മ​ണ്ണു​ഞ്ഞി-കൂ​ട​ര​ഞ്ഞി റോ​ഡ് ത​ക​ർ​ന്ന​ത് യാ​ത്ര​ക്കാ​ർ​ക്കു ദു​രി​ത​മാ​യി
Friday, October 18, 2024 2:57 AM IST
തി​രു​വ​ന്പാ​ടി: മ​ണ്ണു​ഞ്ഞി -കൂ​ട​ര​ഞ്ഞി റോ​ഡ് ത​ക​ർ​ന്ന​തു യാ​ത്ര​ക്കാ​ർ​ക്കു ദു​രി​ത​മാ​യി. കൂ​ട​ര​ഞ്ഞി, തി​രു​വ​ന്പാ​ടി പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന ഈ ​റോ​ഡ് കൂ​ട​ര​ഞ്ഞി​യി​ലേ​ക്കു​ള്ള ബൈ​പാ​സ് ആ​യി ഉ​പ​യോ​ഗി​ക്കാ​ൻ ക​ഴി​യും. മൂ​ന്നു കി​ലോ​മീ​റ്റ​ർ ദൂ​ര​മു​ള്ള ഈ ​റോ​ഡി​ന്‍റെ ഒ​ന്ന​ര കി​ലോ​മീ​റ്റ​ർ തി​രു​വ​ന്പാ​ടി പ​ഞ്ചാ​യ​ത്തി​ലും ഒ​ന്ന​ര കി​ലോ​മീ​റ്റ​ർ കൂ​ട​ര​ഞ്ഞി പ​ഞ്ചാ​യ​ത്തി​ലു​മാ​ണ് സ്ഥി​തി ചെ​യ്യു​ന്ന​ത്.

ക​ക്കു​ണ്ട് -മ​റി​യ​പ്പു​റം റോ​ഡി​ൽനി​ന്ന് ആ​രം​ഭി​ച്ച് മ​ണ്ണു​ഞ്ഞി വ​ഴി കൂ​ട​ര​ഞ്ഞി പ​ഞ്ചാ​യ​ത്ത് ഓ​ഫി​സി​നു സ​മീ​പം എ​ത്തു​ന്ന​താ​ണ് റോ​ഡി​ൽ തി​രു​വ​ന്പാ​ടി പ​ഞ്ചാ​യ​ത്ത് അ​തി​ർ​ത്തി​യി​ൽ ഒ​രു വാ​ഹ​ന​ത്തി​ന് ക​ഷ്ടി​ച്ചു ക​ട​ന്നു​പോ​കാ​നു​ള്ള വീ​തി​യാ​ണു​ള്ള​ത്. കൂ​ട​ര​ഞ്ഞി പ​ഞ്ചാ​യ​ത്ത് അ​തി​ർ​ത്തി​യി​ൽ റോ​ഡി​ന് കു​റെ​ക്കൂ​ടി വീ​തി​യു​ണ്ട്.

മ​റി​യ​പ്പു​റം റോ​ഡി​ൽനി​ന്നു ആ​രം​ഭി​ക്കു​ന്ന മ​ണ്ണു​ഞ്ഞി ജം​ഗ്ഷ​നി​ൽ തോ​ടി​നു മു​ക​ളി​ൽ ക​ലു​ങ്ക് ഉ​യ​ർ​ത്തി ക​ഴി​ഞ്ഞ വ​ർ​ഷം റോ​ഡ് ന​വീ​ക​രി​ച്ചി​രു​ന്നു. ഈ ​ഭാ​ഗ​ത്ത് റോ​ഡ് ഉ​യ​ർ​ന്നാ​ണ് സ്ഥി​തി ചെ​യ്യു​ന്ന​ത്. ഇ​രു​വ​ശ​ത്തും ന​ല്ല താ​ഴ്ച​യാ​ണ്. ഒ​രു വ​ർ​ഷ​ത്തി​നു​ള്ളി​ൽ എ​ട്ടു വാ​ഹ​നാ​പ​ക​ട​ങ്ങ​ളാ​ണ് ഇ​വി​ടെ ഉ​ണ്ടാ​യ​ത്. സു​ര​ക്ഷാ ഭി​ത്തി​യോ കൈ​വ​രി​യോ ഈ ​ഭാ​ഗ​ത്ത് ഇ​ല്ല. മു​ന്ന​റി​യി​പ്പ് ബോ​ർ​ഡു​ക​ളും സ്ഥാ​പി​ച്ചി​ട്ടി​ല്ല.

റോ​ഡി​ന്‍റെ പ​ല ഭാ​ഗ​ത്തും ടാ​റിം​ഗ് പൊ​ട്ടി​പ്പൊ​ളി​ഞ്ഞ് വ​ലി​യ കു​ഴി​ക​ൾ രൂ​പ​പ്പെ​ട്ടു. തി​രു​വ​ന്പാ​ടി പ​ഞ്ചാ​യ​ത്ത് അ​തി​ർ​ത്തി​യി​ൽ തോ​ടി​ന്‍റെ ക​ര​യി​ലൂ​ടെ​യാ​ണ് റോ​ഡ് ക​ട​ന്നു പോ​കു​ന്ന​ത്. പ​ല ഭാ​ഗ​ത്തും തോ​ട് ഇ​ടി​ഞ്ഞ് റോ​ഡി​ന്‍റെ വീ​തി കു​റ​ഞ്ഞ് അ​പ​ക​ട നി​ല​യി​ലാ​ണ്. നാ​ട്ടു​കാ​ർ ക​മു​കി​ൻ​ത​ടി കൊ​ണ്ട് താ​ൽ​ക്കാ​ലി​ക സു​ര​ക്ഷാ​വേ​ലി സ്ഥാ​പി​ച്ചി​ട്ടു​ണ്ട്. റോ​ഡി​ന്‍റെ വ​ല​തു വ​ശം ഉ​യ​ർ​ന്ന പ്ര​ദേ​ശം ആ​യ​തി​നാ​ൽ ഇ​വി​ടെ നി​ന്നും പോ​ക്ക​റ്റ് റോ​ഡു​ക​ളി​ലൂ​ടെ വെ​ള്ളം കു​ത്തി​യൊ​ഴു​കി എ​ത്തു​ന്ന​തും റോ​ഡ് ത​ക​രു​ന്ന​തി​നു കാ​ര​ണ​മാ​കു​ന്നു​ണ്ട്. കൂ​ട​ര​ഞ്ഞി പ​ഞ്ചാ​യ​ത്ത് അ​തി​ർ​ത്തി​യി​ലും റോ​ഡി​ൽ വ​ലി​യ കു​ഴി​ക​ൾ രൂ​പ​പ്പെ​ട്ടി​രി​ക്കു​ക​യാ​ണ്. പ​ഞ്ചാ​യ​ത്ത് ഓ​ഫി​സ് പ​രി​സ​ര​ത്തു​നി​ന്ന് റോ​ഡ് ആ​രം​ഭി​ക്കു​ന്ന ഭാ​ഗ​ത്ത് ഓ​വു​ചാ​ൽ ഇ​ല്ലാ​ത്ത​തി​നാ​ൽ റോ​ഡി​ലൂ​ടെ വെ​ള്ളം കു​ത്തി​യൊ​ഴു​ക​യാ​ണ്. വാ​ർ​ഡ് അം​ഗം റോ​സി​ലി ജോ​സ് സ്വ​ന്തം ക​യ്യി​ൽ​നി​ന്ന് പ​ണം എ​ടു​ത്താ​ണ് റോ​ഡി​ന്‍റെ ഈ ​ഭാ​ഗ​ത്തെ കു​റ​ച്ച് സ്ഥ​ല​ത്ത് ക്വാ​റി വെ​യ്സ്റ്റ് ഇ​ട്ട് ത​ൽ​ക്കാ​ല​ത്തേ​ക്കു ഗ​താ​ഗ​ത​യോ​ഗ്യ​മാ​ക്കി​യ​ത്.


സ​ർ​ക്കാ​ർ പ​ഞ്ചാ​യ​ത്ത് പ​ദ്ധ​തി​ക​ളു​ടെ ഫ​ണ്ട് വെ​ട്ടി​ക്കു​റ​ച്ച​താ​ണു ഗ്രാ​മീ​ണ റോ​ഡു​ക​ളു​ടെ പു​ന​രു​ദ്ധാ​ര​ണ പ്ര​വ​ർ​ത്ത​ന​ങ്ങ​ൾ​ക്കു തി​രി​ച്ച​ടി​യാ​യ​ത്.

തൊ​ഴി​ലു​റ​പ്പു പ​ദ്ധ​തി​യി​ൽ ഉ​ൾ​പ്പെ​ടു​ത്തി തോ​ടി​ന്‍റെ സൈ​ഡ് കെ​ട്ടു​ന്ന​തി​ന് പ​ദ്ധ​തി ത​യാ​റാ​ക്കി​യി​രു​ന്നു. എ​ന്നാ​ൽ, 2022 മു​ത​ൽ ഇ​ത്ത​രം പ​ദ്ധ​തി​ക​ളു​ടെ ഫ​ണ്ട് അ​നു​വ​ദി​ക്കു​ന്നി​ല്ല. പ​ഞ്ചാ​യ​ത്തി​ന്‍റെ ഫ​ണ്ട് ഉ​പ​യോ​ഗി​ച്ച് റോ​ഡ് ഗ​താ​ഗ​ത​യോ​ഗ്യ​മാ​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്കു​മെ​ന്ന് പ​ഞ്ചാ​യ​ത്ത് സ്ഥി​രം സ​മി​തി അ​ധ്യ​ക്ഷ ലി​സി മാ​ളി​യേ​ക്ക​ൽ പ​റ​ഞ്ഞു.

കൂ​ട​ര​ഞ്ഞി പ​ഞ്ചാ​യ​ത്ത് റോ​ഡി​ന്‍റെ ന​വീ​ക​ര​ണ​ത്തി​ന് 17 ല​ക്ഷം രൂ​പ അ​നു​വ​ദി​ച്ചി​ട്ടു​ണ്ട്. ഇ​തു​കൊ​ണ്ട് ന​വീ​ക​ര​ണം പൂ​ർ​ത്തി​യാ​വി​ല്ല. മ​റ്റു ഫ​ണ്ടി​നു വേ​ണ്ടി ശ്ര​മി​ക്കു​ന്നു​ണ്ട്. ജി​ല്ലാ പ​ഞ്ചാ​യ​ത്ത്, ബ്ലോ​ക്ക് പ​ഞ്ചാ​യ​ത്ത് പ​ദ്ധ​തി​ക​ളി​ൽനി​ന്ന് കൂ​ടി സ​ഹാ​യം കി​ട്ടു​മോ എ​ന്നും ശ്ര​മി​ക്കു​ന്നു​ണ്ടെ​ന്നും റോ​സി​ലി ജോ​സ് പ​റ​ഞ്ഞു.