കു​ഴ​ല്‍ വീ​ണ്ടും പൊ​ട്ടി; ചേ​ര്‍​ത്ത​ല​യി​ല്‍ ശു​ദ്ധ​ജ​ല​വി​ത​ര​ണം 19 വ​രെ മു​ട​ങ്ങും
Wednesday, October 16, 2024 6:02 AM IST
ചേ​ര്‍​ത്ത​ല: താ​ലൂ​ക്കി​ന്‍റെ തെ​ക്ക​ന്‍ പ്ര​ദേ​ശ​ങ്ങ​ളി​ലേ​ക്കു​ള്ള കു​ടി​വെ​ള്ള വി​ത​ര​ണം വീ​ണ്ടും മു​ട​ങ്ങി. ഇ​ന്ന​ലെ വൈകുന്നേരം ദേ​ശീ​യ​പാ​ത​യി​ല്‍ എ​ക്‌​സ​റേ ക​വ​ല​യ്ക്കു​ സ​മീ​പം തൈ​ക്കാ​ട്ടു​ശേ രി ശു​ദ്ധീ​ക​ര​ണശാ​ല​യി​ല്‍നി​ന്നു കു​ടി​വെ​ള്ളം പ​മ്പ് ചെ​യ്യു​ന്ന പ്ര​ധാ​ന കു​ഴ​ലാ​ണ് പൊ​ട്ടി​യ​ത്. ഇ​തേത്തുട​ര്‍​ന്ന് ചേ​ര്‍​ത്ത​ല ന​ഗ​ര​സ​ഭ, പ​ള്ളി​പ്പു​റം, ത​ണ്ണീ​ര്‍​മു​ക്കം എ​ന്നി​വി​ട​ങ്ങ​ളി​ല്‍ ഭാ​ഗി​ക​മാ​യും മു​ഹ​മ്മ, ക​ഞ്ഞി​ക്കു​ഴി, ചേ​ര്‍​ത്ത​ല തെ​ക്ക്, മാ​രാ​രി​ക്കു​ളം വ​ട​ക്ക് എ​ന്നീ പ​ഞ്ചാ​യ​ത്തു​ക​ളി​ല്‍ പൂ​ര്‍​ണ​മാ​യും കു​ടി​വെ​ള്ള വി​ത​ര​ണം മു​ട​ങ്ങി.

19 വ​രെ വെ​ള്ളം മു​ട​ങ്ങു​മെ​ന്നാ​ണ് ജ​ല​അഥോറി​റ്റി മു​ന്ന​റി​യി​പ്പു ന​ല്‍​കി​യി​രി​ക്കു​ന്ന​ത്. ഒ​രു മാ​സ​ത്തി​നി​ടെ ഇ​തു മൂ​ന്നാം ത​വ​ണ​യാ​ണ് ഇ​തേ പ്ര​ദേ​ശ​ങ്ങ​ളി​ല്‍ വെ​ള്ള​വി​ത​ര​ണം മു​ട​ങ്ങു​ന്ന​ത്. തു​ട​ര്‍​ച്ച​യാ​യി കു​ടി​വെ​ള്ള വി​ത​ര​ണം മു​ട​ങ്ങു​ന്ന​ത് വ്യാ​പ​ക​മാ​യ പ്ര​തി​ഷേ​ധ​ത്തി​നി​ട​യാ​ക്കു​ന്നു​ണ്ട്. വെ​ള്ള​വി​ത​ര​ണം പു​നഃ​സ്ഥാ​പി​ക്കാ​ന്‍ ജ​ല​അ​ഥോറി​റ്റി അ​ടി​യ​ന്തര അ​റ്റ​കു​റ്റ​പ്പണി​ക​ള്‍​ക്കാ​യി ന​ട​പ​ടി​ക​ള്‍ തു​ട​ങ്ങി.


വെ​ള്ളം വ​റ്റി​ക്കു​ന്ന പ്ര​വ​ര്‍​ത്ത​നം തു​ട​ങ്ങി. ഇന്നു രാ​വി​ലെ ത​ന്നെ കു​ഴ​ലി​ല്‍ അ​റ്റ​കു​റ്റ​പ്പ​ണി​ക​ള്‍ തു​ട​ങ്ങും. ക​ഴി​വ​തും വേ​ഗ​ത്തി​ല്‍ വി​ത​ര​ണം തു​ട​ങ്ങു​മെ​ന്ന് ജ​ല​അ​ഥോറിറ്റി അ​ധി​കൃ​ത​ര്‍ അ​റി​യി​ച്ചു.