എ​ങ്ങു​മെ​ത്താ​തെ വെ​ട്ടി​ക്കോ​ട് ചാ​ൽ ടൂ​റി​സം പ​ദ്ധ​തി
Tuesday, October 15, 2024 12:20 AM IST
ചാരും​മൂ​ട്: നാ​ലു​വ​ർ​ഷം മു​മ്പ് കൊ​ട്ടി​ഘോ​ഷി​ച്ച് ആ​രം​ഭി​ച്ച വെ​ട്ടി​ക്കോ​ട്ട് ചാ​ൽ ടൂ​റി​സം പ​ദ്ധ​തി പാ​തി​വ​ഴി​യി​ൽ. 2019ൽ ​പ്രാ​രം​ഭ നി​ർ​മാ​ണ​ത്തി​നി​ടെ ചാ​ലി​ൽ നി​ർ​മി​ച്ച ക​രി​ങ്ക​ൽ സം​ര​ക്ഷ​ണഭി​ത്തി ഇ​ടി​ഞ്ഞു​വീ​ണു. ഇ​തേ​ത്തു​ട​ർ​ന്ന് നി​ർ​മാ​ണപ്ര​വ​ർ​ത്ത​ന​ങ്ങ​ൾ നി​ർ​ത്തി​വ​ച്ചു. സം​ര​ക്ഷ​ണഭി​ത്തി​യോ​ട് ചേ​ർ​ന്ന ഭാ​ഗ​ത്ത് ചെ​ളി​യ​ന്ത്രം ഉ​പ​യോ​ഗി​ച്ച് നീ​ക്കി​യ​പ്പോ​ഴാ​ണ് സം​ര​ക്ഷ​ണഭി​ത്തി ഇ​ടി​ഞ്ഞു​വീ​ണ​ത്. അ​ന്ന് സം​ഭ​വം വി​വാ​ദ​മാ​വു​ക​യും രാ​ഷ്ട്രീ​യ പാ​ർ​ട്ടി​ക​ൾ അ​ഴി​മ​തി ആ​രോ​പ​ണം ഉ​ന്ന​യി​ച്ച് രം​ഗ​ത്തുവ​രി​ക​യും ചാ​ലി​ൽ കൊ​ടി​കു​ത്തി പ്ര​തി​ഷേ​ധി​ക്കു​ക​യും ചെ​യ്തി​രു​ന്നു. അ​ന്ന് നി​ല​ച്ച നി​ർ​മാ​ണ പ്ര​വ​ർ​ത്ത​ന​ങ്ങ​ൾ പി​ന്നീ​ട് പു​ന​രാ​രം​ഭി​ച്ചി​ല്ല.

വെ​ട്ടി​ക്കോ​ട് ചാ​ൽ ഇ​പ്പോ​ൾ മാ​ലി​ന്യ​കേ​ന്ദ്ര​വും മ​ര​ണ​ക്കെ​ണി​യു​മാ​യി മാ​റി​യി​രി​ക്കു​ക​യാ​ണ്. ചാ​ലി​ന്‍റെ പ​രി​സ​ര​ങ്ങ​ളി​ൽ വ്യാ​പ​ക​മാ​യി ഇ​പ്പോ​ൾ മാ​ലി​ന്യം ത​ള്ളു​ക​യാ​ണ്. ക​ഴി​ഞ്ഞദി​വ​സം ചാ​ലി​ൽ ക​റ്റാ​നം സ്വ​ദേ​ശി​യാ​യ യു​വാ​വി​ന്‍റെ മൃ​ത​ദേ​ഹം ക​ണ്ടെ​ത്തി​യി​രു​ന്നു.

കാ​ടും പ​ട​ർ​പ്പും ക​യ​റി​ക്കി​ട​ക്കു​ന്ന വെ​ട്ടി​ക്കോ​ട് ചാ​ലി​ൽ മു​മ്പ് പ​ല​രെ​യും മ​രി​ച്ചനി​ല​യി​ൽ ക​ണ്ടെ​ത്തി​യി​ട്ടു​ണ്ട്. കാ​യം​കു​ളം- പു​ന​ലൂ​ർ റോ​ഡി​ലെ പ്ര​ധാ​ന​പ്പെ​ട്ട ടൂ​റി​സം കേ​ന്ദ്ര​മാ​ക്കി വെ​ട്ടി​ക്കോ​ട് ചാ​ലി​നെ മാ​റ്റി​യെ​ടു​ക്കാ​ൻ 1.30 കോ​ടി രൂ​പ​യാ​ണ് അ​നു​വ​ദി​ച്ച​ത്. കു​ട്ടി​ക​ളു​ടെ പാ​ർ​ക്ക്, വി​ശ്ര​മ​കേ​ന്ദ്രം, ഭ​ക്ഷ​ണ​ശാ​ല, ബോ​ട്ടിം​ഗ് തു​ട​ങ്ങി​യ​വ​യാ​ണ് പ​ദ്ധ​തി​യി​ൽ ല​ക്ഷ്യ​മി​ട്ട​ത്.


ഇ​തി​ൽ 99 ല​ക്ഷം രൂ​പ ടൂ​റി​സം വ​കു​പ്പും 40 ല​ക്ഷം രൂ​പ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളും ചെ​ല​വ​ഴി​ക്കാ​നാ​ണ് തീ​രു​മാ​നി​ച്ച​ത്. ആ​ല​പ്പു​ഴ ജി​ല്ലാ പ​ഞ്ചാ​യ​ത്ത് 25 ല​ക്ഷം ഭ​ര​ണി​ക്കാ​വ് ബ്ലോ​ക്ക് പ​ഞ്ചാ​യ​ത്ത് 10 ല​ക്ഷം ചു​ന​ക്ക​ര പ​ഞ്ചാ​യ​ത്ത് 5 ല​ക്ഷ​വും വി​നി​യോ​ഗി​ച്ച് പ​ദ്ധ​തി ന​ട​പ്പി​ലാ​ക്കു​മെ​ന്നാ​യി​രു​ന്നു പ്ര​ഖ്യാ​പ​നം. രാ​ത്രി​യു​ടെ മ​റ​വി​ലാ​ണ് ഇ​പ്പോ​ൾ ഇ​വി​ടെ മാ​ലി​ന്യം ത​ള്ളു​ന്ന​ത്.

മാ​ലി​ന്യം നി​ക്ഷേ​പി​ക്കു​ന്ന​വ​രെ ക​ണ്ടെ​ത്താ​ൻ ചു​ന​ക്ക​ര പ​ഞ്ചാ​യ​ത്ത് കാ​മ​റ സ്ഥാ​പി​ച്ചി​രു​ന്നെ​ങ്കി​ലും ഇ​വ​യും നി​ശ്ച​ല​മാ​യി. ചാ​ൽ ടൂ​റി​സം പ​ദ്ധ​തി പൂ​ർ​ത്തീ​ക​രി​ക്കാ​ൻ ത്രി​ത​ല പ​ഞ്ചാ​യ​ത്തു​ക​ളും ടൂ​റി​സം വ​കു​പ്പും അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.