കായംകുളം: തുള്ളൽ കലാകാരൻ ഏവൂർ ദാമോദരൻനായരുടെ ഇരുപത്തിയൊന്നാം ചരമവാര്ഷികത്തോടനുബന്ധിച്ച് അനുസ്മരണ സമ്മേളനവും അവാർഡുദാനവും സംഘടിപ്പിച്ചു . മന്ത്രി സജി ചെറിയാൻ ഉദ്ഘാടനം ചെയ്തു. ട്രസ്റ്റ് പ്രസിഡന്റ് ഏവൂർ രാധാകൃഷ്ണൻ അധ്യക്ഷനായി. ഏവൂർ ദാമോദരൻനായർ അവാർഡ് പ്രഭാകരൻ പുന്നശേരിക്ക് യു. പ്രതിഭ എംഎൽഎ സമർപ്പിച്ചു.
മുതുകുളം ബ്ലോക്ക് പഞ്ചായത്ത് പ്രസിഡന്റ് ഡി. അംബുജാക്ഷി, ജില്ലാ പഞ്ചായത്ത് മുൻ പ്രസിഡന്റ് കെ.എച്ച്. ബാബുജാൻ, ജില്ലാ പഞ്ചായത്തംഗം കെ.ജി. സന്തോഷ്, കുമാരനാശാൻ സ്മാരക സമിതി ചെയർമാൻ രാമപുരം ചന്ദ്രബാബു, മുതുകുളം ബ്ലോക്ക് പഞ്ചായത്ത് വൈസ് പ്രസിഡന്റ് ജി. ഉണ്ണികൃഷ്ണൻ, ട്രസ്റ്റ് സെക്രട്ടറി അഡ്വ.ഡി. സനൽകുമാർ, മണി വിശ്വനാഥ് തുട ങ്ങിയവർ പ്രസംഗിച്ചു.