ചക്കിട്ടപാറ: സെക്രട്ടറി സ്ഥലം മാറിപ്പോയതോടെ ചക്കിട്ടപാറ പഞ്ചായത്തിൽ ദൈനം ദിന പ്രവർത്തനങ്ങൾ ഒരു മാസത്തിലധികമായി അവതാളത്തിൽ. പകരം സെക്രട്ടറിയെ നിയമിച്ചിട്ടുണ്ടെങ്കിലും ആൾ ഇതുവരെ സ്ഥലത്ത് എത്തിയിട്ടില്ല. പഞ്ചായത്ത് വാർഡ് വിഭജന പ്രവർത്തന നടപടി ഈ മാസം 21 നു മുമ്പ് പൂർത്തിയാക്കണം.
സെക്രട്ടറി ഇല്ലാത്തതിനാൽ ഇത് നടക്കുന്ന കാര്യം സംശയമാണ്. അസി. സെക്രട്ടറിക്കു ചാർജ് നൽകിയിട്ടുണ്ട്. അതേ സമയം പ്രധാന തീരുമാനങ്ങൾ കൈക്കൊള്ളാനും പുറത്തു പോയി കാര്യങ്ങൾ പരിശോധിക്കാനും സെക്രട്ടറി അനിവാര്യമാണ്. ഇവിടെ നിയമനം കിട്ടിയ സെക്രട്ടറി മറ്റൊരു പഞ്ചായത്തിൽ നിന്നു റിലീവ് ചെയ്തിട്ടുണ്ടെന്നു കേൾക്കുന്നുണ്ടെങ്കിലും ഇതുവരെ ചക്കിട്ടപാറയിലെത്തിയിട്ടില്ല.