ADVERTISEMENT

ADVERTISEMENT

ആയുർവേദ മെഡിക്കൽ ക്യാമ്പ് നടത്തി

ഇരിട്ടി: സീനിയർ സിറ്റിസൺസ് ഫോറം പടിക്കച്ചാൽ യൂണിറ്റിന്‍റെയും തില്ലങ്കേരി പഞ്ചായത്ത് ആയുർവേദ ആശുപത്രിയുടെയും സംയുക്താഭിമുഖ്യത്തിൽ ആയുർവേദ മെഡിക്കൽ ക്യാമ്പ് നടത്തി. പഞ്ചായത്ത് പ്രസിഡന്‍റ് പി. ശ്രീമതി ഉദ്ഘാടനം ചെയ്തു.

പി.പി. മോഹൻദാസ് അധ്യക്ഷത വഹിച്ചു. ക്യാന്പിന് ഡോ. കെ.ആർ. അപർണ, ഡോ. അമല തേരേസ എന്നിവർ നേതൃത്വം നൽകി. പഞ്ചായത്ത് അംഗം എൻ. മനോജ്, ആനന്ദവല്ലി, വിലങ്ങേരി കൃഷ്ണൻ, എം.വി. മോഹൻ, ഇ.വി. പുരുഷോത്തമൻ എന്നിവർ പ്രസംഗിച്ചു.

ADVERTISEMENT

മാവോയിസ്റ്റ് മനോജിനെ ആറളത്തെത്തിച്ച് തെളിവെടുത്തു

ഇരിട്ടി: എറണാകുളത്ത് പോലീസിന്‍റെ പിടിയിലായ മാവോയിസ്റ്റ് നേതാവ് മനോജിനെ ആറളം വന്യജീവി സങ്കേതത്തിലെ ചാവച്ചിയിൽ എത്തിച്ച് തെളിവെടുപ്പ് നടത്തി. മൂന്ന് ഫോറസ്റ്റ് വാച്ചർമാർക്കെതിരേ വെടിവയ്പ് നടത്തിയ കേസിലാണ് തെളിവെടുപ്പ് നടക്കുന്നത്. ആറളം പോലീസ് സ്റ്റേഷനിൽ പരിധിയിലെ ചാവച്ചിയിൽ ഡ്യൂട്ടിക്ക് പോകുകയായിരുന്ന മൂന്നു വാച്ചർമാർക്കു നേരെ മനോജ് അടങ്ങുന്ന മാവോയിസ്റ്റ് സംഘം വെടിവച്ചുവെന്ന കേസിലാണ് തെളിവെടുപ്പ്. മാവോയിസ്റ്റുകൾ വെടിയുതിർത്തതോടെ വാച്ചർമാർ ഓടി രക്ഷപ്പെടുകയായിരുന്നു. ആറളം, കേളകം, കൊട്ടിയൂർ, കരിക്കോട്ടക്കരി തുടങ്ങിയ പോലീസ് സ്റ്റേഷനുകളിൽ മൊയ്തീൻ, മനോജ് ഉൾപ്പെടെയുള്ള മാവോയിസ്റ്റുകൾക്ക് എതിരേ രാജ്യദ്രോഹ കുറ്റത്തിന് നിരവധി കേസുകൾ നിലവിലുണ്ട്. ഇരിട്ടി ഡിവൈഎസ്പി ധനഞ്ജയ ബാബുവിന്‍റെ നേതൃത്വത്തിലുള്ള പോലീസ് സംഘമാണ് തെളിവെടുപ്പ് നടത്തിയത്. തിങ്കളാഴ്ച കസ്റ്റഡിയിൽ വാങ്ങിയ മനോജിനെ തെളിവെടുപ്പിന് ശേഷം കോടതിയിൽ ഹാജരാക്കി.

പാനൂരിൽ സ്റ്റീൽ ബോംബുകൾ കണ്ടെത്തി

തലശേരി: ബോംബ് സ്ഫോടനത്തിൽ സിപിഎം പ്രവർത്തകൻ കൊല്ലപ്പെട്ട പ്രദേശത്തെ ആളൊഴിഞ്ഞ പറന്പിൽനിന്ന് രണ്ടു സ്റ്റീൽ ബോംബുകൾ കണ്ടെടുത്തു. പാനൂർ മുളിയാത്തോട് 2024 ഏപ്രിലിൽ ബോംബ് സ്ഫോടനം നടന്ന സ്ഥലത്തിന് സമീപത്തുനിന്നാണ് ബോംബുകൾ കണ്ടെത്തിയത്. ഇന്നലെ രാവിലെയായിരുന്നു സംഭവം. സ്ഥലം ഉടമ യു.പി. അനീഷ് തൊഴിലാളികളുമായി പറമ്പിൽ തേങ്ങ പറിക്കാൻ എത്തിയതായിരുന്നു. തെങ്ങിന്‍റെ ചുവട്ടിലായാണ് രണ്ടു സ്റ്റീൽബോംബുകൾ കണ്ടത്. ഉടൻതന്നെ പാനൂർ പോലീസിൽ വിവരം അറിയിക്കുകയായിരുന്നു. പാനൂർ എസ്ഐ ടി. സുബാഷ് ബാബുവിന്‍റെ നേതൃത്വത്തിലുള്ള പോലീസ് സംഘവും ബോംബ് സ്ക്വാഡും ഡോഗ് സ്ക്വാഡും സ്ഥലത്തെത്തി പരിശോധന നടത്തി.2024 ഏപ്രിലിൽ ഇവിടെ നടന്ന സ്ഫോടനത്തിലാണ് ഒരാൾ മരിച്ചത്. മൂന്നുപേർക്ക് ഗുരുതരമായി പരിക്കേൽക്കുകയും ചെയ്തിരുന്നു. ഇന്നലെ കണ്ടെടുത്ത ബോംബുകൾ ഉഗ്ര ശേഷിയുള്ളതാണോ എന്നതും മറ്റും സംബന്ധിച്ച് വിശദ മായ അന്വേഷണം നടത്തുമെന്ന് തലശേരി എഎസ്പി പി.ബി. കിരൺ പറഞ്ഞു. നിരന്തരം ബോംബുകൾ കണ്ടെത്തുകയും സ്ഫോടനങ്ങൾ ഉൾപ്പെടെ നടക്കുകയും ചെയ്യുന്നത് ജനങ്ങളെ ഏറെ ആശങ്കയിലാഴ്ത്തുകയാണെന്ന് പ്രദേശവാസിയും സ്ഥലമുടമയുടെ സഹോദരനുമായ യു.പി. ബാബു പറഞ്ഞു.സംഭവത്തിന്‍റെ പശ്ചാത്തലത്തിൽ സ്ഥലത്ത് പോലീസ് പരിശോധനയും കർശനമാക്കിയിരിക്കുകയാണ്.

തെരുവുനായ നിയന്ത്രണം: കേന്ദ്രനിയമത്തിൽ ഇളവും ‌ജനങ്ങളുടെ പിന്തുണയും വേണം- മന്ത്രി രാജേഷ്

കണ്ണൂർ: തെരുവുനായ നിയന്ത്രണം കൂടുതൽ ഫലപ്രദമായി നടപ്പാക്കാൻ ആനിമൽ ബർത്ത് കൺട്രോൾ (എബിസി) കേന്ദ്ര നിയമത്തിൽ കൂടുതൽ ഇളവും എബിസി സെന്‍റർ സ്ഥാപിക്കുന്നതിൽ ജനങ്ങളുടെ പിന്തുണയും വേണമെന്ന് മന്ത്രി എം.ബി. രാജേഷ്. കണ്ണൂരിൽ മാധ്യമങ്ങളോട് സംസാരിക്കുകയായിരുന്നു മന്ത്രി. വന്ധ്യംകരണ സംവിധാനമുൾപ്പെടെയുള്ള കാര്യങ്ങളിൽ കൂടുതൽ ഇളവുകൾ വേണമെന്ന സംസ്ഥാനം കേന്ദ്രസർക്കാരിനോട് ആവശ്യപ്പെട്ടിരുന്നു. എന്നാൽ ഇളവുകൾ നൽകുന്നതിന് പകരം നിയമം കൂടുതൽ കർശനമാക്കുകയാണ് ചെയ്തത്. എവിടെയെങ്കിലും എബിസി കേന്ദ്രങ്ങൾ ആരംഭിക്കുന്നതിനെക്കുറിച്ച് ചിന്തിക്കുന്പോൾ തന്നെ ജനം എതിർപ്പുമായി രംഗത്തു വരികയാണ്. തെരുവുനായകളെ നിയന്ത്രിക്കണമെന്ന് ശക്തമായി ആവശ്യപ്പെടുന്പോൾ തന്നെ തങ്ങളുടെ പ്രദേശത്ത് എബിസി കേന്ദ്രം വേണ്ടെന്ന നിലപാടാണ് ജനം പുലർത്തുന്നത്. ‌ എല്ലാവർക്കും തെരുവുനായകളുടെ നിയന്ത്രണം ആവശ്യമാണ്. എന്നാൽ ഇതിനുകൂലമായ നിലപാടുകൾ എടുക്കാൻ തയാറാകുന്നുമില്ല. ഈ മാനസികാവസ്ഥ മാറണം. തെരുവുനായകളുടെ എണ്ണമെടുക്കുന്നതുൾപ്പെടെയുള്ള പ്രവർത്തനങ്ങൾ നടത്തിവരുന്നുണ്ട്. നിലവിലെ സൗകര്യങ്ങൾ പരമാവധി ഉപയോഗപ്പെടുത്തി തെരുവുനായകളുടെ വന്ധ്യംകരണം നടത്തി നിയന്ത്രണം നടപ്പാക്കുമെന്നും മന്ത്രി പറഞ്ഞു.

കർഷക ക്ഷേമനിധി പെൻഷൻ പദ്ധതിയിൽ സിപിഎമ്മിനു സിപിഐയുടെ താക്കീത്

കണ്ണൂർ: തദ്ദേശ തെരഞ്ഞെടുപ്പിന് മുന്പേ കർഷക ക്ഷേമനിധി പെൻഷൻ പദ്ധതി നടപ്പിലാക്കണമെന്ന കർശന നിർദേശവുമായി സിപിഐ. പദ്ധതി നടപ്പിലാക്കിയില്ലെങ്കിൽ കർഷക വിരുദ്ധ വികാരം തെരഞ്ഞെടുപ്പിൽ പ്രതിഫലിക്കുമെന്ന് സിപിഐ സർക്കാരിനോട് ആവശ്യപ്പെട്ടു. സിപിഐയുടെ കർഷകസംഘടനയായ കിസാൻസഭ പദ്ധതി നടപ്പിലാക്കാത്തതിനെതിരേ സമീപകാലത്ത് സമരവും നടത്തിയിരുന്നു. ലോക്സഭാ തെരഞ്ഞെടുപ്പിന്‍റെ തോൽവിക്ക് കാരണം കർഷക ക്ഷേമനിധി പെൻഷൻ പദ്ധതി നടപ്പിലാക്കാത്തതാണെന്ന് കിസാൻസഭ സംസ്ഥാന കൗൺസിൽ യോഗം വിലയിരുത്തിയിരുന്നു. ഇതിനു പിന്നാലെ സിപിഐ സംസ്ഥാന കമ്മിറ്റിയിലും പെൻഷൻ പദ്ധതി ചർച്ചയായിരുന്നു. സിപിഐ സംസ്ഥാന സെക്രട്ടറി ബിനോയ് വിശ്വവും കൃഷിമന്ത്രി പി. പ്രസാദും മുഖ്യമന്ത്രി പിണറായി വിജയൻ, സിപിഎം സംസ്ഥാന സെക്രട്ടറി എം.വി. ഗോവിന്ദൻ എന്നിവരുമായി കൂടിക്കാഴ്ച നടത്തിയിരുന്നു. ധനവകുപ്പിന്‍റെ കടുത്ത എതിർപ്പാണ് പദ്ധതി നടപ്പിലാക്കാത്തതെന്നാണ് സിപിഐ ആരോപിക്കുന്നത്. പെൻഷൻ പദ്ധതി സർക്കാരിന് ബാധ്യതയാകുമെന്ന് ധനകാര്യവകുപ്പ് റിപ്പോർട്ട് നല്കിയിരിക്കുന്നത്. പെൻഷൻ പദ്ധതിയുടെ തുടർപ്രവർത്തനങ്ങൾ നടത്തേണ്ട ഓഫീസുകളുടെ പ്രവർത്തനവും ഫണ്ടില്ലാത്തതിനാൽ അനിശ്ചിതത്വത്തിലായിരിക്കുകയാണ്. 2027 ജനുവരി മുതൽ കർഷക പെൻഷൻ പദ്ധതിയിൽ ചേർന്നവർക്ക് പെൻഷൻ കൊടുത്തു തുടങ്ങേണ്ടതാണ്. എന്നാൽ, തുകയിലും മറ്റാനുകൂല്യങ്ങൾ നല്കുന്നതിലും സർക്കാർ ഇതുവരെയും തീരുമാനമായിട്ടില്ല. കർഷക ക്ഷേമനിധി പെൻഷനായുള്ള കർഷക രജിസ്ട്രേഷൻ ഓൺലൈൻ മുഖാന്തരം നടത്തുന്നതിനുള്ള സോഫ്റ്റ്‌വേർ 2021 ഡിസംബർ ഒന്നിനാണ് കൃഷിമന്ത്രി തുറന്നുകൊടുത്തത്. 20 ലക്ഷം പേരെ പ്രതീക്ഷിച്ചിടത്ത് ഇതുവരെ 20000 ത്തിൽ താഴെവരെയുള്ള രജിസ്ട്രേഷൻ മാത്രമാണ് പൂർത്തിയായിരിക്കുന്നത്. ഒന്നാം പിണറായി സർക്കാരിന്‍റെ അവസാന കാലയളവിൽ തുടക്കമിട്ട കർഷക ക്ഷേമനിധി പെൻഷൻ പദ്ധതിയാണ് തുടർഭരണത്തിന് കാരണമെന്നാണ് സിപിഐ വിലയിരുത്തുന്നത്.

മടക്കരയിൽ യുവാവ് മരിച്ചത് ലോറിയിടിച്ച്; ഡ്രൈവർ അറസ്റ്റിൽ

പഴയങ്ങാടി: മാട്ടൂൽ മടക്കരയിൽ ബസ് സ്റ്റോപ്പിന് സമീപം കല്ലേൻ മണിയെന്ന യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയതിന് പിന്നിൽ വാഹനാപകടമാണെന്ന് തെളിഞ്ഞു. സംഭവവുമായി ബന്ധപ്പെട്ട് ഒരാളെ കണ്ണപുരം പോലീസ് അറസ്റ്റ് ചെയ്തു. മാ‌‌ട്ടൂൽ സൗത്തിലെ മുഹമ്മദ് റാഷിദിനെയാണ് (36) പോലീസ് അറസ്റ്റ് ചെയ്തത്. അപകടത്തിനിടയാക്കിയ ടിപ്പർ ലോറിയും കസ്റ്റഡിയിലെടുത്തു. കഴിഞ്ഞ ഞായറാഴ്ച പുലർച്ചെ ഒന്നോ‌‌ടെയാണ് മടക്കര ഡാമിന് സമീപത്തെ മണിയെ മടക്കര ബസ് സ്റ്റോപ്പിന് സമീപത്തെ റോഡരികിൽ മരിച്ച നിലയിൽ കണ്ടെത്തിയത്. മൃതദേഹം രക്തത്തിൽ കുളിച്ച നിലയിലായിരുന്നു. മരണത്തിൽ ദുരൂഹതയുണ്ടെന്ന് കാണിച്ച് നാട്ടുകാർ രംഗത്തു വരികയും മണിയുടെ സഹോദരൻ പോലീസിൽ പരാതി നൽകുകയും ചെയ്തിരുന്നു. പോലീസ് സമീപത്തെ സിസിടിവി ദൃശ്യങ്ങൾ ഉൾപ്പടെയുള്ളവ ശേഖരിച്ച് നടത്തിയ അന്വേഷണത്തിലാണ് മരണകാരണം തെളിഞ്ഞത്. കണ്ണപുരം സിഐ ബാബുമോന്‍റെ നേതൃത്വത്തിലുള്ള സംഘമാണ് കേസന്വേഷണം നടത്തി പ്രതിയെ അറസ്റ്റ് ചെയ്തത്.

അണ്ടല്ലൂർ സന്തോഷ് വധം: 15 സാക്ഷികളെ വിസ്തരിച്ചു

തലശേരി: ധർമടം അണ്ടല്ലൂരിൽ ബിജെപി പ്രവർത്തകനായ സന്തോഷിനെ കുത്തിക്കൊലപ്പെടുത്തിയ കേസിൽ 14 സാക്ഷികളുടെ വിസ്താരം പൂർത്തിയായി. പതിനഞ്ചാം സാക്ഷിയായ സന്തോഷിന്‍റെ ഭാര്യ ബേബിയുടെ ചീഫ് വിസ്താരം പൂർത്തിയായതിനെ തുടർന്ന് ക്രോസ് വിസ്താരം നടത്തി. ഡ്രൈവർ മിഥുനും വാവയും ചേർന്ന് വാതിൽ ചവിട്ടിത്തുറന്ന് തന്നെ കുത്തിയതായും ചോര വാർന്നു കൊണ്ടിരിക്കുകയാണെന്നും സന്തോഷ് തന്നെ ഫോണിൽ വിളിച്ചുപറഞ്ഞതായി സന്തോഷിന്‍റെ ഭാര്യ ബേബി ചീഫ് വിസ്താരത്തിൽ പറഞ്ഞു. അഡീഷണൽ ജില്ലാ സെഷൻസ് കോടതി (ഫ്രാസ്റ്റ് ട്രാക്ക് - ഒന്ന്) മുമ്പാകെയാണ് വിചാരണ നടന്നത്. 2017 ജനുവരി 17ന് രാത്രിയാണ് തറവാട്ട് വീട്ടിൽ വച്ച് സന്തോഷ് കൊല്ലപ്പെടുന്നത്. 2015 ലെ ത്രിതല പഞ്ചായത്ത് തെരഞ്ഞെടുപ്പിൽ ബിജെപി സ്ഥാനാർഥിയായി സന്തോഷ് മത്സരിച്ചിരുന്നു. സിപിഎം പ്രവർത്തകരായ മിഥുൻ, വൈഷ്ണവ് എന്ന വാവ, നിതുൽ രമേശ്, രോഹിൻ തുടങ്ങി എട്ടു പേരാണ് കേസിലെ പ്രതികൾ. കേസിൽ സ്പെഷൽ പ്രോസിക്യൂട്ടറെ നിയമിക്കണമെന്ന ബന്ധുക്കളുടെ ആവശ്യം സർക്കാർ തള്ളിയിരുന്നു. അഡ്വ. ജയറാം ദാസ്, അഡ്വ. പി. പ്രേമരാജൻ എന്നിവർ പ്രോസിക്യൂഷനു വേണ്ടിയും അഡ്വ. സി. കെ ശ്രീധരൻ, അഡ്വ. എൻ. ആർ ഷാനവാസ് എന്നിവർ പ്രതിഭാഗത്തിനു വേണ്ടിയും ഹാജരായി.

അടിയന്തര സാഹചര്യം നേരിടാൻ ആഭ്യന്തര സംവിധാനം വേണം: മനുഷ്യാവകാശ കമ്മീഷൻ

കണ്ണൂർ: റെയിൽവേ സ്റ്റേഷനിൽ പെട്ടെന്നുണ്ടാകുന്ന ലിഫ്റ്റ് തകരാർ പോലുള്ള അടിയന്തര സാഹചര്യങ്ങൾ നേരിടാൻ ഒരു ആഭ്യന്തര സംവിധാനത്തിന് രൂപം നല്കണമെന്ന് മനുഷ്യാവകാശ കമ്മീഷൻ ജുഡീഷൽ അംഗം കെ. ബൈജുനാഥ് കണ്ണൂർ റെയിൽവേ സ്റ്റേഷൻ മാനേജർക്ക് നിർദേശം നൽകി. ഇത്തരം സന്ദർഭങ്ങൾ ഭാവിയിൽ ആവർത്തിക്കരുത്. ലിഫ്റ്റിൽ കുടുങ്ങുന്നവരെ സഹായിക്കാൻ ആളുകളെ നിയോഗിക്കണമെന്നും കമ്മീഷൻ ആവശ്യപ്പെട്ടു. ലിഫ്റ്റിൽ തകരാർ സംഭവിക്കുമ്പോൾ സ്വീകരിക്കേണ്ട മുൻകരുതൽ സംബന്ധിച്ച് ജീവനക്കാർക്കും യാത്രക്കാർക്കും അവബോധം നല്കണമെന്നും കമ്മീഷൻ ആവശ്യപ്പെട്ടു. കണ്ണൂർ റെയിൽവേ സ്റ്റേഷനിലെ മൂന്നാമത്തെ പ്ലാറ്റ്ഫോമിലെ ലിഫ്റ്റിൽ നാലുപേരടങ്ങുന്ന കുടുംബം കുടുങ്ങിയ സംഭവത്തിൽ സമർപ്പിച്ച പരാതിയിലാണ് നടപടി. ലിഫ്റ്റിൽ കുടുങ്ങിയതിനെ തുടർന്ന് വന്ദേ ഭാരത് ട്രെയിനിലെ യാത്ര മുടങ്ങിയ കുടുംബത്തിന് പകരം യാത്രയ്ക്കുള്ള ക്രമീകരണം നടത്തിയതായി കണ്ണൂർ സ്റ്റേഷൻ മാനേജർ കമ്മീഷനെ അറിയിച്ചു. വൈദ്യുതി സപ്ലൈയിലുണ്ടായ തകരാർ കാരണമാണ് ലിഫ്റ്റ് പ്രവർത്തിക്കാതെയായതെന്ന് റെയിൽവേ പറയുന്നു. മനുഷ്യാവകാശ പ്രവർത്തകനായ വി. ദേവദാസ് സമർപ്പിച്ച പരാതിയിലാണ് നടപടി.

ഹജ്ജ്: ഇന്നത്തെ യാത്രക്കാരിലും കൂടുതൽ സ്ത്രീകൾ

മട്ടന്നൂർ: കണ്ണൂർ വിമനത്താവളത്തിൽ നിന്നുള്ള ഇന്നത്തെ ഹജ്ജ് വിമാന സർവീസിലും കൂടുതൽ യാത്രക്കാർ സ്ത്രീകൾ. ഇന്ന് രണ്ട് വിമാനങ്ങളാണ് ഹജ്ജ് സർവീസ് നടത്തുന്നത്. തിങ്കൾ, ചൊവ്വ ദിവസങ്ങളിൽ സ്ത്രീ തീർഥാടകർക്കായുള്ള സർവീസുകളായിരുന്നു നടത്തിയത്. ഇന്ന് പുലർച്ചെയുള്ള വിമാനത്തിലെ 171 യാത്രക്കാരാണുള്ളത്. ഇതിൽ 45 പുരുഷന്മാരും 126 സ്ത്രീകളുമാണുള്ളത്. രാത്രി 7.30നുള്ള വിമാനത്തിൽ 39 പുരുഷന്മാരും 130 സ്ത്രീകളുമായി ആകെ 169 പേരാണ് യാത്ര ചെയ്യാനുള്ളത്. ഇന്നലെ രാത്രി കണ്ണൂരിൽ നിന്നുള്ള ആറാമത്തെ ഹജ്ജ് സർവീസ് നടത്തിതി. കണ്ണൂരിൽ നിന്ന് ഇതോടെ 1020 ഹജ്ജ് തീർഥാടകരാണ് യാത്ര തിരിച്ചത്.

ടിപ്പർ മരത്തിലിടിച്ചു: ഗതാഗതം സ്തംഭിച്ചു

ഇരിട്ടി: പായം മുക്ക് മയിലാടുംപാറയിൽ ടിപ്പർ റോഡരികിലെ മരത്തിലിടിച്ചുണ്ടായ അപകടത്തെ തുടർന്ന് ഇരിട്ടി-പേരാവൂർ റോഡിൽ ഒരു മണിക്കൂറോളം ഗതാഗതം സ്തംഭിച്ചു. അപകടത്തിൽ ലോറി ഡ്രൈവറും സഹായിയും നിസാര പരിക്കുകളോടെ രക്ഷപ്പെട്ടു. ഇന്നലെ വൈകുന്നേരം ആറോടെയായിരുന്നു അപകടം. പേരാവൂർ ഭാഗത്തുനിന്നും ഇരിട്ടിയിലേക്ക് വരികയായിരുന്ന ടിപ്പർ ലോറി മയിലാടുംപാറ ഇറക്കത്തിലെ വളവിൽ നിയന്ത്രണം വിട്ട് റോഡരികിലെ കൂറ്റൻ മരത്തിൽ ഇടിക്കുകയായിരുന്നു. ഇടിയുടെ ആഘാതത്തിൽ ടിപ്പറിന്‍റെ മുൻഭാഗം പാടേ തകർന്നു. റോഡിനു കുറുകെ നിന്ന ലോറിയിൽ മരത്തിന്‍റെ മുകൾഭാഗം പൊട്ടി വീഴുകയും വൈദ്യുത തൂണുകൾ തകരുകയും ചെയ്തു. ഇരിട്ടി അഗ്നിരക്ഷആ നിലയിൽ നിന്നും അസി. സ്റ്റേഷൻ ഓഫീസർ സി.പി. ബൈജുവിന്‍റെ നേതൃത്വത്തിലെത്തിയ സംഘം ലോറിക്കു മുകളിൽ വീണ മരം മുറിച്ചു മാറ്റിയും ലോറിയുടെ തകർന്ന മുൻഭാഗം ഏറെ പരിശ്രമിച്ച് മുറിച്ചു മാറ്റിയുമാണ് ടിപ്പർ റോഡിൽ നിന്നും മാറ്റി ഗതാഗതം പുനസ്ഥാപിച്ചത്. ശക്തമായി പെയ്ത മഴ രക്ഷാപ്രവർത്തനം വൈകിപ്പിക്കാൻ ഇടയാക്കി. ഗ്രേഡ് അസി. സ്റ്റേഷൻ ഓഫീസർമാരായ ബെന്നി ദേവസ്യ, എൻ.ജി. അശോകൻ, ഫയർ ആൻഡ് റെസ്ക്യൂ ഓഫീസർമാരായ എൻ.ജെ. അനു, കെ. രാഹുൽ, കെ.വി. തോമസ്, കെ. ധനീഷ്, അനീഷ് മാത്യു, അരുൺകുമാർ, ഹോംഗാർഡ്മാരായ പി.പി. വിനോയി, പി.കെ. ധനേഷ് എന്നിവരും അഗ്നിശമനസേനാ സംഘത്തിൽ ഉണ്ടായിരുന്നു.

ഭിന്നശേഷിക്കാർക്ക് സഹായ ഉപകരണങ്ങൾ വിതരണം ചെയ്തു

ഇരിട്ടി: നഗരസഭ പരിധിയിലെ അംഗ പരിമിതരായവർക്ക് വാർഷിക പദ്ധതിയിൽ ഉൾപ്പെടുത്തി വിവിധ തരത്തിലുള്ള സഹായ ഉപകരണങ്ങൾ വിതരണം ചെയ്തു. 2.5 ലക്ഷം രൂപ ചെലവിൽ 18 പേർക്കാണ് ഉപകരണങ്ങൾ വിതരണം ചെയ്തത്. നഗരസഭയിലെ വയോജനങ്ങളെയും അംഗപരിമിതരെയും കണ്ടെത്താനായി നേരത്തെ പ്രത്യേക മെഡിക്കൽ ക്യാമ്പ് സംഘടിപ്പിച്ചിരുന്നു. ക്യാമ്പിൽ ഓരോരുത്തർക്കും വേണ്ട ഉപകരണങ്ങൾ ഏതെന്ന് മുൻകൂട്ടി കണ്ടെത്തി കേരള വികലാംഗ കോർപറേഷൻ മുഖാന്തരമാണ് ഉപകരണങ്ങൾ എത്തിച്ചു നൽകിയത്. നഗരസഭ ചെയർപേഴ്സൺ കെ. ശ്രീലത സഹായ ഉപകരണ വിതരണോദ്ഘാടനം നിർവഹിച്ചു. വൈസ് ചെയർമാൻ പി.പി. ഉസ്മാൻ അധ്യക്ഷത വഹിച്ചു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ടി.കെ. ഫസില, കൗൺസിലർമാരായ സമീർ പുന്നാട്, വി.പി. അബ്ദുൾ റഷീദ്, പി. സീനത്ത്, എൻ. സിന്ധു, പദ്ധതി നിർവഹണ ഓഫിസർ ജിസ്മി അഗസ്റ്റിൻ എന്നിവർ പ്രസംഗിച്ചു.

തലശേരി-വളവുപാറ അന്തർ സംസ്ഥാന പാതയിൽ അപകട നിയന്ത്രണ സംവിധാനങ്ങളില്ല

ഇരിട്ടി: നാലുവർഷം മുന്പ് നവീകരണം പൂർത്തിയായ തലശേരി-വളവുപാറ അന്തർസംസ്ഥാന പാതയിലെ അപകടങ്ങൾ നിയന്ത്രിക്കാൻ സംവിധാനമില്ലാത്തത് ഭീതി പരത്തുന്നു. ഇരിട്ടി പോലീസ് സ്റ്റേഷൻ പരിധിയിലെ അപകടവും മരണവും ഗുരുതരമായി പരിക്കേറ്റവരുടെയും കണക്കുകൾ മാത്രം ഞെട്ടിപ്പിക്കുകയാണ്. 200ൽ അധികം അപകടങ്ങളും 15 ലധികം മരണങ്ങളുമാണ് സംഭവിച്ചിരിക്കുന്നത്. ഗുരുതരമായി പരിക്കുപറ്റി ചികിത്സയിൽ കഴിയുന്നവരുടെ കണക്കുകൾ കൂടി പരിശോധിക്കുമ്പോഴാണ് അപകടത്തിന്‍റെ യഥാർഥ വ്യാപ്തി കണ്ടെത്താൻ കഴിയുകയുള്ളൂ. കണ്ണൂരിൽ നിന്നും മൈസൂരു, ബംഗളൂരു ഭാഗത്തേക്കുള്ള ആയിരകണക്കിന് വാഹങ്ങൾ കടന്നുപോകുന്ന തിരക്കേറിയ റോഡിലെ അമിത വേഗതയും ശ്രദ്ധക്കുറവും റോഡിന്‍റെ ചെറുതും വലുതുമായ അപാകതകളും അപകടത്തിനും മരണത്തിനും കാരണമാകുന്നത്. ഇത്രയേറെ അപകടങ്ങൾ നടന്നിട്ടും അപകടകാരങ്ങളെക്കുറിച്ച് പഠനംനടത്തി പരിഹാരം കണ്ടെത്താനും അധികൃതർക്ക് കഴിഞ്ഞിട്ടില്ല. ഒന്നിൽ കൂടുതൽ മരണങ്ങൾ നടന്ന സ്ഥലങ്ങളിൽ അപകട മേഖലയാണെന്ന മുന്നറിയിപ്പ് ബോർഡുകൾ പോലും സ്ഥാപിച്ചിട്ടില്ല. മൂന്ന് ഹോട്ട് സ്പോട്ടുകൾ: വില്ലനാകുന്നത് അമിത വേഗത അപകടങ്ങൾ തുടർക്കഥയാകുന്പോൾ പോലീസിന്‍റെ ലിസ്റ്റിൽ കീഴൂർകുന്ന്-കൂളിചെമ്പ്ര, പയഞ്ചേരിമുക്ക്, ജബ്ബാർകടവ് മേഖലകൾ മാത്രമാണ്. കീഴൂർകുന്ന്, പുന്നാട് മേഖലയിൽ നാലിലധികം വാഹനാപകട മരണങ്ങളാണ് സംഭവിച്ചത്. ഏറ്റവും ഒടുവിൽ മാപ്പിളപ്പാട്ട് കലാകാരൻ കീഴൂർകുന്നിൽ വച്ചുണ്ടായ വാഹനാപകടത്തിൽ മരിച്ചിരുന്നു. പ്രഭാത സവാരിക്ക് ഇറങ്ങിയ പൊതുപ്രവർത്തകനും വഴി മുറിച്ചുകടന്ന യാത്രക്കാരനും ഉൾപ്പെടെയുള്ളവർ അപകടത്തിൽപ്പെട്ടിരുന്നു. വള്ളിത്തോട് മേഖലയിൽ അപ്രഖ്യാപിത ഹോട്ട് സ്പോട്ടുകൾ നിരവധിയാണ്. മൂസാൻപീടിക, കൂട്ടുപുഴ തട്ടുകട, വളവുപാറ, മുപ്പത്തിരണ്ടാം മയിൽ, കിളിയന്തറ, വള്ളിത്തോട് ടൗൺ, മാടത്തിൽ തുടങ്ങി പലസ്ഥലങ്ങളും രണ്ടിലധികം പേരാണ് മരിച്ചത്. വളവുപറയിൽ നിർത്തിയിട്ടിരുന്ന ലോറിക്ക് പിന്നിൽ ബൈക്ക് ഇടിച്ച് യുവാവ് മരിച്ചിരുന്നു. വള്ളിത്തോട് ടൗൺ പേരിൽ ഇല്ലെങ്കിലും മറ്റൊരു ഹോട്ട് സ്പോട്ട് ആണ്. അമിത വേഗതയിൽ വരുന്ന വാഹനങ്ങൾ അപകടത്തിൽപ്പെടുന്നത് നിത്യസംഭവമാണ്. മാസങ്ങൾക്ക് മുന്പ് വള്ളിത്തോട് ടൗണിലെ ഓട്ടോറിക്ഷാ സ്റ്റാൻഡിലേക്ക് ജീപ്പ് ഇടിച്ചുകയറി നിരവധി ഓട്ടോറിക്ഷകൾക്കും യാത്രക്കാർക്കും പരിക്ക് പറ്റിയിരുന്നു. ഒരാഴ്ച മുന്പ് നടന്ന അപകടത്തിൽ പരിക്കേറ്റ ഡോക്ടർ ഇതുവരെയും അപകടനില തരണം ചെയ്തിട്ടില്ല. ഒരുമാസം മുന്പ് വളവുപറയിൽ നടന്ന അപകടത്തിൽ ഗുരുതരമായി പരിക്കേറ്റ മാക്കൂട്ടം ഫോറസ്റ്റ് റേഞ്ചർ ഇപ്പോഴും ആശുപത്രിയിൽ ചികിത്സയിലാണ്. മുപ്പത്തിരണ്ടാം മൈയിലിൽ നടന്ന അപകടത്തിൽ തമിഴ്നാട് സ്വദേശിക്ക് ജീവൻ നഷ്ടപ്പെടുകയും ചെയ്തിരുന്നു. ഏറ്റവും ഒടുവിൽ 17 വയസുകാരനായ വിദ്യാർഥിയുടെ ജീവനും റോഡിൽ പൊലിഞ്ഞു. ടൂറിസ്റ്റ് ബസും ബൈക്കും കൂട്ടിയിടിച്ചായിരുന്നു വിദ്യാർഥി മരിച്ചത്. മനസ് മരവിച്ച് രക്ഷാപ്രവർത്തകർ അപകടങ്ങൾ നടന്നാൽ സ്ഥലത്ത് ആദ്യം ഓടിയെത്തുന്നത് നാട്ടുകാരും സന്നദ്ധ പ്രവർത്തകരുമാണ്. അപകടസ്ഥലത്തെ കാഴ്ചകൾ പലപ്പോഴും കണ്ടുനില്ക്കാൻ കഴിയില്ലെന്നാണ്‌‌‌ സന്നദ്ധ സംഘടനയായ വള്ളിത്തോട് ഒരുമ റസ്ക്യു ടീമിലെ അംഗങ്ങൾ പറയുന്നത്. ഇവരാണ് പലപ്പോഴും അപകടത്തിൽ പ്പെട്ടവരെ രക്ഷപെടുത്തി ആശുപത്രിയിൽ എത്തിക്കുന്നത്. വാഹനങ്ങളുടെ എണ്ണം ക്രമാതീതമായി വർധിച്ചതും അമിത വേഗതയും പലപ്പോഴും ജീൻ നഷ്ടപെടുന്നതിന് കാരണമാകുന്പോഴും ഇത് നിയന്ത്രിക്കാൻ വേണ്ട നടപടികൾ ഉണ്ടാവാത്തതാണ് അപകടം പെരുകാൻ കാരണമെന്ന് ഇവർ പറഞ്ഞു.

മാലിന്യ വിരുദ്ധ സമരം: കേസുകള്‍ കോടതി തള്ളി, വിജയാഘോഷത്തിന് നാട്ടുകാര്‍

പയ്യന്നൂര്‍: ഏഴിമല നാവിക അക്കാഡമി പദ്ധതി പ്രദേശത്തെ മാലിന്യ പ്ലാന്‍റിൽ നിന്നും മലിനജലം ഒഴുകി ജനവാസകേന്ദ്രത്തിലെ കിണറുകള്‍ മലിനമാക്കിയതിനെതിരെ നടത്തിയ സമരവുമായി ബന്ധപ്പെട്ട് എടുത്ത 15 കേസുകളും കോടതി തള്ളി. 2017 ജനുവരിയില്‍ രാമന്തളി ജനവാസകേന്ദ്രത്തിലെ കിണറുകളിലെ വെള്ളത്തില്‍ മാലിന്യം കലരുന്നത് ശ്രദ്ധയില്‍പ്പെട്ടതോടെയാണ് നാട്ടുകാര്‍ സംഘടിച്ച് ജനാരോഗ്യസംരക്ഷണ സമിതി എന്ന പേരില്‍ കൂട്ടായ്മ രൂപികരിച്ച് സമരരംഗത്ത് ഇറങ്ങിയത്. പല പ്രതിഷേധ സമരങ്ങളിലായി സ്ത്രീകളടക്കം നൂറിലധികം ആളുകളുടെ പേരിലാണ് പോലീസ് കേസെടുത്തത്. പലരെയും പോലീസ് അറസ്റ്റ് ചെയ്തു ജയിലിൽ അടയക്കുകയും ചെയ്തിരുന്നു. സമരത്തിന്‍റെ അവസാന ഘട്ടമായി നടത്തിയ നിരാഹാര സമരത്തിനിടയിലാണ് നേവല്‍ അധികൃതര്‍ ചര്‍ച്ചയ്ക്ക് തയാറായത്. നിലവിലെ കേന്ദ്രീകൃത അശാസ്ത്രീയ മാലിന്യ പ്ലാന്‍റ് ഉപേക്ഷിച്ച് പലയിടങ്ങളിലായുള്ള വികേന്ദ്രികൃത മാലിന്യ പ്ലാന്‍റ് എന്ന ആവശ്യം നേവല്‍ അധികൃതര്‍ അംഗീകരിച്ചതോടെ 2017 മേയ് 24ന് സമരം അവസാനിപ്പിക്കുകയായിരുന്നു. ഒത്തുതീര്‍പ്പുവ വ്യവസ്ഥകള്‍ നടപ്പാക്കിയതോടെ പ്രശ്‌ന പരിഹാരമായെങ്കിലും പോലിസ് സമരസമിതി പ്രവര്‍ത്തര്‍ക്ക് എതിരെ എടുത്ത കേസുകള്‍ തുടരുകയായിരുന്നു. കഴിഞ്ഞദിവസം അവസാന കേസും കോടതി തള്ളിയതോടെ സമരവിജയം ആഘോഷിക്കാനുള്ള ഒരുക്കത്തിലാണ് തങ്ങളെന്ന് സമരസമിതി നേതാക്കളായ ആര്‍. കുഞ്ഞികൃഷ്ണന്‍, കെ.പി. രാജേന്ദ്രകുമാര്‍, പി.പി. നാരായി, പി.കെ നാരായണന്‍, കെ.എം. അനില്‍കുമാര്‍ എന്നിവർ പത്രസമ്മേളനത്തില്‍ അറിയിച്ചു.

എടൂർ ടൗണിലെ അപകടാവസ്ഥയ്ക്ക് താത്കാലിക പരിഹാരം

ഇരിട്ടി: മലയോര ഹൈവേയിൽ വള്ളിത്തോട് മണത്തണ റീച്ചിൽ എടൂർ ടൗൺ ഉൾപ്പെടെയുള്ള സ്ഥല ത്തെ പ്രവൃത്തികൾ പൂർത്തീകരിക്കാത്തതു സംബന്ധിച്ച് പൊതുജനങ്ങൾക്കും വ്യാപാരികൾക്കും ഉണ്ടായിരുന്ന ബുദ്ധിമുട്ടിന് താത്കാലിക പരിഹാരം. ഭീഷണി ചൂണ്ടിക്കാണിച്ച് ദീപിക കഴിഞ്ഞ ദിവസം വാർത്ത നല്കിയിരുന്നു. ഇതേ തുടർന്നാണ് കരാറുകാരന്‍റെഅടിയന്തര ഇടപെടൽ ഉണ്ടായത്. റോഡ് പുനർനിർമിച്ചപ്പോൾ നിലവിലെ ബസ് കാത്തിരിപ്പ് കേന്ദ്രത്തിലേക്ക് ജനങ്ങൾക്ക് പ്രവേശിക്കാൻ കഴിയാത്തവിധം ഉയരത്തിലും അപകടാവസ്ഥയിലും ആയിരുന്നു. വ്യാപാര സ്ഥാപനങ്ങൾക്ക് മുന്നിലൂടെ ജനങ്ങൾക്ക് നടക്കാൻ കഴിയാത്തവിധം മണ്ണും കല്ലും കൂട്ടിയിടുകയും, ചില സ്ഥലങ്ങളിലെ കുഴികൾ നികത്താനും ബന്ധപ്പെട്ടവർ തയാറായിരുന്നില്ല. നിലവിൽ യാത്രക്കാർ കാൽവഴുതി വീണ് അപകട സാധ്യതയുളള്ള ബസ് കാത്തിരിപ്പ് കേന്ദ്രത്തിന്‍റെ മുൻഭാഗം വേലി കെട്ടി സുരക്ഷിതമാക്കാനും, ഒരു വശത്തുകൂടി ഇവിടേക്ക് പ്രവേശിക്കാൻ സൗകര്യം ഒരുക്കാനും, വ്യാപാര സ്ഥാപനങ്ങൾക്ക് മുന്നിലെ മണ്ണും കല്ലും മാറ്റിയും കുഴികൾ അടച്ചും താത്കാലിക പരിഹാരം ഉണ്ടാക്കാനുമാണ് തീരുമാനം.

സിബിഎസ്ഇ പരീക്ഷകളിൽ മികച്ച വിജയം കാഴ്ചവച്ച് സ്കൂളുകൾ

ഇരിട്ടി ബെൻഹിൽ സിബിഎസ്ഇ പത്താം ക്ലാസ്, പ്ലസ് ടു പരീക്ഷകളിൽ 100 ശതമാനം വിജയം നേടി ഇരിട്ടി ബെൻഹിൽ സ്കൂൾ. പ്ലസ്‌ടുവിൽ മൂന്ന് വിദ്യാർഥികൾ 90 ശതമാനത്തിന് മുകളിലും 13 വിദ്യാർഥികൾ 80 ശതമാനത്തിന് മുകളിലും മാർക്ക് കരസ്ഥമാക്കി. പത്താം ക്ലാസിൽ19 വിദ്യാർഥികൾക്ക് 90 ശതമാനത്തിന് മുകളിൽ മാർക്ക് ലഭിച്ചു. തുടർച്ചയായി 25 ാ മത് വർഷമാണ് സ്കൂൾ 100 ശതമാനം വിജയം നേടുന്നത്. സിഎംഐ ക്രൈസ്റ്റ് സിബിഎസ്ഇ പത്താം ക്ലാസ് പരീക്ഷയിൽ തുടർച്ചയായി 16-ാം തവണയും100 ശതമാനം വിജയം നേടി സിഎംഐ ക്രൈസ്റ്റ് സ്കൂൾ. 56 വിദ്യാർഥികൾ പരീക്ഷ എഴുതിയതിൽ 28 വിദ്യാർഥികൾ 90 ശതമാനത്തിന് മുകളിലും 22 വിദ്യാർഥികൾ 80 ശതമാനത്തിന് മുകളിലും മാർക്ക് നേടി. 19 വിദ്യാർഥികൾ വിവിധ വിഷയങ്ങളിൽ 100 ശതമാനം മാർക്ക് നേടിയിരുന്നു. പരിയാരം ഉർസുലൈൻ പരിയാരം ഉർസുലൈൻ ഇഗ്ലീഷ് മീഡിയം സ്കൂളിന് പത്ത്, പന്ത്രണ്ട് ക്ലാസ് പരീക്ഷകളിൽ നൂറുമേനി. പത്താം ക്ലാസ് പരീക്ഷയെഴുതിയ 115 വിദ്യാർഥികളിൽ 27 പേർ 95 ശതമാനത്തിന് മുകളിൽ മാർക്ക് നേടി. 50 വിദ്യാർഥികൾ 90 ശതമാനത്തിന് മുകളിൽ മാർക്ക് നേടി. 55 പേർ പരീക്ഷയെഴുതിയ പന്ത്രണ്ടാം ക്ലാസിൽ 20 പേർ 90 ശതാനത്തിന് മുകളിൽ മാർക്ക് നേടി. മട്ടന്നൂർ ശ്രീ ശങ്കര വിദ്യാപീഠം സിബിഎസ്ഇ പത്ത്, പന്ത്രണ്ട് പരീക്ഷയിൽ മട്ടന്നൂർ ശ്രീ ശങ്കര വിദ്യാപീഠം സീനിയർ സെക്കൻഡറി സ്കൂളിന് ഇത്തവണയും നൂറ് ശതമാനം. പരീക്ഷ എഴുതിയ മുഴുവൻ വിദ്യാർഥികളും ഉന്നത വിജയം നേടി. മട്ടന്നൂർ സീൽ ഇന്‍റർനാഷണൽ സിബിഎസ്ഇ പത്താം ക്ലാസ് പരീക്ഷയില്‍ മട്ടന്നൂര്‍ സീൽ ഇന്‍റർനാഷണൽ സ്‌കൂളില്‍ ഇത്തവണയും നൂറ് ശതമാനം വിജയം. കെ.കെ. സാവരിയ, മുഹമ്മദ്‌ സാമിൽ എന്നിവർ മുഴുവൻ വിഷയത്തിലും എവൺ നേടി. പത്താംക്ലാസിൽ മാഹിയിലെ സ്കൂളുകൾക്ക് നൂറുമേനി മാഹി: കേരള സിലബസിൽ നിന്നും സിബിഎസ്ഇയിലേക്ക് മാറിയ ശേഷമുള്ള ആദ്യ പരീക്ഷാ ഫലത്തിൽ മാഹി മേഖലയിലെ സ്കൂളുകൾക്ക് മികച്ച വിജയം. പത്താംതരത്തിൽ പരീക്ഷയെഴുതിയ മാഹി ജവഹർലാൽ നെഹ്റു ഗവ. ഹയർ സെക്കൻഡറി സ്കൂൾ, സി.ഇ. ഭരതൻ ഗവ. ഹയർ സെക്കൻഡറി സ്കൂൾ, ചാലക്കര പിഎം ശ്രീ ഉസ്മാൻ ഗവ. ഹൈസ്കൂൾ, പള്ളൂർ വി.എൻ. പുരുഷോത്തമൻ ഗവ. ഹയർ സെക്കൻഡറി സ്കൂൾ, പള്ളൂർ കസ്തൂർബഗാന്ധി ഗവ. ഹൈസ്കൂൾ, പന്തക്കൽ പിഎംശ്രീ ഐ.കെ. കുമാരൻ ഗവ. ഹയർ സെക്കൻഡറി സ്കൂൾ എന്നിവിടങ്ങളിലെ മുഴുവൻ കുട്ടികളും വിജയിച്ചു. പന്ത്രണ്ടാം ക്ലാസിൽ മാഹി ജവഹർലാൽ നെഹ്റു ഗവ. ഹയർ സെക്കൻഡറി സ്കൂളിൽ പരീക്ഷ എഴുതിയ 115 പേരിൽ 82 പേരും സി.ഇ. ഭരതൻ ഗവ. ഹയർ സെക്കൻഡറി സ്കൂളിൽ പരീക്ഷ എഴുതിയ 85പേരിൽ 83 പേരും പള്ളൂർ വി.എൻ. പുരുഷോത്തമൻ ഗവ. ഹയർ സെക്കൻഡറി സ്കൂളിൽ പരീക്ഷ എഴുതിയ 53 പേരിൽ 49 പേരും പന്തക്കൽ പിഎം ശ്രീ ഐ.കെ. കുമാരൻ ഗവ. ഹയർ സെക്കൻഡറി സ്കൂളിൽ പരീക്ഷ എഴുതിയ 132 പേരിൽ 120 പേരും വിജയിച്ചു.

ലൈഫ് പദ്ധതിയിൽ 2026 ഓടെ ആറര ലക്ഷം വീടുകൾ പൂർത്തിയാക്കും: മന്ത്രി രാജേഷ്

കണ്ണൂർ: ലൈഫ് ഭവന പദ്ധതിയിൽ 2026 ഓടെ സംസ്ഥാനത്തൊട്ടാകെ 6.5 ലക്ഷം വീടുകൾ പൂർത്തിയാക്കുമെന്ന് തദ്ദേശവകുപ്പ് മന്ത്രി എം.ബി. രാജേഷ്. ലൈഫ് ഭവനപദ്ധതിയിൽ ഉൾപ്പെട്ട എല്ലാവർക്കും വീട് നൽകിയ ജില്ലയിലെ 62 തദ്ദേശ സ്ഥാപനങ്ങളെ ആദരിക്കുന്ന പരിപാടി കണ്ണൂർ പോലീസ് മൈതാനിയിലെ "എന്‍റെ കേരളം' വേദിയിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സംസ്ഥാനത്തൊട്ടാകെ ഇതുവരെ 4,51,000 വീടുകളാണ് പദ്ധതി വഴി പൂർത്തിയായത്. ആകെ 5,47,000 പേർക്ക് ലൈഫ് പദ്ധതിയിൽ തുക അനുവദിച്ചു. ശേഷിക്കുന്ന വീടുകളുടെ നിർമാണം അന്തിമ ഘട്ടത്തിലാണ്. ജില്ലയിലെ 62 തദ്ദേശസ്ഥാപന അധ്യക്ഷർ മന്ത്രിയിൽനിന്ന് അനുമോദനം ഏറ്റുവാങ്ങി. മന്ത്രി കടന്നപ്പള്ളി രാമചന്ദ്രൻ അധ്യക്ഷത വഹിച്ചു. ലൈഫിൽ അർഹരായ മുഴുവൻ പേർക്കും വീട് നൽകിയ തദ്ദേശ സ്ഥാപനങ്ങൾ: പഞ്ചായത്തുകളായ കുഞ്ഞിമംഗലം, കരിവെള്ളൂർ-പെരളം, കാങ്കോൽ-ആലപ്പടമ്പ, എരമം-കുറ്റൂർ, ചെറുപുഴ, ചെറുതാഴം, ഏഴോം, ചെറുകുന്ന്, കല്യാശേരി, കണ്ണപുരം, നാറാത്ത്, പട്ടുവം, കുറുമാത്തൂർ, പരിയാരം, ഉദയഗിരി, കടന്നപ്പള്ളി പാണപ്പുഴ, ഇരിക്കൂർ, മലപ്പട്ടം, പയ്യാവൂർ, കുറ്റിയാറ്റൂർ, മയ്യിൽ, പാപ്പിനിശ്ശേരി, ചിറക്കൽ, അഴീക്കോട്, വളപട്ടണം, കടമ്പൂർ, മുണ്ടേരി, പെരളശേരി, കൊളച്ചേരി, ചെമ്പിലോഡ്, ധർമടം, എരഞ്ഞോളി, പിണറായി, ന്യൂ മാഹി, മുഴപ്പിലങ്ങാട്, അഞ്ചരക്കണ്ടി, വേങ്ങാട്, കോട്ടയം, തൃപ്പങ്ങോട്ടൂർ, ചിറ്റാരിപ്പറമ്പ്, കുന്നോത്തുപറമ്പ്, മാങ്ങാട്ടിടം, കതിരൂർ, ചൊക്ലി, മൊകേരി, പന്യന്നൂർ, കീഴല്ലൂർ, തില്ലങ്കേരി, കൂടാളി, കണിച്ചാർ, കൊട്ടിയൂർ, കോളയാട്, കണ്ണൂർ കോർപറേഷൻ, നഗരസഭകളായ ആന്തൂർ, ഇരിട്ടി, കൂത്തുപറമ്പ്, മട്ടന്നൂർ, പാനൂർ, പയ്യന്നൂർ, ശ്രീകണ്ഠപുരം, തലശേരി, തളിപ്പറമ്പ് എന്നിവയാണ് ലൈഫ് പദ്ധതിയിൽ അപേക്ഷിച്ച എല്ലാവർക്കും വീട് നൽകിയത്. കെ.വി. സുമേഷ് എംഎൽഎ, ജില്ലാ പഞ്ചായത്ത് പ്രസിഡന്‍റ് കെ.കെ. രത്‌നകുമാരി, വൈസ് പ്രസിഡന്‍റ് ബിനോയ് കുര്യൻ, കേരള ബ്ലോക്ക് പഞ്ചായത്ത് അസോസിയേഷൻ ജനറൽ സെക്രട്ടറി സി.എം. കൃഷ്ണൻ, കേരള ചേംബർ ഓഫ് മുൻസിപ്പൽ ചെയർമാൻ പി. മുകുന്ദൻ, കേരള ഗ്രാമപഞ്ചായത്ത് അസോസിയേഷൻ ജില്ലാ പ്രസിഡന്‍റ് എം. ശ്രീധരൻ, തദ്ദേശസ്വയംഭരണ വകുപ്പ് ജില്ലാ ജോയിന്‍റ് ഡയറക്ടർ ടി.ജെ. അരുൺ, ലൈഫ് മിഷൻ ജില്ലാ കോ -ഓർഡിനേറ്റർ എം.പി. വിനോദ് കുമാർ, നവകേരള മിഷൻ ജില്ലാ കോ-ഓർഡിനേറ്റർ ഇ.കെ സോമശേഖരൻ എന്നിവർ പങ്കെടുത്തു.

കർഷക കോൺഗ്രസ് കൃഷിഭവൻ ധർണ നടത്തി

ശ്രീകണ്ഠപുരം: സംസ്ഥാന സർക്കാരിന്‍റെ കർഷദ്രോഹ നടപടികൾ അവസാനിപ്പിക്കണമെന്നാവശ്യപ്പെട്ടും നാളികേര വികസനത്തിന് നബാർഡ് നൽകിയ ഫണ്ട് വകമാറ്റിയതിൽ പ്രതിഷേധിച്ചും കർഷക കോൺഗ്രസ് ശ്രീകണ്ഠപുരം കൃഷി ഓഫീസിനു മുന്നിൽ ധർണ നടത്തി. യുഡിഎഫ് നിയോജക മണ്ഡലം ചെയർമാൻ എം.ഒ. മാധവൻ ഉദ്ഘാടനം ചെയ്തു. കർഷക കോൺഗ്രസ് ശ്രീകണ്ഠപുരം മണ്ഡലം പ്രസിഡന്‍റ് എം.കെ. ബാലകൃഷ്ണൻ അധ്യക്ഷത വഹിച്ചു. നിയോജക മണ്ഡലം പ്രസിഡന്‍റ് റോയി ഈറ്റയ്ക്കൽ മുഖ്യപ്രഭാഷണം നടത്തി. പി.ടി. കുര്യാക്കോസ്, കെ.സി. ജോസഫ് കൊന്നയ്ക്കൽ, ജോസഫിന വർഗീസ്, മേരി കുഴിക്കാട്ടിൽ, കെ.ജെ. ചാക്കോ കൊന്നയ്ക്കൽ, ബേബിച്ചൻ ചിറപ്പുറത്ത്, അലക്സാണ്ടർ കുഴിയാത്ത്, ജോസ് പന്നിയമ്മാക്കൽ, എം. സി. ഭാസ്കരൻ, കാശാംകാട്ടിൽ എന്നിവർ പ്രസംഗിച്ചു. ചെമ്പേരി: കർഷക കോൺഗ്രസ് ഏരുവേശി മണ്ഡലം കമ്മിറ്റിയുടെ ആഭിമുഖ്യത്തിൽ ഏരുവേശി കൃഷിഭവനു മുന്നിൽ പ്രതിഷേധ ധർണ നടത്തി. കോൺഗ്രസ് മണ്ഡലം പ്രസിഡന്‍റ് ജോസ് പരത്തനാൽ ഉദ്ഘാടനം ചെയ്തു. കർഷക കോൺഗ്രസ് മണ്ഡലം പ്രസിഡന്‍റ് ജോസുകുട്ടി ഈന്തനാക്കുന്നേൽ അധ്യക്ഷത വഹിച്ചു. കർഷക കോൺഗ്രസ് ജില്ലാ സംഘടനാ ചുമതലയുള്ള സെക്രട്ടറി ജോണി മുണ്ടയ്ക്കൽ മുഖ്യപ്രഭാഷണം നടത്തി. ജോയി കുഴിവേലിപ്പുറത്ത്, തോമസ് ചാലിൽ, തങ്കച്ചൻ അറയ്ക്കൽ, ജോൺസൺ പുലിയുറുമ്പിൽ, പൗളിൻ തോമസ്, ഷൈല ജോയി, ജയശ്രീ ശ്രീധരൻ, ജസ്റ്റിൻ തുളുമ്പൻമാക്കൽ, ശ്രീജ ഷിബു, ഷിബു മാണി, വിജയൻ ചാലുപറമ്പിൽ, ബിനു കാഞ്ഞിരത്തിങ്കൽ എന്നിവർ പ്രസംഗിച്ചു.

സിബിഎസ്ഇ പരീക്ഷകളിൽ മികച്ച വിജയം കാഴ്ചവച്ച് സ്കൂളുകൾ

ശ്രീകണ്ഠപുരം മേരിഗിരി ശ്രീകണ്ഠപുരം മേരിഗിരിയിൽ പത്ത്, പന്ത്രണ്ട് ക്ലാസുകളിൽ നൂറ് ശതമാനം വിജയം. പത്താം ക്ലാസിൽ പരീക്ഷ എഴുതിയ 121 പേരിൽ 14 പേർ ഫുൾ എ വൺ നേടി. 40 വിദ്യാർഥികൾ 90 ശതമാനത്തിന് മുകളിലും 75 പേർ 80 ശതമാനത്തിന് മുകളിലും മാർക്ക് നേടി. മുഴുവൻ വിദ്യാർഥികളും 74 ശതമാനത്തിന് മേൽ മാർക്കുകൾ നേടിയാണ് വിജയിച്ചത്. പത്താം ക്ലാസിൽ 99.6 ശതമാനം മാർക്ക് നേടി പി.ആർ. അനുഗ്രഹ് ഒന്നാമനായി. 98.6 ശതമാനം മാർക്ക് നേടി ‌ടി. അഷിൻ ഷിബു രണ്ടാം സ്ഥാനവും 97 ശതമാനം മാർക്ക് നേടി ഇവാഞ്ചലിൻ എലിസബത്ത്, റിൻഷ ഷെറിൻ എന്നിവർ മൂന്നാം സ്ഥാനവും കരസ്ഥമാക്കി. പന്ത്രണ്ടാം ക്ലാസിൽ പരീക്ഷയെഴുതിയ 240 പേരിൽ മുഴുവൻ വിദ്യാർത്ഥികളും 60 ശതമാനത്തിലധികം മാർക്ക് നേടി. 98.4 ശതമാനം മാർക്ക് നേടി ഡയാന റോയ് പന്ത്രണ്ടാം ക്ലാസിൽ ഒന്നാമതെത്തി. 97.4 ശതമാനം വീതം മാർക്ക് നേടിയ മീര സിപി, റിദ ഷെറിൻ, ക്രിസ്മ റോസ് മാത്യു എന്നിവർ രണ്ടാം സ്ഥാനം പങ്കിട്ടു. 97 ശതമാനം മാർക്ക് നേടി ഒ.സി. ആരതി മൂന്നാം സ്ഥാനം കരസ്ഥമാക്കി. പ്ലസ്ടുവിൽ പരീക്ഷയെഴുതിയ 24 കുട്ടികൾ ഫുൾ എവൺ നേടിയപ്പോൾ 77 കുട്ടികൾക്ക് 90 ശതമാനത്തിനു മുകളിലും 166 കുട്ടികൾക്ക് 80 ശതമാനത്തിന് മുകളിലും മാർക്കുകകൾ കൈവരിച്ചു. ഉത്തര മലബാറിൽ ഇത്രയും കുട്ടികളെ പരീക്ഷയ്ക്കിരുത്തി മികച്ച നേട്ടം കൈവരിച്ചത് മേരിഗിരി മാത്രമാണെന്ന് പ്രിൻസിപ്പൽ ബ്രദർ ഡോ. റെജി സ്കറിയ പറഞ്ഞു. ഉന്നത വിജയം നേടിയ മുഴുവൻ വിദ്യാർഥികളെയും സ്കൂൾ മാനേജർ ബ്രദർ ജോണി വെട്ടംതടത്തിൽ സിഎസ്ടി, പിടിഎ പ്രസിഡന്‍റ് ഡോ. മനു ജോസഫ് വാഴപ്പള്ളി എന്നിവർ അഭിനന്ദിച്ചു. പെരുമ്പടവ് ഓക്സ്ഫോർഡ്, കാര്യപ്പള്ളി എലിസബത്ത്, കരുവഞ്ചാൽ ലിറ്റിൽ ഫ്ലവർ പെരുമ്പടവ് ഓക്സ്ഫോർഡ് ഇംഗ്ലീഷ് സ്കൂൾ, കാര്യപ്പള്ളി എലിസബത്ത് ഇംഗ്ലീഷ് സ്കൂൾ, കരുവഞ്ചാൽ ലിറ്റിൽ ഫ്ലവർ ഇംഗ്ലീഷ് സ്കൂൾ എന്നിവയ്ക്ക് സിബിഎസ്ഇ പത്താം ക്ലാസ് പരീക്ഷയിൽ 100 ശതമാനം വിജയം. കരുവഞ്ചാൽ ലിറ്റിൽ ഫ്ലവർ ഇംഗ്ലീഷ് സ്കൂളിൽ പന്ത്രണ്ടാം ക്ലാസിലും പരീക്ഷയെഴുതിയ മുഴുവൻ കുട്ടികളും വിജയിച്ചു. ആലക്കോട് സെന്‍റ് മേരീസ് കോൺവന്‍റ് സ്കൂൾ സിബിഎസ്ഇ പത്ത്, പന്ത്രണ്ട് ക്ലാസ് പരീക്ഷകളിൽ ആലക്കോട് സെന്‍റ് മേരീസ് കോൺവന്‍റ് സ്കൂളിന് നൂറു ശതമാനം. പത്താം തരത്തിൽ പരീക്ഷയെഴുതിയ 77 പേരിൽ 52 പേർ ഡിസ്റ്റിംഗ്ഷനും 25 പേർ ഫസ്റ്റ് ക്ലാസും നേടി. 97.8 ശതമാനം മാർക്ക് നേടിയ ആൻ റോസ് ജോൺ സ്കൂളിൽ ഒന്നാം സ്ഥാനം കരസ്ഥമാക്കി. പത്താം ക്ലാസ് പരീക്ഷയിൽ മൂന്നുപേർ കണക്കിൽ മുഴുവൻ മാർക്കും കരസ്ഥമാക്കി. പന്ത്രണ്ടാം ക്ലാസിൽ 62 പേർ പരീക്ഷയെഴുതിയിതിൽ 36 പേർ ഡിസ്റ്റിംഗ്ഷനും 26 പേർ ഫസ്റ്റ് ക്ലാസും കരസ്ഥമാക്കി. 97 ശതമാനം മാർക്ക് നേടിയ ടിറ്റ മരിയ ബെന്നി സ്കൂളിൽ ഒന്നാംസ്ഥാനം നേടി. പന്ത്രണ്ടാം ക്ലാസിൽ മലയാളത്തിന് 12 പേരും ബയോളജിയിൽ ഒരാളും മുഴുവൻ മാർക്കും നേടി. പൂപ്പറമ്പ് ഫുസ്കോ പത്ത്, പന്ത്രണ്ട് ക്ലാസുകളിലെ സിബിഎസ്ഇ പരീക്ഷകളിൽ സമ്പൂർണ വിജയം നേടിയ പൂപ്പറമ്പ് ഫുസ്കോ ഇംഗ്ലീഷ് മീഡിയം സീനിയർ സെക്കൻഡറി സ്കൂൾ. പത്താം ക്ലാസിൽ പരീക്ഷ എഴുതിയ 22 പേരിൽ 98 ശതമാനം മാർക്ക് ലഭിച്ച ആഷിൻ ജിജി സ്കൂളിൽ ഒന്നാമതെത്തി. മൂന്നുപേർ 90 ശതമാനത്തിലേറെ മാർക്ക് നേടിയപ്പോൾ 15 പേർ ഡിസ്റ്റിംഗ്ഷനും മൂന്നു പേർ ഫസ്റ്റ് ക്ലാസും കരസ്ഥമാക്കി. പന്ത്രണ്ടാം ക്ലാസിൽ 20 പേർ പരീക്ഷയെഴുതിയതിൽ അനുഷ മനോജ് ആണ് സ്കൂളിൽ ഒന്നാമതായത്. അഞ്ചുപേർ ഡിസ്റ്റിംഗ്ഷനും 14 പേർ ഫസ്റ്റ് ക്ലാസും നേടി. സ്കൂളിന് നൂറ് ശതമാനം വിജയം നേടിക്കൊടുത്ത വിദ്യാർഥികളെ പ്രിൻസിപ്പൽ സിസ്റ്റർ സലോമി ജോർജ്, മാനേജർ സിസ്റ്റർ സെലിൻ, അഡ്മിനിസ്ട്രേറ്റർ സിസ്റ്റർ ആനിമ്മ, അധ്യാപകർ, അധ്യാപകേതര ജീവനക്കാർ, പിടിഎ എക്സിക്യൂട്ടീവ് അംഗങ്ങൾ എന്നിവർ അനുമോദിച്ചു. കുടിയാന്മല ഹോളി ക്രോസ് സിബിഎസ്ഇ പത്താം ക്ലാസ് പരീക്ഷയിൽ കുടിയാന്മല ഹോളി ക്രോസ് പബ്ലിക് സ്കൂളിന് നൂറുമേനി വിജയം. പരീക്ഷയെഴുതിയ 18 വിദ്യാർഥികളിൽ മൂന്ന് പേർ 95 ശതമാനത്തിന് മുകളിലും ആറ് പേർ 90 ശതമാനത്തിൽ കൂടുതലും മാർക്ക് നേടി. ഒമ്പത് പേർക്ക് ഡിസ്റ്റിംഗ്ഷൻ ലഭിച്ചു. മികച്ച വിജയം നേടിയ വിദ്യാർഥികളെ സ്കൂൾ മാനേജ്മെന്‍റ്, സ്റ്റാഫംഗങ്ങൾ, പിടിഎ എന്നിവർ അനുമോദിച്ചു.

വീസ തട്ടിപ്പ്; ഏരുവേശി സ്വദേശിയുടെ പണം നഷ്ടപ്പെട്ടു

ഏരുവേശി: ഇസ്രയേലിലേക്ക് ജോബ് വീസ നല്‍കാമെന്ന് വാഗ്ദാനം ചെയ്ത് 3,70,700 രൂപ തട്ടിയെടുത്തതായി കുടിയാന്മല പോലീസിൽ പരാതി. തിരുവനന്തപുരം സെന്‍റ് ആന്‍ഡ്രൂസ് ലിറ്റില്‍ഫ്ലവര്‍ വീട്ടില്‍ ജോണ്‍സണ്‍ സ്റ്റീഫനെതിരേയാണ് കേസ്. ഏരുവേശി വളയംകുണ്ടിലെ നെല്ലിക്കാത്തടത്തില്‍ ബിനു ജോസഫിന്‍റെ പരാതിയിലാണ് കേസ്. 2023 മാര്‍ച്ച് 21 മുതല്‍ ഡിസംബര്‍ 15 വരെയുള്ള കാലയളവില്‍ മൂന്ന് തവണകളിലായി ബാങ്ക്വഴിയും നേരിട്ടും പണം വാങ്ങിയെങ്കിലും വീസയോ പണമോ നല്‍കാതെ വഞ്ചിച്ചുവെന്നാണ് പരാതി.

രാജ്യരക്ഷാനിധിയിലേക്ക് 85,786 രൂപ നല്‍കി ശ്രീനിധി ട്രാവല്‍സ്

പയ്യന്നൂര്‍: രാജ്യ രക്ഷാനധിയിലേക്ക് ഒരുദിവസം സർവീസ് നടത്തിയ തുക നൽകി സ്വകാര്യ ബസ് ഉടമ. ശ്രീനിധി ബസ് ഗ്രൂപ്പ് ഉടമ വെള്ളോറയിലെ സി.കെ. ഗംഗാധരനാണ് തന്‍റെ പയ്യന്നൂർ, കണ്ണൂർ, ചെറുപുഴ, തളിപ്പറന്പ്, കക്കറ വെള്ളോറ എന്നീ റൂട്ടുകളില്‍ സർവീസ് നടത്തുന്ന 13 ബസുകളുടെ ഒരു ദിവസത്തെ വരുമാനമായ 85786 രൂപ ഇന്ത്യൻ സായുധസേനയ്ക്ക് കൈമാറിയത്. രാജ്യ സുരക്ഷയ്ക്കായി സ്വന്തം ജീവനും കുടുംബങ്ങളെയും മറന്ന് പ്രവർത്തിക്കുന്ന സൈനികർക്ക് കരുത്ത് പകരേണ്ട ഉത്തരവാദിത്തം ഓരോ പൗരനുമുണ്ടെന്ന തിരിച്ചറിവാണ് ഇത്തരമൊരു പ്രവർത്തനം നടത്താൻ പ്രേരിപ്പിച്ചതെന്ന് ഗംഗാധരൻ പറഞ്ഞു. സൈനികരുടെയും കുടുംബാംഗങ്ങളെയും ക്ഷേമത്തിനായി കേന്ദ്ര സര്‍ക്കാര്‍ ആവിഷ്‌കരിച്ച പദ്ധതിയാണ് നാഷണല്‍ ഡിഫെന്‍സ് ഫണ്ട്. ആര്‍ക്കുവേണമെങ്കിലും ഈ പദ്ധതിയിലേക്ക് സംഭാവന ചെയ്യാം.

റോഡരികിൽ മുറിച്ചിട്ട മരം യാത്രാതടസം സൃഷ്ടിക്കുന്നു

തേർത്തല്ലി: റോഡരികിൽ മുറിച്ചിട്ടിരിക്കുന്ന മരം യാത്രാതടസം സൃഷ്ടിക്കുന്നുവെന്ന പരാതി ശക്തമായി. തേർത്തല്ലി മൗവ്വത്താനി റോഡിൽ വൈദ്യുത ലൈൻ നവീകരണത്തിന്‍റെ ഭാഗമായാണ് റോഡരികിലെ തേക്കുമരം മുറിച്ച് ടാറിംഗിനോട് ചേർത്ത് ഇട്ടിരിക്കുന്നത്. നിരവധി വാഹനങ്ങൾ കടന്നുപോകുന്നതും വീതി കുറഞ്ഞതുമായ റോഡിലൂടെ വാഹനങ്ങൾക്ക് സൈഡ് കൊടുക്കുവാൻ തടസമായിരിക്കുകയാണ്. ഇവിടെ വാഹനങ്ങൾ സൈഡ് കൊടുന്പോൾ മുറിച്ചിട്ട മരത്തിൽ തട്ടി അപകടം ഉണ്ടാകാനും സാധ്യതയുണ്ട്. കാൽനടയാത്രക്കാർക്കും ദുരിതം സൃഷ്ടിക്കുകയാണ്. എത്രയും വേഗം ഇവിടത്തെ മരം നീക്കം ചെയ്യണമെന്നാണ് നാട്ടുകാരുടെ ആവശ്യം.

സുവർണ ജൂബിലി ആഘോഷിച്ചു

ചെമ്പേരി: വെട്ടിയ്ക്കൽ കുടുംബാംഗമായ സിസ്റ്റർ ഡോ. ലില്ലി ജോസിന്‍റെ സന്യസ്ത സുവർണ ജൂബിലി ആഘോഷം ചെമ്പേരി മദർ തെരേസ ഓഡിറ്റോറിയത്തിൽ നടന്നു. തലശേരി ആർച്ച്ബിഷപ് മാർ ജോസഫ് പാംപ്ലാനി ഉദ്ഘാടനം ചെയ്തു. ഫാ. മാത്യു മണിമലത്തറപ്പേൽ അധ്യക്ഷത വഹിച്ചു. തലശേരി അതിരൂപത ജുഡീഷൽ വികാരി റവ.ഡോ ജോസ് വെട്ടിയ്ക്കൽ ആമുഖപ്രഭാഷണം നടത്തി. ശ്രീകണ്ഠപുരം മുനിസിപ്പൽ ചെയർപേഴ്സൺ കെ.വി. ഫിലോമിന, സിസ്റ്റർ ഗ്രേസിസ് എഫ്സിസി, സിസ്റ്റർ ഗ്ലാഡിസ്, ഡോ.വി.എ.അഗസ്റ്റിൻ എന്നിവർ പ്രസംഗിച്ചു. സിസ്റ്റർ ഡോ. ലില്ലി ജോസ് മറുപടി പ്രസംഗം നടത്തി.

സ്കൂൾ വാഹനങ്ങൾ പരിശോധനയ്ക്ക് ഹാജരാക്കണം

തളിപ്പറമ്പ്: അധ്യയന വർഷാരംഭത്തിന് മുന്നോടിയായി തളിപ്പറമ്പ് സബ് റീജണൽ ട്രാൻസ്പോർട്ട് ഓഫീസ് പരിധിയിലെ സ്കൂൾ വാഹനങ്ങളുടെ പരിശോധന 17, 24, 31 എന്നീ തീയതികളിൽ കാഞ്ഞിരങ്ങാട് ടെസ്റ്റ് ഗ്രൗണ്ടിൽ നടക്കും. ഒരുദിവസം 100 വാഹനങ്ങളാണ് പരിശോധിക്കുക. എല്ലാ സ്കൂൾ അധികൃതരും മേൽ തീയതികൾ മുൻകൂട്ടി ബുക്ക് ചെയ്യേണ്ടതാണ്. ഏപ്രിൽ ഒന്നിന് മുന്പായി ഫിറ്റ്നസ് പുതുക്കിയ വാഹനങ്ങൾ പരിശോധനയ്ക്ക് ഹാജരാക്കണം. വാഹന പരിശോധന നടത്തി സ്റ്റിക്കർ പതിക്കാത്ത സ്കൂൾ വാഹനങ്ങൾക്കെതിരെ കർശന നടപടിയെടുക്കും. ഫോൺ: 9188961949.

ഓട്ടോറിക്ഷ ഇടിച്ച് ബൈക്ക് യാത്രികന് പരിക്ക്

ഉളിക്കൽ: ഉളിക്കൽ-പയ്യാവൂർ റോഡിൽ കോക്കാട് ബൈക്കും ഓട്ടോറിക്ഷയും കൂട്ടിയിടിച്ച് ബൈക്ക് യാത്രക്കികന് പരിക്കേറ്റു. പയ്യാവൂർ സ്വദേശി അശ്വിൻ വർഗീസിനാണ് (24) പരിക്കേറ്റത്. കഴിഞ്ഞ വ്യാഴാഴ്ച രാവിലെയാണ് അപകടം. പയ്യാവൂരിൽ നിന്നും ഉളിക്കൽ ഭാഗത്തേക്ക് വരികയായിരുന്ന ബൈക്കിൽ എതിർ ദിശയിൽ നിന്നും അമിതവേഗതയിൽ വന്ന ഓട്ടോറിക്ഷ ഇടിക്കുകയായിരുന്നു. റോഡിലേക്ക് തെറിച്ചുവീണ പരാതിക്കാരന്‍റെ ഇടതുകൈയുടെ എല്ലിന് പൊട്ടൽ സംഭവിച്ചു. ഓട്ടോഡ്രൈവർക്കെതിരേ പോലീസ് കേസെടുത്തു.

പൂർവവിദ്യാർഥി സംഗമം

ചപ്പാരപ്പടവ്: ചപ്പാരപ്പടവ് ഹൈസ്കൂൾ 1979-80 എസ്എസ്എൽസി ബാച്ചിന്‍റെ വാർഷിക സംഗമം എടക്കോം ഓറ സൂപ്പർ മാർക്കറ്റ് ഹാളിൽ നടന്നു. തളിപ്പറമ്പ് ബ്ലോക്ക് പഞ്ചായത്തംഗം ഷീജ കൈപ്രത്ത് ഉദ്ഘാടനം ചെയ്തു. ടി.ജെ. സേവ്യർ അധ്യക്ഷത വഹിച്ചു. ന്യൂഡൽഹി എഐഐഎംഎസിൽ നിന്നും എംഡി ബിരുദം നേടിയ ഡോ. പി. ജിഷ്ണു, രാജസ്ഥാൻ ജെജെടി സർവകലാശാലയിൽ നിന്നും ഫാർമസ്യൂട്ടിക്കൽ സയൻസിൽ ഡോക്ടറേറ്റ് നേടിയ ഡോ. എം.വി. ശാന്തി എന്നിവരെ അനുമോദിച്ചു. ബ്ലോക്ക് പഞ്ചായത്തംഗം ഉനൈസ് എരുവാട്ടി ഉപഹാരം നൽകി. പഞ്ചായത്തംഗം പ്രീത ലക്ഷ്മണൻ, സി.ഡി. വസന്തകുമാരി, പി. ചന്ദ്രശേഖരൻ, എം. ലക്ഷ്മണൻ, ഡോ. എം.വി. ശാന്തി, എം. നമിത, ടി.വി. പവിത്രൻ എന്നിവർ പ്രസംഗിച്ചു. വിവിധ കലാ-കായിക പരിപാടികളും നടന്നു.

സിപിഎം ആക്രമണം: യൂത്ത് കോൺഗ്രസിന്‍റെ അതിജീവന യാത്ര ഇന്ന്

മലപ്പട്ടം: യൂത്ത് കോൺഗ്രസ് തളിപ്പറമ്പ് നിയോജക മണ്ഡലം സെക്രട്ടറി മലപ്പട്ടം അടുവാപ്പുറത്തെ സനീഷിന്‍റെ വീട് ആക്രമിക്കുകയും ഗാന്ധിസ്‌തൂപം തകർക്കുകയും ചെയ്ത സംഭവത്തിൽ യൂത്ത് കോൺഗ്രസ് ജില്ലാ കമ്മിറ്റിയുടെ ജനാധിപത്യ അതിജീവന യാത്ര ഇന്ന് നടക്കും. സംഘടനസ്വാതന്ത്യം നിഷേധിക്കുന്ന സിപിഎം ഭീകരതക്കെതിരെയും ഗാന്ധി നിന്ദക്കെതിരെയും രാഹുൽ മാങ്കൂട്ടത്തിൽ എംഎൽഎ നയിക്കുന്ന യാത്ര ഉച്ചകഴിഞ്ഞ് രണ്ടിന് അടുവാപ്പുറത്ത് നിന്നും മലപ്പട്ടം ടൗണിലേക്കാണ് സംഘടിപ്പിക്കുന്നത്. ആക്രമണം നടത്തിയ സിപിഎമ്മുകാരെ ഉടൻ അറസ്‌റ്റ് ചെയ്യണമെന്ന് മലപ്പട്ടം മണ്ഡലം കോൺഗ്രസ് കമ്മിറ്റി യോഗം ആവശ്യപ്പെട്ടു. അതിജീവന യാത്രയുമായി ബന്ധപ്പെട്ടു നടത്തിയ യോഗം കോൺഗ്രസ് കൊളച്ചേരി ബ്ലോക്ക് പ്രസിഡന്‍റ് കെ.പി. ശശിധരൻ ഉദ്ഘാടനം ചെയ്തു. മണ്ഡലം പ്രസിഡന്‍റ് എം.പി. രാധാകൃഷ്ണൻ അധ്യക്ഷത വഹിച്ചു.

പെയിന്‍റിംഗ് ജോലിക്കെത്തിയ ആളുടെ പണം കവർന്നു

കൂത്തുപറമ്പ്: പാറാല്‍ നിങ്കിലേരിയിലെ വീട്ടില്‍ പെയിന്‍റിംഗ് ജോലിക്കെത്തിയ ആളുടെ ബാഗില്‍ നിന്നു പണം കവർന്നു. ബാഗില്‍ നിന്ന് പണം മോഷ്ടിക്കുന്നതിന്‍റെ ദൃശ്യങ്ങള്‍ പുറത്തുവന്നിട്ടുണ്ട്. പൂക്കോട് സ്വദേശി വി. ഷാജിയുടെ പണമാണ് നഷ്ടപ്പെട്ടത്. മാസ്‌ക് ധരിച്ചെത്തിയ ആളാണ് പണം കവര്‍ന്നത്. വീട്ടുകാര്‍ പറശിനിക്കടവില്‍ പോയ സമയത്തായിരുന്നു മോഷണം. പോലീസ് അന്വേഷണം ആരംഭിച്ചു.

ജപ്പാൻ തൊഴിൽ മേള 19ന് കണ്ണൂരിൽ

കണ്ണൂർ: കോളജ് ഓഫ് കൊമേഴ്സ് ലാംഗ്വേജ് അക്കാഡമിയുടെ ആഭിമുഖ്യത്തിൽ 19ന് ജപ്പാൻ തൊഴിൽ മേള സംഘടിപ്പിക്കുന്നു. കോളജ് ഓഫ് കൊമേഴ്സിൽ രാവിലെ ഒന്പതിന് മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്യുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു. പ്ലസ് ടൂ, ഐടിഐ, ഡിപ്ലോമ, ഡിഗ്രി, ബിടെക്, ജെഡിഎ, എഎൻഎം, ജിഎൻഎം, ബിഎസ്‌സി നഴ്സിംഗ് കോഴ്സുകൾ കഴിഞ്ഞ18 മുതൽ 27 വരെ പ്രായമുള്ള തൊഴിൽ അന്വേഷകർക്ക് പങ്കെടുക്കാം. മൂന്ന് ജപ്പാൻ പ്രതിനിധികൾ തൊഴിൽ മേളയിൽ പങ്കെടുക്കും. ഇന്ത്യ-ജപ്പാൻ സർക്കാരുകൾ തമ്മിൽ ഒപ്പുവച്ച കരാറിന്‍റെ അടിസ്ഥാനത്തിൽ 18-27നും ഇടയിൽ പ്രായ മുള്ള യുവജനങ്ങൾക്ക് ജപ്പാൻ ഭാഷാ പ്രാവിണ്യം നേടിയാൽ ജപ്പാനിൽ മാസം ഒരു ലക്ഷം മുതൽ മുക ളിലോട്ട് ശമ്പളം ലഭിക്കുന്ന അവസരങ്ങളുണ്ട്. തൊഴിൽ മേളയിൽ പങ്കെടുക്കുന്നതിനായി 8281769555, 9446353155 എന്നീ നമ്പറുകളിൽ ബന്ധപ്പെടണം. പത്രസമ്മേളനത്തിൽ സി. അനിൽകുമാർ, കെ.എം. തോമസ്, ടി.ജെ. സന്തോഷ്, ലിജി ബിജു എന്നിവർ പങ്കെടുത്തു.

വയോജനങ്ങളുടെ പ്രശ്‌നങ്ങൾ മനസിലാക്കുന്നതിൽ പുതുതലമുറ പരാജയപ്പെടുന്നു: മന്ത്രി കടന്നപ്പള്ളി

കണ്ണൂർ: വയോജനങ്ങൾ അവരുടെ വീടുകളിൽ ഒറ്റപ്പെടുന്നുണ്ടെന്നും അവരുടെ പ്രശ്‌നങ്ങൾ മനസിലാക്കാൻ പുതുതലമുറ പരാജയപ്പെടുന്ന അവസ്ഥ വർധിച്ചു വരികയാണെന്നും മന്ത്രി കടന്നപ്പള്ളി രാമചന്ദ്രൻ. "എന്‍റെ കേരളം' പ്രദർശന വിപണനമേളയിൽ സാമൂഹ്യനീതി വകുപ്പിന്‍റെ നേതൃത്വത്തിൽ സംഘടിപ്പിച്ച വയോജന സൗഹൃദ കേരളം സെമിനാർ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ജില്ലാ പഞ്ചായത്ത് വൈസ് പ്രസിഡന്‍റ് ബിനോയ് കുര്യൻ അധ്യക്ഷത വഹിച്ചു. സംസ്ഥാന വയോജന കൗൺസിലിൽ ഉപദേശക സമിതി അംഗം പ്രഫ. കെ. സരള, കെ.എ പ്രദീപ് എന്നിവർ ക്ലാസുകൾ നയിച്ചു. സബ് കളക്ടർ കാർത്തിക് പാണിഗ്രഹി, ജില്ലാ വയോജന കമ്മിറ്റി അംഗം പി. ലീല എന്നിവർ പ്രസംഗിച്ചു. ഓർഫനേജ് കൺട്രോൾ ബോർഡ് കേരളം മെംബർ സിസ്റ്റർ വിനീത, ജില്ലാ വയോജന കമ്മിറ്റി അംഗങ്ങളായ വി.എം. സുകുമാരൻ, സി.പി. ചാത്തുകുട്ടി, സീനിയർ സിറ്റിസൺസ് ഫ്രണ്ട്‌സ് വെൽഫെയർ അസോസിയേഷൻ ജില്ലാ സെക്രട്ടറി ബാലകൃഷ്ണൻ, കേരള സീനിയർ സിറ്റിസൺസ്‌ ഫോറം ജില്ലാ സെക്രട്ടറി, രഘുനാഥൻ നമ്പ്യാർ, കേരള ഓർഫനേജസ് ആൻഡ് ഇൻസ്റ്റിറ്റ്യൂഷൻസ് ജില്ലാ പ്രസിഡന്‍റ് ബ്രദർ സജി, മെന്‍റൽൽ ഹെൽത്ത് റിവ്യൂ ബോർഡ് മെംബർ ബ്രദർ സ്റ്റീഫൻ, ജില്ലാ സാമൂഹ്യ നീതി ഓഫീസർ പി. ബിജു, ഗവ. വൃദ്ധ മന്ദിരം സൂപ്രണ്ട് പി.ആർ. രാധിക, കൃഷ്ണ മേനോൻ കോളജ് എൻഎസ്എസ് പ്രോഗ്രാം കോ-ഓർഡിനേറ്റർ ഡോ. കെ.പി. നിധീഷ്, പ്രൊബേഷൻ ഓഫീസർ കെ. സജിത, എ.ഒ. പ്രസന്നൻ, ഡോ. സുഹൈൽ ഖാലിദ് എന്നിവർ ഓപ്പൺ ഫോറത്തിൽ നടന്ന ചർച്ചയിൽ പങ്കെടുത്തു.

തിരക്കിട്ട സന്ദർശനങ്ങളിൽ സണ്ണി ജോസഫ്

മട്ടന്നൂർ: നിയുക്ത കെപിസിസി പ്രസിഡന്‍റ് സണ്ണി ജോസഫ് എംഎൽഎ മട്ടന്നൂരിൽ വിവിധ ഇടങ്ങളിൽ സന്ദർശനം നടത്തി. കഴിഞ്ഞ നിയമസഭ തെരഞ്ഞെടുപ്പ് സമയത്ത് യുഡിഎഫ് പ്രചാരണത്തിനായി അലങ്കാരങ്ങൾ ഒരുക്കുന്നതിനിടെ ഷോക്കേറ്റു മരിച്ച ചാവശേരി സ്വദേശി സിനാന്‍റെ വീട്ടിലായിരുന്നു ആദ്യ സന്ദർശനം. മട്ടന്നൂർ അന്താരാഷ്ട്ര വിമാനത്താവളത്തിൽ ഹജ്ജ് ക്യാമ്പിന്‍റെ ഉദ്ഘാടനത്തിന് എത്തിച്ചേർന്ന പാണക്കാട് സയ്യിദ് സാദിഖലി ശിഹാബ് തങ്ങളുമായും സണ്ണി ജോസഫ് ചർച്ച നടത്തി. വൈകുന്നേരം അഞ്ചോടെ കൊല്ലപ്പെട്ട മുൻ യൂത്ത് കോൺഗ്രസ് മട്ടന്നൂർ ബ്ലോക്ക് പ്രസിഡന്‍റ് ശുഹൈബ് എടയന്നൂരിന്‍റെ വീടും അദ്ദേഹം സന്ദർശിച്ചു.

പാർട്ടി ഏൽപ്പിച്ച പുതിയ ഉത്തരവാദിത്വം പേരാവൂരിലെ പ്രവർത്തകർക്കുള്ള അംഗീകാരം: സണ്ണി ജോസഫ്

ഇരിട്ടി: പാർട്ടി ഏൽപ്പിച്ച പുതിയ ഉത്തരവാദിത്വം പേരാവൂരിലെ പ്രവർത്തകർക്ക് ലഭിച്ച അംഗീകാരമാ ണെന്ന് നിയുക്ത കെപിസിസി പ്രസിഡന്‍റ് സണ്ണി ജോസഫ് എംഎൽഎ. നിയോജക മണ്ഡലത്തിലെ ജനപ്രതിനിധി എന്ന നിലയിൽ മുഴുവൻ സമയം മണ്ഡലത്തിൽ ചെലവഴിക്കാൻ കഴിഞ്ഞില്ലെങ്കിലും ജനങ്ങൾക്ക് ഒപ്പമാണ് തന്‍റെ മനസെന്നും എംഎൽഎ പറഞ്ഞു. എങ്കിലും മണ്ഡലത്തിൽ മികച്ച പ്രവർത്തനം നടത്താൻ കഴിവുള്ള പാർട്ടി പ്രവർത്തകർ തനിക്ക് കരുത്ത് നല്കുന്നു. മുതിർന്ന നേതാക്കളുടെ അനുഭവസമ്പത്തും യുവാക്കളുടെ ഊർജസ്വലതയും പാർട്ടിക്കായി ഉപയോഗിക്കും. അതിനു ഉതകുന്ന ഒരു ടീമിനെയാണ് അഖിലേന്ത്യാ കോൺഗ്രസ് കമ്മിറ്റി നിയോഗിച്ചിരിക്കുന്നത്. അടുത്ത രണ്ടുദിവസവും മണ്ഡലത്തിൽ തന്നെ ഉണ്ടാകും. മുൻകൂട്ടി നിശ്ച‌യിച്ച എല്ലാ പരിപാടികളിലും പങ്കെടുക്കും. അധികാരം ഏൽക്കുന്നതിന് മുന്പ് മുതിർന്ന നേതാക്കളായ കെ. കരുണാകരൻ, ഉമ്മൻ ചാണ്ടി എന്നിവരുടെ സ്‌മൃതി മണ്ഡപങ്ങൾ സന്ദർശിക്കുമെന്നും എംഎൽഎ വ്യക്തമാക്കി.

മാഹി റെയിൽവേ സ്റ്റേഷിൽ നിന്ന് മൊബൈൽ മോഷ്ടിച്ച പ്രതികൾ പിടിയിൽ

മാഹി: മാഹി റെയിൽവേ സ്റ്റേഷനിലെ പ്ലാറ്റ് ഫോമിൽ ഉറങ്ങിക്കിടന്ന കണ്ണൂർ സ്വദേശിയുടെ മൊബൈൽ കവർന്ന മോഷ്ടാക്കൾ ഷൊർണൂരിൽ പിടിയിലായി. മലപ്പുറം പുന്നക്കാട് കരുവാരക്കുണ്ടിലെ രാജു (33), നിലമ്പൂർ വഴിക്കടവിലെ നിഷാബ് (30) എന്നിവരാണ് പിടിയിലായത്. ഇക്കഴിഞ്ഞ 30 നാണ് കണ്ണൂർ സ്വദേശിയുടെ ആൻഡ്രോയ്ഡ് ഫോൺ മാഹി റെയിൽവേ സ്റ്റേഷനിൽ നിന്നും പ്രതികൾ കവർന്നത്. ഷൊർണ്ണൂരിൽ മറ്റൊരു കേസിൽ റെയിൽവേ പോലീസിന്‍റെ കൈയില കപ്പെട്ട പ്രതികളെ ചോദ്യം ചെയ്തപ്പോയാണ് മാഹി റെയിൽവേ സ്റ്റേഷനിലെ മോഷണത്തെക്കുറിച്ച് വെളിപ്പെടുത്തിയത്. പ്രതികളെ ചോമ്പാല പോലീസ് കസ്റ്റഡിയിൽ വാങ്ങി തെളിവെടുപ്പു നടത്തി. ചോമ്പാല എസ്എച്ചഒ വി.കെ. സിജു, എസ്ഐ അനിൽ കുമാർ, സീനിയർ സിവിൽ ഓഫീസർ ഷൈബു, സീനിയർ സിവിൽ ഓഫീസർ സജിത്ത്, സിവിൽ ഓഫീസർ ഡ്രൈവർ നിധീഷ് എന്നിവർ അന്വേഷണ സംഘത്തിലുണ്ടായിരുന്നു.

ഇരിട്ടിയിൽ ട്രാഫിക് എൻഫോഴ്സ്മെന്‍റ് യൂണിറ്റും കൺട്രോൾ റൂമും അനുവദിക്കാനാകില്ലെന്ന് പോലീസ് മേധാവിയുടെ കത്ത്

ഇരിട്ടി: താലൂക്ക് ആസ്ഥാനമായ ഇരിട്ടിയിൽ ട്രാഫിക് എൻഫോഴ്സ്മെന്‍റ് യൂണിറ്റും പോലീസ് കൺട്രോൾ റൂമും അനുവദിക്കാനാകില്ലെന്ന് പോലീസ് മേധാവിയുടെ കത്ത്. നിലവിലെ സാമ്പത്തിക സ്ഥിതിയിൽ ശിപാർശ അംഗീകരിക്കാനാകില്ലെന്നു സർക്കാർ അറിയിച്ചതായി കാണിച്ചാണ് സണ്ണി ജോസഫ് എംഎൽഎക്ക് പോലീസ് മേധാവി കത്ത് നൽകിയിട്ടുള്ളത്. ഇരിട്ടി നഗരത്തിലെ രൂക്ഷമായ ട്രാഫിക്ക് കുരുക്കും അനധികൃത വാഹന പാർക്കിംഗും പരിഹരിക്കുന്നതിന് ട്രാഫിക് പോലീസ് സ്‌റ്റേഷൻ അനുവദിക്കണമെന്ന ആവശ്യം താലൂക്ക് വികസന സമിതി യോഗത്തിലാണ് ആദ്യം ഉയർന്നത്. ഇതേ തുടർന്ന് 2023 ഒക്‌ടോബറിൽ സണ്ണി ജോസഫ് എംഎൽഎ മുഖ്യമന്ത്രിക്കും പോലീസ് മേധാവിക്കും നിവേദനം നൽകിയുരുന്നു. 2018 ജൂലൈ 14ലെ ഉത്തരവു പ്രകാരം ട്രാഫിക് കേസുകളുടെ അന്വേഷണച്ചുമതല ട്രാഫിക് പോലീസ് സ്‌റ്റേഷനുകളിൽ നിന്നും ലോക്കൽ പോലീസ് സ്‌റ്റേഷനുകളിലേക്ക് മാറ്റുകയും ട്രാഫിക് പോലീസ് ‌സ്റ്റേഷനുകളും ട്രാഫിക് യൂണിറ്റുകളും ട്രാഫിക് എൻഫോഴ്‌സ്മെന്‍റ് യൂണിറ്റുകളാക്കി പുനർനാമകരണം ചെയ്യുകയും ചെയ്തിരുന്നു. ഈ സാഹചര്യത്തിൽ ഇരിട്ടിയിൽ ട്രാഫിക് പോലീസ് സ്‌റ്റേഷൻ എന്ന ആവശ്യം പ്രസക്ത‌മല്ലാതായതിനാലാണ് ട്രാഫിക് എൻഫോഴ്സ്മെന്‍റ് യൂണിറ്റും കൺട്രോൾ റൂമും ഇരിട്ടിക്ക് അനുവദിക്കണമെന്ന് ആവശ്യപ്പെട്ട് സർക്കാരിൽ സമർപ്പിച്ച നിവേദനം തള്ളിയത്. ഇതോടെയാണു പദ്ധതി അനുവദിക്കാനാവില്ലെന്നു കാണിച്ച് പോലീസ് മേധാവി എംഎൽഎക്ക് കത്ത് നൽകിയത്.

എസ്എസ്എൽസി : ഇക്കുറി കണ്ണൂർ ഒന്നാമത്

കണ്ണൂർ: എസ്എസ്എൽസി പരീക്ഷയിൽ ഇത്തവണയും മിന്നും വിജയം കരസ്ഥമാക്കി കണ്ണൂർ. 99.87 ശതമാനം വിജയം നേടി സംസ്ഥാനത്ത് ഒന്നാമതെത്തി. തുടർച്ചയായി മൂന്ന് തവണ ഒന്നാമതെത്തിയിരുന്ന ജില്ല കഴിഞ്ഞ വർഷം സംസ്ഥാനത്ത് രണ്ടാം സ്ഥാനത്തായിരുന്നു. എന്നാൽ, ഇത്തവണ ഒന്നാം സ്ഥാനം തിരിച്ചുപിടിച്ചു. ജില്ലയിൽ എസ്എസ്എൽസി പരീക്ഷ എഴുതിയതിൽ 35377 പേരിൽ 35331 കുട്ടികൾ വിജയിച്ചു.18045 ആൺകുട്ടികളും 17,332 പെൺകുട്ടികളാണ് പരീക്ഷയെഴുതിയത്. ഇതിൽ 18015 ആൺകുട്ടികളും 17316 പെൺകുട്ടികളും വിജയിച്ചു. 5997പേർ മുഴുവൻ എ പ്ലസ് നേടി. 2005 ആൺകുട്ടികളും 3992 പെൺകുട്ടികളുമാണ് മുഴുവൻ എ പ്ലസ് നേടിയത്. കണ്ണൂർ വിദ്യാഭ്യാസ ജില്ലയിൽ 7953 പേർ പരീക്ഷയെഴുതിയതിൽ 7946 പേർ വിജയിക്കുകയും 1181 പേർ മുഴുവൻ വിഷയങ്ങളിൽ എ പ്ലസ് നേടുകയും ചെയ്തു. തലശേരി വിദ്യാഭ്യാസ ജില്ലയിൽ 14430 പേര് പരീക്ഷയെഴുതിയതിയതിൽ 14409 കുട്ടികൾ വിജയിച്ചു. 2361 പേർ മുഴുവൻ വിഷയങ്ങളിൽ എ പ്ലസ് നേടി. തളിപ്പറന്പിൽ 12994 കുട്ടികൾ പരീക്ഷയെഴുതിയതിൽ 12976 പേർ വിജയിച്ചു. 2455 പേർ മുഴുവൻ വിഷയങ്ങളിൽ എ പ്ലസ് നേടുകയും ചെയ്തു. കണ്ണൂർ വിദ്യാഭ്യാസ ജില്ലയിൽ മലയാളം പാർട്ട് ഒന്നിലാണ് കൂടുതൽ വിദ്യാർഥികൾ എ പ്ലസ് നേടിയത്. 5498 വിദ്യാ‌ർഥികൾ എ പ്ലസ് നേടി. ഫിസിക്സിലാണ് ഏറ്റവും കുറവ് എ പ്ലസ് (2055). തലശേരി വിദ്യാഭ്യാസ ജില്ലയിൽ 10521 പേർ മലയാളം പാർട് ഒന്നിൽ ഫുൾ എപ്ലസ് നേടി. മാത്‌സിലാണ് ഏറ്റവും കുറവ് എ പ്ലസ് ലഭിച്ചത് (4036). തളിപ്പറമ്പ് വിദ്യാഭ്യാസ ജില്ലയിൽ മലയാളം പാർട് ടുവിനാണ് ഏറ്റവും കൂടുതൽ എ പ്ലസ് ലഭിച്ചത് (9838), എറ്റവും കുറവ് എ പ്ലസ് ലഭിച്ചത് മാത്‌സിലാണ്(3666). പട്ടികജാതി-പട്ടികവർഗ വിഭാഗത്തിൽ കണ്ണൂർ വിദ്യാഭ്യാസ ജില്ലയിൽ 300 പേർ പരീക്ഷയെഴുതിയതിൽ 288 പേരും തലശേരി വിദ്യാഭ്യാസ ജില്ലയിൽ 560 പേർ പരീക്ഷയെഴുതിയതിൽ 557 പേരും തളിപ്പറമ്പ് വിദ്യാഭ്യാസ ജില്ലയിൽ 743 പേർ പരീക്ഷയെഴുതിയതിൽ 741 കുട്ടികളും വിജയിച്ചു. നൂറുശതമാനം വിജയം നേടിയ ഗവ. സ്കൂളുകൾ (വിജയിച്ചവരുടെ എണ്ണം ബ്രായ്ക്കറ്റിൽ) കണ്ണൂർ ഗവ. ഗേൾസ് വിഎച്ച്എസ്എസ് (67), കണ്ണൂർ ഗവ. വിഎച്ച്എസ്എസ് (56), കണ്ണൂർ ഗവ. ടൗൺ എച്ച്എസ്എസ് (52), കണ്ണൂർ ഗവ. സിറ്റി എച്ച്എസ്എസ് (65), പള്ളിക്കുന്ന് ഗവ. എച്ച്എസ്എസ് (145), മുഴപ്പിലങ്ങാട് ഗവ. എച്ച്എസ്എസ് (22), അഴീക്കോട് ഗവ. എച്ച്എസ്എസ് (18), അഴീക്കൽ ജിആർഎഫ്ടിഎച്ച്എസ് (25), പുഴാതി ഗവ. എച്ച്എസ്എസ് (108), കല്യാശേരി കെപിആർജിഎസ് ഗവ. എച്ച്എസ്എസ് (177), അരോളി ഗവ. എച്ച്എസ്എസ് (113), ചേലോറ ഗവ. എച്ച്എസ് (88), ചാല ഗവ. എച്ച്എസ്എസ് (110), പെരളശേരി എകെജിഎസ്ജിഎച്ച്എസ്എസ് (518), മുണ്ടേരി ഗവ. എച്ച്എസ്എസ് (230), തലശേരി ഗവ. ടൗൺ എച്ച്എസ്എസ് (68), തലശേരി ഗവ. ബ്രണ്ണൻ എച്ച്എസ്എസ് (201), തിരുവങ്ങാട് ഗവ. എച്ച്എസ്എസ് (140), കൊടുവള്ളി ഗവ. വിഎച്ച്എസ്എസ് (48), ചിറക്കര ഗവ. വിഎച്ച്എസ്എസ് (58), കാവുംഭാഗം ഗവ. എച്ച്എസ്എസ് (10), പാലയാട് ഗവ. എച്ച്എസ്എസ് (96), ചുണ്ടങ്ങപൊയിൽ ഗവ. എച്ച്എസ്എസ് (32), വടക്കുന്പാട് ഗവ. എച്ച്എസ്എസ് (59), എടയന്നൂർ ജിവിഎച്ച്എസ്എസ് (105), കൂത്തുപറന്പ് ഗവ. എച്ച്എസ്എസ് (197), മന്പറം ഗവ. എച്ച്എസ്എസ് (114), കോട്ടയം (മലബാർ) ജിഎച്ച്എസ് (80), വേങ്ങാട് ഗവ. എച്ച്എസ്എസ് (151), മണത്തണ ഗവ. എച്ച്എസ്എസ് (80), ചെറുവാഞ്ചേരി പാട്യം ഗോപാലൻ മെമ്മോറിയൽ ഗവ. എച്ച്എസ്എസ് (71), പാട്യം ഗവ. എച്ച്എസ്എസ് (58), മാലൂർ ഗവ. എച്ച്എസ്എസ് (142), ആറളം ഗവ. എച്ച്എസ്എസ് (111), പിണറായി എകെജി മെമ്മോറിയൽ ഗവ. എച്ച്എസ്എസ് (222), ആറളം ഫാം ജിഎച്ച്എസ് (71), പുളിങ്ങോം ഗവ. വിഎച്ച്എസ്എസ് (10), തളിപ്പറന്പ് ടാഗോർ വിദ്യാനികേതൻ ഗവ. എച്ച്എസ്എസ് (138), കൊയ്യം ഗവ. എച്ച്എസ് (81), ചുഴലി ഗവ. എച്ച്എസ്എസ് (104), ചെറുകുന്ന് ജിബിഎച്ച്എസ്എസ് (229), ചെറുകുന്ന് ജിവിഎച്ച്എസ്എസ് (268), മാട്ടൂൽ സിഎച്ച്എംകെഎസ്ജിഎച്ച്എസ്എസ് (267), മാടായി ജിബിവി എച്ച്എസ്എസ് (85), കൊട്ടില ഗവ. എച്ച്എസ്എസ് (77), ചെറുതാഴം ഗവ. എച്ച്എസ്എസ് (101), മാടായി ജിജി എച്ച്എസ്എസ് (98), കുഞ്ഞിമംഗലം ഗവ. എച്ച്എസ്എസ് (328), മണക്കടവ് ശ്രീപുരം ഗവ. എച്ച്എസ്എസ് (69), കാർത്തികപുരം ഗവ. വിഎച്ച്എസ്എസ് (65), കണിയൻചാൽ ഗവ. എച്ച്എസ്എസ് (84), മയ്യിൽ ഐഎംഎൻഎസ്ജിഎച്ച്എസ്എസ് (621), ശ്രീകണ്ഠപുരം ജിഎച്ച്എസ്എസ് (206), പരിയാരം കെകെഎൻപിഎം ജിവിഎച്ച്എസ്എസ് (38), പട്ടുവം ജിഎച്ച്എസ് (52), നെടുങ്ങോം ഗവ. എച്ച്എസ്എസ് (75), മലപ്പട്ടം എകെഎസ്ജിഎച്ച്എസ് (77), ചട്ടുകപ്പാറ ഗവ. എച്ച്എസ്എസ് (197), കടന്നപ്പള്ളി ഗവ. എച്ച്എസ്എസ് (169), കുറുമാത്തൂർ ജിവിഎച്ച്എസ്എസ് (118), കോറോം ഗവ. എച്ച്എസ്എസ് (118), എട്ടിക്കുളം ഗവ. എച്ച്എസ്എസ് (37), മാത്തിൽ എംവിഎം കുഞ്ഞിവിഷ്ണുനന്പീശൻ സ്മാരക ഗവ. എച്ച്എസ്എസ് (167), വയക്കര ഗവ. എച്ച്എസ്എസ് (119), മാതമംഗലം സിപി നാരായണൻ സ്മാരക ഗവ. എച്ച്എസ്എസ് (254), തിരുമേനി ഗവ. എച്ച്എസ് (18), പ്രാപ്പൊയിൽ ഗവ. എച്ച്എസ്എസ് (81), വെള്ളൂർ ഗവ. എച്ച്എസ്എസ് (229), പയ്യന്നൂർ ഗവ. ഗേൾസ് എച്ച്എസ്എസ് (50), പയ്യന്നൂർ ഷേണായി സ്മാരക ഗവ. എച്ച്എസ്എസ് (105), പയ്യന്നൂർ എകെഎഎസ്ജിവിഎച്ച്എസ്എസ് (66), കോഴിച്ചാൽ ഗവ. എച്ച്എസ്എസ് (59), പെരിങ്ങോം ഗവ. എച്ച്എസ്എസ് (72), കരിവെള്ളൂർ എവിഎസ് ഗവ. എച്ച്എസ്എസ് (334), ചെറുകുന്ന് ഗവ. വെൽഫെയർ എച്ച്എസ്എസ് (99), പട്ടുവം ഗവ. മോഡൽ റസിഡൻഷ്യൽ എച്ച്എസ്എസ് (31), പടിയൂർ ഗവ. എച്ച്എസ് (96), കാലിക്കടവ് ഗവ. എച്ച്എസ് (76), രയറോം ഗവ. എച്ച്എസ് (52), തവിടിശേരി ഗവ. എച്ച്എസ് (55), തടിക്കടവ് ജിഎച്ച്എസ് (85), കൂറ്റേരി ഗവ. എച്ച്എസ് (57), പാച്ചേനി ഗവ. എച്ച്എസ് (99), ചിറക്കര ഗവ. എച്ച്എസ് (123). എയ്ഡഡ് സ്കൂളുകൾ കണ്ണൂർ സെന്‍റ് തെരേസാസ് എഐജിഎച്ച്എസ്എസ് (201), കണ്ണൂർ സെന്‍റ് മൈക്കിൾസ് എഐഎച്ച്എസ്എസ് (165), കണ്ണൂർ ഡിഐഎസ് ഗേൾസ് എച്ച്എസ്എസ് (305), ചൊവ്വ എച്ച്എസ്എസ് (254), അഴീക്കോട് എച്ച്എസ്എസ് (416), ചിറക്കൽ രാജാസ് എച്ച്എസ്എസ് (73), അഞ്ചരക്കണ്ടി എച്ച്എസ്എസ് (684), കടന്പൂർ എച്ച്എസ്എസ് (1128), കാടാച്ചിറ എച്ച്എസ് (242), പാപ്പിനിശേരി ഇഎംഎസ് സ്മാരക ഗവ. എച്ച്എസ്എസ് (247), തോട്ടട എസ്എൻ ട്രസ്റ്റ് (141), തലശേരി സെന്‍റ് ജോസഫ്സ് എച്ച്എസ്എസ് (338), തലശേരി സേക്രഡ് ഹാർട്ട് ഗേൾസ് എച്ച്എസ്എസ് (214), തലശേരി എംഎം എച്ച്എസ്എസ് (285), കോടിയേരി ഒനിയൻ എച്ച്എസ് (ഏഴ്), കൂടാളി എച്ച്എസ്എസ് (549), പട്ടാന്നൂർ കെപിസി എച്ച്എസ്എസ് (418), കോളയാട് സെന്‍റ് കോർണേലിയൂസ് എച്ച്എസ് (218), പാനൂർ കെകെവി മെമ്മോറിയൽ എച്ച്എസ്എസ് (69), പാനൂർ പിആർഎം എച്ച്എസ്എസ് (405), ചന്പാട് ചോതാവൂർ എച്ച്എസ് (159), ചൊക്ലി രാമവിലാസം എച്ച്എസ്എസ് (504), പെരിങ്ങത്തൂർ എൻഎഎം എച്ച്എസ്എസ് (928), ചൊക്ലി വിപി ഓറിയന്‍റൽ എച്ച്എസ് (55), കൊളക്കാട് സാന്തോം എച്ച്എസ്എസ് (87), കാവുംപാടി സിഎച്ച്എം എച്ച്എസ് (123), അടയ്ക്കാത്തോട് സെന്‍റ് ജോസഫ് എച്ച്എസ് (64), കൊട്ടിയൂർ ഐജെഎം എച്ച്എസ്എസ് (185), കടവത്തൂർ പൊട്ടങ്കണ്ടി കുഞ്ഞഹമ്മദ് ഹാജി മെമ്മോറിയൽ എച്ച്എസ്എസ് (264), ഇരിട്ടി എച്ച്എസ് (257), ശിവപുരം എച്ച്എസ് (188), എടൂർ സെന്‍റ് മേരീസ് എച്ച്എസ് (224), കരിക്കോട്ടക്കരി സെന്‍റ് തോമസ് എച്ച്എസ് (116), വെളിമാനം സെന്‍റ് സെബാസ്റ്റ്യൻസ് എച്ച്എസ്എസ് (186), കുന്നോത്ത് സെന്‍റ് ജോസഫ്സ് എച്ച്എസ് (147), കിളിയന്തറ സെന്‍റ് തോമസ് എച്ച്എസ് (96), അങ്ങാടിക്കടവ് സേക്രഡ് ഹാർട്ട് എച്ച്എസ്എസ് (108), ഒളവിലം രാമകൃഷ്ണ എച്ച്എസ് (113), കരിയാട് നന്പ്യാർസ് എച്ച്എസ് (120), ന്യൂമാഹി എംഎംഎച്ച്എസ് (222), ചെറുപുഴ സെന്‍റ് മേരീസ് എച്ച്എസ് (238), തളിപ്പറന്പ് മൂത്തേടത്ത് എച്ച്എസ് (534), പറശിനിക്കടവ് എച്ച്എസ് (155), ആലക്കോട് എൻഎസ്എസ് എച്ച്എസ്എസ് (116), തേർത്തല്ലി മേരിഗിരി എച്ച്എസ് (81), വായാട്ടുപറന്പ് സെന്‍റ് ജോസഫ്സ് എച്ച്എസ്എസ് (208), പെരുന്പടവ് ബിവിജെഎം എച്ച്എസ് (137), വെള്ളോറ ടാഗോർ മെമ്മോറിയൽ എച്ച്എസ്എസ് (223), പുലിക്കുരുന്പ സെന്‍റ് ജോസഫ്സ് എച്ച്എസ് (40), മടന്പം മേരിലാൻഡ് എച്ച്എസ് (142), പൈസക്കരി ദേവമാതാ എച്ച്എസ് (110), ചന്ദനക്കാംപാറ ചെറുപുഷ്പ എച്ച്എസ് (66), ചെന്പന്തൊട്ടി സെന്‍റ് ജോർജ് എച്ച്എസ് (121), ചെന്പേരി നിർമല എച്ച്എസ്എസ് (127), നെല്ലിക്കുറ്റി സെന്‍റ് അഗസ്റ്റിൻസ് എച്ച്എസ് (58), മണിക്കടവ് സെന്‍റ് തോമസ് എച്ച്എസ് (187), പയ്യാവൂർ സേക്രഡ് ഹാർട്ട് എച്ച്എസ് (118), കുടിയാന്മല മേരിക്വീൻസ് എച്ച്എസ് (90), പയ്യന്നൂർ സെന്‍റ് മേരീസ് ഗേൾസ് എച്ച്എസ് (296), തളിപ്പറന്പ് സർ സയ്യിദ് എച്ച്എസ് (343) അൺ എയ്ഡഡ് സ്കൂളുകൾ കണ്ണൂർ ഡിഐഎസ് ഇഎംഎച്ച്എസ് (44), വളപട്ടണം താജുൽ ഉലൂം ഇഎംഎച്ച്എസ് (63), പാപ്പിനിശേരി ഹിയാത്ത് ഇഎംഎച്ച്എസ് (72), നാറാത്ത് ഫലാഹ് ഇംഗ്ലീഷ് മീഡിയം എച്ച്എസ് (ഏഴ്), നാറാത്ത് ദാറുൽ ഹസ്നാത്ത് ഇംഗ്ലീഷ് മീഡിയം സ്കൂൾ (75), നിർമലഗിരി റാണിജയ് എച്ച്എസ് (158), കടത്തുംകടവ് സെന്‍റ് ജോൺ ബാപ്റ്റിസ്റ്റ് ഇഎംഎച്ച്എസ്എസ് (44), കേളകം ലിറ്റിൽ ഫ്ലവർ ഇംഗ്ലീഷ് മീഡിയം എച്ച്എസ് (65), പള്ളൂർ ശ്രീനാരായണ എച്ച്എസ് (10), ചാലക്കര സെന്‍റ് തെരേസാസ് എച്ച്എസ് (50), പാലോട്ടുപള്ളി വിഎംഎം ഇംഗ്ലീഷ് മീഡിയം സ്കൂൾ (31), പെരിങ്ങാടി അൽഫലാഹ് എച്ച്എസ് (46), തലശേരി ബ്രൈറ്റ് ഇംഗ്ലീഷ് മീഡിയം സ്കൂൾ (32), ചാലക്കര അലൈ ഇംഗ്ലീഷ് മീഡിയം സ്കൂൾ (31), ചാലക്കര എക്സെൽ പബ്ലിക് സ്കൂൾ (135), ചാലക്കര ഡോ. അംബേദ്കർ പബ്ലിക് സ്കൂൾ (ഏഴ്), മാഹി പികെ രാമൻ മെമ്മോറിയൽ എച്ച്എസ് (29), പാറാൽ ഹസൻ ഹാജി ഫൗണ്ടേഷൻ ഇന്‍റർനാഷണൽ സ്കൂൾ (നാല്), പള്ളൂർ ഒ ഖാലിദ് മെമ്മോറിയൽ ഇംഗ്ലീഷ് മീഡിയം സ്കൂൾ (11), പേരട്ട സെന്‍റ് ജോസഫ്സ് സ്കൂൾ (ഒന്ന്), ചെറുപുഴ സെന്‍റ് ജോസഫ്സ് ഇംഗ്ലീഷ് സ്കൂൾ (40), പെരുവളത്തുപറന്പ് ഇരിക്കൂർ റഹ്മാനിയ ഓർഫനേജ് എച്ച്എസ്എസ് (17), രാമന്തളി വടക്കുന്പാട് സിഎച്ച്എംകെഎം എച്ച്എസ്എസ് (49), പഴയങ്ങാടി വാദിഹുദ എച്ച്എസ് (48), തളിപ്പറന്പ് പുഷ്പഗിരി സെന്‍റ് ജോസഫ് എച്ച്എസ് (61), നടുവിൽ സെന്‍റ് മേരീസ് ഇഎംഎച്ച്എസ് (28), ചെറുകുന്ന് സെന്‍റ് ബഖിത ഇംഗ്ലീഷ് മീഡിയം സ്കൂൾ (60), പയങ്ങാടി എംഇസിഎ ഇംഗ്ലീഷ് മീഡിയം സ്കൂൾ (31), പയ്യന്നൂർ കവ്വായി ഖായിതെ മില്ലത്ത് മെമ്മോറിയൽ എച്ച്എസ്എസ് (33), മാട്ടൂൽ നജാത്ത് ഗേൾസ് എച്ച്എസ്എസ് (19).

വയക്കര ഫെസ്റ്റിന് തുടക്കമായി

ചെറുപുഴ: വയക്കര ഗവ. ഹയർ സെക്കൻഡറി സ്കൂൾ ശതാബ്ദി ആഘോഷത്തിന്‍റെ ഭാഗമായി സംഘടിപ്പിക്കുന്ന വയക്കര ഫെസ്റ്റിന് തുടക്കമായി. ടി.ഐ. മധുസൂദനൻ എംഎൽഎ ഉദ്ഘാടനം ചെയ്തു. ശതാബ്ദി ആഘോഷ കമ്മിറ്റി ചെയർമാൻ പി.എൻ. മനോജ്കുമാർ അധ്യക്ഷത വഹിച്ചു. സിനിമാ താരവും അധ്യാപികയുമായ ബിൻജുഷ മേലത്ത് വിശിഷ്ടാഥിതിയായി. പെരിങ്ങോം വയക്കര പഞ്ചായത്ത് വൈസ് പ്രസിഡന്‍റ് ബിന്ദു രാജൻ കുട്ടി, പഞ്ചായത്തംഗങ്ങളായ ടി. സുഗന്ധി, പുഷ്പ മോഹൻ, ആർ. രാധാമണി, കെ.പി. അഭിഷേക്, എ.സി. സന്തോഷ്, ഒ.എ. റസിയ, ടി. സൂരജ്, കെ.വി. വിജയൻ, പിടിഎ പ്രസിഡന്‍റ് പി. മധുസൂദനൻ, വൈസ് പ്രസിഡന്‍റ് കെ.കെ.വി. സുധീർ ബാബു, പ്രിൻസിപ്പൽ എം.ഡി. അനിൽകുമാർ, മുഖ്യാധ്യാപിക ടി.വി. പ്രീത എന്നിവർ പ്രസംഗിച്ചു. വയക്കര ഗവ. ഹയർ സെക്കൻഡറി സ്കൂളിൽ നിന്നും സ്ഥലം മാറി പോകുന്ന അധ്യാപിക എം.വി. രജനിയ്ക്ക് സ്കൂളിന്‍റെ ഉപഹാരം എംഎൽഎ സമ്മാനിച്ചു. തുടർന്ന് അധ്യാപകരുടെയും വിദ്യാർഥികളുടെയും വിവിധ കലാപരിപാടികളും നടന്നു. ഫെസ്റ്റിന്‍റെ ഭാഗമായി ആകർഷകമായ റൈഡുകൾ ഉൾപ്പെടുന്ന പാർക്ക്, സ്റ്റാളുകൾ, ഫുഡ് കോർട്ട്, ഫ്ലവർ ഷോ എന്നിവ ഒരുക്കിയിട്ടുണ്ട്. വിവിധ ദിവസങ്ങളിൽ പ്രശസ്തരായ കലാകാരന്മാർ അവതരിപ്പിക്കുന്ന കലാപരിപാടികളും നടക്കും. ഫെസ്റ്റ് 22ന് സമാപിക്കും.

പയ്യാവൂർ സെന്‍റ് ആൻസ് പള്ളിയിൽ തിരുനാളിന് തുടക്കമായി

പയ്യാവൂർ: സെന്‍റ് ആൻസ് ക്നാനായ കത്തോലിക്ക പള്ളിയിൽ തിരുനാളിന് തുടക്കമായി. വികാരി ഫാ. ബിബിൻ അഞ്ചെമ്പിൽ കൊടിയേറ്റി. തുടർന്ന് വിശുദ്ധ കുർബാനയ്ക്ക് ഫാ. ജിബിൽ കുഴിവേലിൽ കാർമികനായി. പരേതസ്മരണ, സെമിത്തേരി സന്ദർശനം എന്നിവയ്ക്ക് ശേഷം സൺഡേ സ്കൂ‌ൾ, ഭക്തസംഘടനകൾ എന്നിവയുടെ വാർഷികാഘോഷവും കലാസന്ധ്യയും അരങ്ങേറി. ഇന്നു രാവിലെ ഏഴിന് നടക്കുന്ന വിശുദ്ധ കുർബാനയ്ക്ക് ഫാ. ജെയ്‌സൺ വാഴകാട്ട് നേതൃത്വം നൽകും. വൈകുന്നേരം 6.30ന് പൊന്നുംപറമ്പ് കുരിശടിയിൽ ഫാ. സജി മേക്കാട്ടേൽ ലദീഞ്ഞ് അർപ്പിക്കും. ഏഴിന് പള്ളിയിലേക്കുള്ള പ്രദക്ഷിണത്തിന് ഫാ. മാത്യു വട്ടുകുളങ്ങര കാർമികനായിരിക്കും. ഫാ. സിബിൻ കൂട്ടക്കല്ലിങ്കൽ തിരുനാൾ സന്ദേശം നൽകും. 8.45ന് മടമ്പം ഫൊറോന വികാരി ഫാ. സജി മെത്താനത്ത് പരിശുദ്ധ കുർബാനയുടെ ആശീർവാദം നിർവഹിക്കും. രാത്രി ഒമ്പതിന് ഫ്യൂഷൻ ശിങ്കാരിമേളം. നാളെ രാവിലെ 6.30ന് വിശുദ്ധ കുർബാന. 9.30ന് തിരുനാൾ റാസക്ക് ഫാ. ജിതിൻ വല്ലൂർ മുഖ്യകാർമികത്വം വഹിക്കും. ഫാ. ടോമി പട്ടുമാക്കിൽ, ഫാ. ജോമി പതീപ്പറമ്പിൽ, ഫാ. ജോൺസൺ മാരിയിൽ, ഫാ. എൽബിൻ തിരുനെല്ലിപ്പറമ്പിൽ എന്നിവർ സഹകാർമികരായിരിക്കും. ഫാ. സനീഷ് കയ്യാലയ്ക്കകത്ത് തിരുനാൾ സന്ദേശം നൽകും.11.30ന് തിരുനാൾ പ്രദക്ഷിണത്തിന് ഫാ. ജോസ് കറുകപ്പറമ്പിൽ നേതൃത്വം നൽകും. ഉച്ചയ്ക്ക് 12.30 ന് ഫാ. ബേബി കട്ടിയാങ്കൽ പരിശുദ്ധ കുർബാനയുടെ ആശീർവാദം നിർവഹിക്കും. 12ന് രാത്രി 7.30ന് നാടകവും ഉണ്ടായിരിക്കും.

അലന്‍റീന പേരട്ട സെന്‍റ് ജോസഫ്സ് സ്കൂളിന് സ്വന്തം

ഇരിട്ടി: പേരട്ട സെന്‍റ് ജോസഫ് സ്കൂളിന്‍റെ ഈ വർഷത്തെ എസ്എസ്എൽസി നൂറുമേനിക്ക് പ്രത്യേകത ഏറെയുണ്ട്. അലന്‍റീന ജയിംസ് മാത്രമായിരുന്നു സ്കൂളിലെ ഏക എസ്എസ്എൽസി വിദ്യാർഥി. നാല് എ പ്ലസും, ഒരു എയും, രണ്ട് ബി പ്ലസും, മൂന്ന് ബി ഗ്രേഡുമാണ് അലന്‍റീനയ്ക്ക് ലഭിച്ചത്. കോവിഡ് കാലത്തെ കൊഴിഞ്ഞുപോക്കിൽ സഹപാഠികൾ ഒന്നൊന്നായി പിരിഞ്ഞു പോയിട്ടും ആദ്യാക്ഷരം കുറിച്ച വിദ്യാലയത്തിൽ തന്നെ തുടരണം എന്ന കൊച്ചുമിടുക്കിയുടെ ദൃഢനിശ്ചയത്തിന്‍റെ വിജയം കൂടിയാണിത്. എൽകെജി മുതൽ12 വർഷത്തിന് ശേഷമാണ് മാതൃ വിദ്യാലയത്തിൽ നിന്നും അലന്‍റീന പടിയിറങ്ങുന്നത്. കഴിഞ്ഞ ഒരുവർഷക്കാലം അധ്യാപകരും പാഠപുസ്തകങ്ങളും മാത്രമായിരുന്നു അലന്‍റീനയുടെ കൂട്ടുകാർ. ലാഭം നോക്കാതെ മുഖ്യാധ്യാപിക സിസ്റ്റർ ടെക്സി മാത്യുവും അധ്യാപകരും ഏറ്റെടുത്ത ഉത്തരവാദിത്വം പ്രശംസനീയമാണ്. ഒരാൾ മാത്രമുള്ള അറ്റൻഡൻസ് രജിസ്റ്ററിലും അലന്‍റീനയ്ക്ക് മികച്ച ഹാജരാണുള്ളത്. ആത്മാർഥമായ പരിശ്രമത്തിന്‍റെയും കഠിനാധ്വാനത്തിന്‍റെയും ഫലമാണ് ഈ വിജയം.

ആഭ്യന്തര ഉത്പാദനം 13,10,000 കോടിയായി ഉയർന്നു: മുഖ്യമന്ത്രി

കണ്ണൂർ: സംസ്ഥാനത്ത് സമസ്ത മേഖലകളിലും സമഗ്ര വികസനം കൊണ്ടുവരാൻ എൽഡിഎഫിന് കഴിഞ്ഞുവെന്നും സംസ്ഥാനത്തിന്‍റെ ആഭ്യന്തര ഉത്പാദനം ഗണ്യമായ തോതിൽ വർധിപ്പിക്കാനായെന്നും മുഖ്യമന്ത്രി പിണറായി വിജയൻ. 2016ൽ മൊത്തം ആഭ്യന്തര ഉത്പാദനം 5,60,000 കോടി ആയിരുന്നത് ഇപ്പോൾ അത് 13,10,000 കോടി ആയി ഉയർന്നുവെന്നും മുഖ്യമന്ത്രി പറഞ്ഞു. സംസ്ഥാന സർക്കാരിന്‍റെ നാലാം വാർഷികാഘോഷങ്ങളുടെ ഭാഗമായി കണ്ണൂർ ദിനേശ് ഓഡിറ്റോറിയത്തിൽ നടന്ന ജില്ലാതല യോഗം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. 2023-24 വർഷം 70 ശതമാനത്തിലധികം തനത് വരുമാനത്തിൽ വർധനവാണ് സംസ്ഥാനം നേടിയത്. തനത് വരുമാനം 2016 ൽ 55,000 കോടി ആയിരുന്നത് 104,000 കോടിയായി ഉയർന്നു. കഴിഞ്ഞവർഷങ്ങളിൽ നികുതി വരുമാനത്തിൽ വൻ വർധനവാണ് ഉണ്ടായത്. 2016ൽ നികുതി വരുമാനം 47,000 കോടി ആയിരുന്നത് കഴിഞ്ഞവർഷം 81,000 കോടിയായി ഉയർന്നു. ഇത് അഭിമാനകരമായ നേട്ടമാണ്. എന്നാൽ, ഇവ സമൂഹത്തിന്‍റെ മുന്നിൽ ഉയർന്നു വരാറില്ല. അറിയിക്കേണ്ടവർ മറച്ചു വയ്ക്കാനുള്ള ശ്രമമാണ് നടത്തുന്നത്. കടം വല്ലാതെ പെരുകുന്നു എന്നാണ് പ്രചരണം. എന്നാൽ, സംസ്ഥാനത്തെ പൊതു കടവും ആഭ്യന്തര ഉത്പാദനവും തമ്മിലുള്ള അന്തരം 36 ശതമാനമായിരുന്നത് 34 ശതമാനമായി കുറഞ്ഞു. ഇനിയും കുറയും. മറ്റു പല സംസ്ഥാനങ്ങളിലും സംസ്ഥാന ചെലവ് കുറവും കേന്ദ്ര ചെലവ് കൂടുതലുമാണ്. നമ്മുടെ സംസ്ഥാനത്തോടുള്ള പ്രത്യേക നിലപാട് കാരണമാണ് 70 ശതമാനം ചെലവാക്കേണ്ടി വരുന്നത്. ഈ സാമ്പത്തിക വർഷം ഇത് 75 ശതമാനമായി ഉയരാൻ ഇടയുണ്ട്. അപ്പോൾ നമ്മുടെ സംസ്ഥാനത്തിന്‍റെ ബാധ്യത കൂടുകയും കേന്ദ്രത്തിന്‍റെ കുറഞ്ഞു വരികയും ചെയ്യുന്നു. ഈ സാഹചര്യത്തിൽ പിടിച്ചുനിൽക്കാൻ കഴിയുന്നത് ആഭ്യന്തര ഉത്പാദനം വർധിച്ചതുകൊണ്ടാണ്. മന്ത്രി കടന്നപ്പള്ളി രാമചന്ദ്രൻ അധ്യക്ഷത വഹിച്ചു. എഴുത്തുകാരൻ ടി. പദ്മനാഭൻ, കൈതപ്രം ദാമോദരൻ നന്പൂതിരി, പണ്ഡിറ്റ് രമേശ് നാരായണൻ, കാത്തലിക് കോൺഗ്രസ് ഗ്ലോബൽ ഡയറക്ടർ ഫാ. ഫിലിപ്പ് കവിയൽ, തലശേരി അതിരൂപതാ വികാരി ജനറാൾ മോൺ. സെബാസ്റ്റ്യൻ പാലാക്കുഴിയിൽ, കണ്ണൂർ രൂപതാ വികാരി ജനറാൾ മോൺ. ക്ലാരൻസ് പാലിയത്ത്, പ്രഫ. യു.ജി. മജീദ്, കെ.കെ. മാരാർ, വ്യവസായി പി.കെ. മായിൻ മുഹമ്മദ്, ഹോട്ടൽ ആൻഡ് റസ്റ്റോറന്‍റ് അസോസിയേഷൻ ജനറൽ സെക്രട്ടറി കെ.പി. ബാലകൃഷ്ണ പൊതുവാൾ, ചേംബർ ഓഫ് കൊമേഴ്സ് പ്രസിഡന്‍റ് ടി.കെ. രമേശ്കുമാർ, ഫുട്‌ബോൾ താരം ബിനീഷ് കിരൺ, കുസാറ്റ് ശാസ്ത്രഞ്ജൻ എം.ജി. മനോജ്, മീറ്റ് പ്രൊഡക്ട്‌സ് ഓഫ് ഇന്ത്യ മുൻ എംഎഡി ഡോ പിരി മോഹനൻ, കണ്ണൂർ യൂണിവേഴ്‌സിറ്റി ചെയൽ പേഴ്‌സൺ കെ. ആര്യ എന്നിവരുൾപ്പെടെ വിവിധ മേഖലകളിലുള്ളവർ ജില്ലാതലയോഗത്തോടനുബന്ധിച്ച് മുഖ്യമന്ത്രിയുമായി നടത്തിയ മുഖാമുഖം പരിപാടിയിൽ പങ്കെടുത്തു. വി. ശിവദാസൻ എംപി, എംഎൽഎമാരായ എം.വി. ഗോവിന്ദൻ, കെ.കെ. ശൈലജ, ടി.ഐ. മധുസൂദനൻ, കെ.പി. മോഹനൻ, കെ.വി. സുമേഷ്, എം. വിജിൻ, സംസ്ഥാന ആസൂത്രണ ബോർഡ് ഉപാധ്യക്ഷൻ വി.കെ. രാമചന്ദ്രൻ, ജില്ലാപഞ്ചായത്ത് പ്രസിഡന്‍റ് കെ.കെ. രത്നകുമാരി, ഗവ. സെക്രട്ടറി കേശവേന്ദ്രകുമാർ, ജില്ലാ കളക്ടർ അരുൺ കെ. വിജയൻ, മുൻ മന്ത്രി ഇ.പി. ജയരാജൻ, എസ്ആർഡി പ്രസാദ്, പി.ശശി, എം.വി. ജയരാജൻ, വിനോദിനി ബാലകൃഷ്ണൻ, സന്തോഷ് കീഴാറ്റൂർ, സുബീഷ് സുധി, കാസിം ഇരിക്കൂർ, ഉണ്ണി കാനായി, സ്വാമി കൃഷ്ണാനന്ദ ഭാരതി, രതീഷ് പല്ലവി, നാരായണ പെരുവണ്ണാൻ, ഡോ സുമിത നായർ, അറക്കൽ ആദിരാജ ഹമീദ്, ഹുസൈൻ കോയമ്മ തുടങ്ങി എഴുനൂറിലേറെ പേർ യോഗത്തിൽ പങ്കെടുത്തു.

എംഡിഎംഎയുമായി രണ്ടുപേര്‍ അറസ്റ്റില്‍

തളിപ്പറമ്പ്: ബൈക്കിൽ എംഡിഎംഎയുമായി സഞ്ചരിക്കുകയായിരുന്ന രണ്ടു പേരെ പോലീസ് അറസ്റ്റ് ചെയ്തു. അള്ളാംകുളം സ്വദേശി കുട്ടൂക്കന്‍ മുജീബ് (40), ഉണ്ടപ്പറമ്പിലെ എ.പി. മുഹമ്മദ് മുഫാസ് (28) എന്നിവരെയാണ് എസ്ഐ കെ.വി. സതീശന്‍റെയും റൂറല്‍ ജില്ലാ പോലീസ് മേധാവി അനൂജ് പലിവാളിന്‍റെ ഡാന്‍സാഫ് ടീമും ചേര്‍ന്ന് പിടികൂടിയത്. വ്യാഴാഴ്ച രാത്രി പതിനൊന്നരയോടെ കരിന്പം ഗവ. താലൂക്ക് ആശുപത്രിക്കു സമീപം വച്ചാണ് ഇരുവരെയും പിടികൂടിയത്. ഇവരിൽ നിന്നും 2.621 ഗ്രാം എംഡിഎംഎയും മൂന്നു മൊബൈൽ ഫോണുകളും പിടിച്ചെടുത്തു. ബൈക്കും കസ്റ്റഡിയിലെടുത്തു. മുഫാസ് നേരത്തെ മയക്കുമരുന്ന് കേസിൽ പ്രതിയാണെന്ന് പോലീസ് പറഞ്ഞു. തളിപ്പറമ്പ് പ്രദേശത്ത് എംഡിഎംഎ എത്തിക്കുന്നവരില്‍ പ്രധാനികളാണ് ഇരുവരുമെന്ന് പോലീസ് പറഞ്ഞു.

ബിജെപി നേതാക്കൾ സ്ഥലം സന്ദർശിച്ചു

നടുവിൽ: നടുവിൽ പഞ്ചായത്തിന്‍റെ കീഴിലുള്ള മാലിന്യ കൂമ്പാരങ്ങൾ കത്തി നശിച്ച സ്ഥലം ബിജെപി ജില്ലാ വൈസ് പ്രസിഡന്‍റ് ഗംഗാധരൻ കാളീശ്വരത്തിന്‍റെ നേതൃത്വത്തിൽ സന്ദർശിച്ചു. നിരവധി പ്രക്ഷോഭങ്ങൾ നടത്തിയിട്ടും ജനങ്ങളെ വെല്ലുവിളിച്ച പഞ്ചായത്തിന്‍റെ നടപടി തീർത്തും അപലപനീയമാണെന്ന് അദ്ദേഹം പറഞ്ഞു. പ്ലാസ്റ്റിക് മാലിന്യങ്ങൾ കത്തിയതിനെ തുടർന്നുണ്ടായ പുകയിൽ പരിസര പ്രദേശങ്ങളിലെ ജനങ്ങൾക്ക് ശ്വാസ തടസം പോലുള്ള രോഗങ്ങൾ ഉണ്ടാവാനും സാധ്യത ഉണ്ട്. മാലിന്യ കേന്ദ്രത്തിലുണ്ടായ തീപിടിത്തത്തിൽ പഞ്ചായത്ത് അധികൃതരുടെ പങ്ക് അന്വേഷിക്കണമെന്നും വേണ്ട നടപടികൾ എടുക്കണമെന്നും ഗംഗാധരൻ കാളീശ്വരം ആവശ്യപ്പെട്ടു. ബിജെപി നടുവിൽ ഏരിയ കമ്മിറ്റി പ്രസിഡന്‍റ് എ.വി. മണികണ്ഠൻ, ജനറൽ സെക്രട്ടറി കെ. സജിത്ത് എന്നിവരും കൂടെയുണ്ടായിരുന്നു.

നടുവിൽ എംസിഎഫിലെ തീപിടിത്തം; പഞ്ചായത്തിനെതിരേ ആരോപണം

നടുവിൽ: നടുവിൽ ടൗണിലെ തീപിടുത്തത്തിന് കാരണം പഞ്ചായത്തിന്‍റെ അനാസ്ഥയാണെന്ന് ആരോപണം. വ്യാഴാഴ്ച രാത്രി 9.30 ഓടെയാണ് പഞ്ചായത്ത് സ്റ്റേഡിയത്തിന് സമീപത്തെ പഞ്ചായത്തിന്‍റെ പ്ലാസ്റ്റിക് മാലിന്യ കേന്ദ്രത്തിൽ തീപിടിത്തം ഉണ്ടായത്. ഒരു വർഷത്തോളമായി ഇവിടെ നിന്നും പ്ലാസ്റ്റിക്കുകൾ, റബർ, ലെതർ ഉത്പന്നങ്ങൾ, കുപ്പികൾ ഉൾപ്പെടെയുള്ള മാലിന്യങ്ങൾ നീക്കം ചെയ്തിട്ടില്ലെന്നാണ് പ്രദേശവാസികൾ പറയുന്നത്. തളിപ്പറമ്പ്, കണ്ണൂർ, പയ്യന്നൂർ എന്നിവിടങ്ങളിൽ നിന്നും അഗ്നിശമന രക്ഷാസേനയെത്തി ഇന്നലെ പുലർച്ചെ മൂന്നോടെയാണ് തീ നിയന്ത്രണവിധേയമാക്കിയത്. തീപിടിത്തത്തിൽ എംസിഎഫ് കേന്ദ്രത്തിന്‍റെ കെട്ടിടം പൂർണമായും കത്തി നശിച്ചു. ഇവിടെ നിന്നും പ്ലാസ്റ്റിക് മാലിന്യങ്ങൾ മാസങ്ങളായി പൂർണമായും നീക്കാത്തതിൽ നേരത്തെ തന്നെ പ്രതിഷേധം ശക്തമായിരുന്നു. പ്ലാസ്റ്റിക് വില്പന നടത്തിയാൽ പ്രതിഫലം കിട്ടുന്ന പ്ലാസ്റ്റിക്കുകൾ മാത്രമാണ് ഇവിടെ നിന്നും കയറ്റി പോകുന്നത്. ക്ലീൻ കേരളയ്ക്ക് കിലോയ്ക്ക് 10 രൂപ വീതം നൽകേണ്ട പ്ലാസ്റ്റിക്കുകളും മറ്റു മാലിന്യങ്ങളും പഞ്ചായത്ത് പണം അടക്കേണ്ടതിനാൽ കയറ്റിവിടാതെ ഇവിടെത്തന്നെ കൂട്ടിയിട്ടിരിക്കുകയാണ്. വീടുകളിൽ നിന്നും സ്ഥാപനങ്ങളിൽ നിന്നും പ്ലാസ്റ്റിക് ശേഖരണത്തിന് കൃത്യമായി യൂസർ ഫീസ് വാങ്ങുന്നവർ ഇവിടെ എത്തിക്കുന്ന പ്ലാസ്റ്റിക് കയറ്റി അയയ്ക്കുന്നതിന് ഫീസ് അടക്കാൻ ഉപേക്ഷ കാണിക്കുന്നത് വലിയ അനാസ്ഥയാണെന്നാണ് നാട്ടുകാരുടെ ആരോപണം. പ്ലാസ്റ്റിക് കൂമ്പാരത്തിന് തീപിടിച്ചത് ഭരണകൂടത്തിന്‍റെ അനാസ്ഥയാണെന്നും നാട്ടുകാർ പറയുന്നു. പ്രദേശം സാമൂഹ്യ വിരുദ്ധരുടെ താവളം കൂടിയാണ്. പകൽസമയത്ത് ഉൾപ്പെടെ മദ്യം, മയക്കു മരുന്ന് മാഫിയയുടെ അഴിഞ്ഞാട്ടവും നടക്കുന്നുണ്ട്. കഴിഞ്ഞദിവസം ഇവിടെ നിന്നും കഞ്ചാവുമായി കുടിയാന്മല പോലീസ് ഒരാളെ അറസ്റ്റ് ചെയ്തിരുന്നു. പുകവലിക്കാരിൽ നിന്നും അബദ്ധത്തിൽ മാലിന്യത്തിന് തീപിടിച്ചതാണെന്ന് സംശയിക്കുന്നു. പ്രദേശത്തെ സിസിടിവി കാമറകൾ പരിശോധനയ്ക്ക് വിധേയമാക്കും എന്ന് പോലീസ് അറിയിച്ചു. വലിയ സ്ഫോടനത്തടെയാണ് തീപിടിച്ച് കത്തിയതെന്ന് നാട്ടുകാർ പറയുന്നു. ഇതിന് സമീപത്തു തന്നെയാണ് നടുവിൽ ഗവൺമെന്‍റ് പൊളിടെക്നിക്കും, ഹോസ്റ്റലും, നിരവധി ഗവൺമെന്‍റ് സ്ഥാപനങ്ങളും പ്രവർത്തിക്കുന്നത്. അവധി ദിനങ്ങൾ ആയതിനാൽ ഹോസ്റ്റലിൽ കുട്ടികൾ ഉണ്ടായിരുന്നില്ല. സമീപത്തെ കെട്ടിടങ്ങൾക്കും കേടുപാടുകൾ സംഭവിച്ചിട്ടുണ്ട്.

വാഹനാപകടത്തിൽ പരിക്കേറ്റ മുൻ പഞ്ചായത്തംഗം മരിച്ചു

ചെറുപുഴ: വാഹനാപകടത്തിൽ പരിക്കേറ്റ് ചികിത്സയിലായിരുന്ന മുൻ പഞ്ചായത്തംഗം മരിച്ചു. സിപിഎം നേതാവും മുൻ ചെറുപുഴ പഞ്ചായത്തംഗവുമായ ചുണ്ടയിലെ പി. രാമചന്ദ്രൻ അടിയോടി (63) യാണ് മരിച്ചത്. ചെറുപുഴയിലെ ചുണ്ട-തൊട്ടിക്കുണ്ട് റോഡിൽ കഴിഞ്ഞ ഞായറാഴ്ചയായിരുന്നു അപകടം. കണ്ണൂരിലെ സ്വകാര്യ ആശുപത്രിയിലിരിക്കെ ഇന്നലെ വൈകുന്നേരമായിരുന്നു മരണം. പരേതനായ പേറയിൽ ഗോപാലൻ നായർ-അടിയോടി പാർവതി ദന്പതികളുടെ മകനാണ്. ഭാര്യ: പ്രമീള. മകൾ: ദീപ്തി. മരുമകൻ: സുനീഷ്. സഹോദരങ്ങൾ: രാജേന്ദ്രൻ (മുംബൈ), സുധാകരൻ (റിട്ട. അധ്യാപകൻ). മൃതദേഹം പരിയാരത്തെ കണ്ണൂർ ഗവ. മെഡിക്കൽ കോളജ് ആശുപത്രിയിൽ സൂക്ഷിച്ചിരിക്കുകയാണ്. ഇന്ന് ഉച്ചയ്ക്ക് ചുണ്ടയിലും രണ്ടു മുതൽ വീട്ടിലും നടക്കുന്ന പൊതുദർശനത്തിന് ശേഷം വൈകുന്നേരം നാലിന് കോലുവള്ളി മോക്ഷ തീരം ശ്മശാനത്തിൽ സംസ്കരിക്കും.

ആയിക്കരയിൽ ഐസ് പ്ലാന്‍റിൽ അമോണിയം ചോർച്ച

കണ്ണൂർ: ഐസ് പ്ലാന്‍റിൽ അമോണിയം ചോർന്നത് പരിഭ്രാന്തി പരത്തി. ആയിക്കരയിലെ മോഡേൺ ഐസ് പ്ലാന്‍റിലാണ് ഇന്നലെ പുലർച്ചെ അമോണിയം ചോർച്ച ഉണ്ടായത്. കണ്ണൂർ അഗ്നിശമന രക്ഷാ സേന സ്റ്റേഷൻ ഓഫീസർ ടി. അജയന്‍റെ നേതൃത്വത്തിൽ മണിക്കൂറുകൾക്കകം ചോർച്ച പരിഹരിക്കാനായത് ആശ്വാസമായി. ഇന്നലെ പുലർച്ചെ അഞ്ചോടെ വാൽവിലെ ലീക്കിനെ തുടർന്നുണ്ടായ അമോണിയം ചോർച്ച ശ്രദ്ധയിൽപെട്ട ഉടൻ പ്ലാന്‍റ് ഉടമ പള്ളിക്കുന്ന് സ്വദേശി സിറാജുദ്ദീൻ ഫയർ സർവീസിൽ വിവരമറിയിക്കുകയായിരുന്നു. സ്ഥലത്തെത്തിയ സേന പ്ലാന്‍റിലുള്ളവരുടെ സഹായത്തോടെ ഏഴോടെ ചോർച്ചയടച്ച് പ്രശ്നത്തിന് പരിഹാരം കാണുകയായിരുന്നു. ഇതിനകം തന്നെ ഫയർ സർവീസ് സമീപവാസികളായ മൂന്നോളം കുടുംബങ്ങളെ അവിടെനിന്ന് ബന്ധുവീടുകളിലേക്ക് മാറ്റി പാർപ്പിച്ചിരുന്നു. 24 മണിക്കൂറും പ്രവർത്തിക്കുന്ന ഐസ് പ്ലാന്‍റിൽ ഉടമ ഉൾപ്പെടെ തൊഴിലാളികൾ സംഭവസമയം സ്ഥലത്തുണ്ടായിരുന്നു. യഥാസമയം വേണ്ട മുൻകരുതലുകൾ സ്വീകരിച്ചത് സ്ഥിതി പെട്ടെന്ന് നിയന്ത്രണ വിധേയമാക്കാനായി . അസി. സ്റ്റേഷൻ ഓഫീസർ സി.ഡി. റോയ്, സീനിയർ ഫയർ ഓഫീസർ വി.കെ. അഫ്സൽ, കെ. രഞ്ജു, രഗിൻകുമാർ, സച്ചിൻ, ഷിജു, സുകേഷ്, ശില്പ, നസീർ എന്നിവരുൾപ്പെട്ട സംഘമാണ് ചോർച്ച പരിഹരിച്ചത്.

ആറു വീടുകളില്‍ നിന്നായി ബിന്ദു കവര്‍ന്നത് 25 പവന്‍

ചെറുവത്തൂര്‍: പട്ടാപ്പകല്‍ വീട്ടില്‍നിന്നു മൂന്നരപവന്‍ സ്വര്‍ണം കവര്‍ന്ന കേസില്‍ അറസ്റ്റിലായ യുവതിയെ ചോദ്യം ചെയ്തപ്പോള്‍ അഞ്ചു കവര്‍ച്ചാ കേസുകള്‍ കൂടി തെളിഞ്ഞു. പിലിക്കോട് കാര്‍ഷിക കോളജ് തോട്ടം തൊഴിലാളിയും ചെറുവത്തൂര്‍ കാടങ്കോട് അസൈനാര്‍മുക്കിലെ വാടക ക്വാര്‍ട്ടേഴ്‌സിലെ താമസക്കാരിയുമായ കെ. ബിന്ദുവാണ് (44) പ്രതി. റിമാന്‍ഡിലായ പ്രതിയെ ചന്തേര എസ്‌ഐ കെ.പി.സതീഷും സംഘവും വിശദമായി ചോദ്യം ചെയ്തപ്പോഴാണ് മറ്റു കവര്‍ച്ചകളുടെ വിവരങ്ങള്‍ പുറത്തറിയുന്നത്. 2024 ജൂണ്‍ രണ്ടിന് കാടങ്കോട്ടെ ജനാര്‍ദ്ദനന്‍റെ വീട്ടില്‍ കയറി 1,22,500 രൂപ വിലമതിക്കുന്ന 12 ഗ്രാം സ്വര്‍ണമാലയും രണ്ടു ഗ്രാം ലോക്കറ്റും 1890 രൂപയും മോഷ്ടിച്ചു. ചെറുവത്തൂര്‍ തുരുത്തി നെല്ലിക്കാലിലെ ഷാജിയുടെ വീട്ടില്‍നിന്നും 10 പവനും ലസിത മുട്ടത്തിന്‍റെ വീട്ടില്‍നിന്നു മൂന്നേമുക്കാല്‍ പവനും ചെറുവത്തൂര്‍ പയ്യങ്കിയിലെ വിജിനയുടെ വീട്ടില്‍നിന്നു രണ്ടുപവനും പിലിക്കോട്ടം തോട്ടം തൊഴിലാളി കോതോളിയിലെ പുഷ്പയുടെ വീട്ടില്‍നിന്നു മൂന്നു പവനും കാടങ്കോട്ടെ ജാനകിയുടെ വീട്ടില്‍നിന്നു പവനും കവര്‍ച്ച നടത്തിയത് പ്രതി സമ്മതിച്ചു. ഈ വര്‍ഷം ഏപ്രില്‍ 27ന് പയ്യങ്കിയിലെ പ്രവാസിയായ പി.വത്സലന്‍റെ വീട്ടില്‍നിന്നു മൂന്നരപവന്‍ തൂക്കം വരുന്ന സ്വര്‍ണമാല, ബ്രേയ്‌സ്‌ലെറ്റ്, മോതിരം എന്നിവ കവര്‍ന്ന കേസിലാണ് ബിന്ദു അസ്റ്റിലാകുന്നത്. പരിസരവാസികള്‍ ഉള്‍പ്പെടെയുള്ളവരെ ചോദ്യം ചെയ്യുകയും സിസിടിവി ദൃശ്യങ്ങള്‍ പരിശോധിക്കുകയും ചെയ്തപ്പോഴാണ് ബിന്ദു ഇവിടെ വന്ന വിവരമറിയുന്നത്. തുടര്‍ന്ന് ഇവരെ ചോദ്യം ചെയ്യുകയും കുറ്റം സമ്മതിക്കുകയായിരുന്നു. കവര്‍ച്ച നടത്തിയ വീടുകളെല്ലാം ബിന്ദുവിന്‍റെ ബന്ധുക്കളുടെയോ അടുത്ത പരിചയക്കാരുടെയോ ആയിരുന്നു. ഇവര്‍ വീട് പൂട്ടി പുറത്തുപോകുമ്പോള്‍ താക്കോല്‍ സൂക്ഷിച്ചുവയ്ക്കുന്ന സ്ഥലം കൃത്യമായി മനസിലാക്കിയാണ് ബിന്ദു കവര്‍ച്ച നടത്തിയിരുന്നത്. കൃത്യം നടത്തിയശേഷം താക്കോല്‍ അതേ സ്ഥലത്തു തന്നെ തിരിച്ചുവയ്ക്കുകയും ചെയ്യും. വത്സലന്‍റെ വീട്ടില്‍നിന്നും കവര്‍ന്ന മാല നീലേശ്വരത്തെ ജ്വല്ലറിയില്‍ വില്ക്കുകയും പുതുതായി വാങ്ങിയ ഒരു മാലയും രണ്ടു മോതിരവും വാങ്ങി. ബാക്കി സ്വര്‍ണാഭരണങ്ങള്‍ തിമിരി സര്‍വീസ് സഹകരണ ബാങ്കില്‍ മകളെക്കൊണ്ട് പണയം വയ്പ്പിച്ചു. ആഭരണങ്ങള്‍ വിറ്റുകിട്ടുന്ന പണം കൊണ്ട് ആര്‍ഭാടജീവിതം നയിക്കുന്ന ബിന്ദുവിന്‍റെ കൈവശം കാര്യമായി ഒന്നും അവശേഷിക്കുന്നില്ലെന്നാണ് പോലീസിന്‍റെ കണ്ടെത്തല്‍.

സണ്ണി ജോസഫ്; കർഷക മനസ്, മലയോരത്തിന്‍റെ ശബ്ദം

ബിജു പാരിക്കാപള്ളിൽ ഇരിട്ടി: പേരാവൂർ മണ്ഡലത്തിൽ 2011 ലെ തെരഞ്ഞെടുപ്പ് ഒരു വഴിത്തിരിവായിരുന്നു. ഇടതും വലതും ചാഞ്ചാടി കളിച്ചിരുന്ന മണ്ഡലത്തിലേക്ക് സിറ്റിംഗ് എംഎൽഎ കരുത്തയായ കെ.കെ. ശൈലജയെ മത്സരിപ്പിക്കാനായിരുന്നു പാർട്ടിയുടെ നിർദേശം. എന്നാൽ ചാഞ്ചാടി നിന്ന പേരാവൂരിന് സ്ഥിരത നല്കിയായിരുന്നു ശൈജലയെ പരാജയപ്പെടുത്തിയുള്ള പേരാവൂരിലെ അഡ്വ. സണ്ണി ജോസഫിന്‍റെ വിജയം. സ്വദേശത്തു നിന്നുതന്നെ വിജയിക്കുന്ന ആദ്യത്തെ മത്സരാർഥി എന്ന പ്രത്യേകതയും സണ്ണിക്ക് സ്വന്തം. പേരാവൂർ ജനതയ്ക്ക് കൂടുതൽ സമയം എംഎൽഎയുടെ സേവനം നേരിട്ട് ലഭിച്ചതും 2011 ന് ശേഷമായിരുന്നു. കഴിഞ്ഞ 14 വർഷത്തെ മണ്ഡലത്തിലെ പ്രവർത്തനങ്ങൾ അദ്ദേഹത്തെ കൂടുതൽ ജനകീയനാക്കി. മലയോരത്തെ കർഷക പുത്രനായി ജനിച്ച് വിദ്യാർഥി രാഷ്‌‌ട്രീയത്തിലൂടെ വളർന്ന് ജനപ്രതിനിധി യായപ്പോഴും എന്നും കർഷകർക്കൊപ്പം. എതിരാളികളെപോലും പുഞ്ചിരിയോടെ നേരിടുന്ന നേതാവ് കൂടിയാണ് സണ്ണി വക്കീൽ. കർഷകർക്കൊപ്പം രാവും പകലും സഞ്ചരിക്കാൻ മടികാണിക്കാത്ത നേതാവ്. ഇരിട്ടി താലൂക്ക് എന്ന മലയോരത്തിന്‍റെ സ്വപ്നം യാഥാർഥ്യമാക്കാൻ നിരന്തരം ശ്രമിച്ച വ്യക്തി. മലയോരത്തെ കർഷകരുടെ പ്രശ്ങ്ങൾ നിയമസഭയിൽ ഉയർത്തിക്കാട്ടിയ കർഷകന്‍റെ യഥാർഥ ശബ്ദമായിരുന്നു അദ്ദേഹം. കസ്തൂരി രംഗൻ, ബഫർ സോൺ, വന്യമൃഗ ആക്രമണം, പട്ടയം, ഏറ്റവും ഒടുവിൽ വയനാട് കരിന്തളം 400 കെവി ലൈൻ വിഷയത്തിലും കർഷകന്‍റെ ശബ്ദമായി അദ്ദേഹം തിളങ്ങി. കുറിച്ചിട്ട വാക്കുകൾ കുറിക്കുകൊള്ളുന്ന വക്കീലിന്‍റെ കൂർമ ബുദ്ധി പലപ്പോഴും പലരും അറിഞ്ഞു. തലശേരി കൂട്ടുപുഴ റോഡ് യാഥാർഥ്യമാക്കിയതു മുതൽ മണ്ഡലത്തിലെ റോഡുകളും പാലങ്ങളും തുടങ്ങി വികസന മേഖലയിൽ അധികം കോലാഹലങ്ങൾ ഒന്നും സൃഷ്ടിക്കാതെ തന്‍റേതായ ശൈലിയാണ് വക്കീലിന്. ചിരിച്ച മുഖത്തോടെ പ്രശ്നങ്ങളെ നേരിടുന്ന നേതാവ്. ആറളം ഫാമിലെ പുനരധിവാസ മേഖലയിൽ കാട്ടാനയുടെ ആക്രമണത്തിൽ വെള്ളി - ലീല ദമ്പതികൾ കൊല്ലപ്പെട്ടപ്പോൾ അർധരാത്രിയിലും പ്രതിഷേധിക്കുന്ന ജനത്തിന് നടുവിൽ ശാന്തനായി നിന്ന് ഓരോരുത്തരോടും സംസാരിക്കാൻ കഴിഞ്ഞ നേതാവ്. മലയോരം കണ്ട 2018,19 പ്രളയകാലത്തും ഊണും ഉറക്കവും ഇല്ലാതെ എംഎൽഎ യുടെ വാഹനം എല്ലാ സ്ഥലത്തും എത്തി. 400 കെവി ലൈൻ നിർമാണവുമായി ബന്ധപ്പെട്ട് സ്ഥലം നഷ്ടപ്പെടുന്ന കർഷകർക്കുവേണ്ടി ശക്തമായ ഇടപെടലുകൾ അദ്ദേഹം നടത്തി. കർഷകന് വേണ്ടി ശബ്ദിച്ച കർഷക പുത്രനെ കൂടുതൽ പദവികൾ തേടിയെത്തുമ്പോഴും സണ്ണിക്കൊപ്പം ഈ നാടും അഭിമാനിക്കുകയാണ്.

നിരവത്ത് ജൂബിലി ചിറ്റ്‌സ് വാർഷികാഘോഷവും കുടുംബ സംഗമവും നടത്തി

ഇരിട്ടി: പ്രമുഖ രജിസ്റ്റേർഡ് ചിട്ടി സ്ഥാപനമായ ഇരിട്ടി നിരവത്ത് ജൂബിലി ചിറ്റ്‌സ് പതിനഞ്ചാം വാർഷികാഘോഷത്തിന്‍റെ ഭാഗമായി കുടുംബസംഗമം നടന്നു. കോളിക്കടവ് ഗ്രാൻഡ് റിവർ വ്യൂ സൈഡ് കൺവൻഷൻ സെന്‍ററിൽ നടന്ന സംഗമം സണ്ണി ജോസഫ് എംഎൽഎ ഉദ്ഘാടനം ചെയ്തു. ജൂബിലി ചിറ്റ്‌സ് മാനേജിംഗ് ഡയറക്ടർ ഡോ. ബിനീസ് ജോസഫ് അധ്യക്ഷത വഹിച്ചു. ഗായകൻ ജി. വേണുഗോപാൽ വിശിഷ്ടാതിഥിയായിരുന്നു. സജീവ് ജോസഫ് എംഎൽഎ, ജില്ലാ പഞ്ചായത്ത് വൈസ് പ്രസിഡന്‍റ് ബിനോയ് കുര്യൻ, ഇരിട്ടി ബ്ലോക്ക് പഞ്ചായത്ത് പ്രസിഡന്‍റ് കെ. വേലായുധൻ, നഗരസഭാ ചെയർപേഴ്‌സൺ കെ. ശ്രീലത, പായം ഗ്രാമ പഞ്ചായത്ത് പ്രസിഡന്‍റ് പി. രജനി, ആറളം ഗ്രാമപഞ്ചായത്ത് പ്രസിഡന്‍റ് കെ.പി. രാജേഷ്, ജൂബിലി ചിറ്റ്സ് ജനറൽ മാനേജർ ക്യാപ്റ്റൻ സി. ദാമോദരൻ, പ്ലാനിംഗ് ആൻഡ് ഡെവലപ്‌മെന്‍റ് ജനറൽ മാനേജർ ജോളി പി. മാണി, ഡിജിഎം എം. രാജൻ തുടങ്ങിയവർ പ്രസംഗിച്ചു. ജൂബിലി ചിറ്റ്സിൽ വർഷങ്ങളായി സേവനമനുഷ്ഠിക്കുന്ന ജീവനക്കാർ, ഇടപാടുകാർ തുടങ്ങി സ്ഥാപനവുമായി ബന്ധമുള്ള വിവിധ മേഖലയിലുള്ളവർ എന്നിവരെ ജി. വേണുഗോപാൽ അനുമോദിച്ചു. തുടർന്ന് വിവിധ കലാപരിപാടികളും നടന്നു.

മാർ ജോസഫ് പാംപ്ലാനിക്കെതിരെയുള്ള നീക്കം അപലപനീയം

തലശേരി: എറണാകുളം-അങ്കമാലി അതിരൂപതയുടെ വികാരി സ്ഥാനം ഏറ്റെടുത്ത മാർ ജോസഫ് പാംപ്ലാനിയെ അവഹേളിക്കാനും അസ്ഥിരപ്പെടുത്താനുമുള്ള നീക്കം തികച്ചും അപലപനീയവും പ്രതിഷേധാർഹവുമാണെന്ന് കത്തോലിക്ക കോൺഗ്രസ് തലശേരി അതിരൂപത കമ്മിറ്റി. പ്രശ്നങ്ങൾ പരിഹരിക്കപ്പെടരുതെന്ന് ആഗ്രഹിക്കുന്ന ഒരു കൂട്ടം ആളുകളാണ് ഇതിനു പിന്നിലെന്ന് വ്യക്തമാണ്. ഇവർക്കെതിരേ സഭാ നിയമമനുസരിച്ച് കടുത്ത നടപടിയും രാജ്യത്തിന്‍റെ പൊതുനിയമം അനുസരിച്ചുള്ള നടപടികളും ആവശ്യമാണെന്ന് യോഗം വിലയിരുത്തി. ആർച്ച്ബിഷപ്പിനെ മാനസികമായി തകർക്കാനാണ് അന്യായമായ ഈ ശ്രമങ്ങളെന്നും യോഗം അഭിപ്രായപ്പെട്ടു. കത്തോലിക്ക കോൺഗ്രസ് ഗ്ലോബൽ ഡയറക്ടർ റവ.ഡോ. ഫിലിപ്പ് കവിയിൽ യോഗം ഉദ്ഘാടനം ചെയ്തു. തലശേരി അതിരൂപത പ്രസിഡന്‍റ് ഫിലിപ്പ് വെളിയത്ത് അധ്യക്ഷത വഹിച്ചു. ഗ്ലോബൽ ട്രഷറർ ടോണി ജോസഫ് പുഞ്ചക്കുന്നേൽ, ജനറൽ സെക്രട്ടറി ജിമ്മി ആയിത്തമറ്റം, ട്രഷറർ സുരേഷ് ജോർജ്, വൈസ് പ്രസിഡന്‍റുമാരായ ബെന്നിച്ചൻ മഠത്തിനകം, ഐ.സി. മേരി, ടോമി കണയാങ്കൽ, ഷിനോ പാറയ്ക്കൽ, സെക്രട്ടറിമാരായ ജയിംസ് മാനുവൽ, ജോണി തോമസ് വടക്കേക്കര, സിജോ കണ്ണേഴത്ത്, ജോർജ് കാനാട്ട്, വർഗീസ് പള്ളിച്ചിറ, ഫൊറോന പ്രസിഡന്‍റുമാരായ ബെന്നി തുളുമ്പൻമാക്കൽ, സാജു പടിഞ്ഞാറേട്ട്, സ്റ്റീഫൻ കീച്ചരിക്കുന്നൽ, ജോണി തോലമ്പുഴ, ജയ്സൺ അട്ടാറമാക്കൽ, ജോസഫ് മാത്യു കൈതമറ്റം, ജോളി എരിഞ്ഞേരിയിൽ, ബെന്നി ജോൺ, മാത്യു വള്ളോംകോട്ട് എന്നിവർ പ്രസംഗിച്ചു.

വിദ്യാർഥികൾക്ക് ചോദ്യപേപ്പറുമില്ല; അധ്യാപകർക്ക് ഉത്തരപേപ്പറുമില്ല

സ്വന്തം ലേഖകൻ കണ്ണൂർ: പരീക്ഷയെഴുതാൻ വന്ന വിദ്യാർഥികൾക്ക് കണ്ണൂർ സർവകലാശാല ചോദ്യപേപ്പർ നല്കാത്ത സംഭവത്തിനു പിന്നാലെ മൂല്യനിർണയ ക്യാന്പിനെത്തിയ അധ്യാപകർക്ക് ഉത്തരപേപ്പറും ലഭിച്ചില്ല. നാലുവർഷ ബിരുദ കോഴ്സിന്‍റെ രണ്ടാം സെമസ്റ്റർ മൂല്യനിർണയ ക്യാന്പിനെത്തിയ അധ്യാപകർക്കാണ് ഇന്നലെ ഉത്തര പേപ്പർ ലഭിക്കാതിരുന്നത്. കണ്ണൂർ സർവകലാശാലയുടെ കീഴിൽ ഒൻപത് മൂല്യനിർണയ ക്യാന്പുകളാണുള്ളത്. കാസർഗോഡ് മുതൽ തിരുവനന്തപുരം വരെയുള്ള അധ്യാപകർ മൂല്യ നിർണയ ക്യാന്പുകളിൽ പങ്കെടുക്കുന്നുണ്ട്. ഉത്തരപേപ്പർ കിട്ടാത്തിനാൽ ഇവരിൽ പലർക്കും തിരികെ പോകേണ്ടി വന്നു. നാലുവർഷ ബിരുദ കോഴ്സിന്‍റെ ആദ്യ മൂല്യനിർണയ ക്യാന്പിലാണ് സർവകലാശാലക്ക് പാകപ്പിഴ സംഭവിച്ചിരിക്കുന്നത്. ബിരുദ കോഴ്സിന്‍റെ ഒന്നാം വർഷ മൂല്യനിർണയും കോളജിൽ തന്നെയാണ് നടത്തുന്നത്. രണ്ടാം വർഷ മൂല്യ നിർണയമാണ് ക്യാന്പുകളിൽ നടത്തുന്നത്. എന്നാൽ, ഉത്തരപേപ്പറുമായി ബന്ധപ്പെട്ട് മൂല്യനിർണയ ക്യാന്പ് ഡയറക്‌ടർ‌മാർ മതിയായ രീതിയിൽ വിശദീകരണം നല്കാത്തതും അധ്യാപകരിൽ പ്രതിഷേധം ഉയർത്തി. മൂല്യനിർണയം അവതാളത്തിലെന്ന് കെപിസിടിഎ കണ്ണൂർ യൂണിവേഴ്സിറ്റി പരീക്ഷാ നടത്തിപ്പിലും മൂല്യനിർണയത്തിലും കനത്ത പരാജയമായി തുടരുന്നതായി കെപിസിടിഎ കണ്ണൂർ മേഖലാ കമ്മിറ്റി. രണ്ടാം സെമസ്റ്റർ മൂല്യനിർണയം ആരംഭിച്ചിട്ട് പല ക്യാമ്പുകളിലും മൂല്യനിർണയനത്തിന് പേപ്പറുകൾ എത്തിയിട്ടില്ല. മറ്റ് വാലുവേഷൻ ക്യാമ്പുകളിൽ ഉത്തര സൂചിക നൽകാതെയും സമയത്തിന് പ്രതിഫലം നൽകാതെയും അധ്യാപകരെ വട്ടം കറക്കുന്നതിനിടക്കാണ് ഇത്തരം നിരുത്തരവാദപരമായ സമീപനങ്ങൾ യൂണിവേഴ്സിറ്റി തുടരുന്നത്. അവധിക്കാലത്തു ജോലി ചെയ്യാൻ സന്നദ്ധരായ അധ്യാപകരുടെ സമയനഷ്ടമൊന്നും യൂണിവേഴ്സിറ്റിയുടെ പരിഗണനയിൽ പോലുമില്ല. യൂണിവേഴ്സിറ്റിയുടെ കെടുകാര്യസ്ഥതയിൽ സമയബന്ധിതമായി പേപ്പർ എത്തിക്കാൻ സാധിക്കാത്ത ക്യാമ്പ് ഡയറക്ടർമാർക്കെതിരെ നടപടി എടുക്കണമെന്നും കെപിസിടിഎ കണ്ണൂർ മേഖല കമ്മിറ്റി ആവശ്യപ്പെട്ടു. കെപിസിടിഎ കണ്ണൂർ മേഖലാ പ്രസിഡന്‍റ് ജോൺസൺ ജോർജ്, മേഖലാ സെക്രട്ടറി ഡോ.വി. പ്രകാശ്, ലെയ്സൺ ഓഫീസർ ഡോ. ആർ. ബിജുമോൻ എന്നിവർ പ്രസംഗിച്ചു.

പുകപ്പുരയ്ക്ക് തീപിടിച്ച് റബർ ഷീറ്റ് കത്തിനശിച്ചു

ചെറുപുഴ: പുകപ്പുരയ്ക്ക് തീപിടിച്ച് റബർഷീറ്റ് കത്തിനശിച്ചു. തട്ടുമ്മൽ സിഎച്ച് സെന്‍ററിന് സമീപത്തെ വാഴവളപ്പിൽ അബ്ദുൾ സത്താറിന്‍റെ വീടിനു സമീപത്തെ പുകപ്പുരയാണ് കത്തിനശിച്ചത്. ഇന്നലെ രാവിലെ 11 ഓടെയായിരുന്നു സംഭവം. ശക്തമായ പുക ഉയരുന്നത് ശ്രദ്ധയിൽപ്പെട്ടപ്പോഴാണ് തീപിടുത്തം ഉണ്ടായത് അറിയുന്നത്. പുകപ്പുരയിൽ ഉണ്ടായിരുന്ന രണ്ട് കിന്‍റലോളം റബർഷീറ്റ് കത്തിനശിച്ചു. പുകപ്പുരയുടെ അകവും ആസ്ബസ്റ്റോസ് ഷീറ്റും പൂർണമായും നശിച്ചു. സമീപത്ത് കൂട്ടിയിട്ടിരുന്ന അടയ്ക്കാത്തൊണ്ടിന് തീപിടിക്കാതിരുന്നതിനാൽ കൂടുതൽ അപകടം ഒഴിവായി. നാട്ടുകാരും തൊഴിലാളികളും വീട്ടുകാരും ചേർന്ന് തീയണയ്ക്കുകയായിരുന്നു. വീടിന്‍റെ നിർമാണ പ്രവൃത്തി നടക്കുന്നതിനാൽ തൊഴിലാളികൾ സമീപത്തു തന്നെ ഉണ്ടായിരുന്നതിനാൽ വേഗത്തിൽ രക്ഷാപ്രവർത്തനം നടത്താൻ കഴിഞ്ഞു.

മണക്കടവ്-മൂരിക്കടവ്-കാപ്പിമല റോഡ് മെക്കാഡം ടാർ ചെയ്യണം

ആലക്കോട്: ടൂറിസ്റ്റ് കേന്ദ്രമായ പൈതൽമലയെയും മഞ്ഞപ്പുല്ലിനെയും ബന്ധിപ്പിക്കുന്ന മണക്കടവ്മൂരിക്കടവ്-കാപ്പിമല റോഡ് വീതി കൂട്ടി മെക്കാഡം ടാർ ചെയ്യണമെന്നും മൂരിക്കടവ് പുഴക്ക് പാലം നിർമിക്കാൻ നടപടി സ്വീകരിക്കണമെന്നും മൂരിക്കടവ് വാർഡ് കോൺഗ്രസ് കമ്മിറ്റി ആവശ്യപ്പെട്ടു. വനാതിർത്തിയിൽ രണ്ടു വർഷം മുമ്പ് അനുവദിച്ച ഫെൻസിംഗ് വേലി നിർമാണം അപാകത കൂടാതെ പൂർത്തീകരിക്കണമെന്നും യോഗം ആവശ്യപ്പെട്ടു. വാർഡ് കുടുംബ സംഗമം ജില്ലാ പഞ്ചായത്ത് അംഗം തോമസ് വെക്കത്താനം ഉദ്ഘാടനം ചെയ്തു. സാബു വെള്ളമറ്റം അധ്യക്ഷത വഹിച്ചു. ജോസ് പറയൻകുഴി, ബേബി കോയിക്കൽ, സി.ബി. കൃഷ്ണൻകുട്ടി, അജിത്ത് മാത്യു, സിന്ധു തോമസ്, ഷൈല സുനിൽ, ടോമി കാടൻകാവിൽ, ടെസി ബെന്നി എന്നിവർ പ്രസംഗിച്ചു.

മലപ്പട്ടത്ത് ഇനിയൊരു ആക്രമണമുണ്ടായാൽ തിരിച്ചടിക്കും: കെ. സുധാകരൻ

മലപ്പട്ടം: മലപ്പട്ടത്ത് ഇനിയൊരു ആക്രമണമുണ്ടായാൽ മണിക്കൂറുകൾക്കകം തിരിച്ചടിക്കുമെന്ന് കെപിസിസി പ്രസിഡന്‍റ് കെ. സുധാകരൻ. തിരിച്ചടിക്കാൻ കഴിയാതെ വന്നാൽ കണ്ണൂർ ജില്ലയിലെ കോൺഗ്രസിനെ പിരിച്ചു വിടുമെന്നും അദ്ദേഹം പറഞ്ഞു. അടുവാപ്പുറത്തെ തകർത്ത സ്തൂപവും പി.ആർ. സനീഷിന്‍റെ വീടും സന്ദർശിച്ച ശേഷം മാധ്യമപ്രവർത്തകരോട് സംസാരിക്കുകയായിരുന്നു സുധാകരൻ. മനക്കരുത്തുള്ളവരാണ് കോൺഗ്രസുകാർ. അതിനാൽ യാതൊരു ആശങ്കയും ഇല്ല. തിരിച്ചടിക്കാൻ 10 പേരുണ്ടെങ്കിൽ മുന്നിൽ സുരക്ഷയ്ക്കായി ഞങ്ങളും കാണും. മലപ്പട്ടത്ത് സിപിഎം വളർന്നോ എന്ന് ആത്മപരിശോധന നടത്തണം. ജനങ്ങൾ വിഡ്ഡികളല്ല. നല്ല ബോധ്യമുള്ളവരാണ്. തകർത്ത സ്തൂപം പുനർനിർമിക്കാൻ സുധാകരൻ നിർദേശം നൽകി. തുടർന്ന് തറക്കല്ലിട്ടു. ഡിസിസി പ്രസിഡന്‍റ് മാർട്ടിൻ ജോർജ്, നേതാക്കളായ മുഹമ്മദ് ബ്ലാത്തൂർ, വിജിൽ മോഹനൻ, കെ.പി. ശശിധരൻ, കെ.എം. ശിവദാസൻ എന്നിവരും ഒപ്പമുണ്ടായിരുന്നു. സ്തൂപം തകർത്ത സംഭവത്തിൽ കണ്ടാലറിയാവുന്നവരടക്കം 28 പേർക്കെതിരേ മയ്യിൽ പോലീസ് കേസെടുത്തു.

മാലിന്യ സംസ്കരണ കേന്ദ്രത്തിൽ തീപിടിത്തം

നടുവിൽ: നടുവിലിൽ വൻ തീപിടിത്തം. നടുവിൽ പഞ്ചായത്തിന്‍റെ സ്റ്റേഡിയത്തിന് സമീപത്തുള്ള പ്ലാസ്റ്റിക് മാലിന്യ കേന്ദ്രത്തിലാണ് തീപിടിച്ചത്. ഇന്നലെ രാത്രി 9.30 ഓടെയാണ് സംഭവം. മാസങ്ങളായി മാലിന്യ സംസ്കരണ കേന്ദ്രത്തിലെ പ്ലാസ്റ്റിക്കുകൾ ഉൾപ്പെടെയുള്ള മാലിന്യങ്ങൾ നീക്കം ചെയ്തിട്ടില്ലെന്നാണ് പ്രദേശവാസികൾ പറയുന്നത്. സംഭവമറിഞ്ഞ് കണ്ണൂർ, തളിപ്പറന്പ്, പയ്യന്നൂർ എന്നിവിടങ്ങളിൽ നിന്നെത്തിയ അഗ്നി രക്ഷാ സേന തീ അണയ്ക്കാനുള്ള തീവ്രശ്രമം രാത്രിയും തുടരുകയാണ്. ഇവിടെ പ്ലാസ്റ്റിക്കിന് തീപിടിച്ചതിൽ ദുരൂഹതയും നിലനില്ക്കുന്നു. യാഥാർഥ്യമറിയാൻ ചുറ്റുപാടുള്ള സിസിടിവി കാമറകൾ പരിശോധിക്കും. വലിയ സ്ഫോടനത്തോടെയാണ് തീപിടിച്ച് കത്തിയതെന്ന് പ്രദേശവാസികൾ പറയുന്നു.

ഡെങ്കിപ്പനി: ചെറുപുഴയിൽ യോഗം ചേർന്നു

ചെറുപുഴ: ചെറുപുഴ പഞ്ചായത്തിന്‍റെയും പുളിങ്ങോം കുടുംബാരോഗ്യ കേന്ദ്രത്തിന്‍റെയും നേതൃത്വത്തിൽ പകർച്ചവ്യാധി പ്രതിരോധ പ്രവർത്തനങ്ങളുമായി ബന്ധപ്പെട്ട് ജനപ്രതിനിധികൾ, ആരോഗ്യ പ്രവർത്തകർ, സന്നദ്ധ പ്രവർത്തകർ എന്നിവരുടെ യോഗം പഞ്ചായത്ത് ഹാളിൽ ചേർന്നു. പഞ്ചായത്തിലെ തിരുമേനി, ചുണ്ട പുഴയോരം ഭാഗങ്ങളിൽ ഡെങ്കിപ്പനി റിപ്പോർട്ട്‌ ചെയ്ത സാഹചര്യത്തിലാണ് യോഗം ചേർന്നത്. തുടർച്ചയായ നിർദേശങ്ങൾ കൊടുത്തിട്ടും വീട്ടിലും പരിസരങ്ങളിലും പൊതു സ്ഥലങ്ങളിലും കൊതുക് വളരുന്ന സാഹചര്യങ്ങൾ ഉണ്ടാക്കുന്നവർക്കെതിരേ പിഴ ഉൾപ്പെടെയുള്ള നിയമ നടപടി സ്വീകരിക്കാനും യോഗം തീരുമാനിച്ചു. പഞ്ചായത്ത്‌ പ്രസിഡന്‍റ് കെ.എഫ്. അലക്സാണ്ടർ ഉദ്ഘാടനം ചെയ്തു. വൈസ് പ്രസിഡന്‍റ് റെജി പുളിക്കൽ അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗങ്ങളായ കെ. ദാമോദരൻ, എ.സി. പൗലോസ്, വികസനകാര്യ സ്റ്റാൻഡിംഗ് കമ്മിറ്റി ചെയർമാൻ കെ.കെ. ജോയി, ആരോഗ്യ വിദ്യഭ്യാസ സ്റ്റാൻഡിംഗ് കമ്മിറ്റി ചെയർമാൻ എം. ബാലകൃഷ്ണൻ, ധനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഷാന്‍റി കലാധരൻ, ഹെൽത്ത് ഇൻസ്‌പെക്ടർ വി. മുഹമ്മദ്‌ ശരീഫ് എന്നിവർ പ്രസംഗിച്ചു. ഡെങ്കിപ്പനി പ്രതിരോധ പ്രവർത്തനങ്ങൾ സംബന്ധിച്ച് പെരിങ്ങോം ബ്ലോക്ക് എപ്പിഡമോളജിസ്റ്റ് ഡോ. ആതിര മുങ്ങത്ത് വിഷയാവതരണം നടത്തി. ഡെങ്കി ഹോട്ട് സ്പോട്ടുകളിൽ മേയ് 14,15,16 തീയതികളിൽ പ്രത്യേക ജനകീയ സ്‌ക്വാഡ് പ്രവർത്തനം നടത്താനും റബർ തോട്ടം തൊഴിലാളികളുടെ യോഗം വിളിക്കാനും തീരുമാനിച്ചു.

തളിപ്പറന്പിലെ ആംബുലൻസിന് വേണം അടിയന്തര ചികിത്സ

തളിപ്പറമ്പ്: തളിപ്പറന്പ് താലൂക്ക് ആശുപത്രിയിൽ കൊട്ടിഘോഷിച്ച് കൊണ്ടുവന്ന ആംബുലൻസ് ഇരുമ്പ് വിലയ്ക്ക് പോലും വിൽക്കാനാകാതെ ആശുപത്രി വളപ്പിൽ ഉപേക്ഷിച്ച നിലയിൽ. 2003ൽ തളിപ്പറമ്പ് താലൂക്ക് ആശുപത്രിക്ക് ആരോഗ്യവകുപ്പ് അനുവദിച്ച ഈ ആംബുലൻസ് ആദ്യത്തെ ഓട്ടത്തിൽ തന്നെ കരിവെള്ളൂരിൽ അപകടത്തിൽപ്പെട്ടിരുന്നു. കേടുപാടുകൾ മാറ്റി ആശുപത്രിയിൽ എത്തിച്ചുവെങ്കിലും അപകടം നടന്നതിന്‍റെ പേരിൽ ഡ്രൈവറെ ജോലിയിൽ നിന്ന് ഒഴിവാക്കിയതിനാൽ തുടർന്ന് ഉപയോഗിക്കാനായില്ല. പുതിയ ഡ്രൈവർ എത്താൻ വൈകിയതോടെ ഇത് കട്ടപ്പുറത്തായി. ഇപ്പോൾ ഉപയോഗശൂന്യമായി പ്രസവ വാർഡിന് സമീപം തള്ളിയ നിലയിലാണ്. ഇഴജന്തുക്കളുടെ വിഹാരകേന്ദ്രമായി ഇത് മാറിയിരിക്കുന്നത് ആശുപത്രിയിൽ എത്തിചേരുന്നവർക്കും രോഗികൾക്കും ആശുപത്രി ജീവനക്കാർക്കും ഒരുപോലെ ഭീഷണി സൃഷ്ടിക്കുകയാണ്. ഇത് ലേലം ചെയ്ത് ഇരുമ്പ് വിലയ്ക്ക് വില്പന നടത്തിയാൽ ചെറിയ തുകയെങ്കിലും സർക്കാർ ഖജനാവിന് ലഭിക്കും. മൂന്നു വർഷം മുന്പ് ഇത് ആരോഗ്യ വകുപ്പിന് തിരിച്ചേൽപ്പിച്ചിരുന്നുവെന്നും ഇത് ഇവിടെ നിന്നും കൊണ്ടുപോകേണ്ടത് അവരാണ് എന്നുമാണ് ആശുപത്രി അധികൃതർ പറയുന്നത്.

തീരക്കടലിൽ മണൽ ഖനനത്തിന് അനുമതി നൽകരുത്: കേരള കോൺഗ്രസ്-എം

ചെമ്പന്തൊട്ടി: കേരളത്തിന്‍റെ തീരക്കടലില്‍ നിന്ന് നിര്‍മാണ ആവശ്യങ്ങൾക്കായി മണല്‍ ഖനനം ചെയ്യാനുള്ള കേന്ദ്ര സര്‍ക്കാര്‍ നീക്കം ഉപേക്ഷിക്കണമെന്ന് കേരള കോൺഗ്രസ്-എം ഇരിക്കൂർ നിയോജക മണ്ഡലം കമ്മിറ്റി ആവശ്യപ്പെട്ടു. കേരളത്തിലെ മത്സ്യത്തൊഴിലാളികളുടെ പരമ്പരാഗത മത്സ്യബന്ധന മേഖലകൾ കടല്‍മണല്‍ ഖനനം മൂലം തകരുമെന്ന് മത്സ്യത്തൊഴിലാളികള്‍ക്ക് ആശങ്കയുണ്ട്. തീരക്കടലിൽ മണൽ ഖനനം നടത്താതെ പുഴകളിലും ഡാമുകളിലും പ്രളയകാലത്ത് അടിഞ്ഞുകൂടിയിട്ടുള്ള മണൽ ഖനനം നടത്താൻ അനുമതി നൽകുകയാണ് വേണ്ടത്. മണൽ നിറഞ്ഞ് ഡാമുകളുടെയും പുഴകളുടെയും ആഴം കുറഞ്ഞതിനാൽ മഴക്കാലത്ത് പുഴകൾ കരകവിഞ്ഞും ഗതി മാറിയും ഒഴുകുകയാണ്. നദികളില്‍ നിന്നുള്ള മണല്‍ വാരല്‍ ഈ വര്‍ഷം തന്നെ പുനരാരംഭിക്കാൻ ബന്ധപ്പെട്ട വകുപ്പുകൾ ഉടൻ നടപടികൾ സ്വീകരിക്കണമെന്നും സംസ്ഥാനത്ത് നിലവിലുള്ള മണല്‍ വാരല്‍ നിയന്ത്രണ നിയമം വ്യവസ്ഥ ചെയ്യുന്ന രീതിയില്‍ തദ്ദേശസ്വയംഭരണ സ്ഥാപന മേധാവികളുടെ നേതൃത്വത്തിൽ കടവ് കമ്മിറ്റികൾ പുനഃസംഘടിപ്പിച്ച് കേരളത്തിലെ പുഴകളെ സംരക്ഷിക്കുന്നതോടൊപ്പം സംസ്ഥാനത്തെ മണലിന്‍റെ ദൗര്‍ലഭ്യം പരിഹരിക്കാനാവുമെന്നും ഏറ്റവും സുതാര്യമായ രീതിയിൽ മണല്‍ വിതരണം നടത്തണമെന്നും കേരളാ കോൺഗ്രസ്-എം ഇരിക്കൂർ നിയോജക മണ്ഡലം കമ്മിറ്റി ആവശ്യപ്പെട്ടു. കണ്ണൂർ ജില്ലാ പ്രസിഡന്‍റ് ജോയി കൊന്നയ്ക്കൽ യോഗം ഉദ്ഘാടനം ചെയ്തു. ബിജു പുതുക്കള്ളി അധ്യക്ഷത വഹിച്ചു. സജി കുറ്റ്യാനിമറ്റം മുഖ്യപ്രഭാഷണം നടത്തി. സുരേഷ് കുമാർ, വി.വി. സേവി, ബിനു ഇലവുങ്കൽ, സിബി പന്തപ്പാട്ട്, സണ്ണി മുക്കുഴി, സോണി അറയ്ക്കൽ, ഏലമ്മ ജോസഫ്, നോബിൻസ് ചെരിയൻപുറം, എബിൻ കുര്യാക്കോസ്, ജോളി പുതുശേരി, ജോണി കരിമ്പന, ഷാജി കുര്യൻ, പി.പി. രാഘവൻ, അപ്പച്ചൻ കുമ്പുക്കൽ, ജോസ് മണ്ഡപം, ജയിംസ് ചിറമാട്ടേൽ, ജയ്സൺ പല്ലാട്ട്, അലക്സാണ്ടർ ഇല്ലിക്കുന്നുംപുറം, ഷാജി കുറ്റിയാത്ത്, റോബിൻ തേരാംകുടി, സി.കെ. നാരായണൻ, തുളസീധരൻ നായർ, യാക്കോബ് ആലയ്ക്കൽ, കെ.ജെ. ജോയി എന്നിവർ പ്രസംഗിച്ചു.

രാപ്പകൽ സമരയാത്രയ്ക്ക് സ്വീകരണം

കണ്ണൂർ: ആശാ സമരത്തിനെതിരേയുള്ള സർക്കാർ ന്യായികരണങ്ങൾ ന്യായീകരണങ്ങളല്ല, അബദ്ധ വാദങ്ങൾ മാത്രമാണെന്ന് സാഹിത്യകാരൻ ശിഹാബുദ്ദീൻ പൊയ്തുംകടവ്. ആശമാരുടെ രാപ്പകൽ സമരയാത്രയ്ക്ക് കാൾടെക്സിൽ നൽകിയ സ്വീകരണത്തിൽ പ്രസംഗിക്കുകയായിരുന്നു അദ്ദേഹം. സ്റ്റേഡിയം കോർണറിൽ സംഘടിപ്പിച്ച സ്വീകരണ സമ്മേളനം കോർപറേഷൻ മേയർ മുസ്‌ലിഹ് മഠത്തിൽ ഉദ്ഘാടനം ചെയ്തു. കോർപറേഷനു കീഴിലുള്ള ആശമാർക്ക് 2000 രൂപ അധിക വേതനം പ്രഖ്യാപിച്ചിരുന്നു. അതിന്‍റെ നടപടികളുമായി ശക്തമായി തന്നെ മുന്നോട്ടു പോകുമെന്നും അദ്ദേഹം കുട്ടിച്ചേർത്തു. നേതാക്കളായ സുരേഷ് ബാബു എളയാവൂർ, സി.എ. അജീർ, റോസിലി ജോൺ, കെ.പി. റോസമ്മ, എസ്. ശാലിനി തുടങ്ങിയവർ പ്രസംഗിച്ചു. ജില്ലയിൽ രണ്ടാ ദിവസം കമ്പിൽ നൽകിയ ആദ്യ സ്വീകരണം കൊളശേരി പഞ്ചായത്ത് പ്രസിഡന്‍റ് കെ.പി. അബ്ദുൽ മജീദ്, ഇരിട്ടി പഴയ സ്റ്റാൻഡിൽ ഇരിട്ടി ബ്ലോക്ക് പഞ്ചായത്ത് പ്രസിഡന്‍റ് കെ. വേലായുധന്‍, മട്ടന്നൂരിൽ മുൻ നഗരസഭാ കൗൺസിലർ കെ.വി. ജയചന്ദ്രൻ എന്നിവർ ഉദ്ഘാടനം ചെയ്തു. ജില്ലയിലെ മൂന്നാം ദിനം സമരയാത്ര രാവിലെ ഒന്പതിന് കൂത്തുപറമ്പിൽ നിന്നാരംഭിക്കും. വി.എസ്. അനിൽകുമാർ സമ്മേളനം ഉദ്ഘാടനം ചെയ്യും. തുടർന്ന് പേരാവൂരിൽ 11.30 നും പാനൂരിൽ ഉച്ചകഴിഞ്ഞ് മൂന്നിനും സ്വീകരണം നൽകും. തലശേരിയിൽ വൈകുന്നേരം 5.30ന് സണ്ണി ജോസഫ് എംഎൽഎ സമാപന സമ്മേളം ഉദ്ഘാടനം ചെയ്യുന്നതോടെ ജില്ലയിലെ സമരയാത്രയുടെ പര്യടനം അവസാനിക്കും. തുടർന്ന് ആശമാർ തലശേരി പഴയ ബസ് സ്റ്റാൻഡിൽ അന്തിയുറങ്ങും.

കേരളത്തെ വികസന മികവിന്‍റെ ഉന്നതങ്ങളില്‍ എത്തിച്ചു: മന്ത്രി കടന്നപ്പള്ളി രാമചന്ദ്രന്‍

കണ്ണൂർ: സംസ്ഥാന സര്‍ക്കാര്‍ കേരളത്തെ വികസന മികവിന്‍റെ ഉന്നതങ്ങളില്‍ എത്തിച്ചെന്ന് മന്ത്രി കടന്നപ്പള്ളി രാമചന്ദ്രന്‍. രണ്ടാം പിണറായി വിജയന്‍ സര്‍ക്കാരിന്‍റെ നാലാം വാര്‍ഷികാഘോഷത്തിന്‍റെ ഭാഗമായി 14 വരെ കണ്ണൂര്‍ പോലീസ് മൈതാനിയില്‍ സംഘടിപ്പിക്കുന്ന എന്‍റെ കേരളം പ്രദര്‍ശന വിപണന മേള ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. ജില്ലാ ഇന്‍ഫര്‍മേഷന്‍ ഓഫീസ് തയാറാക്കിയ "സ്മൃതിയുണര്‍ത്തി മ്യൂസിയങ്ങള്‍' ഡോക്യുമെന്‍ററി മന്ത്രി പ്രകാശനം ചെയ്തു. കെ.കെ. ശൈലജ എംഎല്‍എ അധ്യക്ഷത വഹിച്ചു. എംഎല്‍എമാരായ കെ.പി. മോഹനന്‍, കെ.വി. സുമേഷ്, എം. വിജിന്‍, ജില്ലാ പഞ്ചായത്ത് പ്രസിഡന്‍റ് കെ.കെ. രത്നകുമാരി, ജില്ലാ കളക്ടര്‍ അരുണ്‍ കെ. വിജയന്‍, ജില്ലാ പഞ്ചായത്ത് വൈസ് പ്രസിഡന്‍റ് ബിനോയ് കുര്യന്‍, പഞ്ചായത്ത് പ്രസിഡന്‍റ് അസോസിയേഷന്‍ ജില്ലാ പ്രസിഡന്‍റ് എം. ശ്രീധരന്‍, ജില്ലാ പോലീസ് മേധാവി സി. നിതിന്‍ രാജ്, റൂറല്‍ എസ്പി അനൂജ് പലിവാൾ, എഡിഎം സി. പദ്മചന്ദ്രകുറുപ്പ്, ജില്ലാ ഇന്‍ഫര്‍മേഷന്‍ ഓഫീസര്‍ പി.പി. വിനീഷ്, ജനതാദൾ-എസ് സംസ്ഥാന ജനറല്‍ സെക്രട്ടറി പി.പി. ദിവാകരന്‍, വിവിധ രാഷ്‌ട്രീയ പാർട്ടി നേതാക്കളായ വെള്ളോറ രാജന്‍, വി.കെ. ഗിരിജന്‍, പ്രഫ. ജോസഫ് തോമസ്, ഹമീദ് ചെങ്ങളായി, രതീഷ് ചിറക്കല്‍ എന്നിവര്‍ പ്രസംഗിച്ചു. പ്രദര്‍ശന വിപണന മേള മന്ത്രി തുറന്നുകൊടുത്തു വൈവിധ്യങ്ങളുടെ 250 ലധികം സ്റ്റാളുകള്‍ മന്ത്രി രാമചന്ദ്രന്‍ കടന്നപ്പള്ളി തുറന്നുകൊടുത്തു. വിവിധ വകുപ്പുകളുടെ 151 തീം സ്റ്റാളുകളും 100 വാണിജ്യ സ്റ്റാളുകളുമടക്കം 251 സ്റ്റാളുകളാണ് മേളയിലെ പ്രധാന ആകര്‍ഷണം. ഏഴ് ദിവസങ്ങളിലായി നടക്കുന്ന പ്രദര്‍ശന മേളയ്ക്കായി 52000 ചതുരശ്ര അടിയില്‍ പവലിയന്‍ ക്രമീകരിച്ചിട്ടുണ്ട്. ഐപിആര്‍ഡിയുടെ 2500 ചതുരശ്ര അടിയിലുള്ള തീം പവലിയനും ഒരുക്കിയിട്ടുണ്ട്. 14ന് മേള സമാപിക്കും. മുഖ്യമന്ത്രിയുടെ മുഖാമുഖം ഇന്ന് സംസ്ഥാന സര്‍ക്കാരിന്‍റെ നാലാം വാര്‍ഷികാഘോഷങ്ങളുടെ ഭാഗമായി 14 വരെ കണ്ണൂര്‍ പോലീസ് മൈതാനിയില്‍ നടക്കുന്ന എന്‍റെ കേരളം പ്രദര്‍ശന വിപണനമേളയുടെ ഭാഗമായി നാടിന്‍റെ മുന്നേറ്റവും വികസനങ്ങളും ചര്‍ച്ച ചെയ്യാന്‍ മുഖ്യമന്ത്രി പിണറായി വിജയന്‍ സമൂഹത്തിലെ വിവിധ മേഖലകളിലെ വ്യക്തിത്വങ്ങളുമായി നടത്തുന്ന മുഖാമുഖം പരിപാടി ഇന്ന് നടക്കും. രാവിലെ 10.30 മുതല്‍ 12.30 വരെ കണ്ണൂര്‍ ദിനേശ് ഓഡിറ്റോറിയത്തിലാണ് മുഖാമുഖം. മന്ത്രി കടന്നപ്പള്ളി രാമചന്ദ്രന്‍ അധ്യക്ഷത വഹിക്കും. ഇന്നത്തെ വിവിധ പരിപാടികള്‍ എന്‍റെ കേരളം പ്രദര്‍ശന വിപണനമേളയുടെ രണ്ടാം ദിനമായ ഇന്ന് ഉച്ചകഴിഞ്ഞ് രണ്ടു മുതല്‍ വൈകുന്നേരം നാലു വരെ സാമൂഹ്യനീതി വകുപ്പിന്‍റെ എന്‍റെ കേരളം വയോജന സൗഹൃദ കേരളം എന്ന വിഷയത്തില്‍ മൂന്ന് സെഷനുകളായി സെമിനാര്‍ നടക്കും. "വയോജന നയം, വയോജന കൗണ്‍സില്‍, വയോജന കമ്മീഷന്‍' എന്ന വിഷയത്തില്‍ സംസ്ഥാന വയോജന കൗണ്‍സില്‍ ഉപദേശക സമിതി അംഗം പ്രഫ. കെ. സരള, "വയോജന സംരക്ഷണ നിയമങ്ങളും ചട്ടങ്ങളും എംഡബ്ല്യുപിഎസ്‌സി ആക്ട് 2007 ആൻഡ് റൂള്‍സ്' വിഷയത്തില്‍ ഡിഐഎസ്എ പാനല്‍ അംഗം അഡ്വ. കെ.എ. പ്രദീപ് എന്നിവര്‍ സെഷനുകള്‍ കൈകാര്യം ചെയ്യും. തുടര്‍ന്ന് വയോജന സൗഹൃദ കേരളം വെല്ലുവിളികളും സാധ്യതകളും എന്ന വിഷയത്തില്‍ ഓപ്പണ്‍ ഫോറം നടക്കും. വൈകുന്നേരം 4.30ന് ട്രാന്‍സ്ജെന്‍ഡേഴ്സിന്‍റെ നൃത്ത പരിപാടിയും രാത്രി ഏഴിന് കൊച്ചിന്‍ കോക്ക് ബാന്‍ഡിന്‍റെ തത്സമയ പരിപാടിയും അരങ്ങേറും. 14 വരെയുള്ള ദിവസങ്ങളില്‍ രാവിലെ 10 മുതല്‍ സ്റ്റാളുകള്‍ സന്ദര്‍ശിക്കാം. പ്രവേശനം സൗജന്യമാണ്. ഉദ്ഘാടന വേദിയില്‍ ആംഗ്യഭാഷ തര്‍ജമ രണ്ടാം പിണറായി വിജയന്‍ സര്‍ക്കാരിന്‍റെ നാലാം വാര്‍ഷികത്തോടനുബന്ധിച്ച് കണ്ണൂര്‍ പോലീസ് മൈതാനിയില്‍ നടക്കുന്ന എന്‍റെ കേരളം പ്രദര്‍ശന വിപണന മേളയുടെ ഉദ്ഘാടന ചടങ്ങില്‍ ആംഗ്യഭാഷ തര്‍ജമ ശ്രദ്ധേയമായി. മന്ത്രി കടന്നപ്പള്ളി രാമചന്ദ്രന്‍, കെ.കെ. ശൈലജ എംഎല്‍എ എന്നിവരുടെ പ്രസംഗം എല്ലാവരും ഉള്‍ക്കൊള്ളുന്നതിന് തലശേരി സ്വദേശിയായ ഒ.എം. ദീപ്തിയാണ് ആംഗ്യഭാഷ തര്‍ജമ അവതരിപ്പിച്ചത്. നാഷണല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്‍ഡ് ഹിയറിങ് കോളജില്‍ നിന്നും സൈന്‍ ലാംഗ്വേജ് എന്‍റര്‍പ്രറ്റര്‍ കോഴ്‌സ് പൂര്‍ത്തീകരിച്ച ദീപ്തി രണ്ടു വര്‍ഷമായി ഈ രംഗത്ത് സജീവമാണ്.

ഓടകൾക്ക് സ്ലാബിടാൻ താമസമുണ്ടെങ്കിൽ താത്കാലിക സംവിധാനം ഒരുക്കണം: മനുഷ്യാവകാശ കമ്മീഷൻ

കണ്ണൂർ: പൊതുമരാമത്ത്, തദ്ദേശ സ്വയംഭരണ വകുപ്പുകൾക്ക് കീഴിലുള്ള റോഡുകൾ നവീകരിക്കുമ്പോൾ ഓവുചാലുകൾക്ക് മേൽ സ്ലാബുകൾ സ്ഥാപിക്കുന്നതിന് കാലതാമസമുണ്ടാകുകയാണെങ്കിൽ താത്കാലിക ഇരുമ്പുവേലിയോ മറ്റേതെങ്കിലും സജ്ജീകരണമോ ഏർപ്പെടുത്തണമെന്ന് മനുഷ്യാവകാശ കമ്മീഷൻ ജുഡീഷ്യൽ അംഗം കെ. ബൈജുനാഥ് ഉത്തരവിട്ടു. പൊതുമരാമത്ത്, തദ്ദേശ സ്വയംഭരണ വകുപ്പ് സെക്രട്ടറിമാർക്കാണ് കമ്മീഷൻ ഉത്തരവ് നൽകിയത്. ഉത്തരവിന്‍റെ അടിസ്ഥാനത്തിൽ സ്വീകരിച്ച നടപടികൾ മൂന്നുമാസത്തിനകം അറിയിക്കണമെന്നും നിർദേശിച്ചു. തലശേരിയിൽ ബസ് കാത്തുനിൽക്കുമ്പോൾ മൂടാത്ത ഓവുചാലിൽ വീണ് രഞ്ജിത്ത് എന്നയാൾ മരിച്ച സംഭവത്തിൽ പത്രവാർത്തയുടെ അടിസ്ഥാനത്തിൽ കമ്മീഷൻ സ്വമേധയാ രജിസ്റ്റർ ചെയ്ത കേസിലാണ് ഉത്തരവ്. 2024 ജൂൺ 24 നായിരുന്നു സംഭവം. അപകടമുണ്ടായ റോഡ് പൊതുമരാമത്ത് വകുപ്പിന് കീഴിലുള്ളതാണെന്ന് മുനിസിപ്പൽ സെക്രട്ടറി കമ്മീഷനെ അറിയിച്ചു. തലശേരി-കോടിയേരി റോഡിൽ കണ്ണിച്ചിറയിലാണ് അപകടം നടന്നത്. ഫണ്ടിന്‍റെ അഭാവമാണ് ഓവുചാലുകൾക്ക് മൂടി സ്ഥാപിക്കാനുള്ള പ്രധാന തടസമെന്നായിരുന്നു പൊതുമരാമത്ത് വകുപ്പ് കമ്മീഷനെ അറിയിച്ചത്. അത്യാഹിതമുണ്ടാകുമ്പോൾ മാത്രമാണ് ഫണ്ട് കണ്ടെത്തി തുറന്നു കിടക്കുന്ന ഓവുചാലുകൾ മൂടുന്നതെന്ന് കമ്മീഷൻ വിമർശിച്ചു. സംസ്ഥാനത്തുടനീളം ഇതാണ് അവസ്ഥ. റോഡ് വികസനത്തിന് മതിയായ ഫണ്ട് ലഭിക്കാതെ വരുമ്പോൾ ഓവുചാലുകൾ മൂടാതെ മാറ്റിവയ്ക്കുന്നതാണ് രീതി. മതിയായ ഫണ്ടിന്‍റെ അഭാവത്തിൽ പദ്ധതിയിൽ വിഭാവനം ചെയ്തിരിക്കുന്ന മുഴുവൻ കാര്യങ്ങളും നടപ്പാക്കാൻ ബുദ്ധിമുട്ടുണ്ട്. പദ്ധതിയേതര ശീർഷകങ്ങളിൽ ലഭ്യമായ ഫണ്ട് ഉപയോഗിച്ച് ഓവുചാലുകൾക്കുള്ള മൂടി പോലുള്ള കാര്യങ്ങളിൽ ഭരണാനുമതി നൽകിയ പ്രവൃത്തികൾ നടപ്പിലാക്കാമെന്നാണ് ചീഫ് എൻജിനിയർ വിശദീകരിച്ചത്. ഈ സംവിധാനം എല്ലായിടത്തും നടപ്പിലാക്കികൂടെയെന്ന് കമ്മീഷൻ ചോദിച്ചു. ഇതിന് സാങ്കേതിക തടസമുണ്ടെങ്കിൽ മൂടി സ്ഥാപിക്കുന്നത് വരെ താത്കാലിക സംവിധാനം ഏർപ്പെടുത്തണമെന്ന് കമ്മീഷൻ ആവശ്യപ്പെട്ടു.

വനിത കർഷക സംഗമം ന‌ടത്തി

കണ്ണൂര്‍: അഖിലേന്ത്യ കിസാൻ സഭ കണ്ണൂർ ജില്ലാ കൗൺസിലിന്‍റെ ആഭിമുഖ്യത്തിൽ വനിത കർഷക സംഗമം നടത്തി. സംസ്ഥാന എക്സിക്യുട്ടീവ് അംഗവും തൃശൂർ ജില്ലാ പഞ്ചായത്ത് സ്റ്റാൻഡിംഗ് കമ്മറ്റി ചെയർപേഴ്സനുമായ എസ്. ദീപ ഉദ്ഘാടനം ചെയ്തു. ജില്ലാ വൈസ് പ്രസിഡന്‍റ് പയ്യരട്ട ശാന്ത അധ്യക്ഷത വഹിച്ചു. കൃഷി അസി. ഡയറക്ടർ ബിന്ദു കെ. മാത്യു, ഡെയറി എക്സ്റ്റൻഷൻ ഓഫീസർ കെ.കെ.ബീന എന്നിവർ വിവിധ വിഷയങ്ങളിൽ ക്ലാസെടുത്തു. കിസാൻസഭ സംസ്ഥാന വൈസ് പ്രസിഡന്‍റ് എ. പ്രദീപൻ, ജില്ലാ പ്രസിഡന്‍റ് പി.കെ. മധുസൂദനൻ, സെക്രട്ടറി സി.പി. ഷൈജൻ മഹിളാ സംഘം സംസ്ഥാന ജോയിന്‍റ് സെക്രട്ടറി എന്‍. ഉഷ, ജില്ലാ സെക്രട്ടറി കെ.എം. സപ്ന, കെ.വി. ഗോപിനാഥ്, സംസ്ഥാന വനിതാ കര്‍ഷക അവാര്‍ഡ് ജേതാവ് കെ. ബിന്ദു, ഒ.വി. രത്നകുമരി എന്നിവർ പ്രസംഗിച്ചു. കിസാൻസഭ വനിത കർഷക സമിത രൂപീകരിച്ചു. സെക്രട്ടറിയായി പയ്യരട്ട ശാന്തയെയും പ്രസിഡന്‍റായി ഒ.വി. രത്നകുമാരിയെയും തെരഞ്ഞെ‌ടുത്തു.

ആറളത്ത് കുളിവെള്ളത്തിനായി നെട്ടോട്ടം

ഇരിട്ടി: വേനൽ മഴ കനിഞ്ഞിട്ടും കുടിവെള്ളമില്ലാതെ വലഞ്ഞ് ആറളം പുനരധിവാസ മേഖല ബ്ലോക്ക് 13 ലെ കുടുംബങ്ങൾ. കുടിവെള്ള വിതരണം ആരംഭിച്ചെങ്കിലും കാര്യക്ഷമമെല്ലെന്നാണ് പ്രദേശവാസികൾ പറയുന്നത്. പ്രദേശത്തെ പുഴയും വറ്റിവരണ്ട നിലയിലാണ്. പുഴയുടെ നടുക്ക് കുഴികുത്തിയും മറ്റുമാണ് പല കുടുംബങ്ങളും കുടിവെള്ളം ശേഖരിക്കുന്നത്. പുനരധിവാസ മേഖലയിലെ എല്ലാ ബ്ലോക്കുകളിലും ജലനിധി പദ്ധതി ഉണ്ടെങ്കിലും ഇവയൊന്നും പ്രവർത്തനക്ഷമമെല്ല. കോടികളുടെ കുടിവെള്ള പദ്ധതിയാണ് പുനരധിവാസ മേഖലയിൽ അധികൃതർ ശ്രദ്ധിക്കാതെ കാടുകയറി നശിക്കുന്നത്. മുൻവർഷങ്ങളിലെല്ലാം പഞ്ചായത്തും ടിആർഡിഎമ്മും വാഹനങ്ങളിൽ കുടിവെള്ളം എത്തിച്ചിരുന്നു. ഈ വർഷം ഒരറിയിപ്പുമില്ലാതെ ഒരു ദിവസം മാത്രം കുടിവെള്ളം എത്തിച്ചതായി പതിമൂന്നാം ബ്ലോക്കിലെ താമസക്കാർ പറയുന്നു. മെയിൻ റോഡിലൂടെ മാത്രമാണ് അന്ന് കുടിവെള്ള വിതരണം വാഹനം കടന്നു പോയതെന്നും പലർക്കും ആവശ്യത്തിനുള്ള വെള്ളം നല്കുന്നില്ലെന്നും പരാതിയുണ്ട്. അറിയിപ്പ് ലഭിച്ചാൽ ലീവ് എടുത്തിട്ടാണെങ്കിലും വെള്ളം വരുന്നത് ശേഖരിക്കാൻ കഴിയുമെന്നാണ് സ്ത്രീജനങ്ങൾ പറയുന്നത്. ആനയുടെ ഭീഷണി നിലനിൽക്കുന്ന ഇവിടെ കിലോമീറ്ററുകൾ നടന്ന് പുഴയിലെ കുഴിയിൽ നിന്നാണ് ഇവർ കുടിവെള്ളം ശേഖരിക്കുന്നത്. മേഖലയിലെ കുടിവെള്ളക്ഷാമം പരിഹരിക്കാൻ ആവശ്യമായ അടിയന്തര നടപടി ഉണ്ടാവണമെന്നാണ് ഇവരുടെ ആവശ്യം.

പരിഹാരമില്ലാതെ ഉരുപ്പുംകുറ്റി ഈന്തുംകരി മേഖലയിലെ യാത്രാക്ലേശം

ഇരിട്ടി: ജില്ലയിലെ പ്രധാന കുടിയേറ്റ മേഖലയായ ഉരുപ്പുംകുറ്റി ഈന്തുംകരി പ്രദേശവാസികളുടെ യാത്രാ ക്ലേശത്തിന് പരിഹാരം കാണാൻ നടപടി വേണമെന്ന ആവശ്യത്തിന് പതിറ്റാണ്ടുകളുടെ പഴക്കമുണ്ടെങ്കിലും നടപടികൾ ഒന്നുമായില്ല. 300 ൽ അധികം കുടുംബങ്ങൾ താമസിക്കുന്ന വനാതിർത്തിയോട് ചേർന്ന പ്രദേശത്തുകാർ ഇവിടെ നിന്ന് പുറത്തേക്ക് പോകാനും തിരിച്ചു വരാനും കടുത്ത ദുരിതമാണ് അനുഭവിക്കേണ്ടി വരുന്നത്. സാധാരണ കർഷകരും കൂലിപണിക്കാരുമടങ്ങുന്ന സമൂഹമാണ് ഈ മേഖലയിലെ ഭൂരിഭാഗം ജനങ്ങളും. നേരത്തെ 15ൽ അധികം ബസുകൾ സർവീസ് നടത്തിയിരുന്ന ഇവിടേക്ക് ഇപ്പോൾ രണ്ടു ബസുകൾ മാത്രമാണുള്ളത്. കരിക്കോട്ടകരിയിലെയും അങ്ങാടികടവിലെയും സ്കൂളുകളിൽ പഠിക്കുന്ന 60 ഓളം വരുന്ന വിദ്യാർഥികൾ ഉൾപ്പെടെയുള്ളവർ യാത്രയക്ക് ടാക്സി വാഹനങ്ങളെയാണ് ആശ്രയിക്കുന്നത്. ഇത് വലിയ സാന്പത്തിക ബാധ്യതയക്ക് ഇടയാക്കുന്നുണ്ട്. പരിമിതമായ പൊതു വാഹന സംവിധാനങ്ങളെ ആശ്രയിക്കുന്ന മുതിർന്നവർ തുടങ്ങി വിദ്യാർഥികൾ വരെ ഏറ്റവും അടുത്ത ടൗണായ കരിക്കോട്ടകരിയിലെത്തണമെങ്കിൽ 120 രൂപ മുടക്കി ഓട്ടോറിക്ഷ വിളിച്ചാണ് യാത്ര ചെയ്യുന്നത്. അടുത്ത അധ്യയനവർഷം ആരംഭിക്കാനിരിക്കെ വിദ്യാർഥികളെ എങ്ങിനെ സ്കൂളുകളിലേക്കയക്കുമെന്ന ആശങ്കയിലാണ് രക്ഷിതാക്കൾ. ബസ് ഉടമകളുടെ തർക്കത്തിൽ ബലിയാടായി നാട്ടുകാർ 15 ഓളം ബസുകൾ സർവീസ് നടത്തിയിരുന്നിടത്ത് ബസ് സർവീസുകൾ രണ്ടായി ചുരുങ്ങാൻ കാരണം സർവീസ് ലാഭകരമല്ലാത്തതല്ല. മറിച്ച് ബസ് ഉടമകളുടെ തൊഴുത്തിൽകുത്തും പിടിവാശിയുമാണെന്ന് നാട്ടുകാർ ആരോപിക്കുന്നു. ദീർഘദൂര ബസ് സർവീസ് പെർമിറ്റിനായി ചിലർ ഈന്തുംകരിയെ ഉൾപ്പെടുത്തിയുള്ള പെർമിറ്റ് സംഘടിപ്പിച്ച ശേഷം ക്രമേണ ഗ്രാമീണ സർവീസ് നടത്താതെ ടൗൺ കേന്ദ്രീകരിച്ച് സർവീസ് നടത്തുകയായിരുന്നു. ഇതിനിടെ ഉരുപ്പുംകുറ്റി ഈന്തുംകരി ഭാഗത്ത് നിന്ന് താത്കാലിക പെർമിറ്റിൽ സർവീസ് നടത്തിയിരുന്ന ബസുകൾക്കെതിരെ ഈ റൂട്ടിൽ സർവീസ് നടത്താത്ത മറ്റ് മൂന്ന് ബസുടമകൾ കോടതിയെ സമീപിച്ചു. ഈന്തുംകരിയിൽ നിന്നും പുറത്തേക്ക് സർവീസ് നടത്തിയിരുന്ന ബസുകൾ ഇവരുടെ ബസ് സർവീസിന് തൊട്ടുമുന്നിലായി ഓടുന്നതായിരുന്നു ഇവരെ പ്രകോപിപ്പിച്ചത്. ഇതേ തുടർന്ന് കോടതി താത്കാലിക പെർമിറ്റുമകൾ മരവിച്ചു. മറ്റുചിലരാകട്ടെ സർവീസ് മറ്റിടങ്ങളിലേക്ക് മാറ്റുകയും ചെയ്തു. ഇതോടെ നാട്ടുകാരാണ് ദുരിതത്തിലായത്. നിലവിൽ രാവിലെ 6.30ന് സർവീസ് ആരംഭിക്കുന്ന ഒരു ബസും എട്ടിന് പുറപ്പെടുന്ന ഒരു കെഎസ്ആർടിസിയും മാത്രമാണ് സർവീസ് നടത്തുന്നത്. പരിഹാരം കെഎസ്ആർടിസി സർവീസ് ഈ മേഖലയിലെ ജനങ്ങളു‌ടെ യാത്രാക്ലേശത്തിന് പരിഹാരം കെഎസ്ആർടിസിയുടെ ഷട്ടിൽ സർവീസുകൾ മാത്രമാണെന്ന് നാട്ടുകാർ പറയുന്നു. ഇരിട്ടിയിൽ നിന്നും കെഎസ്ആർടിസി രണ്ടോ മൂന്നോ ഷട്ടിൽ സർവീസ് നടത്തിയാൽ യാത്രാദുരിതത്തിന് ഒരു പരിധിവരെ പരിഹാരമാകും. കരിക്കോട്ടക്കരി വരെ ബസിൽ പോയി തിരിച്ചുവരാൻ 30 രൂപ ചെലവ് വരുന്നിടത്ത് ഇന്ന് 240 രൂപയാണ് യാത്രക്കാർക്ക് മുടക്കേണ്ടി വരുന്നത്. രണ്ട് ആദിവാസി സങ്കേതങ്ങൾ സ്ഥിതി ചെയ്യുന്ന പ്രദേശം കൂടിയാണിത്. കോടതിയെ സമീപിച്ചവരുടെ ബസുകൾ തടയും "യാത്രാ സൗകര്യം ഒരുക്കിത്തരണമെന്നാവശ്യപ്പെട്ട് മന്ത്രി, ജില്ലാ പഞ്ചായത്ത്, ആർടിഒ തുടങ്ങി എല്ലായിടത്തും പരാതികൾ നൽകി. ഇതുവരെ ഒരു നടപടിയും ഉണ്ടായിട്ടില്ല. ബസ് ഉടമകളുടെ കിടമത്സരത്തിൽ പാവം ജനങ്ങളാണ് ബുദ്ധിമുട്ടുന്നത്, അനുകൂലമായ തീരുമാനം ഉണ്ടായില്ലെങ്കിൽ താത്കാലിക പെർമിറ്റിൽ ഓടിയ ബസുകൾക്കെതിരേ കോടതിയെ സമീപിച്ചവരുടെ ബസുകൾ വഴിയിൽ തടയുന്നതുൾപ്പെടെയുള്ള സമരപരിപാടികളിലേക്ക് ജനങ്ങൾ നീങ്ങേണ്ടി വരും. സർവീസ് നടത്താൻ രണ്ടു ബസുകൾ തയാറായിരിക്കുന്പോഴാണ് കോടതി ഉത്തരവിലൂടെ താത്കാലിക പെർമിറ്റുകൾ മരവിപ്പിച്ച് ബസുടമകൾ 300 ഓളം കുടുംബങ്ങളെ ദുരിതത്തിലാക്കിയത്. -ഫാ. സുനിൽ കടുന്പൻന്താനത്ത്, ഉരുപ്പുംകുറ്റി സെന്‍റ് മേരീസ് പള്ളി വികാരി

സിപിഎം ക്രിമിനലുകളുടെ നടപടി അപലപനീയമെന്ന് മാർട്ടിൻ ജോർജ്

മലപ്പട്ടം: മലപ്പട്ടം അടുവാപ്പുറത്ത് രണ്ടുമാസങ്ങൾക്ക് മുമ്പ് യൂത്ത് കോൺഗ്രസ് പ്രവർത്തകർ സ്ഥാപിച്ച മഹാത്മജിയുടെയും ദേശീയ നേതാക്കളുടെയും ചിത്രങ്ങൾ ആലേഖനം ചെയ്ത സ്തൂപം തകർത്ത സിപിഎം ക്രിമിനലുകളുടെ നടപടി അപലപനീയമെന്ന് ഡിസിസി പ്രസിഡന്‍റ് മാർട്ടിൻ ജോർജ്. മുമ്പ് പയ്യന്നൂരിലും ഗാന്ധി പ്രതിമ സിപിഎമ്മുകാർ തകർത്തിരുന്നു. രാഷ്‌ട്രപിതാവിനു നേർക്ക് നിറയൊഴിച്ച ഗോഡ്സെയുടെ പിന്മുറക്കാരായി സിപിഎം മാറുകയാണ്. ഗാന്ധിസ്തൂപം സ്വന്തം സ്ഥലത്ത് സ്ഥാപിക്കാൻ മുൻകൈയെടുക്കുകയും പ്രവർത്തനങ്ങൾക്ക് നേതൃത്വം നൽകുകയും ചെയ്ത യൂത്ത് കോൺഗ്രസ് തളിപ്പറമ്പ് നിയോജക മണ്ഡലം സെക്രട്ടറി സനീഷിന്‍റെ വീടും സിപിഎം ആക്രമിച്ചു. വീട്ടിലുണ്ടായിരുന്ന ചെറിയ കുട്ടിയടക്കം ഭാഗ്യവശാലാണ് പരിക്കേൽക്കാതെ രക്ഷപ്പെട്ടത്. സ്തൂപം തകർത്തും കോൺഗ്രസ് പ്രവർത്തകരെ ഭയപ്പെടുത്തിയും കോൺഗ്രസ് ആശയങ്ങൾ പ്രചരിപ്പിക്കുന്നതിൽ നിന്ന് പിന്തിരിപ്പിക്കാമെന്ന വ്യാമോഹം വേണ്ട. ആ കാലമൊക്കെ കഴിഞ്ഞു. സിപിഎം ജനാധിപത്യ ധ്വംസനങ്ങളുടെ കോട്ട കെട്ടിയ മലപ്പട്ടം പോലുള്ള പ്രദേശങ്ങളിലെ യഥാർഥ കമ്മ്യൂണിസ്റ്റ് പാർട്ടി പ്രവർത്തകർ ഇതിനെതിരെ പ്രതികരിക്കും. ഗാന്ധി സ്തൂപം തകർക്കുകയും യൂത്ത് കോൺഗ്രസ് പ്രവർത്തകൻ സനീഷിന്‍റെ വീട് ആക്രമിക്കുകയും ചെയ്ത ക്രിമിനലുകളെ അറസ്റ്റ് ചെയ്യാൻ പോലീസ് തയാറാകണമെന്ന് മാർട്ടിൻ ജോർജ് ആവശ്യപ്പെട്ടു. ഡിസിസി പ്രസിഡന്‍റിനോടൊപ്പം റിജിൽ മാക്കുറ്റി, കെ.സി. ഗണേശൻ, കെ.പി. ശശിധരൻ, ശ്രീജേഷ് കൊയിലേരിയൻ തുടങ്ങിയവർ അക്രമം നടന്ന സ്ഥലം സന്ദർശിച്ചു.

ഇന്ത്യൻ സൈന്യത്തിനായി ക്ഷേത്രത്തിൽ വഴിപാട്

പയ്യാവൂർ: കാഷ്മീരിൽ ഭീകരാക്രമണം നടത്തിയ പാക് ഭീകരവാദികൾക്കെതിരെ ഇന്ത്യൻ സൈന്യം തിരിച്ചടി തുടങ്ങിയ സാഹചര്യത്തിൽ സൈനികർക്ക് വേണ്ടി പയ്യാവൂർ ശിവക്ഷേത്രത്തിൽ വിശേഷാൽ പൂജയും പ്രാർഥനകളും. പയ്യാവൂർ ദേവസ്വം മുൻ ചെയർമാൻ ടി.പി. രാജീവന്‍റെ നേതൃത്വത്തിലാണ് മൃത്യുഞ്ജയ ഹോമം ഉൾപ്പെടെയുള്ള വഴിപാടുകളും പ്രാർഥനകളും നടത്തിയത്. വില്ലാളിവീരനായ അർജുനന് പരമശിവൻ പാശുപതാസ്ത്രം നൽകി അനുഗ്രഹിച്ച സ്ഥലമായാണ് പയ്യാവൂർ ശിവക്ഷത്രം കരുതപ്പെടുന്നത്.

നിവേദനം നല്കി

തളിപ്പറമ്പ്: തളിപ്പറമ്പ് നഗരസഭ പുഷ്പഗിരിയിൽ നഗരസഭ നിർമിക്കുന്ന സ്പോർട്ട്സ് കോംപ്ലക്സിന് സിഎംഐ വൈദികൻ വിശുദ്ധ ചാവറയച്ചന്‍റെ പേരിടണമെന്നാവശ്യപ്പെട്ട് തളിപ്പറമ്പ് സെന്‍റ് മേരീസ് ഫൊറോന പള്ളി അധികൃതർ നിവേദനം നൽകി. ഫൊറോന വികാരി ഫാ. മാത്യു ആശാരിപറമ്പിലിന്‍റെ നേതൃത്വത്തിൽ നഗരസഭ സ്ഥിരം സമിതി അധ്യക്ഷൻ പി.പി. മുഹമ്മദ് നിസാറിനാണ് നിവേദനം നൽകിയത്. ടി.എസ്. ജയിംസ് മരുതാനിക്കാട്ട്, സിബി പരിയാനിക്കൽ, ഒ.സി. തോമസ് എന്നിവരും നിവേദക സംഘത്തിൽ ഉണ്ടായിരുന്നു. 40 വർഷം മുമ്പ് സിഎംഐ സഭ തളിപ്പറമ്പ് പഞ്ചായത്തിന് സൗജന്യമായി നൽകിയ ഒരേക്കർ സ്ഥലത്താണ് സ്പോർട്സ് കോംപ്ലക്സ് നിർമിക്കുന്നത്.

റെഡ് ക്രോസ് അവാർഡുമായി വായാട്ടുപറമ്പ് സെന്‍റ് ജോസഫ്സ്

വായാട്ടുപറമ്പ്: ഇന്ത്യൻ റെഡ് ക്രോസ് സൊസൈറ്റി ഏർപ്പെടുത്തിയ കണ്ണൂർ ജില്ലയിലെ ജെആർസി ബെസ്റ്റ് സ്കൂൾ അവാർഡിന് വായാട്ടുപറന്പ് സെന്‍റ് ജോസഫ്സ് എച്ച്എസ്എസ് അർഹമായി. വിദ്യാല യത്തിലെ ജെആർസി യൂണിറ്റിന്‍റെ മികവാർന്ന ജീവകാരുണ്യ പ്രവർത്തനങ്ങൾ, ലഹരി വിരുദ്ധ ബോധവത്കരണ പ്രവർത്തനങ്ങൾ, പ്രഥമ ശുശ്രൂഷാ രംഗത്തെ പ്രവർത്തനങ്ങൾ, പരിസ്ഥിതി സംരക്ഷണ പ്രവർത്തനങ്ങൾ തുടങ്ങിയവ ഫലപ്രദമാമായി വിദ്യാലയത്തിൽ നടപ്പിലാക്കിയതും, സംസ്ഥാന തലത്തിൽ കേഡറ്റുകൾ നേടിയ വിജയങ്ങളും പരിഗണിച്ചാണ് അവാർഡ്. വിദ്യാലയത്തിലെ ഗായികയും, പ്രാസംഗികയുമായ റോസ്‌ലിന ആൻ ഡെന്നീസാണ് ജില്ലയിലെ മികച്ച ജെആർസി കേഡറ്റ്.

ഡെങ്കിപ്പനി: ഫോഗിംഗ് നടത്തി

ചെറുപുഴ: ഡെങ്കിപ്പനി റിപ്പോർട്ട്‌ ചെയ്ത ചെറുപുഴ പഞ്ചായത്ത് അഞ്ചാം വാർഡിലെ ചുണ്ട പുഴയോരത്തും, തിരുമേനിയിലും ആരോഗ്യ വകുപ്പ് പ്രതിരോധ പ്രവർത്തനങ്ങൾ ശക്തമാക്കി. ഒരാഴ്ചയ്ക്കിടെ ചുണ്ടയിലും തിരുമേനിയിലും രണ്ടാൾക്ക് വീതമാണ് ഡെങ്കിപ്പനി ബാധിച്ചത്. പുളിങ്ങോം കുടുംബാരോഗ്യ കേന്ദ്രത്തിന്‍റെയും ചെറുപുഴ പഞ്ചായത്തിന്‍റെയും നേതൃത്വതിൽ തളിപ്പറമ്പ് ഡിവിസി യൂണിറ്റിന്‍റെ സഹകരണത്തോടെ രോഗബാധിത മേഖലകളിൽ കൊതുക് നശീകരണത്തിനായി ഫോഗിംഗ് നടത്തി. കൊതുക് കൂത്താടി പരിശോധന, ഹെൽത്ത് സ്‌ക്വാഡ് നേതൃത്വതിൽ ഗൃഹ സന്ദർശനം, കൊതുക് ഉറവിട നശീകരണം എന്നിവ നടത്തി. പ്രതിരോധ പ്രവർത്തനങ്ങൾക്ക് പഞ്ചായത്ത് അംഗം കെ.ഡി. പ്രവീൺ, ഹെൽത്ത് ഇൻസ്പെക്ടർ വി. മുഹമ്മദ് ഷെരീഫ്, എൽ.എസ്. അശ്വതി, ആര്യ രാജപ്പൻ, തളിപ്പറമ്പ് ഡിവിസി യൂണിറ്റിലെ പി. രാജീവൻ, രാജേഷ്കുമാർ, ഇ. പ്രസന്ന, വി. സിന്ധു, ആശ വർക്കർ എം. രജിത എന്നിവർ നേതൃത്വം നൽകി. പ്രവർത്തനങ്ങൾ വിലയിരുത്താനും ആസൂത്രണം ചെയ്യാനുമായി ആരോഗ്യ പ്രവർത്തകർ, ജനപ്രതിനിധികൾ, സന്നദ്ധ പ്രവർത്തകരുടെ യോഗം ഇന്ന് ഉച്ചകഴിഞ്ഞു മൂന്നിന് പഞ്ചായത്ത് ഹാളിൽ ചേരുമെന്ന് പ്രസിഡന്‍റ് കെ.എഫ്. അലക്സാണ്ടർ അറിയിച്ചു.

മട്ടന്നൂർ നഗരസഭ ബഡ്സ് സ്കൂളിന് സംസ്ഥാന പുരസ്കാരം

മട്ടന്നൂർ: മട്ടന്നൂർ നഗരസഭയ്ക്കു കീഴിലുള്ള പഴശിരാജ മെമ്മോറിയൽ ബഡ്സ് സ്പെഷൽ സ്കൂളിന് കുടുംബശ്രീ മിഷന്‍റെ സംസ്ഥാന പുരസ്കാരം. പഴശി സ്മൃതി മന്ദിരത്തിന് സമീപത്തുള്ള പഴയ സാംസ്കാരിക നിലയത്തിലാണ് 2014 മുതൽ ബഡ്സ് സ്കൂൾ പ്രവർത്തിച്ചു വന്നിരുന്നത്. നേരത്തെ ഒയിസ്ക ചാരിറ്റബിൾ ട്രസ്റ്റിന്‍റെ നേതൃത്വത്തിൽ ആരംഭിച്ച ഭിന്നശേഷി കുട്ടികളുടെ പരിപാലന കേന്ദ്രം അവർക്ക് നടത്തി കൊണ്ടുപോകാൻ പ്രയാസമറിയിച്ചതിനെ തുടർന്നാണ് 2014 ൽ നഗരസഭ ഏറ്റെടു ക്കുന്നത്. ഭിന്നശേഷിക്കാരായ നിരവധി കുട്ടികൾക്ക് മികച്ച പരിശീലനം നല്കുന്ന കേന്ദ്രമായി ഈ സ്കൂൾ മാറുകയുണ്ടായി. തുടർന്നാണ് സംസ്ഥാന സർക്കാർ മോഡൽ ചൈൽഡ് റിഹാബിലിറ്റേഷൻ സെന്‍ററായി ഈ സ്ഥാപനത്തെ മാറ്റാൻ തീരുമാനിച്ചത്. എംസിആർസിക്കായി നഗരസഭ സ്ഥലം ഏറ്റെടുക്കുകയും കേരള സാമൂഹ്യ സുരക്ഷാ മിഷൻ ആറു കോടി രൂപ ചെലവിൽ പുതിയ കെട്ടിടം നിർമിക്കുകയും ചെയ്തിട്ടുണ്ട്. 2025 ജനുവരി മുതൽ പുതിയ കെട്ടിടത്തിലാണ് ബഡ്സ് സ്കൂൾ പ്രവർത്തിച്ചു വരുന്നത്. 65 വിദ്യാർഥി കളും 10 ജീവനക്കാരും ആണ് ഇവിടെ ഉള്ളത്. നഗരസഭയുടെ വാർഷിക പദ്ധതിയിൽ ഉൾപ്പെടുത്തുന്ന ഫണ്ടും ബഡ്സ് സ്കൂൾ മാനേജ്മെന്‍റ് കമ്മിറ്റി മുഖാന്തരം ലഭിക്കുന്ന സഹായങ്ങളും സർക്കാരിന്‍റെ ഗ്രാന്‍റും ഉപയോഗപ്പെടുത്തിയാണ് സ്ഥാപനത്തിന്‍റെ പ്രവർത്തനം. രക്ഷിതാക്കൾക്കായി തൊഴിൽ പരിശീലനം ഉൾപ്പെടെ കേന്ദ്രത്തിന്‍റെ ഭാഗമായി പ്രവർത്തിച്ചു വരുന്നു. അഞ്ചുലക്ഷം രൂപ വിലവരുന്ന പുതിയ തെറാപ്പി ഉപകരണങ്ങൾ പുതുതായി സ്ഥാപിച്ചു കഴിഞ്ഞു. നാട്ടുകാരുടെയും അഭ്യുദയകാംക്ഷികളുടെയും സഹകരണമാണ് സ്ഥാപനത്തിന്‍റെ പുരോഗതിക്ക് അടിസ്ഥാനമെന്ന് നഗരസഭാ ചെയർമാൻ എൻ. ഷാജിത്തും പ്രിൻസിപ്പൽ സി. രജനിയും പറഞ്ഞു. സമീപ പഞ്ചായത്തുകളിൽ നിന്നുമുളള വിദ്യാർഥികൾക്കായി പ്രത്യേക വാഹന സൗകര്യവും നഗരസഭ ഏർപ്പെടുത്തിയിട്ടുണ്ട്.

ജില്ലാതല സമ്മര്‍ ക്യാമ്പ് ലിയോറ ഫെസ്റ്റിന് തുടക്കമായി

കണ്ണൂർ: കുടുംബശ്രീ ജില്ലാമിഷന്‍ ബാലസഭാ അംഗങ്ങള്‍ക്കായി നടത്തുന്ന ജില്ലാതല സമ്മര്‍ ക്യാമ്പ് മൈന്‍ഡ് ബ്ലോവേഴ്‌സ് ലിയോറ ഫെസ്റ്റ് കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ എം.വി. ജയന്‍ ഉദ്ഘാടനം ചെയ്തു. കൂടാളി ക്ഷേമകാര്യ സ്ഥിരം സമിതി അധ്യക്ഷന്‍ കെ. ദിവാകരന്‍ അധ്യക്ഷത വഹിച്ചു. കുടുംബശ്രീ ജില്ലാ പ്രോഗ്രാം മാനേജര്‍ പി. വിനേഷ് പദ്ധതി വിശദീകരണം നടത്തി. പള്ളിക്കുന്ന് കൃഷ്ണ മേനോന്‍ സ്മാരക ഗവ. വനിതാ കോളജില്‍ ഇന്നും നാളെയുമായി നടക്കുന്ന ക്യാമ്പില്‍ സിനിമാ താരം ഇന്ദ്രന്‍സ്, കണ്ണൂര്‍ ജില്ലാ കളക്ടര്‍ അരുണ്‍ കെ. വിജയന്‍ എന്നിവര്‍ പങ്കെടുക്കും. 11 ബ്ലോക്കുകളില്‍ നിന്ന് തെരഞ്ഞെടുത്ത ബാലസഭയുടെ 55 കുട്ടികളാണ് ക്യാമ്പില്‍ പങ്കെടുക്കുന്നത്. മികച്ച പ്രകടനം കാഴ്ചവയ്ക്കുന്ന ജില്ലയിലെ ഏഴ് കുട്ടികള്‍ക്ക് അടുത്ത വര്‍ഷം തിരുവനന്തപുരത്ത് നടക്കുന്ന ഇന്‍റര്‍നാഷണല്‍ ഇന്നോവേഷന്‍ കോണ്‍ക്ലേവില്‍ ആശയാവതരണം നടത്താനുള്ള അവസരമുണ്ടാകും. അറിവിനും സര്‍ഗാത്മകതയ്ക്കുമൊപ്പം സംരംഭകത്വത്തിന്‍റെ നൂതന പാഠങ്ങള്‍ പരിശീലിപ്പിക്കുക എന്ന ലക്ഷ്യത്തോടെ ആരംഭിച്ച "മൈന്‍ഡ് ബ്ലോവേഴ്‌സ്' ക്യാമ്പിന്‍റെ തുടര്‍ച്ചയാണ് ലിയോറ ഫെസ്റ്റ് സമ്മര്‍ ക്യാമ്പ്. ഗ്രൂപ്പ് ആക്ടിവിറ്റി, ഗെയിംസ്, കളക്ടറുമായി സംവദിക്കല്‍ എന്നിങ്ങനെയുള്ള നിരവധി പരിപാടികള്‍ ക്യാമ്പിന്‍റെ ഭാഗമായി നടക്കും. കുടുംബശ്രീ ജില്ലാമിഷന്‍ എഡിഎംസിമാരായ കെ. വിജിത്ത്, കെ. രാഹുല്‍, പി.ഒ. ദീപ, പാപ്പിനിശേരി സിഡിഎസ് ചെയര്‍പേഴ്സണ്‍ മിനി ഷേര്‍ളി, തില്ലങ്കേരി സിഡിഎസ് ചെയര്‍പേഴ്സണ്‍ എം. ഷിംന തുടങ്ങിയവര്‍ പരിപാടിയില്‍ പങ്കെടുത്തു.

മോക്ക് ഡ്രില്ലില്‍ പങ്കുചേര്‍ന്ന് ജനം: ജില്ലയില്‍ 'ഓപ്പറേഷന്‍ അഭ്യാസ്' വിജയകരം

കണ്ണൂർ: ആക്രമണങ്ങളില്‍ നിന്ന് സ്വയം രക്ഷയ്ക്കുള്ള മുന്നൊരുക്കം ലക്ഷ്യമിട്ട് വിവിധ വകുപ്പുകളുടെ നേതൃത്വത്തില്‍ നടത്തിയ സിവില്‍ ഡിഫെന്‍സ് മോക്ക് ഡ്രില്‍, "ഓപ്പറേഷന്‍ അഭ്യാസ്' ജില്ലയിലെ അഞ്ചിടങ്ങളില്‍ വിജയകരമായി സംഘടിപ്പിച്ചു. വൈകുന്നേരം നാലോടെ തളിപ്പറമ്പ് എല്‍ഐസി കോംപ്ലക്സ്, പരിശോധന, രക്ഷപ്പെടുത്തല്‍ എന്നിവ സംബന്ധിച്ച് സെന്‍റ് തെരേസാസ് സ്‌കൂളിലും, ആളുകളെ ഒഴിപ്പിക്കല്‍ ഇരിട്ടി താലൂക്ക് സിവില്‍ സ്റ്റേഷനിലും നടന്നു. മോക്ക് ഡ്രില്ലിന്‍റെ ഭാഗമായി താത്കാലിക ആശുപത്രി പയ്യന്നൂര്‍ റവന്യു ടവറില്‍ സജ്ജമാക്കി. വൈകുന്നേരം നാലോടെ നഗരസഭാ അപകട സൈറണ്‍ മുഴക്കിയതോടെ തലശേരി കണ്ണിച്ചിറ ഗാര്‍ഡന്‍സ് അപ്പാര്‍ട്ട്‌മെന്‍റിലെ ജാസ്മിന്‍ ബ്ലോക്കിലാണ് ഷെല്‍ ആക്രമണവും തുടര്‍ന്ന് തീപിടുത്തവുമുണ്ടായാല്‍ നടത്തുന്ന രക്ഷാപ്രവര്‍ത്തനങ്ങളുടെ മോക്ക്ഡ്രില്‍ നടന്നത്.

തൊരപ്പൻ സന്തോഷ് കാക്കയങ്ങാട്ടുണ്ട്; ജാഗ്രത വേണമെന്ന് പോലീസ്

ഇരിട്ടി: കുപ്രസിദ്ധ മോഷ്ടാവ് തൊരപ്പൻ സന്തോഷ് കാക്കയങ്ങാട് മേഖലയിൽ എത്തിയതായി സൂചന ലഭിച്ചതോടെ ജനങ്ങളൊട് ജാഗ്രത പാലിക്കാൻ പോലീസ് നിർദേശം. ബുധനാഴ്ച ഉച്ചയോടെ തൊരപ്പൻ സന്തോഷ് മുഴക്കുന്ന് ഭാഗത്ത് എത്തിയതായാണ് പോലീസിന് ലഭിച്ച വിവരം. പകൽ സ്ഥലം കണ്ടെത്തി രാത്രിയിൽ മോഷണം നടത്തുന്നതാണ് തൊരപ്പന്‍റെ രീതി. ഭിത്തി തുരന്ന് അകത്തു കയറി മോഷണം നടത്തുന്നതുകൊണ്ടാണ് ഇയാൾ തൊരപ്പൻ എന്ന പേരിൽ അറിയപ്പെടുന്നത്. വെള്ളർവള്ളി നരസിംഹ മൂർത്തി ക്ഷേത്രത്തിലടക്കം നിരവധി സ്ഥലങ്ങളിൽ മോഷണം നടത്തിയിട്ടുള്ള സന്തോഷ് ജാമ്യത്തിൽ ഇറങ്ങിയതാണ്. ഇയാളെ തിരിച്ചറിയുന്നവർ അടിയന്തരമായി മുഴക്കുന്ന് പോലീസ് സ്റ്റേഷനിൽ വിവരം അറിയിക്കുക. ഫോൺ: 0490 2458200.

കൃഷിഭവനുകളിലേക്ക് 12ന് കർഷക കോൺഗ്രസ് മാർച്ച്

കണ്ണൂർ: കർഷക കോൺഗ്രസ് മണ്ഡലം കമ്മിറ്റികളുടെ ആഭിമുഖ്യത്തിൽ ജില്ലയിലെ മുഴുവൻ കൃഷിഭവനുകൾക്ക് മുന്നിലും 12ന് രാവിലെ 11ന് കർഷക കോൺഗ്രസ് മാർച്ചും ധർണയും നടത്തുമെന്ന് കർഷക കോൺഗ്രസ് ജില്ലാ നേതൃയോഗം. കേര സംരക്ഷണത്തിനായി ലോകബാങ്ക് ആദ്യ ഗഡുവായി നൽകിയ 139 കോടി രൂപയാണ് സർക്കാർ വകമാറ്റി ചെലവഴിച്ചത്. നെല്ല് സംഭരണത്തിലെ പാളിച്ചകളും മില്ലുകാരുമായി ഒത്തു കളിച്ച് കിഴിവിലൂടെ കർഷകന് അധിക നഷ്ടം വരുത്തിയും സംഭരിച്ച നെല്ലിന്‍റെ പണം നൽകാതെയും കർഷകരെ വഞ്ചിച്ചു. നാലാം വാർഷികം ആഘോഷിക്കുന്ന സർക്കാരിന്‍റെ കർഷക വഞ്ചനയ്ക്കെതിരെയും റബറിന് 250 രൂപ തറവില നിശ്ചയിക്കാമെന്ന് സർക്കാർ വാഗ്ദാനം പാലിക്കാത്തതിനെതിരെയും പ്രതിഷേധിച്ചുകൊണ്ടാണ് കൃഷിഭവനിലേക്ക് മാർച്ചം ധർണയും നടത്തുന്നത്. കർഷക കോൺഗ്രസ് ജില്ലാ നേതൃയോഗത്തിൽ ജില്ലാ പ്രസിഡന്‍റ് ജോസ് പൂമല അധ്യക്ഷത വഹിച്ചു. സംസ്ഥാന ഭാരവാഹികളായ പി.ഒ. ചന്ദ്രമോഹനൻ, സി.പി. സലീം, അബൂബക്കർ പൂക്കോത്ത്, എ.ജെ. തോമസ്, ജോണി മുണ്ടക്കൽ, കെ.പി. കുമാരൻ, റോയി ഈറ്റക്കൽ, ജോസ് പന്ന്യാമാക്കൽ തുടങ്ങിയവർ പ്രസംഗിച്ചു.

സിപിഎം ക്രിമിനലുകളുടെ നടപടി അപലപനീയമെന്ന് മാർട്ടിൻ ജോർജ്

മലപ്പട്ടം: മലപ്പട്ടം അടുവാപ്പുറത്ത് രണ്ടുമാസങ്ങൾക്ക് മുമ്പ് യൂത്ത് കോൺഗ്രസ് പ്രവർത്തകർ സ്ഥാപിച്ച മഹാത്മജിയുടെയും ദേശീയ നേതാക്കളുടെയും ചിത്രങ്ങൾ ആലേഖനം ചെയ്ത സ്തൂപം തകർത്ത സിപിഎം ക്രിമിനലുകളുടെ നടപടി അപലപനീയമെന്ന് ഡിസിസി പ്രസിഡന്‍റ് മാർട്ടിൻ ജോർജ്. മുമ്പ് പയ്യന്നൂരിലും ഗാന്ധി പ്രതിമ സിപിഎമ്മുകാർ തകർത്തിരുന്നു. രാഷ്‌ട്രപിതാവിനു നേർക്ക് നിറയൊഴിച്ച ഗോഡ്സെയുടെ പിന്മുറക്കാരായി സിപിഎം മാറുകയാണ്. ഗാന്ധിസ്തൂപം സ്വന്തം സ്ഥലത്ത് സ്ഥാപിക്കാൻ മുൻകൈയെടുക്കുകയും പ്രവർത്തനങ്ങൾക്ക് നേതൃത്വം നൽകുകയും ചെയ്ത യൂത്ത് കോൺഗ്രസ് തളിപ്പറമ്പ് നിയോജക മണ്ഡലം സെക്രട്ടറി സനീഷിന്‍റെ വീടും സിപിഎം ആക്രമിച്ചു. വീട്ടിലുണ്ടായിരുന്ന ചെറിയ കുട്ടിയടക്കം ഭാഗ്യവശാലാണ് പരിക്കേൽക്കാതെ രക്ഷപ്പെട്ടത്. സ്തൂപം തകർത്തും കോൺഗ്രസ് പ്രവർത്തകരെ ഭയപ്പെടുത്തിയും കോൺഗ്രസ് ആശയങ്ങൾ പ്രചരിപ്പിക്കുന്നതിൽ നിന്ന് പിന്തിരിപ്പിക്കാമെന്ന വ്യാമോഹം വേണ്ട. ആ കാലമൊക്കെ കഴിഞ്ഞു. സിപിഎം ജനാധിപത്യ ധ്വംസനങ്ങളുടെ കോട്ട കെട്ടിയ മലപ്പട്ടം പോലുള്ള പ്രദേശങ്ങളിലെ യഥാർഥ കമ്മ്യൂണിസ്റ്റ് പാർട്ടി പ്രവർത്തകർ ഇതിനെതിരെ പ്രതികരിക്കും. ഗാന്ധി സ്തൂപം തകർക്കുകയും യൂത്ത് കോൺഗ്രസ് പ്രവർത്തകൻ സനീഷിന്‍റെ വീട് ആക്രമിക്കുകയും ചെയ്ത ക്രിമിനലുകളെ അറസ്റ്റ് ചെയ്യാൻ പോലീസ് തയാറാകണമെന്ന് മാർട്ടിൻ ജോർജ് ആവശ്യപ്പെട്ടു. ഡിസിസി പ്രസിഡന്‍റിനോടൊപ്പം റിജിൽ മാക്കുറ്റി, കെ.സി. ഗണേശൻ, കെ.പി. ശശിധരൻ, ശ്രീജേഷ് കൊയിലേരിയൻ തുടങ്ങിയവർ അക്രമം നടന്ന സ്ഥലം സന്ദർശിച്ചു.

നവവധുവിന്‍റെ മോഷണം പോയ 30 പവൻ ആഭരണങ്ങൾ തിരിച്ചുകിട്ടി

പയ്യന്നൂർ: ആദ്യ രാത്രിയിൽ വരന്‍റെ വീട്ടിൽ നിന്നും മോഷണം പോയ നവവധു വിവാഹത്തിന്നണിഞ്ഞ 30 പവൻ ആഭരണങ്ങൾ തിരിച്ചു കിട്ടി. സംഭവത്തിൽ പോലീസ് അന്വേഷണം ഊർജിതമാക്കിയതിനിടയിലാണ് ആഭരണങ്ങൾ വീടിന് സമീപം കൊണ്ടു വച്ച നിലയിൽ കണ്ടെത്തിയത്. മേയ് ഒന്നിനാണ് കരിവെള്ളൂർ പലിയേരിയിലെ എ.കെ. അർജുന്‍റെ ഭാര്യ കൊല്ലം തെക്കേവിള സ്വദേശിനി ആർച്ച എസ്. സുധിയുടെ 30 പവന്‍റെ ആഭരണങ്ങൾ മോഷ്ടിക്കപ്പെട്ടത്. വിവാഹ ദിവസം വീടിന് മുകൾ നിലയിലെ കിടപ്പുമുറിയുടെ അലമാരയിൽ നവവധു അഴിച്ചു വച്ചിരുന്ന ആഭരണങ്ങളാണ് പിറ്റേ ദിവസം മോഷ്ടിക്കപ്പെട്ടതായി കണ്ടെത്തിയത്. നവവധുവിന്‍റെ പരാതിയിൽ കേസെടുത്ത പയ്യന്നൂർ പോലീസ് അന്വേഷണം ഊർജിതമാക്കിയിരുന്നു. ഡോഗ് സ്ക്വാഡും ഫോറൻ സിക് വിദഗ്ധരും പരിശോധന നടത്തിയെങ്കിലും പുരോഗതിയുണ്ടായില്ല. അന്ന് വിവാഹ ചടങ്ങിനെത്തിയ യുവതിയുടെ ബന്ധുക്കളെയും ജോലി ചെയ്യുന്ന തിരുവനന്തപുരത്തെ സ്ഥാപനത്തിലെ സുഹൃത്തുക്കളെയും കണ്ടെത്തി പോലീസ് ചോദ്യം ചെയ്തിരുന്നു. തുടരന്വേഷണത്തിന്‍റെ ഭാഗമായി ഇന്നലെ പോലീസ് വീണ്ടും സംഭവസ്ഥലത്തെത്തിയപ്പോഴാണ് സ്വർണാഭരണങ്ങൾ അടങ്ങിയ ബാഗ് കണ്ടെത്തിയത്. പയ്യന്നൂർ ഡിവൈഎസ്പി കെ. വിനോദ്കുമാറിന്‍റെ നിർദേശപ്രകാരം എസ്ഐ പി. യദുകൃഷ്ണനും സംഘവും നടത്തിയ പഴുതടച്ച അന്വേഷണത്തിൽ മോഷ്ടാവ് പിടിക്കപ്പെടുമെന്ന ഘട്ടത്തിലാണ് സ്വർണാഭരണങ്ങൾ വീടിനു സമീപം ഉപേക്ഷിച്ചതെന്നാണ് നിഗമനം. സ്വർണാഭരണങ്ങൾ തിരിച്ചു കിട്ടിയെങ്കിലും മോഷ്ടാവിനെ എത്രയും വേഗം പിടികൂടാൻ കഴിയുമെന്ന പ്രതീക്ഷയിലാണ് പയ്യന്നൂർ പോലീസ്.

മാടായിപ്പാറയിൽ സായാഹ്ന സത്യഗ്രഹം തുടങ്ങി

പഴയങ്ങാടി: മാടായിപ്പാറ സംരക്ഷണ സമിതിയുടെ നേതൃത്വത്തിൽ പ്രദേശത്ത് 11 വരെ നടക്കുന്ന പഞ്ചദിന സായാഹ്ന സത്യഗ്രഹത്തിന് തുടക്കമായി. സസ്യജൈവവൈവിധ്യ കേന്ദ്രമായ മാടായിപ്പാറയുടെ പൈതൃകം നിലനിർത്താനും സംരക്ഷിക്കുവാനും കൈയേറ്റം തടയുന്നതിനും വേണ്ടിയാണ് സത്യഗ്രഹം നടത്തുന്നത്. കണ്ണൂർ രൂപത വികാരി ജനറാൾ മോൺ. ക്ലാരൻസ് പാലിയത്ത് ഉദ്ഘാടനം ചെയ്തു. മാടായിപ്പാറ സംരക്ഷണ സമിതി ചെയർമാൻ പി.പി. കൃഷ്ണൻ അധ്യക്ഷത വഹിച്ചു. കെ.പി. ചന്ദ്രാംഗദൻ, ബിജെപി ജില്ലാ പ്രസിഡന്‍റ് കെ.കെ. വിനോദ് കുമാർ, എൻ. നാരായണ പിടാരർ, സി. നാരായണൻ, വി.പി. മുഹമ്മദലി, മഹമൂദ് മാട്ടൂൽ തുടങ്ങിയവർ പ്രസംഗിച്ചു.

വ്യാപാരി സാന്ത്വനം മെഗാ നറുക്കെടുപ്പ് പദ്ധതി ഏരിയാതല കൂപ്പൺ വിതരണോദ്ഘാടനം

ഇരിട്ടി: വ്യാപാരി വ്യവസായി സമിതി വ്യാപാരി സാന്ത്വനം ട്രസ്റ്റിന്‍റെ നേതൃത്വത്തിൽ ജീവകാരുണ്യ പദ്ധതിയുടെ ഭാഗമായി നടക്കുന്ന മെഗാ നറുക്കെടുപ്പ് പദ്ധതിയുടെ ഏരിയാതല കൂപ്പൺ വിതരണോദ്ഘാടനം ഇരിട്ടി നഗരസഭ ചെയർപേഴ്സൺ കെ. ശ്രീലത നിർവഹിച്ചു. ഒന്നാം സമ്മാനം 25 പവനും രണ്ടാം സമ്മാനം നിസാൻ മാഗ്‌നൈറ്റ് കാറും, മൂന്നാം സമ്മാനമായ ഇലക്‌ട്രിക്ക് സ്‌കൂട്ടറും തുടങ്ങി അഞ്ഞൂറോളം പേർക്ക് പ്രോത്സാഹന സമ്മാനങ്ങൾ ഉൾപ്പടെ നൽകുന്ന പദ്ധതിയുടെ നറുക്കെടുപ്പ് ജൂൺ 10ന് നടക്കും. 500 രൂപയാണ് ടിക്കറ്റിന്‍റെ വില. ദുരിതം അനുഭവിക്കുന്ന വ്യാപാരികളെ സഹായിക്കാൻ ലക്ഷ്യമിട്ടാണ് പദ്ധതി നടപ്പിലാക്കുന്നതെന്ന് വ്യാപാരി നേതാക്കൾ പറഞ്ഞു.

ആശമാരുടെ രാപ്പകൽ സമരയാത്രയ്ക്ക് കണ്ണൂരിൽ സ്വീകരണം നല്കി

കണ്ണൂർ: ആശാസമരം ഒത്തുതീർക്കാൻ സർക്കാർ അടിയന്തരമായി സമവായമുണ്ടാക്കാൻ ഇടപെടണമെന്ന് പ്രശസ്ത കവി മാധവൻ പുറച്ചേരി ആവശ്യപ്പെട്ടു. മേയ് അഞ്ചിന് കാസർഗോഡ് നിന്നാരംഭിച്ച ആശമാരുടെ രാപ്പകൽ സമരയാത്രയുടെ കണ്ണൂർ ജില്ലാ പര്യാടനം ഉദ്ഘാടനം ചെയ്യുകയായിരുന്നു അദ്ദേഹം. പയ്യന്നൂർ പുതിയ ബസ് സ്റ്റാൻഡിലെത്തിയ സമരയാത്രയെ കെ-റെയിൽ സമരനായികമാരായ പി. പദ്മിനി, യശോദാമ്മ എന്നിവർ ക്യാപ്റ്റൻ എം.എ. ബിന്ദുവിനെ ഹാരമണിയിച്ച് സ്വീകരിച്ചു. തുടർന്ന് സമരയാത്ര പ്രകടനമായി പെരുമ്പയിൽ എത്തിച്ചേർന്നു. ‌ സ്വാഗത സംഘം ചെയർമാൻ കെ. ജയരാജ് സ്വീകരണ സമ്മേളനത്തിൽ അധ്യക്ഷത വഹിച്ചു. സ്വാഗതസംഘം സമാഹാരിച്ച സംഭാവന സാമൂഹ്യ പ്രവർത്തക എം. സുൽഫത്ത് സമരയാത്രയ്ക്ക് നല്കി.

1500 തിരുശേഷിപ്പുകളുടെ പൊതുദർശനവും വണക്കവും തളിപ്പറമ്പ് ഫൊറോന പള്ളിയിൽ

തളിപ്പറന്പ്: ഈശോയുടെ തിരുസ്ലീവായുടെ തിരുശേഷിപ്പ് മുതൽ പുതിയ തലമുറയിലെ വിശുദ്ധനായ കാർലോസിന്‍റെ വരെ തിരുസഭ വണങ്ങുന്ന 1500 ൽ പരം തിരുശേഷിപ്പുകളുടെ പൊതുദർശനവും വണക്കവും തളിപ്പറന്പ് സെന്‍റ് മേരീസ് ഫൊറോന മരിയൻ തീർഥാടന പള്ളിയിൽ നടക്കും. 17, 18 തീയതികളിൽ രാവിലെ 7.30 മുതൽ രാത്രി 7.30 വരെയാണ് പൊതുദർശനവും വണക്കവും. 17 ന് രാവിലെ 9.30 തിന് തലശേരി ആർച്ച്ബിഷപ് മാർ ജോസഫ് പാംപ്ലാനി ഉദ്ഘാടനം ചെയ്യും. ഈശോയുടെ ശിരസിൽ അണിയിച്ച മുൾക്കിരീടത്തിന്‍റെ അംശം, പരിശുദ്ധ മാതാവിന്‍റെ ശിരോവസ്ത്ര ഭാഗം, വിശുദ്ധ യൗസേപ്പിതാവിന്‍റെ വസ്ത്രഭാഗം, 12 ശ്ലീഹന്മാർ, വിശുദ്ധ എസ്‌തപ്പാനോസ്, പൗരസ്ത്യ പിതാക്കന്മാർ എന്നിവരുടെ പുണ്യശേഷിപ്പുകൾ, ഭാരതത്തിൽ നിന്നുള്ള വിശുദ്ധ അൽഫോൻസ, വിശുദ്ധ ചാവറയച്ചൻ, മറിയം ത്രേസ്യ തുടങ്ങിയ വിശുദ്ധരുടെ തിരുശേഷിപ്പുകളെല്ലാം ഇവിടെ കാണാൻ സാധിക്കും. പൊതുദർശനത്തിന് മുന്നൊരുക്കമായി വികാരി ഫാ. മാത്യു ആശാരിപറമ്പിൽ ചെയർമാനും ഡായി മാത്യു പ്ലാത്തോട്ടം, സിസ്റ്റർ ജെസ്‌ന എഫ്സിസി, ബാബു ഇടത്തുപറമ്പിൽ, സണ്ണി മണ്ണാപറമ്പിൽ, അനിൽ ഇമ്മാനുവേൽ, തോമസ് അർത്തശേരി, ജെറി കാരന്താനം, മാർട്ടിൻ കൊട്ടാരം, മരിയ പ്ലാത്തോട്ടം, സുബി കൊട്ടാരത്തിൽ, സിബി ഐക്കരയിൽ, ബാബു കൊരട്ടിക്കൽ, ഷാജി പൊന്നാംകുടത്ത്, സിബി പരിയാനിക്കൽ എന്നിവർ കൺവീനർമാരായും വിവിധ കമ്മിറ്റികൾ രൂപീകരിച്ച് പ്രവർത്തനം ആരംഭിച്ചു. പ്രവേശനം സൗജന്യമാണ്. ആയിരക്കണക്കിന് ആളുകൾ പ്രദർശനത്തിന് എത്തിച്ചേരുമെന്ന് പ്രതീക്ഷിക്കുന്നതായി സംഘാടകർ അറിയിച്ചു.

കാനോനിക നടപടികള്‍ക്ക് വിധേയരായ വൈദികര്‍ കൂദാശ പരികർമം ചെയ്തത് അപലപനീയം: മാർ ജോസഫ് പാംപ്ലാനി

കൊച്ചി: കാനോനിക നിയമ നടപടികള്‍ നേരിടുന്ന വൈദികര്‍ കൂദാശകള്‍ പരികർമം ചെയ്യാതിരിക്കാനും അവര്‍ മറ്റു വൈദികരെ തിരുക്കര്‍മങ്ങള്‍ക്ക് നിയോഗിക്കാതിരിക്കാനും പള്ളികളുടെ സുഗമമായ പ്രവര്‍ത്തനത്തിന് യാതൊരു തടസവും സൃഷ്ടിക്കാതിരിക്കാനും നിർദേശിക്കുന്നതായി മേജര്‍ ആര്‍ച്ച്ബിഷപ്പിന്‍റെ വികാരി ആര്‍ച്ച്ബിഷപ് മാര്‍ ജോസഫ് പാംപ്ലാനി.എറണാകുളം റിന്യൂവല്‍ സെന്‍ററില്‍, എറണാകുളം സെന്‍റ് മേരീസ് ബസിലിക്ക അംഗങ്ങളായ കുട്ടികള്‍ക്കും മാതാനഗര്‍ വേളാങ്കണ്ണിമാതാ, പാലാരിവട്ടം സെന്‍റ് മാര്‍ട്ടിന്‍ ഡി പോറസ്, തൃപ്പൂണിത്തുറ സെന്‍റ് മേരീസ് ഫൊറോന എന്നീ പള്ളികളിലെ കുട്ടികള്‍ക്കു നല്‍കപ്പെട്ട പ്രഥമ ദിവ്യകാരുണ്യ കൂദാശ പരികര്‍മത്തില്‍, കാനോനിക നടപടികള്‍ക്ക് വിധേയരായ വൈദികർ പൂർണമായോ ഭാഗികമാ‌യോ പങ്കെടുക്കുകയും അവർ മറ്റു വൈദികരെ നിയോഗിക്കുകയും ചെ‌‌യ്തതായി അറിയാൻ കഴിഞ്ഞു. ഇത് വിശ്വാസിസമൂഹത്തിന് വളരെ വേദനയുളവാക്കി. കാനോനിക നടപടികള്‍ക്ക് വിധേയരായ ഫാ. വര്‍ഗീസ് മണവാളന്‍, ഫാ. ബെന്നി പാലാട്ടി, ഫാ. തോമസ് വാളൂക്കാരന്‍, ഫാ. ജോഷി വേഴപ്പറമ്പില്‍ എന്നിവർ കൂദാശ പരികർമം ചെയ്തത് അപലപനീയമാണെന്നും എറണാകുളം-അങ്കമാലി അതിരൂപത പബ്ലിക് റിലേഷൻസ് ഓഫീസർ ഫാ. ജോഷി പുതുവ പത്രക്കുറിപ്പിൽ അറിയിച്ചു.

കൈതപ്രത്തെ രാധാകൃഷ്ണൻ വധം: കുറ്റപത്രം 90 ദിവസത്തിനകം

തലശേരി: ബിജെപി പ്രാദേശിക നേതാവും ഗുഡ്സ് വാഹന ഡ്രൈവറുമായ പരിയാരം പാണപ്പുഴ കൈതപ്രത്തെ രാധാകൃഷ്ണനെ നാടൻ തോക്കുപയോഗിച്ച് വെടിവച്ച് കൊന്ന കേസിന്‍റെ അന്വേഷണം അവസാനഘട്ടത്തിലേക്ക്. 90 ദിവസത്തിനകം കുറ്റപത്രം സമർപ്പിക്കാനുള്ള ഒരുക്കത്തിലാണ് പരിയാരം പോലീസ്. പ്രതികൾക്കെതിരേ ഇതിനകം നിർണായക തെളിവുകൾ പോലീസ് ശേഖരിച്ചു കഴിഞ്ഞു. കഴിഞ്ഞ മാർച്ച് 22 ന് രാത്രി 7.10 നാണ് രാധാകൃഷ്ണൻ വെടിയേറ്റ് മരിച്ചത്. കേസിലെ പ്രതി സന്തോഷിനെ സംഭവദിവസം തന്നെ പോലീസ് അറസ്റ്റ് ചെയ്തിരുന്നു. തുടർന്നുള്ള ദിവസങ്ങളിൽ രാധാകൃഷ്ണന്‍റെ ഭാര്യ മിനി, സന്തോഷിന് തോക്ക് നൽകിയ തിമിരിയിലെ സജോ ജോസഫ് എന്നിവരും അറസ്റ്റിലായിരുന്നു. മൂന്നു പ്രതികളും ഇപ്പോൾ റിമാൻഡിലാണുള്ളത്. "ഞാൻ പറയുന്നത് കേട്ട് എന്‍റെ പെണ്ണിന്‍റെ നെഞ്ചത്തു കേറിയ നിന്‍റെ അടിയന്തിരം ഞാൻ നടത്തുമെന്ന് ഒന്നാം പ്രതി സന്തോഷ് രാധാകൃഷ്ണന് സന്ദേശം അയച്ചതായി അന്വേഷണ സംഘം കണ്ടെത്തി. രാധാകൃഷ്ണനു നേരേ വെടി വയ്ക്കുന്നതിന് അഞ്ചുമിനിറ്റ് മുമ്പാണ് ഒന്നാം പ്രതി ഈ സന്ദേശം അയച്ചത്. അന്നേ ദിവസം സന്തോഷും മിനിയും ചേർന്നുള്ള 10 ഫോട്ടോകൾ രാധാകൃഷ്ണൻ സന്തോഷിന് അയച്ചിരുന്നു. തുടർന്ന് നീ ഇനിയും തെളിവുണ്ടാക്കെടാ.... എന്‍റെ പെണ്ണാണവൾ എന്ന് സന്തോഷ് മറുപടി നൽകിയതായും പോലീസ് കണ്ടെത്തിയിരുന്നു. സന്തോഷും മിനിയും തമ്മിൽ 3015 തവണ ഫോണിൽ സംസാരിച്ചതിന്‍റെ രേഖകളും കണ്ടെത്തിയിട്ടുണ്ട്. കൊല്ലപ്പെട്ട ദിവസം ഇരുവരും 13 തവണ സംസാരിച്ചു. 1207 സെക്കൻഡ് നില നിന്ന ഫോൺ കോളും കണ്ടെത്തിയിട്ടുണ്ട്. ഇരുവരും തമ്മിൽ മണിക്കൂറുകളോളം വാട്സാപ്പ് കോളിലും സംസാരിച്ചിട്ടുണ്ട്. സംഭവദിവസം വൈകുന്നേരം 6.28 ന് 125 സെക്കൻഡും 6.32 ന് 27 സെക്കൻഡും 6.35 ന് 45 സെക്കൻഡും മിനിയും സന്തോഷും ഫോണിൽ സംസാരിച്ചിരുന്നു. ഇത് കേസിൽ നിർണായക തെളിവായി മാറിയിട്ടുണ്ട്.

എഐഎംഐടിയും ജഡ്സൺ യൂണിവേഴ്സിറ്റിയുമായി ധാരണ

മംഗളൂരു: മംഗളൂരുവിലെ സെന്‍റ് അലോഷ്യസ് ഡീംഡ്-ടു-ബി യൂണിവേഴ്സിറ്റിയോടനുബന്ധിച്ച സെന്‍റ് അലോഷ്യസ് ഇൻസ്റ്റിറ്റ്യൂട്ട് ഓഫ് മാനേജ്മെന്‍റ് ആൻഡ് ഇൻഫർമേഷൻ ടെക്നോളജി (എഐഎംഐടി) യുഎസ്എയിലെ ജഡ്സൺ യൂണിവേഴ്സിറ്റിയുമായി പുതിയ ധാരണാപത്രം ഒപ്പുവച്ചു. ജഡ്സൺ, എയു, കാമ്പസ് യുഎസ്എ എന്നിവയുടെ അന്താരാഷ്ട്ര അക്കാദമിക് സഹകരണം, ഗവേഷണ പങ്കാളിത്തം, വിഭവങ്ങൾ പങ്കിടൽ, ഒരു സെന്‍റർ ഓഫ് എക്സലൻസ് (COE) സ്ഥാപിക്കാനുള്ള സാധ്യത പ്രോത്സാഹിപ്പിക്കുക എന്നതാണ് ഈ ധാരണാപത്രത്തിന്‍റെ ലക്ഷ്യം. എഐഎംഐടി ഡയറക്ടർ റവ. ഡോ. കിരൺ കോത്തും ജഡ്സൺ യൂണിവേഴ്സിറ്റി വൈസ് പ്രസിഡന്‍റ് ഡോ. നിക്കി ഫെന്നറുമാണ് ധാരണാപത്രത്തിൽ ഒപ്പുവച്ചത്. സംയോജിത മാനുഷിക വിദ്യാഭ്യാസത്തിനുള്ള പ്രശസ്തിക്ക് പുറമേ, സെന്‍റ് അലോഷ്യസ് ഡീംഡ്-ടു-ബി യൂണിവേഴ്സിറ്റി അതിന്‍റെ സ്കൂൾ ഓഫ് മാനേജ്മെന്‍റ് ആൻഡ് ഐടിക്ക് കീഴിൽ നൂതനവും സമഗ്രവുമായ പ്രോഗ്രാമുകളാണ് നടത്താൻ ഉദ്ദേശിക്കുന്നതെന്ന് സെന്‍റ് അലോഷ്യസ് യൂണിവേഴ്സിറ്റി അധികൃതർ അറിയിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]