ബ്ലോ​ക്ക് ഭ​ര​ണ​സ​മി​തി യോ​ഗ​ത്തി​ൽനി​ന്ന് യു​ഡി​എ​ഫ് അം​ഗ​ങ്ങ​ൾ ഇ​റ​ങ്ങി​പോ​യി
Friday, October 18, 2024 2:57 AM IST
നാ​ദാ​പു​രം: നാ​ദാ​പു​രം ഗ​വ. താ​ലൂ​ക്ക് ആ​ശു​പ​ത്രി​യി​ൽ യോ​ഗ്യ​ത​യി​ല്ലാ​ത്ത​വ​രെ നി​യ​മി​ക്കാ​നു​ള്ള നീ​ക്ക​ത്തി​ൽ പ്ര​തി​ഷേ​ധി​ച്ച് തൂ​ണേ​രി ബ്ലോ​ക്ക് പ​ഞ്ചാ​യ​ത്ത് ഭ​ര​ണ​സ​മി​തി യോ​ഗ​ത്തി​ൽനി​ന്ന് യു​ഡി​എ​ഫ് അം​ഗ​ങ്ങ​ൾ ഇ​റ​ങ്ങി​പ്പോ​യി.

ആ​ശു​പ​ത്രി​യി​ൽ സെ​ക്യൂ​രി​റ്റി നി​യ​മ​നം ന​ട​ത്താ​ൻ ഒ​ക്ടോ​ബ​ർ ഒ​ൻ​പ​തി​ന് എ​ച്ച്എം​സി യോ​ഗ തീ​രു​മാ​ന പ്ര​കാ​രം അ​ഭി​മു​ഖം ന​ട​ത്തി​യി​രു​ന്നു. എ​ന്നാ​ൽ, റാങ്ക് ലി​സ്റ്റ് ത​യ്യാ​റാ​ക്കാ​തെ വ​ഴി വി​ട്ട് നി​യ​മ​നം ന​ട​ത്താ​നാ​ണ് നീ​ക്കം ന​ട​ത്തു​ന്ന​തെ​ന്ന് യു​ഡി​എ​ഫ് ആ​രോ​പി​ക്കു​ന്നു. കു​ടും​ബാ​രോ​ഗ്യ വ​കു​പ്പി​ന്‍റെ 2021 ലെ ​ജി​ഒ (ആ​ർ.​ടി)1735 ഉ​ത്ത​ര​വ് പ്ര​കാ​രം ആ​ശു​പ​ത്രി​ക​ളി​ൽ പ്ര​ത്യേ​കി​ച്ച് ഒ​പി ഡി​പ്പാ​ർ​ട്ട്മെ​ന്‍റി​ൽ സെ​ക്യൂ​രി​റ്റി ജീ​വ​ന​ക്കാ​രെ നി​യ​മി​ക്കേ​ണ്ട​ത് വി​മു​ക്ത​ഭ​ടന്മാ​രി​ൽ നി​ന്നാ​യി​രി​ക്ക​ണം എ​ന്ന് വ്യ​വ​സ്ഥ​യു​ണ്ട്.

എ​ച്ച്എം​സി നി​യ​മി​ക്കു​ക​യാ​ണെ​ങ്കി​ലും വി​മു​ക്ത ഭ​ടന്മാരാ​യി​രി​ക്ക​ണ​മെ​ന്ന് പ്ര​ത്യേ​കം ഉ​ത്ത​ര​വി​ലു​ണ്ട്. ച​ട്ട​ങ്ങ​ൾ മ​റി​ക​ട​ന്നു​ള്ള നി​യ​മ​നം അം​ഗീ​ക​രി​ക്കി​ല്ലെ​ന്നാ​ണ് യു​ഡി​എ​ഫ് നി​ല​പാ​ട്. ബ്ലോ​ക്ക് ഓ​ഫീ​സി​ന് മു​ന്നി​ൽ ന​ട​ന്ന യു​ഡി​എ​ഫ് അം​ഗ​ങ്ങ​ളു​ടെ പ്ര​തി​ഷേ​ധസ​മ​രം നാ​ദാ​പു​രം ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് വി.​വി. മു​ഹ​മ്മ​ദ​ലി ഉ​ദ്ഘാ​ട​നം ചെ​യ്തു. അ​ഡ്വ.​ എ. സ​ജീ​വ് അ​ധ്യക്ഷ​ത വ​ഹി​ച്ചു. വാ​ണി​മേ​ൽ പ​ഞ്ചാ​യ​ത്ത്പ്ര​സി​ഡ​ന്‍റ്് പി.​ സു​ര​യ്യ, ചെ​ക്യാ​ട് പ​ഞ്ചാ​യ​ത്ത് പ്ര​സി​ഡ​ന്‍റ് ന​സീ​മ കൊ​ട്ടാ​ര​ത്തി​ൽ, ബ്ലോ​ക്ക് പ​ഞ്ചാ​യ​ത്ത് അം​ഗ​ങ്ങ​ളാ​യ സി.​എ​ച്ച്. ന​ജ്മാ​ബീ​വി, ന​ജ്മാ യാ​സ​ർ, കെ.​ദ്വ​ര,സു​ഹ​റ ത​ണ്ടാ​ന്‍റെ​വി​ട എ​ന്നി​വ​ർ പ​ങ്കെ​ടു​ത്തു.


ക​ഴി​ഞ്ഞ ദി​വ​സം രാ​ത്രി ഏ​ഴ​ര മ​ണി​യോ​ടെ ഡ്യൂ​ട്ടി​യി​ൽ ഉ​ണ്ടാ​യി​രു​ന്ന ന​ഴ്സിം​ഗ് ഓ​ഫീ​സ​റെ ജ​ന​പ്ര​തി​നി​ധി​യും എ​ച്ച്എം​സി മെ​ന്പ​ർ​മാ​രും ചേ​ർ​ന്ന് അ​ധി​ക്ഷേ​പി​ക്കു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്ത​താ​യി പ​രാ​തി ഉ​യ​ർ​ന്നി​രു​ന്നു. മു​ന്പ് ആ​ശു​പ​ത്രി​യി​ൽ ജോ​ലി ചെ​യ്തി​രു​ന്ന സെ​ക്യൂ​രി​റ്റി ജീ​വ​ന​ക്കാ​ര​ൻ ഡ്യൂ​ട്ടി​ക്കെ​ത്തി​യ​തി​ന്‍റെ നി​ജ​സ്ഥി​തി ആ​ശു​പ​ത്രി​യി​ലെ മ​റ്റ് ജീ​വ​ന​ക്കാ​ർ അ​ന്വേ​ഷി​ച്ച​താ​ണ് പ്ര​ശ്ന​ങ്ങ​ളു​ടെ തു​ട​ക്കം. അ​ല്പ സ​മ​യ​ത്തി​ന​കം ജ​ന​പ്ര​തി​നി​ധി​യും എ​ച്ച്എംസി മെ​ന്പ​ർ​മാ​രും സ്ഥ​ല​ത്തെ​ത്തി ഡ്യൂ​ട്ടി​യി​ലു​ണ്ടാ​യി​രു​ന്ന ന​ഴ്സിം​ഗ് ഓ​ഫി​സ​റെ ഭീ​ഷ​ണി​പ്പെ​ടു​ത്തി സം​സാ​രി​ച്ച​താ​യാ​ണ് പ​രാ​തി. ആ​ശു​പ​ത്രി​യി​ൽ പ്ര​ശ്ന​മു​ണ്ടെ​ന്ന​റി​ഞ്ഞ് നാ​ദാ​പു​രം പോ​ലീ​സും സ്ഥ​ല​ത്തെ​ത്തി​യി​രു​ന്നു.