കൽപ്പറ്റ: മുണ്ടക്കൈ, ചൂരൽമല ദുരന്ത ബാധിത പ്രദേശങ്ങളിൽ മതിയായ കാരണങ്ങളും ആവശ്യങ്ങളില്ലാതെ ആളുകൾ സന്ദർശിക്കുന്നത് കർശന നിയന്ത്രണം ഏർപ്പെടുത്തിയതായി ജില്ലാ കളക്ടർ ഡി.ആർ. മേഘശ്രീ അറിയിച്ചു.
പ്രദേശത്ത് നിലവിൽ നിയന്ത്രണം ഏർപ്പെടുത്തിയിട്ടും സന്ദർശകർ എത്തുന്നതിൽ പ്രദേശവാസികൾ പരാതി അറിയിച്ചതിന്‍റെ അടിസ്ഥാനത്തിൽ മേഖലയിൽ കർശന നിയന്ത്രണം ഉറപ്പാക്കാൻ ജില്ലാ പോലീസ് മേധാവിക്കും പ്രദേശത്തെ വിനോദസഞ്ചാര കേന്ദ്രങ്ങളിൽ നിന്നും ടൂറിസ്റ്റുകൾ വനമേഖലയിലുടെ ദുരന്ത പ്രദേശങ്ങളിൽ എത്തുന്നത് തടയാൻ സൗത്ത് വയനാട് ഡിഎഫ്ഒയ്ക്കും നിർദേശം നൽകി. അനാവശ്യമായ സന്ദർശനത്തിന് എത്തുന്നവർക്ക് കണ്ട്രോൾ റൂമിൽ നിന്നും പാസ് അനുവദിക്കില്ലെന്നും ജില്ലാ കളക്ടർ അറിയിച്ചു.