ആലപ്പുഴ: വ്യാജ 916 ഹാള്‍മാര്‍ക്ക് ചെയ്ത സ്വര്‍ണാഭരണം കടകളില്‍ വില്പനക്കുവരുന്നത് കരുതിയിരിക്കണമെന്ന് ഓള്‍ കേരള ഗോള്‍ഡ് ആൻഡ് സില്‍വര്‍ മര്‍ച്ചന്‍റ്സ് അസോസിയേഷന്‍ ആവശ്യപ്പെട്ടു. കഴിഞ്ഞദിവസം മുല്ലയ്ക്കലിലെ ഒരു സ്വര്‍ണാഭരണ ശാലയില്‍ വില്പനയ്ക്കായി കൊണ്ടുവന്ന സ്വര്‍ണം വ്യാപാരി വിലയ്ക്കെടുത്ത് പരിശോധിച്ചപ്പോള്‍ വ്യാജ സ്വര്‍ണമായിരുന്നു.
ലോട്ടസ് എന്ന പേരിലുള്ള ചെയിനാണ് വില്പനക്ക് കൊണ്ടുവന്നത്. വ്യാപാരികള്‍ വ്യാജ സ്വര്‍ണം വില്‍ക്കാന്‍ വരുന്നവരെ പോലീസില്‍ അറിയിക്കണം. വ്യാജ സ്വര്‍ണം വില്‍ക്കാന്‍ വന്ന വ്യക്തിയുടെ സിസിടിവി ദൃശ്യം പോലീസിന് കൈമാറും. വ്യാജ സ്വര്‍ണം വിപണിയിലെത്തിക്കാന്‍ പ്രത്യേക റാക്കറ്റ് പ്രവര്‍ത്തിക്കുന്നുണ്ടെന്നും ഓള്‍ കേരള ഗോള്‍ഡ് ആൻഡ് സില്‍വര്‍ മര്‍ച്ചന്‍റ്സ് അസോസിയേഷന്‍ ജില്ലാ പ്രസിഡന്‍റ് നസീര്‍ പുന്നയ്ക്കലും സെക്രട്ടറി കെ. നാസറും അറിയിച്ചു.