എടത്വ: ലോക ഭക്ഷ്യദിനാചരണത്തിന്‍റെ ഭാഗമായി തലവടി ഗവൺമെന്‍റ് വൊക്കേഷണല്‍ ഹയര്‍ സെക്കൻഡറി സ്‌കൂളിന്‍റെ നേതൃത്വത്തില്‍ ഫുഡ് ഫെസ്റ്റ് സംഘടിപ്പിച്ചു. വിദ്യാര്‍ഥികളും അധ്യാപകരും വിവിധ ഭക്ഷണ വിഭവങ്ങള്‍ തയാറാക്കി സ്‌കൂളില്‍ ഫുഡ് ഫെസ്റ്റ് വിതരണത്തിനായി എത്തിച്ചു.
ഭക്ഷ്യമേളയുടെ ഉദ്ഘാടനം ജില്ലാ പഞ്ചായത്ത് വികസന സ്ഥിരം സമിതി അധ്യക്ഷ ബിനു ഐസക് രാജു നിര്‍വഹിച്ചു. വൊക്കേഷണല്‍ ഹയര്‍ സെക്കൻഡറി സ്‌കൂള്‍ പ്രിന്‍സിപ്പല്‍ പി.ആര്‍. സുജ അധ്യക്ഷത വഹിച്ചു. ഹയര്‍ സെക്കൻഡറി സ്‌കൂള്‍ പ്രിന്‍സിപ്പല്‍ ഇ. സാജിത, ജോമോന്‍ ജോസഫ്, എന്‍എസ്എസ് പ്രോഗ്രാം ഓഫീസര്‍ സ്‌നേഹ ടി. അലക്‌സാണ്ടര്‍, എസ്. അരുണ്‍കുമാര്‍, ബി. സുരജ, ബി. ശ്രീരഞ്ജിനി, വി. രാജലക്ഷ്മി, ജെ. രഞ്ജിത്കുമാര്‍ എന്നിവര്‍ പ്രസംഗിച്ചു.