താ​മ​ര​ക്കു​ള​ത്തെ ഇ​ര​പ്പ​ന്‍പാ​റ വെ​ള്ള​ച്ചാ​ട്ടം വി​നോ​ദ സ​ഞ്ചാ​ര കേ​ന്ദ്ര​മാ​കു​ന്നു
Wednesday, October 16, 2024 10:33 PM IST
ചാ​രും​മൂ​ട്: താ​മ​ര​ക്കു​ളം പ​ഞ്ചാ​യ​ത്തി​ലെ ന​യ​ന​മ​നോ​ഹ​ര​മാ​യ ഇ​ര​പ്പ​ന്‍​പാ​റ​യി​ലെ വെ​ള്ള​ച്ചാ​ട്ടം പ്ര​ദേ​ശം വി​നോ​ദ സ​ഞ്ചാ​രകേ​ന്ദ്ര​മാ​ക്കി മാ​റ്റു​ന്നു. ടൂ​റി​സം പ​ദ്ധ​തി​യു​ടെ ഉ​ദ്ഘാ​ട​നം ഇ​ന്നു ന​ട​ക്കും. പ​ദ്ധ​തി യാ​ഥാ​ര്‍​ഥ്യ​മാ​കു​ന്ന​തോ​ടെ ജി​ല്ലാ മെ​ഗാ ടൂ​റി​സം പ​ദ്ധ​തി​യി​ല്‍ ഇ​ടം നേ​ടി​യ താ​മ​ര​ക്കു​ളം പ​ഞ്ചാ​യ​ത്തി​ലെ ഇ​ര​പ്പ​ന്‍​പാ​റ വെ​ള്ള​ച്ചാ​ട്ടം വി​നോ​ദ സ​ഞ്ചാ​ര​കേ​ന്ദ്ര​മാ​യി മാ​റും.

ഇ​ര​പ്പ​ന്‍​പാ​റ റെ​യി​ന്‍​ബോ വാ​ട്ട​ര്‍ ഫാ​ള്‍​സ് ആ​ന്‍​ഡ് ഇ​ക്കോ ടൂ​റി​സം എ​ന്നാ​ണ് പ​ദ്ധ​തി​യു​ടെ പേ​ര്. ടൂ​റി​സം വ​കു​പ്പും പ​ഞ്ചാ​യ​ത്തും പ​ദ്ധ​തി​ക്കാ​യി 29.38 ല​ക്ഷം രൂ​പ അ​നുവ​ദി​ച്ചു. നി​ര്‍​മി​തി കേ​ന്ദ്ര​ത്തി​നാ​ണ് നി​ര്‍​മാ​ണ ചു​മ​ത​ല. 40 ശ​ത​മാ​നം തു​ക പ​ഞ്ചാ​യ​ത്തും 60 ശ​ത​മാ​നം തു​ക ടൂ​റി​സം വ​കു​പ്പു​മാ​ണ് വി​നി​യോ​ഗി​ക്കു​ന്ന​ത്.

കാ​ലാ​വ​ര്‍​ഷ​മു​ള്‍​പ്പെടെ മ​ഴ​ക്കാ​ല​ത്ത് ഇ​ര​പ്പ​ന്‍​പാ​റ കൂ​ടു​ത​ല്‍ ന​യ​നമ​നോ​ഹ​ര​മാ​കും. മ​ണ്‍​സൂ​ണ്‍ സീ​സ​ണി​ല്‍ ഈ ​വി​സ്മ​യ കാ​ഴ്ച ആ​സ്വ​ദി​ക്കാ​ന്‍ സ​ന്ദ​ര്‍​ശ​ക​രാ​യി ധാ​രാ​ളം​പേ​ര്‍ വി​വി​ധ പ്ര​ദേ​ശ​ങ്ങ​ളി​ല്‍​നി​ന്ന് ഇ​വി​ടെ എ​ത്തി​ച്ചേ​രാ​റു​ണ്ട്. ടൂ​റി​സ്റ്റ് കേ​ന്ദ്ര​മാ​യ വ​യ്യാ​ങ്ക​ര​ച്ചി​റ​യി​ല്‍​നി​ന്നു​ള്‍​പ്പെ​ടെ​യു​ള്ള വെ​ള്ള​മാ​ണ് ഇ​വി​ടേ​ക്ക് ഒ​ഴു​കി​യെ​ത്തു​ന്ന​ത്. തോ​ട്ടി​ലൂ​ടെ​യെ​ത്തി ര​ണ്ടു ക​ലു​ങ്കു​ക​ള്‍​ക്ക​ടി​യി​ലൂ​ടെ​യാ​ണ് വെ​ള്ളം കൂ​റ്റ​ന്‍ പാ​റ​യി​ലേ​ക്ക് പ​തി​ച്ച് പു​ഞ്ച​യി​ലേ​ക്ക് ഒ​ഴു​കി​മാ​റു​ക​യാ​ണ്. വെ​ള്ളം പാ​റ​ക​ളി​ലേ​ക്ക് പ​തി​ക്കു​മ്പോ​ഴു​ള്ള ശ​ബ്ദം കി​ലോ​മീ​റ്റ​റു​ക​ള്‍​ക്ക​ക​ലെ​നി​ന്നും കേ​ള്‍​ക്കാ​ന്‍ ക​ഴി​യും. ഇ​തു​മൂ​ല​മാ​ണ് ഇ​വി​ടം ഇ​ര​പ്പ​ന്‍​പാ​റ എ​ന്ന​റി​യ​പ്പെ​ടു​ന്ന​ത്.


മു​ള ഉ​ദ്യാ​നം, തൂ​ക്കു​പാ​ലം, ക്ലോ​ക്ക് ട​വ​ര്‍, വൈ​ദ്യു​തി ജ​ല​ച​ക്രം, കു​ളം തു​ട​ങ്ങി​യ​വ​യാ​ണ് ഇ​വി​ടെ നി​ര്‍​മി​ക്കു​ന്ന​ത്. അ​ടു​ത്ത​യി​ടെ ഉ​ദ്ഘാ​ട​നം ചെ​യ്ത താ​മ​ര​ക്കു​ളം-​വ​യ്യാ​ങ്ക​ര​ചി​റ ടൂ​റി​സം പ​ദ്ധ​തി പ്ര​ദേ​ശ​ത്തു​നി​ന്ന് ര​ണ്ടു കി​ലോ​മീ​റ്റ​റാ​ണ് ഇ​ര​പ്പ​ന്‍​പാ​റ​യി​ലേ​ക്കു​ള്ള ദൂ​രം.

ഇ​ന്ന് രാ​വി​ലെ 9.30ന് ​ഇ​ര​പ്പ​ന്‍ പാ​റ ടൂ​റ​സം പ​ദ്ധ​തി​യു​ടെ ശി​ലാ സ്ഥാ​പ​നം കൊ​ടി​ക്കു​ന്നി​ല്‍ സു​രേ​ഷ് എം​പി​യും ശി​ലാ​ഫ​ല​കം ഉ​ദ്ഘാ​ട​നം എം.​എ​സ്.​ അ​രു​ണ്‍​കു​മാ​ര്‍ എം​എ​ല്‍​എ​യും നി​ര്‍​വ​ഹി​ക്കും. താ​മ​ര​ക​കു​ളം പ​ഞ്ചാ​യ​ത്ത് പ്ര​സി​ഡന്‍റ് ജി. ​വേ​ണു അ​ധ്യ​ക്ഷ​ത വ​ഹി​ക്കും. താ​മ​ര​ക്കു​ളം-​ചൂ​നാ​ട് ഓ​ച്ചി​റ റോ​ഡി​ല്‍ താ​മ​ര​ക്കു​ളം ജം​ഗ്ഷ​ന് പ​ടി​ഞ്ഞാ​റ് ഭാ​ഗ​ത്താ​ണ് ഇ​ര​പ്പ​ന്‍​പാ​റ വെ​ള്ള​ച്ചാ​ട്ടം. കാ​യം​കു​ളം-​പു​ന​ലൂ​ര്‍ കെ ​പി റോ​ഡ് വ​ഴി ചാ​രും​മൂ​ട് ജം​ഗ്ഷ​നി​ല്‍ എ​ത്തി​യാ​ല്‍ അ​വി​ടെ​നി​ന്ന് അ​ഞ്ചു കി​ലോ​മീ​റ്റ​ര്‍ സ​ഞ്ച​രി​ച്ചാ​ല്‍ താ​മ​ര​ക്കു​ളം ഇ​ര​പ്പ​ന്‍​പാ​റ​യി​ല്‍ എ​ത്താം.

കൊ​ല്ലം ജി​ല്ല​യി​ല്‍​നി​ന്നു കൊ​ല്ലം -തേ​നി ദേ​ശീ​യ​പാ​ത​യി​ലൂ​ടെ ഭ​ര​ണി​ക്കാ​വ് വ​ഴി​യും താ​മ​ര​ക്കു​ള​ത്ത് എ​ത്താ​ന്‍ ക​ഴി​യും. ഏ​റ്റ​വും അ​ടു​ത്ത റ​യി​ല്‍​വേ സ്റ്റേ​ഷ​ന്‍ കാ​യം​കു​ളം ആ​ണ്. ഇ​വി​ടെ​നി​ന്നും 16 കി​ലോ​മീ​റ്റ​ര്‍ ദൂ​ര​മു​ണ്ട് ഇ​ര​പ്പ​ന്‍​പാ​റ​യി​ലേ​ക്ക്.