ചാത്തന്നൂർ: കർഷക സംഘം കല്ലുവാതുക്കൽ വില്ലേജ് കൺവൻഷൻ കല്ലുവാതുക്കൽ യുപി സ്കൂളിൽ നടത്തി. വില്ലേജ് പ്രസിഡന്റ് സേതുലാലിന്റെ അധ്യക്ഷതയിൽ കൂടിയ യോഗം കർഷകസംഘം സംസ്ഥാന കമ്മിറ്റി അംഗം എം.കെ. ശ്രീകുമാർ ഉദ്ഘാടനം ചെയ്തു.
യോഗത്തിൽ തരിശ് കിടന്ന നടയ്ക്കൽ ഏലായിൽ തുടർച്ചയായി നെൽകൃഷി ചെയ്തുവരുന്ന നടയ്ക്കൽ ഗാന്ധിജി ആർട്സ് സ്പോർട്സ് ക്ലബ് ആന്റ് ലൈബ്രറി പ്രവർത്തകരായ ഗിരീഷ്കുമാർ നടയ്ക്കൽ, ശരത്ചന്ദ്രകുറുപ്പ്, അനിൽകുമാർ എന്നിവരെ ആദരിച്ചു. എൻ. സതീശൻ, സലിം, മുരളീധരകുറുപ്പ് എന്നിവർ പ്രസംഗിച്ചു. ചടങ്ങിൽ വയനാട് ദുരിതാശ്വാസ നിധിയിലേയ്ക്കുള്ള ഫണ്ട് നൽകി.