നാ​രോ​ഗ്യ​വ​സ്ഥ​യി​ലാ​ണെ​ങ്കി​ലും ഇ​ന്നും ജ​ന​ങ്ങ​ൾ വി​.എ​സി​നെ ഏ​റെ സ്നേ​ഹി​ക്കു​ന്ന​താ​യും ജി.​ സു​ധാ​ക​ര​ൻ പ​റ​ഞ്ഞു.

വി​.എ​സി​ന്‍റെ ചി​ത്രം ആ​ലേ​ഖ​നം ചെ​യ്ത കേ​ക്ക് മു​റി​ച്ച് വി​ദ്യാ​ർ​ഥി​യാ​യ റ​സ്വാ​ന് ന​ൽ​കി​യാ​ണ് സു​ധാ​ക​ര​ൻ ആ​ഘോ​ഷ പ​രി​പാ​ടി​ക​ള്‍​ക്കു തു​ട​ക്കംകു​റി​ച്ച​ത്. ജ​ന​നാ​യ​ക​ൻ വി​.എ​സ് ന​വ​മാ​ധ്യ​മ കൂ​ട്ടാ​യ്മ സം​സ്ഥാ​ന​ത്തി​ന്‍റെ വി​വി​ധ മേ​ഖ​ല​യി​ൽ​നി​ന്ന് വ​ന്ന 101പേ​ർ​ക്ക് പു​തു​വ​സ്ത്ര​ങ്ങ​ൾ, പാ​ൽ​പാ​യ​സം, ല​ഡു എ​ന്നി​വ​യു​ടെ വി​ത​ര​ണ​വും സു​ധാ​ക​ര​ൻ നി​ർ​വ​ഹി​ച്ചു.