റോ​ഡ​രി​കി​ൽ മാലിന്യം തള്ളൽ : കോ​ട്ടാ​ങ്ങ​ലി​ൽ നാ​യ​യെ മാ​ത്ര​മ​ല്ല, കു​റു​ന​രി​യെ​യും പേ​ടി​ക്ക​ണം
Saturday, July 27, 2024 2:59 AM IST
ചു​ങ്ക​പ്പാ​റ: കോ​ട്ടാ​ങ്ങ​ൽ പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ൽ തെ​രു​വു​നാ​യ്ക്ക​ളെ മാ​ത്ര​മ​ല്ല, കു​റു​ന​രി​യെ​യും ഭ​യ​ക്ക​ണം. കാ​ടു​വി​ട്ടി​റ​ങ്ങി​യ കു​റു​ന​രി​ക​ൾ ഇ​തി​നോ​ട​കം നി​ര​വ​ധി​യാ​ളു​ക​ളെ​യും വ​ള​ർ​ത്തു മൃ​ഗ​ങ്ങ​ളെ​യു​മാ​ണ് ആ​ക്ര​മി​ച്ച​ത്. വീ​ടി​ന്‍റെ പ​രി​സ​ര​ങ്ങ​ളി​ലും വീ​ട്ടി​നു​ള്ളി​ലും​ ക​ട​ന്ന് കു​റു​ന​രി​ക​ൾ ആ​ളു​ക​ളെ ആ​ക്ര​മി​ച്ചു. പേ ​വി​ഷ​ബാ​ധ​യ്ക്കു​ള്ള സാ​ധ്യ​ത ക​ണ​ക്കി​ലെ​ടു​ത്ത് ക​ടി​യേ​റ്റ​വ​ർ എ​ല്ലാം വാ​ക്സി​നേ​ഷ​ൻ എ​ടു​ക്കു​ക​യും ചെ​യ്തു.

ചു​ങ്ക​പ്പാ​റ - മാ​രം​കു​ളം പ്ര​ധാ​ന റോ​ഡി​ലും അ​നു​ബ​ന്ധ റോ​ഡു​ക​ളി​ലും പ​രി​സ​ര പ്ര​ദേ​ശ​ങ്ങ​ളി​ലും രാ​പ​ക​ൽ കു​റു​ന​രി​ക​ളു​ടെ​യും തെ​രു​വു​നാ​യ്ക്ക​ളു​ടെ​യും ശ​ല്യം അ​തി​രൂ​ക്ഷ​മാ​ണ്. ചു​ങ്ക​പ്പാ​റ, മാ​രം​കു​ളം തു​ട​ങ്ങി​യ ജം​ഗ്ഷ​നു​ക​ളി​ൽ നാ​യ്ക്ക​ൾ കൂ​ട്ട​ത്തോ​ടെ​യു​ണ്ട്.

പ​ശു, ആ​ട്, കോ​ഴി​ക​ൾ തു​ട​ങ്ങി​യ​വ ഇ​തി​നോ​ട​കം നാ​യ്ക്ക​ളു​ടെ​യും കു​റു​ന​രി​ക​ളു​ടെ​യും ആ​ക്ര​മ​ണ​ത്തി​നു വി​ധേ​യ​രാ​യി. വ​ള​ർ​ത്തു മൃ​ഗ​ങ്ങ​ളി​ലൂ​ടെ ഉ​പ​ജീ​വ​നം ന​ട​ത്തി​വ​ന്ന​വ​ർ​ക്ക് ത​ങ്ങ​ളു​ടെ ജീ​വ​നോ​പാ​ധി​ക​ളാ​ണ് ന​ഷ്ട​മാ​യ​ത്. ആ​ളു​ക​ളെ ആ​ക്ര​മി​ച്ച കു​റു​ന​രി​ക​ൾ പി​ന്നീ​ട് ച​ത്ത​പ്പോ​ൾ ഇ​വ​യി​ൽ ന​ട​ന്ന പ​രി​ശോ​ധ​ന​യി​ൽ പേ​വി​ഷ​ബാ​ധ സ്ഥി​രീ​ക​രി​ക്കു​ക​യും ചെ​യ്തു.


പ​ത്ര​വി​ത​ര​ണ​ക്കാ​ർ, ഇ​രു​ച​ക്ര​വാ​ഹ​ന യാ​ത്ര​ക്കാ​ർ, പ്ര​ഭാ​ത സ​വാ​രി​ക്കാ​ർ, റ​ബ​ർ ടാ​പ്പിം​ഗ് തൊ​ഴി​ലാ​ളി​ക​ൾ, വി​ദ്യാ​ർ​ഥി​ക​ൾ, പു​ല​ർ​ച്ചെ വി​വി​ധ പ്ര​ദേ​ശ​ങ്ങ​ളി​ലേ​ക്കും ആ​രാ​ധ​നാ​ല​യ​ങ്ങ​ളി​ലേ​ക്കും പോ​കു​ന്ന​വ​ര​ട​ക്കം പ്ര​തി​സ​ന്ധി​യി​ലാ​ണ്.

കാ​ട്ടു​പ​ന്നി കാ​ടു​വി​ട്ട് നാ​ട്ടി​ലി​റ​ങ്ങി​യ​തി​നു പി​ന്നാ​ലെ​യാ​ണ് കു​റു​ന​രി​ക​ൾ ഈ ​പ്ര​ദേ​ശ​ങ്ങ​ളി​ൽ താ​വ​ള​മാ​ക്കി​യ​ത്. കാ​ട്ടു​പ​ന്നി​യു​ടെ കു​ഞ്ഞു​ങ്ങ​ളെ ഭ​ക്ഷി​ക്കു​ന്ന രീ​തി കു​റു​ന​രി​ക​ൾ​ക്കു​ള്ള​താ​യി പ​റ​യു​ന്നു.

റോ​ഡ​രി​കി​ൽ ഉപേക്ഷിക്കുന്ന മ​ൽ​സ്യം, മാം​സം അ​വ​ശി​ഷ്ട​ങ്ങ​ളും വ​ലി​ച്ചെ​റി​യു​ന്ന മാ​ലി​ന്യ​ങ്ങ​ളു​മാ​ണ് നാ​യ്ക്ക​ളു​ടെ ഭ​ക്ഷ​ണം. ഇ​വ​യും വ​ഴി​യ​രി​കി​ലും ക​ട​ത്തി​ണ്ണ​ക​ളി​ലു​മാ​ണ് ത​ന്പ​ടി​ച്ചു വ​രു​ന്ന​ത്.