കെ​എ​സ്ടി​എ മാ​ർ​ച്ചും ധ​ർ​ണ​യും 27ന്
Thursday, July 25, 2024 3:11 AM IST
പ​ത്ത​നം​തി​ട്ട: വി​ദ്യാ​ഭ്യാ​സ രം​ഗ​ത്തെ വ​ർ​ഗീ​യ​വ​ത്ക​ര​ണം അ​വ​സാ​നി​പ്പി​ക്കു​ക, ശാ​സ്ത്ര - ച​രി​ത്ര പാ​ഠ​ഭേ​ദ​ങ്ങ​ള്‍ ഒ​ഴി​വാ​ക്കി​യ കേ​ന്ദ്ര സ​ര്‍​ക്കാ​ര്‍ ന​ട​പ​ടി പി​ന്‍​വ​ലി​ക്കു​ക, ഹൈ​സ്കൂ​ള്‍, ഹ​യ​ര്‍​ സെ​ക്ക​ൻ​ഡ​റി മേ​ഖ​ല​യി​ലെ അ​ധ്യാ​പ​ക - വി​ദ്യാ​ർ​ഥി അ​നു​പാ​തം കാ​ലോ​ചി​ത​മാ​യി പ​രി​ഷ്ക​രി​ക്കു​ക, അം​ഗീ​കാ​ര​മി​ല്ലാ​തെ പ്ര​വ​ര്‍​ത്തി​ക്കു​ന്ന വി​ദ്യാ​ല​യ​ങ്ങ​ള്‍ അ​ട​ച്ചു​പൂ​ട്ടു​ക, അ​ധ്യാ​പ​ക ത​സ്തി​ക സം​ര​ക്ഷ​ണ​ത്തി​നാ​യി 1:40, 1:30 അ​നു​പാ​തം പു​നഃ‌​സ്ഥാപി​ച്ച് ആ​നു​കൂ​ല്യ​ങ്ങ​ള്‍ അ​നു​വ​ദി​ക്കു​ക തു​ട​ങ്ങി​യ ആ​വ​ശ്യ​ങ്ങ​ളുന്ന​യി​ച്ച് കെ​എ​സ്‌​ടി​എ ജി​ല്ലാ ക​മ്മി​റ്റി​യു​ടെ നേ​തൃ​ത്വ​ത്തി​ല്‍ 27ന് ​രാ​വി​ലെ പ​ത്തി​ന് ഹെ​ഡ് പോ​സ്റ്റ് ഓ​ഫീ​സി​ലേ​ക്ക് മാ​ർ​ച്ചും ധ​ർ​ണ​യും ന​ട​ത്തു​മെ​ന്ന് ഭാ​ര​വാ​ഹി​ക​ൾ പ​ത്ര​സ​മ്മേ​ള​ന​ത്തി​ൽ പ​റ​ഞ്ഞു.

അ​ശാ​സ്ത്രീ​യ​മാ​യ വി​ദ്യാ​ഭ്യാ​സ ക​ല​ണ്ട​ർ പ​രി​ഷ്ക​ര​ണം പി​ൻ​വ​ലി​ക്ക​ണ​മെ​ന്നും ആ​റാം പ്ര​വൃ​ത്തി​ദി​ന​മാ​യി വ​രു​ന്ന ശ​നി​യാ​ഴ്ച​ക​ളി​ലെ അ​ധ്യ​യ​നം ഒ​ഴി​വാ​ക്ക​ണ​മെ​ന്നും കെ​എ​സ്ടി​എ ആ​വ​ശ്യ​പ്പെ​ട്ടു. പ്രൈ​മ​റി വി​ദ്യാ​ല​യ​ങ്ങ​ൾ​ക്ക് ശ​നി​യാ​ഴ്ച പ്ര​വൃ​ത്തി​ദി​ന​മെ​ന്ന​ത് ഒ​ഴി​വാ​ക്കി തീ​രു​മാ​ന​മു​ണ്ടാ​യി​ട്ടും ഉ​ത്ത​ര​വി​റ​ങ്ങി​യി​ട്ടി​ല്ല.


വി​ദ്യാ​ഭ്യാ​സ മേ​ഖ​ല​യി​ലെ കെ​ടു​കാ​ര്യ​സ്ഥ​ത​ക​ൾ​ക്കും അ​ധ്യാ​പ​ക​രു​ടെ ക്ഷേ​മ​ത്തി​നും​വേ​ണ്ടി ഭ​ര​ണ​ത്തി​ൽ ആ​രെ​ന്നു നോ​ക്കാ​തെത​ന്നെ പ്ര​തി​ക​രി​ച്ച സം​ഘ​ട​ന​യാ​ണ് കെ​എ​സ്ടി​എ​യെ​ന്നും ഭാ​ര​വാ​ഹി​ക​ൾ ചൂ​ണ്ടി​ക്കാ​ട്ടി. ഉച്ചഭ​ക്ഷ​ണ​ത്തു​ക കാ​ലോ​ചി​ത​മാ​യി പ​രി​ഷ്ക​രി​ക്ക​ണ​മെ​ന്നും എ​യ്ഡ​ഡ് അ​ധ്യാ​പ​ക നി​യ​മ​നാം​ഗീ​കാ​രം ത്വ​രി​ത​പ്പെ​ടു​ത്ത​ണ​മെ​ന്നും കെ​എ​സ്ടി​എ ആ​വ​ശ്യ​പ്പെ​ട്ടു.

പ​ത്ത​നം​തി​ട്ട​യി​ൽ ന​ട​ക്കു​ന്ന ധ​ർ​ണ സം​സ്ഥാ​ന ക​മ്മി​റ്റി​യം​ഗം കെ.​വ​ര​ദ​രാ​ജ​ന്‍ ഉ​ദ്ഘാ​ട​നം ചെ​യ്യും. ജി​ല്ലാ പ്ര​സി​ഡ​ന്‍റ് എ.​കെ. പ്ര​കാ​ശ് അ​ധ്യ​ക്ഷ​ത വ​ഹി​ക്കും. സം​സ്ഥാ​ന വൈ​സ് പ്ര​സി​ഡ​ന്‍റ് എ​ല്‍. മാ​ഗി, സം​സ്ഥാ​ന എ​ക്സി​ക്യൂ​ട്ടീ​വം​ഗം സി.​ബി​ന്ദു തു​ട​ങ്ങി​യ​വ​ര്‍ പ്ര​സം​ഗി​ക്കും. കെ​എ​സ്‌​ടി​എ സം​സ്ഥാ​ന ക​മ്മി​റ്റി​യം​ഗ​ങ്ങ​ളാ​യ രാ​ജേ​ഷ് എ​സ്.​ വ​ള്ളി​ക്കോ​ട്, കെ.​ഹ​രി​കു​മാ​ര്‍, ജി​ല്ലാ സെ​ക്ര​ട്ട​റി ബി​നു ജേ​ക്ക​ബ് നൈ​നാ​ന്‍ എ​ന്നി​വ​ര്‍ പ​ത്ര​സ​മ്മേ​ള​ന​ത്തി​ൽ പ​ങ്കെ​ടു​ത്തു.