അ​ഞ്ചു​വ​യ​സു​കാ​ര​നെ പീ​ഡി​പ്പി​ച്ച​യാ​ൾ​ക്ക് 11 വ​ർ​ഷം ത​ട​വും പി​ഴ​യും
Wednesday, October 16, 2024 3:17 AM IST
അ​ടൂ​ർ: അ​ഞ്ചുവ​യ​സു​കാ​ര​നെ ഉ​പ​ദ്ര​വി​ച്ച​യാ​ൾ​ക്ക് 11 വ​ർ​ഷ​വും ഒ​രു മാ​സവും ക​ഠി​നത​ട​വും 20,000 രൂ​പ​ പിഴ‍യും ശി​ക്ഷി​ച്ച് അ​ടൂ​ർ അ​തി​വേ​ഗ​ത കോ​ട​തി ജ​ഡ്ജി ടി. ​മ​ഞ്ജി​ത് ഉത്തരവായി. മാ​വേ​ലി​ക്ക​ര പു​ന്ന​മൂ​ട്ടി​ൽ അ​ങ്ങാ​ടി​ക്ക​ൽ വി​ല്ലേ​ജി​ൽ സി​യോ​ൻ കു​ന്ന് വാ​ഴ​വി​ള മു​രു​പ്പേ​ൽ വീ​ട്ടി​ൽ വാ​ട​ക​യ്ക്കു താ​മ​സി​ക്കു​ന്ന സു​രേ​ഷി​നെ​യാ​ണ് (44) ശി​ക്ഷി​ച്ച​ത്.

ഇ​യാ​ളു​ടെ ഭാ​ര്യ​യു​ടെ സ​മീ​പ​ത്ത് ട്യൂ​ഷ​ൻ പ​ഠി​ക്കാ​നും മ​ക​ൾക്കൊപ്പം ക​ളി​ക്കാ​നും കു​ട്ടി വീ​ട്ടി​ൽ വ​ന്നി​രു​ന്ന സ​മ​യ​ത്താ​ണ് ശാ​രീ​രി​ക​മാ​യി കു​ട്ടി​യെ ഇ​യാ​ൾ പീ​ഡി​പ്പി​ച്ച​താ​യി പ​രാ​തി ഉ​ണ്ടാ​യ​ത്. 2023 ഒ​ക്‌ടോ​ബ​റി​ലാ​ണ് സം​ഭ​വം. കൊ​ടു​മ​ൺ എ​സ്ഐ ആ​യി​രു​ന്ന ര​തീ​ഷ്കു​മാ​ർ എ​ഫ്ഐ​ആ​റി​ട്ട കേ​സി​ൽ എ​സ്എ​ച്ച്ഒ വി.​എ​സ്. പ്ര​വീ​ൺ അ​ന്വേ​ഷ​ണം ന​ട​ത്തി. അ​ടൂ​ർ ഡി​വൈ​എ​സ്പി ആ​ർ. ജ​യ​രാ​ജ് കു​റ്റ​പ​ത്രം ഹാ​ജ​രാ​ക്കി.


18 സാ​ക്ഷി​ക​ളെ​യും 34 രേ​ഖ​ക​ളും പ​രി​ശോ​ധി​ച്ച കോ​ട​തി പ്ര​തി കു​റ്റ​ക്കാ​ര​നെ​ന്നു ക​ണ്ട് ശി​ക്ഷി​ക്കു​ക​യാ​യി​രു​ന്നു. പ്രോസി​ക്യൂ​ഷ​നു വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ സ്മി​താ പി. ​ജോ​ൺ ഹാ​ജ​രാ​യി.