മുഖ്യമന്ത്രിയുടെ ദുരിതാശ്വാസ നിധിയിലേക്കു ല​ഭി​ച്ച സ്ഥ​ലം കാ​ടു ക​യ​റി ന​ശി​ക്കു​ന്നു
Wednesday, October 16, 2024 6:02 AM IST
മാന്നാ​ർ: പ്ര​ള​യ​ക്കെ​ടു​തി​യി​ൽ ദു​രി​ത​മ​നു​ഭ​വി​ക്കു​ന്ന​വ​ർ​ക്കാ​യി ദു​രി​താ​ശ്വാ​സ​നി​ധി​യി​ലേ​ക്ക് ഒ​രു വ്യ​ക്തി ന​ൽ​കി​യ ഭൂ​മി കാ​ടു​ക​യ​റി ന​ശി​ക്കു​ന്നു. വ​സ്തു സ​ർ​ക്കാ​രി​ന് വി​ട്ടു ന​ൽ​കി​യി​ട്ട് ആ​റുവ​ർ​ഷ​മാ​യി​ട്ടും ഇ​തു​വ​രെ ഒ​ന്നും ചെ​യ്യാ​തെ സ്ഥ​ലം കാ​ടുക​യ​റിക്കിട​ക്കു​ക​യാ​ണ്.

2018ലെ ​പ്ര​ള​യ​ക്കെ​ടു​തി​യി​ൽ ദുഃ​ഖി​ക്കു​ന്ന​വ​ർ​ക്ക് സാ​ന്ത്വ​ന​മാ​യി മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ​നി​ധി​യി​ലേ​ക്ക് ന​ൽ​കി​യ ഭൂ​മി​യാ​ണ് കാ​ടു​ക​യ​റി ന​ശി​ക്കു​ന്ന​ത്. മാ​ന്നാ​ർ പ​ഞ്ചാ​യ​ത്ത് പ​ന്ത്ര​ണ്ടാം വാ​ർ​ഡി​ലാ​ണ് 32 സെ​ന്‍റ് ഭൂ​മി ദു​രി​താ​ശ്വാ​സ നി​ധി​യി​ലേ​ക്ക് ന​ൽ​കി​യ​ത്. കു​ട്ട​ംപേ​രൂ​ർ ഒ​ല്ലാ​ലി​ൽ വീ​ട്ടി​ൽ പ​രേ​ത​നാ​യ റി​ട്ട. ആ​ർ​മി ഉ​ദ്യോ​ഗ​സ്ഥ​ൻ ച​ന്ദ്ര​ശേ​ഖ​ര​ൻ നാ​യ​രു​ടെ​യും ആ​ന​ന്ദ​വ​ല്ലി അ​മ്മ​യു​ടെ​യും ഇ​ള​യ മ​ക​നാ​യ സി. ​അ​നി​ൽ​കു​മാ​റാ​ണ് ത​നി​ക്ക് കു​ടും​ബ​ത്തി​ൽനി​ന്നു കി​ട്ടി​യ 32 സെ​ന്‍റ് ഭൂ​മി 2018 ചെ​ങ്ങ​ന്നൂ​രി​ൽ ന​ട​ന്ന ദു​രി​താ​ശ്വാ​സ നി​ധി ശേ​ഖ​ര​ണ ച​ട​ങ്ങി​ൽ അ​ന്ന​ത്തെ മ​ന്ത്രി​മാ​രാ​യ ജി ​സു​ധാ​ക​ര​നും പി ​തി​ലോ​ത്ത​മ​നും ഭൂ​മി​യു​ടെ രേ​ഖ​ക​ൾ കൈ​മാ​റി​യ​ത്.


ഇ​ന്ന​ത്തെ മ​ന്ത്രി​യും അ​ന്ന​ത്തെ എം​എ​ൽ​എ​യും ആ​യി​രു​ന്ന സ​ജി ചെ​റി​യാ​ന്‍റെ അ​ധ്യ​ക്ഷ​ത​യി​ലാ​യി​രു​ന്നു ച​ട​ങ്ങു​ക​ൾ. എ​ന്നാ​ൽ, ഇ​ത്ത​ര​ത്തി​ൽ ഒ​രു സ്ഥ​ലം ല​ഭി​ച്ച കാ​ര്യം അ​ധി​കൃ​ത​ർ മ​റ​ന്ന മ​ട്ടി​ലാ​ണ്. പൊ​തു​സ​മൂ​ഹ​ത്തി​ന്‍റെ ഉ​ന്ന​മ​ന​ത്തി​നാ​യി വി​നി​യോ​ഗി​ക്ക​ണ​മെ​ന്ന ആ​ഗ്ര​ഹ​ത്തോ​ടെ ന​ൽ​കി​യ ഭൂ​മി​യാ​ണ് ക​ഴി​ഞ്ഞ ആ​റു​വ​ർ​ഷ​മാ​യി കാ​ടു​ക​യ​റി ന​ശി​ക്കു​ന്ന​തെ​ന്നും ഭൂ​മി​യി​ല്ലാ​ത്ത ഭ​വ​ന ര​ഹി​ത​ർ​ക്ക് ന​ൽ​കു​ക​യോ അ​തു​മ​ല്ലെ​ങ്കി​ൽ ജ​ന​ങ്ങ​ൾ​ക്ക് ഉ​പ​കാ​ര​പ്ര​ദ​മാ​യ മ​റ്റ് പ​ദ്ധ​തി​ക​ൾ കൊ​ണ്ടു​വ​രി​ക​യോ ചെ​യ്യ​ണ​മെ​ന്ന് പ​ഞ്ചാ​യ​ത്തം​ഗം അ​ജി​ത്ത് പ​ഴ​വൂ​ർ ആ​വ​ശ്യ​പ്പെ​ട്ടു.