കവിയൂർ: പഞ്ചായത്തിലെ മുണ്ടിയപ്പള്ളി പ്രദേശത്ത് അനധികൃത മദ്യവില്പന വർധിക്കുന്നതായി പരാതി. ഈ പ്രദേശത്തു മദ്യപരുടെ ശല്യം ഏറിവരുന്നു. റോഡിലൂടെ സ്ത്രീകൾക്കും കുട്ടികൾക്കും യാത്ര ചെയ്യാൻ കഴിയാത്ത അവസ്ഥയാണ്.
പ്രദേശത്തെ ചില വ്യാപാര സ്ഥാപനങ്ങൾ കേന്ദ്രീകരിച്ചാണ് അനധികൃത മദ്യവില്പന നടക്കുന്നതെന്നാണ് ആക്ഷേപം. വ്യാജ മദ്യവിൽപന അടിയന്തരമായി തടയണമെന്നും കുറ്റക്കാരെ കണ്ടെത്തണമെന്നും എക്സൈസ്, പോലീസ് അധികൃതരോട് നാട്ടുകാർ ആവശ്യപ്പെട്ടു.