പ്ര​തി​ഷേ​ധ​ങ്ങ​ൾ തു​ട​രു​ന്നു : ന​വീ​ന്‍റെ മൃ​ത​ദേ​ഹം നാ​ട് ഏ​റ്റു​വാ​ങ്ങി; സം​സ്കാ​രം ഇ​ന്ന്
Thursday, October 17, 2024 3:25 AM IST
പ​ത്ത​നം​തി​ട്ട: ക​ണ്ണൂ​രി​ൽ ജീ​വ​നൊ​ടു​ക്കി​യ എ​ഡി​എം മ​ല​യാ​ല​പ്പു​ഴ സ്വ​ദേ​ശി ന​വീ​ൻ ബാ​ബു​വി​ന്‍റെ മൃ​ത​ദേ​ഹം പ​ത്ത​നം​തി​ട്ട ഏ​റ്റു​വാ​ങ്ങി. ക​ർ​മ​രം​ഗ​ത്ത് ഏ​റെ​ക്കാ​ലം താ​ൻ സേ​വ​നം ചെ​യ്ത പ​ത്ത​നം​തി​ട്ട​യി​ലേ​ക്കെ​ത്തി​ച്ച മൃ​ത​ദേ​ഹം ജി​ല്ലാ ക​ള​ക്ട​ർ എ​സ്. പ്രേം​കൃ​ഷ്ണ​ന്‍റെ നേ​തൃ​ത്വ​ത്തി​ലാ​ണ് ഏ​റ്റു​വാ​ങ്ങി​യ​ത്.

ജ​ന​പ്ര​തി​നി​ധി​ക​ൾ, ഉ​ദ്യോ​ഗ​സ്ഥ​ർ, ജീ​വ​ന​ക്കാ​ർ തു​ട​ങ്ങി​യ​വ​ർ സ​ന്നി​ഹി​ത​രാ​യി​രു​ന്നു. ക്രി​സ്ത്യ​ന്‍ മെ​ഡി​ക്ക​ല്‍ സെ​ന്‍റ​ർ മോ​ര്‍​ച്ച​റി​യി​ല്‍ സൂ​ക്ഷി​ച്ചി​രി​ക്കു​ന്ന മൃ​ത​ദേ​ഹം ഇ​ന്നു രാ​വി​ലെ 10ന് ​ക​ള​ക്ട​റേ​റ്റി​ല്‍ പൊ​തു​ദ​ര്‍​ശ​ന​ത്തി​നു വ​യ്ക്കും. തു​ട​ർ​ന്നു ജ​ന്മ​നാ​ടാ​യ മ​ല​യാ​ല​പ്പു​ഴ​യി​ലേ​ക്ക് വി​ലാപ​യാ​ത്ര​യാ​യി മൃ​ത​ദേ​ഹം കൊ​ണ്ടു​പോ​കും. ഉ​ച്ച​ക​ഴി​ഞ്ഞ് മ​ല​യാ​ല​പ്പു​ഴ പ​ത്തി​ശേ​രി കാ​രു​വേ​ലി​ല്‍ വീ​ട്ടു​വ​ള​പ്പി​ല്‍ സം​സ്‌​ക​രി​ക്കും.

മ​ല​യാ​ല​പ്പു​ഴ​യി​ൽ ഹ​ർ​ത്താ​ൽ ആ​ച​രി​ച്ചു

പ​ത്ത​നം​തി​ട്ട: എ​ഡി​എം ന​വീ​ൻ ബാ​ബു​വി​ന്‍റെ മ​ര​ണ​ത്തി​നു​ത്ത​ര​വാ​ദി​ക​ളാ​യ​വ​ർ​ക്കെ​തി​രേ ന​ട​പ​ടി ആ​വ​ശ്യ​പ്പെ​ട്ട് യു​ഡി​എ​ഫും ബി​ജെ​പി​യും ഇ​ന്ന​ലെ മ​ല​യാ​ല​പ്പു​ഴ പ​ഞ്ചാ​യ​ത്തി​ൽ ഹ​ർ​ത്താ​ൽ ആ​ച​രി​ച്ചു. ക​ട​ക​ള​ട​ഞ്ഞു കി​ട​ന്നു.

‌വി​വി​ധ സ്ഥ​ല​ങ്ങ​ളി​ൽ പ്ര​തി​ഷേ​ധ​യോ​ഗ​വും ന​ട​ന്നു. ബി​ജെ​പി മ​ണ്ഡ​ലം ക​മ്മി​റ്റി​യു​ടെ നേ​തൃ​ത്വ​ത്തി​ൽ പ​ത്ത​നം​തി​ട്ട സി​വി​ൽ സ്റ്റേ​ഷ​നു മു​ന്പി​ൽ ന​ട​ന്ന പ്ര​തി​ഷേ​ധ യോ​ഗം ജി​ല്ലാ പ്ര​സി​ഡ​ന്‍റ് വി.​എ. സൂ​ര​ജ് ഉ​ദ്ഘാ​ട​നം ചെ​യ്തു.

കൂ​ട്ട അ​വ​ധി​യെ​ടു​ത്ത് ജീ​വ​ന​ക്കാ​ർ, പ്ര​തി​ഷേ​ധം ഇ​ന്നും തു​ട​രും

പ​ത്ത​നം​തി​ട്ട: എ​ഡി​എം ന​വീ​ൻ ബാ​ബു ജീ​വ​നൊ​ടു​ക്കി​യ സം​ഭ​വ​ത്തി​ൽ കു​റ്റ​ക്കാ​ർ​ക്കെ​തി​രേ ന​ട​പ​ടി ആ​വ​ശ്യ​പ്പെ​ട്ട് റ​വ​ന്യു വ​കു​പ്പ് ജീ​വ​ന​ക്കാ​ർ ഇ​ന്ന​ലെ കൂ​ട്ട അ​വ​ധി​യെ​ടു​ത്ത് പ്ര​തി​ഷേ​ധി​ച്ചു.
പ​ത്ത​നം​തി​ട്ട​യി​ൽ അ​വ​ശ്യസേ​വ​ന വി​ഭാ​ഗ​ത്തി​ലേ​തൊ​ഴി​കെ 99 ശ​ത​മാ​നം പേ​രും ജോ​ലി​ക്ക് ഹാ​ജ​രാ​യി​ല്ല.

ക​ള​ക്ട​റേ​റ്റി​ല്‍ 141 ജീ​വ​ന​ക്കാ​രി​ല്‍ ഏ​ഴു പേ​ര്‍ മാ​ത്ര​മാ​ണ് ഹാ​ജ​രാ​യ​ത്. പ്ര​തി​ഷേ​ധം ഇ​ന്നും തു​ട​രും. ന​വീ​ൻ ബാ​ബു​വി​ന്‍റെ മൃ​ത​ദേ​ഹം പൊ​തു​ദ​ർ​ശ​ന​ത്തി​നു വ​യ്ക്കു​ന്പോ​ഴും തു​ട​ർ​ന്നു സം​സ്കാ​ര ച​ട​ങ്ങു​ക​ളി​ലും ജീ​വ​ന​ക്കാ​ർ പ​ങ്കെ​ടു​ക്കും. ഇ​ന്ന് തി​രു​വ​ല്ല​യി​ൽ ന​ട​ക്കേ​ണ്ടി​യി​രു​ന്ന​ജി​ല്ലാ​ത​ല പ​ട്ട​യ​മേ​ള മാ​റ്റി​വ​ച്ചു.

റ​വ​ന്യു​ മ​ന്ത്രി കെ. ​രാ​ജ​ൻ ഇ​ന്ന് പ​ത്ത​നം​തി​ട്ട​യി​ലെ​ത്തി ന​വീ​ൻ ബാ​ബു​വി​ന് അ​ന്തി​മോ​പ​ചാ​രം അ​ർ​പ്പി​ക്കും. മ​ന്ത്രി വീ​ണാ ജോ​ർ​ജ് ഇ​ന്ന​ലെ മ​ല​യാ​ല​പ്പു​ഴ​യി​ൽ ന​വീ​ൻ ബാ​ബു​വി​ന്‍റെ വീ​ട് സ​ന്ദ​ർ​ശി​ച്ചു. സി​പി​എം ക​ണ്ണൂ​ർ ജി​ല്ലാ സെ​ക്ര​ട്ട​റി എം.​വി. ജ​യ​രാ​ജ​ൻ, പ​ത്ത​നം​തി​ട്ട ജി​ല്ലാ സെ​ക്ര​ട്ട​റി കെ.​പി. ഉ​ദ​യ​ഭാ​നു എ​ന്നി​വ​രും ന​വീ​ന്‍റെ വീ​ട്ടി​ലെ​ത്തി​യി​രു​ന്നു. പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍, കെ​പിി​സി പ്ര​സി​ഡ​ന്‍റ് കെ. ​സു​ധാ​ക​ര​ന്‍ എ​ന്നി​വ​ര്‍ ന​വീ​ന്‍ ബാ​ബു​വി​ന്‍റെ വീ​ട് സ​ന്ദ​ര്‍​ശി​ച്ച് കു​ടും​ബാം​ഗ​ങ്ങ​ളെ ആ​ശ്വ​സി​പ്പി​ച്ചു.

മു​ൻ എം​എ​ൽ​എ ജോ​സ​ഫ് എം.​പു​തു​ശേ​രി, യു​ഡി​എ​ഫ് ജി​ല്ലാ ചെ​യ​ർ​മാ​ൻ വ​ർ​ഗീ​സ് മാ​മ്മ​ൻ, ജി​ല്ലാ പ​ഞ്ചാ​യ​ത്ത് മു​ൻ പ്ര​സി​ഡ​ന്‍റ് മാ​ത്യു കു​ള​ത്തു​ങ്ക​ൽ, ജോ​ർ​ജ് മാ​മ്മ​ൻ കൊ​ണ്ടൂ​ർ, ഡി​സി​സി ഭാ​ര​വാ​ഹി​ക​ൾ തു​ട​ങ്ങി​യ​വ​ർ ഒ​പ്പ​മു​ണ്ടാ​യി​രു​ന്നു.

കൊ​ല​ക്കു​റ്റ​ത്തി​നു കേ​സെ​ടു​ക്ക​ണ​മെ​ന്ന് ലോ​യേ​ഴ്സ് കോ​ൺ​ഗ്ര​സ്

പ​ത്ത​നം​തി​ട്ട: ക​ണ്ണൂ​ർ എ​ഡി​എം ആ​യി​രു​ന്ന പ​ത്ത​നം​തി​ട്ട മ​ല​യാ​ല​പ്പു​ഴ സ്വ​ദേ​ശി ന​വീ​ൻ ബാ​ബു ആ​ത്മ​ഹ​ത്യ ചെ​യ്യാ​ൻ ഇ​ട​യാ​യ​ത് ക​ണ്ണൂ​ർ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് പി.​പി. ​ദി​വ്യ​യു​ടെ അ​ന​വ​സ​ര​ത്തി​ലു​ള്ള ആ​രോ​പ​ണം മാ​ത്ര​മെ​ന്ന് ഇ​ന്ത്യ​ൻ ലോ​യേ​ഴ്‌​സ് കോ​ൺ​ഗ്ര​സ് ജി​ല്ലാ ക​മ്മി​റ്റി. സം​ഭ​വ​വു​മാ​യി ബ​ന്ധ​പ്പെ​ട്ട് കു​റ്റ​ക്കാ​ർ​ക്കെ​തി​രേ കൊ​ല​ക്കു​റ്റ​ത്തി​ന് കേ​സെ​ടു​ത്ത് നി​യ​മ​ത്തി​നു മു​ന്നി​ൽ കൊ​ണ്ടു​വ​ര​ണ​മെ​ന്നും യോ​ഗം ആ​വ​ശ്യ​പ്പെ​ട്ടു.

എ​ഡി​എം അ​ഴി​മ​തി കാ​ണി​ച്ചാ​ൽ ന​ട​പ​ടി എ​ടു​ക്കേ​ണ്ട​ത് മു​ഖ്യ​മ​ന്ത്രി​യ​ല്ല. ബി​നാ​മി പെ​ട്രോ​ൾ പ​മ്പി​ന്‍റെ​യും മ​റ്റും ക​ഥ​ക​ൾ പു​റ​ത്തു​വ​രേ​ണ്ട​തു​ണ്ടെ​ന്നും യോ​ഗം അ​ഭി​പ്രാ​യ​പ്പെ​ട്ടു. ജി​ല്ലാ പ്ര​സി​ഡ​ന്‍റ് ഏ​ബ്ര​ഹാം മാ​ത്യു പ​ന​ച്ച​മൂ​ട്ടി​ലിന്‍റെ അ​ധ്യ​ക്ഷ​ത​യി​ൽ സം​സ്ഥാ​ന ജ​ന​റ​ൽ സെ​ക്ര​ട്ട​റി വി.​സി. സാ​ബു സ​മ്മേ​ള​നം ഉ​ദ്ഘാ​ട​നം ചെ​യ്തു.

ദി​വ്യ​യെ പ്ര​തീ​കാ​ത്മ​ക ചി​ത​യി​ല്‍ ക​ത്തി​ക്കാ​ന്‍ യൂ​ത്ത് കോ​ണ്‍​ഗ്ര​സ്

പ​ത്ത​നം​തി​ട്ട: ക​ണ്ണൂ​ര്‍ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് പി.​പി. ദി​വ്യ​യു​ടെ അ​ധി​ക്ഷേ​പ വാ​ക്കു​ക​ളി​ല്‍ മ​നം​നൊ​ന്ത് എ​ഡി​എം ന​വീ​ന്‍​ബാ​ബു ജീ​വ​നൊ​ടു​ക്കി​യ സം​ഭ​വ​ത്തി​ല്‍ വേ​റി​ട്ട പ്ര​തി​ഷേ​ധം സം​ഘ​ടി​പ്പി​ക്കാ​ന്‍ യൂ​ത്ത് കോ​ണ്‍​ഗ്ര​സ് ജി​ല്ലാ ക​മ്മ​റ്റി.


ഇ​ന്ന് മൂ​ന്നി​ന് വീ​ട്ടു​വ​ള​പ്പി​ല്‍ ന​വീ​ന്‍റെ ചി​ത എ​രി​ഞ്ഞു തു​ട​ങ്ങു​മ്പോ​ള്‍ മ​ല​യാ​ല​പ്പു​ഴ ജംഗ്ഷനി​ല്‍ പി.​പി. ദി​വ്യ​യു​ടെ പ്ര​തീ​കാ​ത്മ​ക ചി​ത ക​ത്തി​ക്കു​മെ​ന്ന് ജി​ല്ലാ പ്ര​സി​ഡ​ന്‍റ് വി​ജ​യ് ഇ​ന്ദു​ചൂ​ഢ​ന്‍ അ​റി​യി​ച്ചു.

അ​ന്വേ​ഷ​ണം ആ​വ​ശ്യ​പ്പെ​ട്ട് സി​പി​എം ജി​ല്ലാ സെ​ക്ര​ട്ട​റി

പ​ത്ത​നം​തി​ട്ട: ക​ണ്ണൂ​ർ എ​ഡി​എ​മ്മാ​യി​രു​ന്ന ന​വീ​ൻ ബാ​ബു​വി​ന്‍റെ മ​ര​ണ​ത്തെതു​ട​ർ​ന്നു​ണ്ടാ​യ സം​ഭ​വ വി​കാ​സ​ങ്ങ​ളി​ൽ ശ​ക്ത​മാ​യ നി​ല​പാ​ടു​മാ​യി സി​പി​എം ജി​ല്ലാ സെ​ക്ര​ട്ട​റി കെ.​പി. ഉ​ദ​യ​ഭാ​നു.

ക​ഴി​ഞ്ഞ​ദി​വ​സ​ങ്ങ​ളി​ൽ മാ​ധ്യ​മ​ങ്ങ​ൾ​ക്കു മു​ന്പാ​കെ​യും ന​വ​മാ​ധ്യ​മ​ങ്ങ​ളി​ലെ കു​റി​പ്പി​ലൂ​ടെ​യും പ്ര​തി​ക​രി​ച്ച ഉ​ദ​യ​ഭാ​നു ഇ​ന്ന​ലെ സം​ഭ​വ​ത്തി​ൽ ശ​ക്ത​മാ​യ അ​ന്വേ​ഷ​ണം വേ​ണ​മെ​ന്നും ഉ​ത്ത​ര​വാ​ദി​ക​ളാ​യ​വ​ർ​ക്കെ​തി​രേ ന​ട​പ​ടി വേ​ണ​മെ​ന്നും ആ​വ​ശ്യ​പ്പെ​ട്ടു. സി​പി​എം കു​ടും​ബ​ത്തി​ല്‍ ജ​നി​ച്ചു സം​ഘ​ട​നാ​രം​ഗ​ത്ത് പാ​ര്‍​ട്ടി അ​നു​ഭാ​വി​യാ​യി പ്ര​വ​ര്‍​ത്തി​ച്ച ന​വീ​ന്‍ ബാ​ബു​വി​നെ​ക്കു​റി​ച്ച് ന​ല്ല​തു മാ​ത്ര​മേ പ​റ​യാ​നു​ള്ളൂ​വെ​ന്ന് ഉ​ദ​യ​ഭാ​നു പ​റ​ഞ്ഞു.

ഉ​ദ​യ​ഭാ​നു​ ക​ഴി​ഞ്ഞ​ദി​വ​സം ഫേ​സ്ബു​ക്കി​ലൂ​ടെ ന​ട​ത്തി​യ കു​റി​പ്പി​ൽ ഇ​തു വ്യ​ക്ത​മാ​ക്കു​ക​യും ചെ​യ്തു. കു​റി​പ്പ് ഇ​ങ്ങ​നെ - ഔ​ദ്യോ​ഗി​ക ജീ​വി​ത​ത്തി​ല്‍ ഏ​റെ​ക്കാ​ല​വും പ​ത്ത​നം​തി​ട്ട​യി​ല്‍ ത​ന്നെ​യാ​യി​രു​ന്ന​തു​കൊ​ണ്ടും സി​പി​എ​മ്മു​മാ​യി അ​ടു​ത്ത ബ​ന്ധം കാ​ത്തു​സൂ​ക്ഷി​ച്ച കു​ടും​ബം എ​ന്ന നി​ല​യി​ലും ന​വീ​നു​മാ​യി വ​ര്‍​ഷ​ങ്ങ​ളാ​യി ന​ല്ല ബ​ന്ധ​മാ​ണു​ണ്ടാ​യി​രു​ന്ന​ത്.

ഔ​ദ്യോ​ഗി​ക ജീ​വി​തം മാ​തൃ​കാ​പ​ര​മാ​യി മു​ന്നോ​ട്ടു കൊ​ണ്ടു​പോ​വു​ക​യും ജി​ല്ല​യി​ല്‍ എ​ന്‍​ജി​ഒ യൂ​ണി​യ​ന്‍റെ​യും കെ​ജി​ഒ​എ യു​ടെ​യും ഭാ​ര​വാ​ഹി​ത്വ​ത്തി​ലൂ​ടെ നേ​തൃ​നി​ര​യി​ല്‍ അ​ദ്ദേ​ഹം ദീ​ര്‍​ഘ​നാ​ള്‍ പ്ര​വ​ര്‍​ത്തി​ക്കു​ക​യും ചെ​യ്തി​ട്ടു​ണ്ട്. ജി​ല്ല​യി​ല്‍ നി​ന്ന് പ്ര​മോ​ഷ​നാ​യി പോ​കു​ന്ന​തു​വ​രെ ഒ​രു ആ​ക്ഷേ​പ​വും അ​ദ്ദേ​ഹ​ത്തി​നെ​തി​രേ ഉ​ണ്ടാ​യി​ട്ടി​ല്ല എ​ന്നു​മാ​ത്ര​മ​ല്ല ആ​വ​ശ്യ​വു​മാ​യി സ​മീ​പി​ച്ചി​ട്ടു​ള്ള​വ​ര്‍​ക്കെ​ല്ലാം ന​ല്ല അ​നു​ഭ​വ​ങ്ങ​ളാ​ണു​ള്ള​തും.

ക​ണ്ണൂ​ര്‍ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് യാ​ത്ര​യ​യ​പ്പ് യോ​ഗ​ത്തി​ല്‍ ഇ​ത്ത​രം പ​രാ​മ​ര്‍​ശ​ങ്ങ​ള്‍ ഒ​ഴി​വാ​ക്കേ​ണ്ട​താ​യി​രു​ന്നു. ന​ട​ന്ന സം​ഭ​വ​വി​ക​ാസ​ങ്ങ​ളെയും തു​ട​ര്‍​ന്നു​ള്ള ന​വീ​ന്‍റെ ആ​ത്മ​ഹ​ത്യ​യെ​യും സി​പി​എം ഗൗ​ര​വ​മാ​യാ​ണ് കാ​ണു​ന്ന​ത്. ഇ​തു സം​ബ​ന്ധി​ച്ച് കൃ​ത്യ​മാ​യ അ​ന്വേ​ഷ​ണ​ത്തി​ലൂ​ടെ ആ​വ​ശ്യ​മാ​യ ന​ട​പ​ടി​ക​ള്‍ സ്വീ​ക​രി​ക്കു​മെ​ന്നും ഉ​ദ​യ​ഭാ​നു വ്യ​ക്ത​മാ​ക്കി.

മാ​തൃ​കാ​പ​ര​മാ​യ അ​ന്വേ​ഷ​ണം വേ​ണം:എ​ൻ​ജി​ഒ യൂ​ണി​യ​ൻ

പ​ത്ത​നം​തി​ട്ട: എ​ൻ​ജി​ഒ യൂ​ണി​യ​ൻ പ​ത്ത​നം​തി​ട്ട ജി​ല്ലാ ക​മ്മ​റ്റി​യം​ഗ​വും ദീ​ർ​ഘ​കാ​ലം പ​ത്ത​നം​തി​ട്ട സി​വി​ൽ സ്റ്റേ​ഷ​ൻ ഏ​രി​യ പ്ര​സി​ഡ​ന്‍റുമാ​യി​രു​ന്ന ന​വീ​ൻ ബാ​ബു​വി​ന്‍റെ മ​ര​ണം സം​ബ​ന്ധി​ച്ച് സ​ർ​ക്കാ​ർ മാ​തൃ​കാ​പ​ര​മാ​യ അ​ന്വേ​ഷ​ണം ന​ട​ത്ത​ണ​മെ​ന്ന് കേ​ര​ള എ​ൻ​ജി​ഒ യൂ​ണി​യ​ൻ ആ​വ​ശ്യ​പ്പെ​ട്ടു.

ന​വീ​ൻ ബാ​ബു ഏ​റ്റ​വും കൂ​ടു​ത​ൽ കാ​ല​യ​ള​വി​ൽ ജോ​ലി ചെ​യ്തി​ട്ടു​ള്ള​ത് പ​ത്ത​നം​തി​ട്ട ജി​ല്ല​യി​ലാ​ണ്. നാ​ളി​തു​വ​രെ​യു​ള്ള സേ​വ​ന കാ​ല​യ​ള​വി​ൽ അ​ദ്ദേ​ഹം യാ​തൊ​രു അ​ഴി​മ​തി​യാ​രോ​പ​ണ​ത്തി​നും വി​ധേ​യ​നാ​യി​ട്ടി​ല്ല.

ഒ​രു ജീ​വ​ന​ക്കാ​ര​ൻ അ​ഴി​മ​തി ന​ട​ത്തി​യി​ട്ടു​ണ്ടെ​ങ്കി​ൽ നി​യ​മ​പ​ര​മാ​യി അ​തു പ​രി​ശോ​ധി​ക്കു​ന്ന​തി​ന് നി​ര​വ​ധി മാ​ർ​ഗ​ങ്ങ​ളു​ണ്ട്. അ​തൊ​ന്നും സ്വീ​ക​രി​ക്കാ​തെ സ​ഹ​പ്ര​വ​ർ​ത്ത​ക​ർ യാ​ത്ര​യ​യ​പ്പു ന​ൽ​കി​യ വേ​ള​യി​ൽ ക്ഷ​ണി​ക്ക​പ്പെ​ടാ​തെ അ​വി​ടെ ക​ട​ന്നു​ക​യ​റി അ​ദ്ദേ​ഹ​ത്തെ അ​വ​ഹേ​ളി​ച്ച ന​ട​പ​ടി തെ​റ്റാ​ണ്. അ​ന്വേ​ഷ​ണം ആ​വ​ശ്യ​പ്പെ​ട്ട് ഏ​രി​യാ കേ​ന്ദ്ര​ങ്ങ​ളി​ൽ എ​ൻ​ജി​ഒ യൂ​ണി​യ​ൻ പ്ര​ക​ട​നം ന​ട​ത്തി.

സി​പി​എ​മ്മി​ന്‍റെ ആ​ൾ​ക്കൂ​ട്ട വി​ചാ​ര​ണ​യി​ലെ അ​വ​സാ​ന ഇ​ര​യെ​ന്ന് വ​ർ​ഗീ​സ് മാ​മ്മ​ൻ

പ​ത്ത​നം​തി​ട്ട: ക​ണ്ണൂ​രി​ൽ ജീ​വ​നൊ​ടു​ക്കി​യ എ​ഡി​എം ന​വീ​ൻ ബാ​ബു സി​പി​എ​മ്മി​ന്‍റെ ആ​ൾ​ക്കൂ​ട്ട വി​ചാ​ര​ണ​യി​ലെ അ​വ​സാ​ന ഇ​ര​യാ​ണെ​ന്ന് യു​ഡി​എ​ഫ് ജി​ല്ലാ ചെ​യ​ർ​മാ​നും കേ​ര​ള കോ​ൺ​ഗ്ര​സ് ജി​ല്ലാ പ്ര​സി​ഡ​ന്‍റുമാ​യ വ​ർ​ഗീ​സ് മാ​മ്മ​ൻ.

ക​ള​ക്ട​റു​ടെ അ​ധ്യ​ക്ഷ​ത​യി​ൽ ന​ട​ന്ന സ​മ്മേ​ള​ന​ത്തി​ൽ എ​ഡി​എ​മ്മി​നെ പ​ര​സ്യ​മാ​യ വ്യ​ക്തി​ഹ​ത്യ ന​ട​ത്തി ആ​ൾ​ക്കൂ​ട്ട വി​ചാ​ര​ണ ചെ​യ്ത ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് രാ​ജി​വ​യ്ക്ക​ണം. അ​വ​ർ​ക്കെ​തി​രേ കൊ​ല​പാ​ത​ക കു​റ്റം ചു​മ​ത്തി കേ​സെ​ടു​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.